النتائج 1 إلى 5 من 5

الموضوع: شوفوا هذي القصيده بين ............لاتفوتكم

  1. #1
    ... عضو نشيط ...


    تاريخ التسجيل
    Jul 2005
    المشاركات
    131
    معدل تقييم المستوى
    1

    افتراضي شوفوا هذي القصيده بين ............لاتفوتكم

    القصيدة التى اثارت غضب بنات الخليج



    [poem=font="Simplified Arabic,5,darkred,normal,italic" bkcolor="white" bkimage="" border="double,7,sienna" type=2 line=0 align=center use=ex num="0,black"]
    ياللي تنشد عن علوم الــــــذي طاف .... كل البحور وكل دوله وديـــــره

    خذ من علومي علم اوصافه اوصاف ..... جزل سمين يشتعل له ســعـــــــيره

    الزين عقب المغربيات ينــــــــــــعاف .... غيد لهن بالزين ذكـــره و ســـيره

    فيهن حلا طاغي ولين و تــــــــعطاف .... وفيهن حنان يشعل القلب غــيره

    حلوات وصف وفاهــــمات بالاعراف .... زينات منطـق صافيات الســــــريره

    بنات قوم طيبهم غصــــــــــــب ينشاف .... اولاد مغرب بالليالي العســــيره

    ياللي تنشد عن علومي بالانصــــــاف .... هرجي يكفي صامله عن كثـــيره

    الزين في لميا وتغريد و الطــــــــــاف ..... ماهوب في حصه و كشره و منيره





    واستانسوا بنات الخليج بالرد اللى يبرد القلب


    قال الذي في بدع الامثال صراف .... جــــــزل يفرق بين درهم وليـــره


    ياللي مدحت المغربيات بجـــحاف ..... الله يجيرك من عمــاه البصـــــيره


    لو تعجبك لميا وتغريد والطــــاف .... مايصلحن لهل الوجيـه الســـــفيره


    مفصخات و لبسهم حـول الارداف .... وبليس اغواهم بكشــف الستـــــيره


    متعودات كلهم زيف وخفـــــــــاف .... على التغنج والتعطف وغيــــــره


    كل يوم مع صاحب و لافيهم اعفاف .... خويهم اللي فلوســه كثــــــيره


    ترى البضايع عده اشكال و اصناف .... وكل ينوخ وسط سوقه بعيـره


    عز الله ان الطيب في بنت الاشراف .... اللي على الحشمه تربت صغيره


    ولا تبين منها كود الاطــــــــــــــراف .... مثل القماشه فالبحور الغزيره


    ياللي تدور بالجواهر و الاصـــــــــداف .... الزين كله في بنات الجزيـره





    وهذا رد الراحل طلال الرشيد (( الملتاع )) .. الله يرحمه


    يابن الحلال ان طعتني خل الاســـراف .... واترك جمال الغيد لاهـــل البصيــــره

    الزين موبس في الملامح والاوصـــــاف .... الزين روح وعفه وطيــب سيــــــــره

    مانيب من يهوى سريا وانصـــــــــــــاف .... انا هواي وبس بنت الجزيــــــــــره

    بنت الخليج اللي تماري بالاعــــــــراف .... وحنا نماري باسمها كـل ديــــــــره

    مالي غرام بقول وخا وبالـــــــــــــــزاف .... اذبحتني عند الطرحه المستديــــره

    احب قولة ياهلا وعل وماخــــــــــــلاف .... من بنت ثوبي بنت الارض النضيــــره

    اللي تحلاها الظبي حلو الاطــــــــراف .... جمال في عفــه ورقه وغيــــــــــــره

    واللي بها سحر مهو سحر عــــــــراف .... ياعل عين ماتراها ضريــــــــــــــــره

    عطف وحنان وذوق في لين الاعطــاف ....والى كشفت لثامها شفــــت أميـــره

    صعب على اللي بالردي شاف ماعاف ....وحلوه علىاللي سنـــــه الله ضميــره

    شمس الى من اشرقت والدجا طـاف. ...غابت نجومك غصب لو هـــــــي كثيــره

    السيف مايزهى سوى كف سيـــــاف .... والخيل دون حصانهـــا مستخيـــــــره

    بس أنت دورلك على قدك لحــــــــاف ....وان طعتني دور بدلنــا عشيـــــــــره[/poem]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي سايق الخير


    سايق الخير

    الحمدلله الذي ميز بنااااااااااات الجزيره عن غيرهن

    ونقول بعون الله بالعفة والحشمه=====

    وكل بلد عربي مسلم فيه الخير والشر ولسنا معصومون منه

    الله يغفر لك ياطلال الرشيد الشاعر الأمير الذي تهزه

    وطنيته وشموخه فهو الأمير الشاعر والابن البار رحم الله أبا نواف

    صاحب الكلمه والفصل في كل مكان ومقام رحمه الله000

    نشكرك لهذا النقل ياسايق الخير ونرحب بتواصلك معناااااا

    تحيه00الحوراء---بنت نجد

  3. #3
    ... عضو نشيط ...


    تاريخ التسجيل
    Jul 2005
    المشاركات
    131
    معدل تقييم المستوى
    1

    افتراضي

    الله يعطيك العافيه
    الشكر كل الشكر على مرورك الكريم

    احترامي وتقديري لك

  4. #4
    ... V I P...


    تاريخ التسجيل
    Jun 2005
    الدولة
    الــبحرين
    المشاركات
    4,827
    معدل تقييم المستوى
    5

    افتراضي

    [align=center]مانيب من يهوى سريا وانصاف .... انا هـواي وبـس بنـت الجزيـره

    بنت الخليج اللي تماري بالاعراف .... وحنا نماري باسمهـا كـل ديـره

    مالي غرام بقول وخا وبالزاف .... اذبحتنـي عنـد الطرحـه المستديـره

    احب قولة ياهلا وعل وماخلاف .... من بنت ثوبي بنت الارض النضيره

    اللي تحلاها الظبي حلو الاطراف .... جمال فـي عفـه ورقـه وغيـره
    [/align]


    **سايق الخير**

    صح لسانك وقلبك ..

    لاعدمنا بوحك وحسن أختيارك ..

    00وردهـ00

  5. #5
    ... عضو نشيط ...


    تاريخ التسجيل
    Jul 2005
    المشاركات
    131
    معدل تقييم المستوى
    1

    افتراضي

    الله يخليك لنا دمتي للمنتدى
    يعطيك ربي العافيه وتسلمين

المواضيع المتشابهه

  1. عنوان القصيده ابرسل قصايد الحب مراسيل (القصيده من كتاباتي)
    بواسطة طيور الشوق في المنتدى قصائد وخواطر
    مشاركات: 2
    آخر مشاركة: 15-03-2007, 03:35 PM
  2. شوفوا ابراجكم بالهندي...لاتفوتكم
    بواسطة السنـــreemـــدريلا في المنتدى الارشيف
    مشاركات: 17
    آخر مشاركة: 10-07-2006, 08:13 AM
  3. (( سر القصيده ؟؟))
    بواسطة وللعمر بقيه في المنتدى قصائد وخواطر
    مشاركات: 15
    آخر مشاركة: 25-11-2005, 02:09 PM
  4. جرح القصيده..............
    بواسطة التنين في المنتدى قصائد وخواطر
    مشاركات: 2
    آخر مشاركة: 02-01-2005, 02:51 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52