النتائج 1 إلى 4 من 4

الموضوع: مقتطف من الشاعر عكاشه

  1. #1
    ... عضو جديد ...


    تاريخ التسجيل
    Dec 2005
    المشاركات
    18
    معدل تقييم المستوى
    0

    Love مقتطف من الشاعر عكاشه

    السلام عليكم ورحمة الله وبركاته

    طابت اوقات الجميع بالمسرات


    فلسفه غير مسئوله !!


    مجال الفلسفه قـافٍ علـى طـول الزمـن ماشـاب
    .................... مفاتيحـه خيـالٍ خـصـب والا دافــعٍ مـغـري

    واذا حـررت قيـد الفكـر تفقـد شكلهـا الخـلاب
    .................... تخاطفـك النـوايـا والنـوايـا شـرهـا يـجـري

    نوايا الخلق .. محجوبه عن عيون البشـر بحجـاب
    .................... ولكـن مـن توجههـا يبيـن الجـانـب الـسـري

    مدى حجم التفـاوت.. فالنوايـا مـا حـواه اكتـاب
    .................... يجوز انـه تجـاوز خانـة المليـون مـن بـدري

    وفلاسفة الزمن هذا على الفاضـي , وفتـل اشنـاب
    .................... مثالين اكتفي فيهن .. عسـى الهدهد فـدا القمـري

    نزايع بكـر لـو شافـت طلايـع محمـل الحـراب
    .................... من اعراف البديهـه قومـة البكـري مـع البكـري

    قريت العام لي قصه على طرقيـن (بـاك) و(كـاب)
    .................... بطلها كـان متفـرج ..وشكـل إنتاجهـا حصـري

    كسا وجه البطـل غيـضٍ يـدور للخـروج اسبـاب
    .................... علـى همـه يورالـه بريـق الكوكـب الــذري!!

    حذف فعل الضمير وحط تقديـره (علـى المشعـاب)
    .................... وعلامة رفعة البلجيـك .. كسـرة راعـي الجثـري

    بدى فكر التفلسف ينصـدع مـن صيغـة الاعـراب
    .................... بعد كف الحقيقه .. قـام يصفـق وجههـا المـزري

    كشف (بـوزو) غمـوض المافيـا برواية(العـراب)
    .................... بغـا التاريـخ ميـلادي .. ولكنـه مشـى هجـري

    وانا مـا اجحـد توهـج كلمته..وابداعهـا الجـذاب
    .................... ولا افسد صورته فالعيـن ..غير..ارهابـه الفكـري

    تناوشني جنون الشعـر صلفـه ليـن فكـت بـاب
    .................... وابا اعزلها عن الاحـداث حتـى يستـوي عـذري

    لـك الله ياقريـنٍ عشـت بيـن الربـع والاجنـاب
    .................... وغيرك لو تغـرب مـات مـن وسواسـه القهـري

    انـا ماشفـت مثلـك يالقريـن اللـي قرينـك داب
    .................... تعقـد السـم والتريـاق مـع شيطانـي الشعـري

    تعقد العهد والطرقه علـى مبـدى وفـا واصحـاب
    .................... عليهـا بـاديٍ بسـم الله الرحـمـن والعـصـري

    عهدنـا سـاري المفعـول يبقـى مابقـا المرقـاب
    .................... مداهيلـه ورى حـد السحـاب ونجـم مايـسـري

    مـن اول يـوم.. لاخـر يـوم لايـدرق ولاكـذاب
    .................... نتاج الفكـر كلـه مـن نتـاج احساسـك الفطـري

    ضربت الارض طول وعرض واحساس التعب ماغاب
    .................... ضربت الارض عرض وطول واحساب الزمن عشري

    اقيس ابعد مسافه قبل احـدد خاطـري وش جـاب؟
    .................... واميـز ريشـة النـادر واميـز ريشـة الـوكـري

    ولا احتـاج لتكتـل او تشكـل مـع نظـام احـزاب
    .................... على وضح النقـا حزبـي وهـذا حزبـي الفخـري

    وعلـى قانـون لانكـذب .. ولا نخلـف ولا نرتـاب
    .................... ولا اداهن ولا اجامـل مـع الجاهـل وانـا مـدري

    ولا البس ثوب عاريه..لـو اجلـس ماعلـي ثيـاب
    .................... هواجيس العنا ما ارمي عناهـا..إلا علـى صـدري

    يقولون القلـق يكبـر ليـا وافـق شريعـة الغـاب
    .................... وانا اضحك من طريقة شخص حاول ينتقص قدري!

    يقول انه خصيمـي وان تواجهنـا عطـى المجنـاب
    .................... مـن الشعـر المقفـى.. لايحولهـا علـى النثـري

    لو اشعب له شياطيني بعد ساعـه يجيـه اعصـاب
    .................... جميع اوراقـه الصفـراء يـبعثرها قـلـم مبـري

    مادام ان التناسـخ حيلـة العاجز..لمـا الاعجـاب؟
    .................... بيان السحر مـن سحـر البيان..وهيبـة السحـري

    تقول اوجز !! لانـك ماعرفـت الاصـل فالإطنـاب
    .................... غشيـمٍ ماتعـرف اصـل اللغه..فالمنهـج المقـري

    اذا تركيبة الجمله عليـك اصعـب مـن الاسهـاب!!
    .................... بـلاش اتقيـم العالـم حسـب تفكيـرك الفـقـري

    نهايتـها تـشيـب الفلسـفه والقـاف تـوه شـاب
    .................... وعذراً لـو حصـل منـي زلـل يالدافـع المغـري


    الشاعر :سيف السيف عكاشه عمي ابو عبدالله :5ar: :44ar:

  2. #2
    شاعر مشاعر


    تاريخ التسجيل
    Sep 2005
    الدولة
    جوار قبروالــدي
    المشاركات
    1,471
    معدل تقييم المستوى
    2

    افتراضي

    أخوووووي
    عاشق خالد


    لاهنت ولاهااان عمك

    وصح بنك وانااخوك


    تحياتي لك

    شـــاعر مشاعر

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي عاشق خالد

    عاشق خالد

    القصيده == بلا شك قصيده رائعه قويه ذات طابع

    مميز معبر--- هنا همس القوافي لنشر الشعراء قصائدهم

    ننتقل بالقصيده لقسم القصائد المنقوله وحسب ذكرك أنها

    للشاعر سيف (ابوعبدالله عمك) فهي ضمن المنقول نشكر

    لك هذا الحضور بيننا ----

    مرحبآ بتواصلك عاشق خالد----

    تحيه--الحوراء--بنت نجد

  4. #4
    ... عضو جديد ...


    تاريخ التسجيل
    Dec 2005
    المشاركات
    18
    معدل تقييم المستوى
    0

    افتراضي

    مشكورين على الردود بس وين الباقي

المواضيع المتشابهه

  1. الشاعر محمد الفليج يرثي صديقه الشاعر ابن جلعود المنجلي السهلي /صوتيه
    بواسطة الحوراء بنت نجد في المنتدى قصائد وخواطر
    مشاركات: 7
    آخر مشاركة: 18-09-2008, 05:52 AM
  2. قصيدة الشاعر الكبير شاعر الوطن الشاعر:خلف بن هذال العتيبي
    بواسطة الحوريه الخجوله في المنتدى قصائد وخواطر
    مشاركات: 0
    آخر مشاركة: 16-05-2007, 09:18 PM
  3. (( الشاعر الكبير خالد الدغيلبي ) مرحبآ بك بيننا أيها الشاعر
    بواسطة الحوراء بنت نجد في المنتدى الارشيف
    مشاركات: 12
    آخر مشاركة: 30-08-2006, 07:54 PM
  4. تك ,, تك عكاشه
    بواسطة عاشق خالد في المنتدى قصائد وخواطر
    مشاركات: 3
    آخر مشاركة: 05-01-2006, 01:59 AM
  5. الشيخه للشاعر عكاشه
    بواسطة عاشق خالد في المنتدى قصائد وخواطر
    مشاركات: 4
    آخر مشاركة: 02-01-2006, 11:00 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52