صفحة 1 من 2 12 الأخيرةالأخيرة
النتائج 1 إلى 5 من 9

الموضوع: اجمل قصه حب في الامارات نهايتها ادخلو وشوف..........

  1. #1
    ... عضو نشيط ...


    تاريخ التسجيل
    Dec 2005
    الدولة
    الكويت دار السلام
    المشاركات
    87
    معدل تقييم المستوى
    1

    افتراضي اجمل قصه حب في الامارات نهايتها ادخلو وشوف..........

    بسم الله الرحمن الرحيم

    قصه حب روووعه في الشارجه لاتفوتكم ...

    عرفتك من قبل مااتعرف عليك ،،،، رسمتك في خيالي حلم غالي


    قبل عيني تشوفك والتقيك ،،،، احبك ياخيالن في خيال



    عبد الله : السلام عليكم
    الشباب : عليكم السلااااااام هلاااااا عبادي
    عبد الله : اشحالكم شخباركم
    الشباب: تمام تعال ايلس
    عيسى ولد عم عبد الله : وينك بو حميد كل مااتصل بك تيلفونك مغلق
    عبد الله : لاماشي كنت راقد
    صقر: يلا شباب قموا انسير نتمشي
    سالم : يلا عالاقل انغير جو
    كلهم : يلا

    شوق وعاشه بنات عم طالعات ويا ربيعاتهن
    هدى اتسوق السياره
    شوق : هدو اوقفي عند اي كفتيريا يوعانه
    عايشه : هيه والله انا بعد
    وياخذون العشا ويسيرون بحيره خالد
    عبد الله : اف ملل
    صقر : عبادي دق على اي رقم خلنا انلعوز الخلق شرات هييج المره
    عبد الله : اوكي
    ويدق عبد الله على اي رقم وترد عليه وحده صوتها ناعم
    شوق : الو
    عبد الله يسكت منصدم جنه سمع صوت بلبل
    شوق : الو منو؟
    عبد الله : الو
    شوق : هلا منو وياي ؟
    عبد الله مرتبك : اختي تيلفون منو هذا
    شوق : انت بغيت منو ؟
    عبد الله : انا بغيت صقر
    صقر : هههههههههههههههه
    شوق : لااخوي غلطان مب تيلفون صقر هذا
    عبد الله : السموحه اختي
    شوق : لا العفو . باي
    عبد الله : باي
    صقر : خيبه بلاك جي ؟
    عبد الله وهو يتذكر صوت شوق : لاماشي بس رحت فيها
    عيسى : ليكون تيلفون بنت
    عبد الله : بنت .....ااااااااااااه لو تسمعون صوتها ... عصفور يغرد
    عيسى : ايه عبود بلاك ( ويضحكون الشباب )

    في نفس الوقت
    عاشه : منو متصل شواقه
    شوق : ماادري واحد يبا صقر اونه
    هدى : متفييج
    احلام : يلا بنات الساعه عشر خلنا نرد بيوتنا
    هدى : تو الناس خلنا نستانس
    شوق : لامافينا نتاخر
    وتوصل هدى كل وحده بيتها وتروح عاشه وياشوق وتبات في بيتهم
    شوق وعاشه يالسات عالتلفيزيون

    محمد ولد عم عاشه وشوق وولد خاله شوق في نفس الوقت واخوها بالرضاعه .. محمد امه توفت يوم انولد وهو عايش وياابوه وهو ولده الوحيد.
    الساعه 12في الليل يدش محمد
    محمد: السلام عليكم
    شوق وعاشه : وعليكم السلام
    محمد : ماشاء الله يالسات
    شوق : غريبه اليوم الخميس ومب طالع وياربعك
    محمد: لا وين
    شوق : تعال شوف الفيلم روعه
    محمد : لاساير الحين وين امي خلود ( ام شوق )
    شوق : راقده شو تبا فيها
    محمد : لابس بسلم عليها .. مب مشكله انا ساير
    شوق وعاشه : الله وياك
    وعقب شوي يرن تلفون شوق ،، تشوف شوق الرقم وتستغرب
    شوق : عواش نفس الرقم اللي اتصل في السياره
    عاشه : ردي بنشوف
    شوق ترد : الو
    عبد الله : مرحبا
    شوق : مرحبتين هلا
    عبد الله : ممكن اخذ من وقتج شوي
    شوق مستغربه : خير
    عبد الله مب عارف شو يقول : لابس حبيت اسلم عليج
    شوق : نعم ؟
    عبد الله يتجرأ وبدون مايحس بعمره : بصراحه انا من اول ماسمعت صوتج ماادري بشو حسيت

    قلبي قام يدق بسرعه
    شوق ساكته ومستغربه
    عبد الله : انا ابا اتعرف عليج ومستعد اني اسعدج
    شوق : انت واحد ماتستحي على ويهك ( وتبند التيلفون )
    شوق اتخبر عاشه بالسالفه كلها
    عاشه : والله انه واحد متفييج ،،، بس تدرين قويه هاي ماتستحي على ويهك
    عبد الله يطرش لشوق مسج : تخطي عليه وانا اسامحك واتصبر واسمع حكي منك واداريه واكنه
    عاشه : شفتي قلت لج
    شوق : انزين شو كنتي تبيني اقول له
    عاشه : اوكي اوكي خلنا من هالسالفه انا بسير ارقد متفيجه ايلس اسمع سوالفج
    شوق : مالت عليج ماتنفعين سيري ارقدي وانا بعد بسير
    عاشه : تصبحين على خير
    شوق : وانتي من اهله
    ترقد عاشه ،،،،،،،، وتيلس شوق اتفكر بالسالفه اللي استوت
    يوم الجمعه الساعه 10 الصبح شوق وعاشه متعودات انهن يتريقن كل جمعه في الكوفي شوب في اي مركز
    شوق تسوق ماخذه سياره امها Bmw
    شوق : يلا عواش اي مركز انسير
    عاشه : شو رايج انسير نتريق في الفردان وعقب نتمشى عالبحيره شوي ، الجوي روعه
    شوق : الى هناك
    وسارت شوق وعاشه الكوفي شوب
    هن يالسيات يتريقن رن تيلفون شوق
    شوق : عواش نفس الرقم
    عاشه : ردي بنشوف شو عنده هالمره
    شوق معصبه وخايفه في نفس الوقت : الو نعم
    عبد الله : اسف لاني البارحه متصل في وقت متاخر بس ماحبيت ارقد بدون مااسمع صوتج
    شوق : جنك تعديت حدودك
    عبد الله : الله يخليج لاتضايجين
    شوق : اخوي عيب اللي اتوونه
    عبد الله : غصبا عني
    شوق : عن هالحركات والسوالف
    عبد الله : اوكي عطيني فرصه اقول اللي في خاطري
    شوق : لا والله ،، كل هذا وبعدك تبا ترمس
    عبد الله : ابا اتعرف عليج والله ماالعب عليج والله اني جاد
    شوق : تبند التيلفون
    عبد الله يرمس ولد عمه: عواس شكله ماشي امل
    عيسى : حاول مره اخرى هههههههه
    عبد الله : رح ،،، عمرك ماكنت جاد
    عيسى : ياعمي شو تباني اقول لك ،، خلها تولي
    عبد الله : شو خلها تولي انا اباها
    عيسى : كيفك انا قلت اللي عندي
    عبد الله : مامنك فايده

    شوق : يلا عواش خلنا انرد البيت علو اخوي بيي الساعه 2
    عاشه : يلا
    شوق عندها اخو واحد اللي هو علي يداوم في الجيش
    الساعه 2 الظهر
    علي: السلام عليكم
    الكل يرد السلام
    ام علي : ولدي وصل
    علي يحب راس ابوه وامه
    علي : اشحالكن بنات
    شوق وعاشه : تمام
    علي : شواقه وين حمود اتصل به مايرد؟
    محمد يدخل : السلام عليكم
    ويردون السلام
    محمد : اوه هذا علو
    علي : هلا والله بو جسوم ( ويتخاشمون )
    علي : وينك كل مااتصل ماترد
    محمد : لا محول تيلفوني
    ام علي : يلا عالغدا

    عبد الله : عواس احس عمري غلطت يوم قلت لها هالرمسه
    عيسى : وايد مهتم بالسالفه
    عبد الله : ماادري ليش
    عيسى : ليكون تحبها
    عبد الله : اتخيل
    عيسى : اتصل بها
    عبد الله : على مسئوليتك
    عيسى : يلا اتصل
    ويتصل عبد الله
    شوق تشوف الرقم وهي يالسه تتغدى والكل يطالعها
    علي : بلاج ردي
    عاشه فهمت واشرت لها عسب اترد ومحد يشك فيها
    شوق ترد : الو
    عبد الله : اف مابغيتي
    شوق : هلا والله
    عبد الله مستغرب ومستانس : اشحالج
    شوق : تمام انت اشحالج
    عبد الله فهم السالفه : تمام عندج حد؟
    شوق تضحك صحكه خوف وارتباك : هلا حبيبتي حد يدق هالوقت
    عبد الله : اوكي اوكي فهمت عليج بخليج باي
    شوق : باي
    عاشه تبا اتغير السالفه: شو الدوام وياك علو؟
    علي : والله اوكي الحمد لله
    عاشه شافت شوق مرتبكه وقالت : اكيد هاي مريوم
    شوق : هاهيه
    عاشه : ماعندها سالفه
    ويكملون غداهم
    عبدالله : الله يخس ابليسك شو سويت
    عيسى : ههههههههه انا ما يخصني
    عبدالله : هيه الحين ما يخصك ,,,, توبة مرة ثانية ما باخذ رايك
    عيسى: هههههههههههههه
    الساعة 4 العصر
    في غرفة شوق
    شوق: تدرين عواش بتصل به وبأدبه
    عاشة : لا تتهورين
    شوق : شو لازم اوقه عند حده
    عاشة : كيفج
    شوق تتصل وعبدالله شاف الرقم ونقز
    عبدالله : الو
    شوق : انت شو .,,, شو اقول عنك ماتستحي ؟
    عبدالله : والله اسف سامحيني مب قصدي
    شوق استحت يوم قال سامحيني : اخوي والله عيب اللي اتسوونه
    عبدالله : والله اسف
    شوق : اخوي خلاص مافي داعي للاعتذار بس احسن انك ما اتدق على هالرقم
    عبدالله : ليش انت قاسية ؟ ليش ما تحسين فيني؟
    شوق منصدمة ومستغربة: نعم؟
    عبدالله : انا اباج
    شوق : يلا باي ( وتبند)
    عاشة : شو قال؟
    شوق مستغربة اول مرة يصير لها هالموقف
    عاشة : شواقة بلاج ؟
    شوق تخبر عاشة باللي استوا
    عاشة : أي ريال بيذل عمره وبيتحمل وحدة اتقوله ما تستحي وترمسة بهالطريق وتبند التيلفون في ويهه
    شوق : انزين شو تبيني اسوي كنت معصبة
    عاشة : حتى لو معصبة
    شوق : اذا ما سويت جي بياخذ عني فكرة
    عاشة: ليش يهمج؟
    شوق : انا ما ابا اوسخ اسمي جدام الناس
    شوق يوصل لها مسج من عبدالله " اسف"
    عاشة : حليله
    شوق: والحين شو اسوي؟
    عاشة : خلاص بعد شو
    يظل عبدالله يتصل بشوق وشوق ما ترد عليه
    ويطرش لها مسجات " حني علي يابنت الناس تراني انسان من قلب واحساس"
    "قالوا ترى مالك امل في قربها لو يوم
    ابعد وجن في دربها هذا هو المقسوم
    قلت اتركوني واسكتوا وخلوا العتب واللوم
    قدني غرقت فبحرها ولا عاد يفيد اللهم"
    عبدالله شاف انه ما شي فايدة وطرش لها اخر مسج "سيلي يادموع عيني واحرقي حتى الجفون وابكي على اللي فارقوني ما اظنهم يردون"
    حـــــــــــن قـــــــلـــــــب شـــــــــــــــوق
    شوق : عواش ليش ما قام يتصل ولا حتى يطرش مسجات ؟
    عاشة: هذا اللي كنت تبينه
    شوق : اف بس خليني فحالي
    عاشة: طاعوا .. ترمس عقب اتسكتني
    في يوم من الايام
    عبدالله طالع ويا ربعه قوم سالم ومنصور وصقر
    سالم: عيل وين عواس
    عبدالله مشغول قال عقب بيي
    سالم : يعرف إنا في صحارى؟
    عبدالله : هيه خبرته
    منصور: هذو وصل
    عيسى يسلم على ربعه: وينكم من متى ادور عليكم
    صقر : نترياك عسب انسير نتعشى
    عيسى: وانت مب هامنك غير بطنك يالدب،،،،،،، يلا نسير
    وكل واحد يسولف ويا الثاني
    عبدالله يرمس عيسى: عواس من زمان ما سمعت صوتها
    عيسى : بعدك ما نسيتها؟
    عبدالله : كيف انساها؟
    عيسى : عقب كل اللي سوته
    عبدالله : هيه يا اخي اكتشفت اني احبها كيف حبيتها بهالسهولة ما ادري؟
    عيسى: انت اتحب؟؟ ما اصدق... اوكي اتصل بها
    عبدالله: عقب كل هالفترة ؟
    عيسى : سبحان الله يمكن ترد
    عبدالله :بجرب بس على مسئوليتك
    عيسى : يعمي على مسئوليتي بس اتصل
    ويتصل عبدالله
    شوق في بيت عمها اللي هو ابو عاشة منسدحة على الشبرية ويرن تيلفونها وقامت وخذت التيلفون ويوم شافت الرقم طارت من الفرحة وقالت : عواش هو
    عاشة : بسم الله زيغتيني ردي انزين
    شوق ترد: الو
    عبدالله : اخيرا
    شوق مسوية عمرها معصبة : نعم
    عبدالله : ليش اتعيشيني في عذاب ،، ليش انا بعينج سراب
    شوق : خير شو تبا؟
    عبدالله : دخيلج حسي فيه ارفقي بحالي ترى حبج لقيته بالوريد وانتي عادي لو اغيب ولو دوم اتصل
    شوق : انا اول مرة اشوف واحد يترجى وحدة ويذل عمره عسب اتسويله سالفة
    عبدالله :ليش انا العب .. قلت لج انا جاد والله جاد
    شوق: عقب كل اللي سويته فيك ؟
    عبدالله : انا احــــــــــــــــبج
    شوق شاقة الحلج وساكته
    عبدالله : تسمعيني الو
    شوق وبــــــكـــــل حنــــــــان: وينك انت من زمان؟
    عبدالله مب مصدق عمره : ليش ؟؟ اشتقتي لي ؟
    شوق : بصراحة .. هيه
    عبدالله طاير من الفرحة وحاس ان ريوله مب شالتنه : والله؟؟
    شوق وبرقة: من يوم قطعت عنا وما قمت تتصل وانا اترياك
    عبدالله : ما اصدق انا اكيد احلم
    شوق تضحك برقة
    عبدالله : فديت هالضحكة والله
    ويلسوا يسولفون ويسألون عن بعض وما يحسون بالوقت
    وتمر الايام على هالحالة
    شوق سهرانه عالنت وابوها وامها يالسين يشوفون التلفزيون ( فلم مصري جديم )
    وهم يالسين يتصل علي من المستشفى
    ابوعلي : الو
    علي : ابوي حمود في المستشفى مسوي حادث
    ابوعلي يصرخ: أي مستشفى
    علي: القاسمي
    ابو علي : اوكي يلا الحين انا ياي
    ام علي : عبدالله شالسافة
    ويخبرها
    ام علي : بسم الله على ولدي بسرعة خلنا نسير
    بوعلي: شواقة تمي انت هني
    شوق : ابوي ابا ايي
    ابوعلي : بس خلاص ايلسي
    ويطلعون
    شوق يالسة بروحها في البيت ومب عارفة شو اتسوي
    وعقب شوي تاخذ شوق التيلفون وتتصل بعبدالله
    عبدالله: هلا شواقة
    شوق وهي تصيح : عبادي حمود مسوي حادث وتخبره بكل شي
    عبدالله : وليش اتصيحين شو تباني اسوي ايلس اضحك؟
    عبدالله : لا قصدي ان شاء الله بيقوم بالسلامة
    شوق : عبادي ليش جي اعصابك باردة؟
    عبدالله: شوق حبيبتي ليش خايفة قلت لج ان شاء الله بيقوم بالسلامة
    شوق : كيف ما تباني اخاف على انسان غالي علي
    عبدالله منصدم
    يرن تيلفون البيت وتفر شوق تيلفونها وترقض عسب ترد على التيلفون ويطمنها ابوها على محمد
    عبدالله حس بغيرة من محمد ويلس يكلم عمره : لهالدرجة شوق تحبه؟؟ زين انا وين سرت ؟؟ اتبند التيلفون في ويهي عشانه زين ليش جي انا احبها..
    ويلس يفسر السالفة الف تفسير
    شوق على نياتها تتصل بعبدالله عسب اطمنه على محمد
    يرد عبدالله بصوت حزين: الو
    شوق : عبادي حمود فديته بخير الحين
    عبدالله : الحمدلله على سلامته
    شوق حست من صوته انه فيه شي
    شوق: عبادي بلاك
    عبدالله: لا ماشي
    شوق : عبادي ترى صوتك مول مب عايبني
    عبدالله: ليش تهمج حالتي؟

    تمر الايام وهم مايشوفون بعض
    عبدالله : الو شوق
    شوق : هلا عبادي
    عبدالله : مشتاق لج
    شوق : وانا اكثر
    عبدالله : ابا اشوفج
    شوق : لا انسى
    عبدالله : شواقة والله مشتاق لج والله حرام عليج
    شوق : انت ما تحس بالخطورة عبادي انت ريال وانا بنت
    عبدالله : افففف بنسمع كلامج شو بنسوي بعد
    شوق : ابا اتعرف على خواتك
    عبدالله : دوم ارمس اختي عنود عنج خاطرها اتشوفج
    شوق : والله؟؟ اوكي عيل عطني رقمها
    ويعطيها الرقم
    شوق : اوكي باي بسير اتصل بها
    عبدالله : خيبة تو الناس
    شوق : يلا بسك باي
    عبدالله يضحك : باي
    ــــــــــــــــــــــــــــــــــــــــــــــــــ


    ــــــــــــــــــــ
    تتصل شوق بعنود اخت عبدالله
    عنود : ألو
    شوق : السلام عليج
    عنود : عليكم السلام
    شوق : اشحالج شخبارج شمسوية
    عنود: والله تمام منو وياي؟
    شوق: اتوقعي
    عنود : والله ما اعرف .. اول مرة اسمع صوتج
    شوق : وياج شوق المهيري
    عنود : انت شوق ؟؟ شوق شوق !!!
    شوق : هيه ليش مستغربة .. خذت رقمج من عبادي توني مرمستنه
    عنود : يامرحبا والله اشحالج
    شوق : والله تمام
    عنود : والله ما توقعت
    شوق : خبرني عبادي عنج
    عنود : وانا بعد دوم يرمسني عنج
    شوق : والله ما شي بس حبيت اسلم عليج واتعرف
    عنود : والله يشرفني هالشي وانا بعد حبيت اتعرف عليج
    ويتمون يسولفون وكل يوم يرمسون بعض لين ما استووا ربع
    ــــــــــــــــــــــــــــــــــــــــــــــــــ

    ــــــــــــــــــــــــــ
    في يوم من الايام
    شوق تتصل بعنود
    عنود : هلا شواقة
    شوق : اقول عنودوه انا وعواش بني بيتكم اليوم
    عنود: والله !!! ياسلااااام والله وناسة ..... بس تعرفين وين بيتنا؟؟
    شوق : لا والله انت قولي لي
    وتخبرها عنود
    شوق : يلا يايين باي
    عنود : باي
    ــــــــــــــــــــــــــــــــــــــــــــــــــ

    شوق وعاشة يوصلون ويدقون الباب وتفتح الشغالة الباب
    عنود : هلا والله هلا
    يسلمون على بعض وهاي اول مرة يشوفون بعض فيها
    عنود : انت شوق يعني
    ويسولفون
    عبدالله ياي من برع
    يدخل الصالة وينصدم بوجود شوق
    ام عبدالله: عبادي وين داش بنات هني
    عبدالله: ها.... ما كنت اعرف ( ويسير غرفته)
    يتصل عبدالله بعيسى
    عيسى : هلا ولد العم
    عبدالله: عواس شواقة في بيتنا مب مصدق
    عيسى : كيف عرفت بيتكم
    عبدالله: أكيد عنودوه خبرتها يلا باي ويبند
    عيسى معصب: صدق مايستحي يصك التيلفون في ويهي
    ــــــــــــــــــــــــــــــــــــــــــــــــــ


    ــــــــــــــــــــــــــــ
    عبدالله ينزل من غرفته ويزقر عنود من ورا الباب
    عنود: ها ياية
    عبدالله يكلم عنود بصوت واطي: عنودو شوق كيف عرفت بيتنا ومتى يت ويتم يسألها
    عنود : اففففف عقب بخبرك ( وماتعطيه ويه)
    ام عبدالله : يلا عيل انا سايرة ايلسوا سولفوا
    عنود : امي وين سايرة ؟؟
    ام عبدالله : عند ام حصة ..ساعة وبرد ( وتطلع)
    عنود: اف شواقة عبادي يالس يسألني عنج كيف ومتى وماادري شو
    شوق : حرام والله ما كنت اباه يعرف
    عاشة : عادي .. زين يوم عرف
    شوق : وينه هو الحين
    عنود : فوق
    شوق : بنتصل به ( وتتصل)
    عبدالله: هلا بالحب
    شوق تضحك : اشحالك
    عبدالله : شواقة كيف عرفتي البيت ومن متى انت هني
    شوق : اهو عرفت وييت وخلاص
    عبدالله : زين يوم ييتي .. امي وينها
    شوق : توها طلعت... يلا عبادي ببند عنك سايرين نحن
    عبدالله : لاااااا تون الناس
    شوق : هههههه انت اشلك يالس وياي انت
    وتبند شوق عن عبدالله وتسلم على عنود وتتطلع هي وعاشة
    ــــــــــــــــــــــــــــــــــــــــــــــــــ


    ــــــــــــــــــــــــ
    في السيارة
    شوق: فديته عبادي شفتيه يخبل وهو متغتر
    عاشة : ليش ما كان متغتر يوم كنا في الفردان ؟؟
    شوق : كيفه انت اشلج شي راجع له
    عاشة : ويييي ما يكشخ لج
    شوق : مايخصج
    ــــــــــــــــــــــــــــــــــــــــــــــــــ

    ـــــــــــــــــــــــ
    في بيت عبدالله
    عبدالله وعنود وعليا اخته الصغيرة يالسين
    ام عبدالله تدخل : السلام عليكم
    يردون السلام
    ام عبدالله: وين البنات؟؟
    عنود : روحوا
    ام عبدالله: ما تعشوا؟؟
    عنود : لا ما يبون
    ام عبدالله: ما شاء الله عليهن جمال واخلاق
    عنود تطالع عبدالله: هيه ما شاء الله
    ام عبدالله : عبادي شرايك فيهن مب انت شفتهن
    عبدالله : انا بصراحة عيبتني هاي اللي كانت يالسة هني
    ام عبدالله: كلهن حلوات
    عنود: ليش تبينها حق عبادي
    ام عبدالله : ليش لا
    عليا : وي ما يستاهلها
    ام عبدالله : ليش ولدي شو ناقصنه
    عبدالله: امي متى بعرس
    ام عبدالله : شالسالفة الظاهر ان البنت خبلت بك
    ويضحكون
    وتيلس ام عبدالله تسأل عن البنت
    ــــــــــــــــــــــــــــــــــــــــــــــــــ

    ـــــــــــــــــــــــــــ
    وتمر الايام
    عبدالله يكشخ عسب يسير هو وامه واخته يخطبون شوق حقه
    عبدالله : يلا امي ما خلصتوا ؟
    ام عبدالله : يلا ابوي سرنا
    ــــــــــــــــــــــــــــــــــــــــــــــــــ

    ــــــــــــــــــــــــــــ
    في بيت قوم شوق
    ام علي: شواقة امي دخنتي الميلس
    شوق هيه
    ام علي : يلا يايين الناس
    شوق اتسير غرفتها
    ويوصلون ويدقون الجرس ويفتح اخوها علي الباب
    ويسير عبدالله ميلس الرياييل والحريم في ميلس الحريم طبعا
    ويتفقون على كل شي ويحددون موعد الملجة
    ــــــــــــــــــــــــــــــــــــــــــــــــــ

    ـــــــــــــــــــــــــــ
    ويي يوم الملجة
    عبدالله فرحان وحاس عمره اسعد ريال في الدنيا ويكشخ حق الحفلة
    شوق في الصالون وهي بعد فرحانه وكانت تتريا هاليوم
    يتصل عبدالله بشوق
    شوق : هلا عمري
    عبدالله : هلا حبيبتي
    شوق : خير؟؟ متصل
    عبدالله : مشتاق لج .. حرام الواحد يشتاق حق حرمته
    شوق : بعدني مب حرمتك وبعدين شو مشتاق عقب بتمل مني
    عبدالله : يمكن انت اتملين بس انا لو ايلس وياج الدهر كله مستحيل اني امل منج
    شوق ساكته
    عبدالله: اخيرا بتكونين حقي
    شوق : عبادي تراك عطلتني ماتخليني اتعدل ولا شي
    عبدالله : اتعدلي حبيبتي اتعدلي ابا اشوفج احلى بنت في الشارجة مب بس في الشارجة في الدنيا كلها
    شوق : عيل بند
    عبدالله: يلا باي
    شوق : باي
    ــــــــــــــــــــــــــــــــــــــــــــــــــ

    ـــــــــــــــــــــــــــ
    الكل مشغول .. البنات في الصوالين والشباب كل واحد بصوب ويكشخ
    وبدوا المعازيم يزيدون
    وصلت شوق من الصالون هي وامها وسارت غرفتها
    ام شوق : يلا حبيبتي شواقة الناس كلهم تحت
    شوق : يلا نازلة
    وقبل ما تنزل شوق يرن التيلفون
    شوق : الو
    محمد : الو شواقة عبدالله سوا حادث وودوه المستشفى
    شوق تصرخ مب قادرة تتحمل الصدمة ويغمى عليها
    ام علي تصرخ: شوق شوفيج وتزقر عنود وخواتها
    عنود: شالسالفة خالو... شو بلاها شوق
    ام علي : ما ادري منو متصل وشوقال لها وطاحت
    وعرفوا المعازيم السالفة وروحوا بيوتهم وهم يسألون كيف وليش وغيره
    سارت ام عبدالله وام علي وشوق وعنود وخواتها المستشفى
    ــــــــــــــــــــــــــــــــــــــــــــــــــ

    ـــــــــــــــــــــــــــ
    الكل مشغول .. البنات في الصوالين والشباب كل واحد بصوب ويكشخ
    وبدوا المعازيم يزيدون
    وصلت شوق من الصالون هي وامها وسارت غرفتها
    ام شوق : يلا حبيبتي شواقة الناس كلهم تحت
    شوق : يلا نازلة
    وقبل ما تنزل شوق يرن التيلفون
    شوق : الو
    محمد : الو شواقة عبدالله سوا حادث وودوه المستشفى
    شوق تصرخ مب قادرة تتحمل الصدمة ويغمى عليها
    ام علي تصرخ: شوق شوفيج وتزقر عنود وخواتها
    عنود: شالسالفة خالو... شو بلاها شوق
    ام علي : ما ادري منو متصل وشوقال لها وطاحت
    وعرفوا المعازيم السالفة وروحوا بيوتهم وهم يسألون كيف وليش وغيره
    سارت ام عبدالله وام علي وشوق وعنود وخواتها المستشفى
    ــــــــــــــــــــــــــــــــــــــــــــــــــ


    ــــــــــــــــــــــــــــ
    في القاسمي
    عند العناية المركزة الكل يتريا الدكتور يطلع
    شوق اتصيح صياح ومحد يقدر يسكتها امها اتصيح على حالة شوق بنتها
    والبنات بعد يصيحون هم وامهم
    شوق وهي اتصيح : عبادي امي .. عبادي راح
    ام علي : بسم الله عليه امي ادعي له يقوم بالسلامة
    يطلع الدكتور والكل يسير له( خير دكتور شوفيه؟؟)
    الدكتور : حالته وايد صعبة محد يدش
    شوق حاسة عمرها بتموت وتيلس عالارض وتصيح
    علي يشوف اخته بهالاحالة ويصيح: شوق حبيبتي الحين بيقوم ان شاء الله لا تصيحين
    واخوات عبدالله وامهم يصيحون
    بوعلي : علو انت وحمود ودوا الحريم البيت
    ( محد طايع يسير)
    بوعلي : انزين عالاقل سيروا ايلسوا
    ( محد طايع يسير)
    االدكتور : محد يدخل
    شوق تصيح: دكتور انا بدخل
    الدكتور : مستحيل الريال حالته خطرة
    شوق : دكتور بموت اذا ما شفته
    وتدخل شوق وام عبدالله غصب والدكتور مب راضي
    شوق تمسك ايد عبدالله واتصيح وامه طلعت ما قدرت تتحمل انها اتشوف ولدها بهالحالة
    السستر اتشوف دقات قلب عبدالله قامت تتباطأ وترقض وتزقر الدكتور
    يخل الدكتور ويودون عبدالله غرفة العمليات
    الكل واقف عند غرفة العمليات وحالتهم حالة
    يطلع الدكتور منزل راسه
    راحوا للدكتور: دكتور طمنا
    الدكتور: البقية فحياتكم
    ام عبدالله صرخت واغمى عليها والبنات مب عارفين يصيحون على امهم والا على اخوهم اللي اتوفى توه
    والرياييل انشغوا وساروا يودون ام عبدالله
    وعيسى دخ يشوف ولد عمه عبدالله اللي مات ويصيح عليه
    شوق صرخت وصوتها وصل لآخر المستشفى وطلعت ومحد عارف وين سارت.....

    حبيت هالقصه انقلكم اياها ان شاء الله تعجبكم تحياتي........

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي هلا

    هلابك

    قصه رائعه---نهايتها فيها عبره لمن يعتبر--- الدنيا وتقلبات

    القدر === اللهم أرحم عبادك برحمتك==

    مرحبآ بأهل الكويت بيننا نرحب بتواصلك معنا---

    هلا وغلا بك وبتواصلك المميز==

    هناك أمر--لا أستطيع مراسلتك كون مشاركاتك لم تبلغ100 لذلك

    أعتذر لك عن التنويه هنا بأن العضو يشارك بموضوع واحد فقط

    خلال الاسبوع ونتجاوز لموضوعين وما عدى ذلك يحذف وذلك لترك

    فرصه للجميع بالمشاركه وليأخذ موضوعك حقه من التصفح===

    أمل أن أجد العذر لديك---

    تحيه--الحوراء--بنت نجد

  3. #3
    ... عضو نشيط ...


    تاريخ التسجيل
    Dec 2005
    الدولة
    الكويت دار السلام
    المشاركات
    87
    معدل تقييم المستوى
    1

    افتراضي

    يسلمووووووووووو على المرور العسل

  4. #4
    ... عضو ذهبي ...


    تاريخ التسجيل
    Aug 2005
    الدولة
    دنيـــا مالها صــاحبـ
    المشاركات
    852
    معدل تقييم المستوى
    1

    افتراضي

    تسلمين ع القصه ..
    .

  5. #5
    ... V I P...


    تاريخ التسجيل
    May 2005
    الدولة
    سعودي يبو
    المشاركات
    8,248
    معدل تقييم المستوى
    9

    افتراضي

    يعطيكي الف عافيه خييتو ع القصه :25ar:

صفحة 1 من 2 12 الأخيرةالأخيرة

المواضيع المتشابهه

  1. صــدفة نهايتها صدفة
    بواسطة اميرة العناد في المنتدى قصائد وخواطر
    مشاركات: 18
    آخر مشاركة: 07-09-2006, 01:45 PM
  2. هل تعلمون ان الرجل اجمل من المرأه ...ادخل وشوف بنفسك
    بواسطة العيناويه الصغيره في المنتدى الارشيف
    مشاركات: 1
    آخر مشاركة: 03-08-2006, 12:57 PM
  3. يقولون هذا المنتدى يحمل اجمل عبارات الترحيب خلينا نشوف
    بواسطة شـمـوخ أنـسـانـه في المنتدى الارشيف
    مشاركات: 24
    آخر مشاركة: 19-04-2006, 08:29 AM
  4. اجمل النكت عن المحششين ادخلو واضحكو هههههههه !!
    بواسطة ولد الغربيه في المنتدى الارشيف
    مشاركات: 5
    آخر مشاركة: 05-11-2005, 09:25 PM
  5. ادخلو ادخلو.. الزين عند اشين والشين حوالينا < يقصد عا11بر
    بواسطة اشـــ واحد ــين في المنتدى الارشيف
    مشاركات: 14
    آخر مشاركة: 26-05-2005, 12:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52