صفحة 1 من 2 12 الأخيرةالأخيرة
النتائج 1 إلى 5 من 6

الموضوع: ميسون قصه اثناء حرب الخليج>>>الفصل الثاني

  1. #1
    O. MoOoN TEARS .O


    تاريخ التسجيل
    Oct 2005
    الدولة
    . أألًـَهٍـُـٌـًـأٍأمَــٍه .
    المشاركات
    681
    معدل تقييم المستوى
    1

    Shade ميسون قصه اثناء حرب الخليج>>>الفصل الثاني

    الفصل الثاني


    (من هي ميسون؟)



    ركبوا جميعا السياره عائدين الى المخيم..

    قطع عبدالمحسن السكون بقوله: اقول خالد, انا عارف انه ما بيننا معرفه, بس ابقولك الصراحه, انا اول مره اشوف علاقه زوجيه مثل علاقتك بزوجتك, وانا الي اعرفه انك توك متملك, اكيد انها من الجماعه ولا؟؟

    يوسف(بعد ان ضرب عبدالمحسن على رأسه): اقول ورا ما تستحي على وجهك وتناظر طريقك, ما بقى الا !!البزران يتكلمون عن العرس

    خالد وهو مبتسم: والله انتم يا شباب ما قصرتوا معي, وراح اقولكم قصتي مع ميسون من الألف الى الياء, بس الي ينقال بهالسياره ما يطلع.. اوكيه؟؟

    عبدالمحسن متحمس: اوكيه..

    يوسف ومحمد: اسلم.

    خالد: سلمتوا.. أحمد يعرف القصه كلها.. القصه بدت في سوق العويس في يوم خميس رائع..كان دوري اني افتح محل الوالد في ذاك اليوم, لأنه كان يوم اجازة الوالد, وكنت انا واخواني نتناوب على الخميسات, وكان ..ذاك اليوم دوري..وكان محلنا عباره عن محل ملابس نسائيه جاهزه

    جيت متأخر لم المحل, حوالي الساعه 10 الصبح, ولقيت عند المحل بنت في بداية العشرينات, ومعها وحده اكبر منها بكثير, تبين بعدين انها امها, اول ما شافتني افتح المحل, دخلت هي وامها بدون احم ولا دستور, وقبل ما انتهي من فتح البوابه والأنوار.. مشيتها, وقلت يمكن مستعجلين, دخلت المحل, ونطيت ورا الماصه, وثمن جتني وسألتني البنت: أنت خالد؟؟

    انا: ايه انا خالد, اذا كنتي تبين تسألين عن البضاعه الجديده ترى ما عندي بها علم..

    قاطعتني وقالت: ليش تأخرت؟؟

    انا: عفوا يا خاله, المحل محلي, واجي متى ما بغيت.

    قاطعتني مره ثانيه وقالت: انا زبونه دايمه هنا.

    انا: تشرفنا المحل محلك, شوفي الي يجوز لك, وادفعي سعره , ولا توكلي على الله.

    ميسون: انت وش فيك جفس؟؟, انا ما جيتك اشحذ..

    قاطعتها امها: ميسون؟؟.. انهبلتي؟؟

    والتفتت على (الأم) وقالت: هذا بكم يا شيخ؟؟

    انا: هذا ب70, ونعطيك اياه ب65.

    ميسون: 65, تبي تلعب علينا انت؟؟..

    انا: والله هذا مكسبه 5 ريال.. يعني ما يرضيك ابيعك اياه بخساره..

    ميسون: اجل لاعبين عليك, انا شايفته بمحل ثاني ب50..

    انا: جيبيه لي واشتريه منك ب55.

    ميسون: انا منيب فاضيه اجيبه لك.. المهم.. طيب هذا قماشه زين ولا خرابيط؟؟

    انا: هذا يا خاله ازين من الي اشين منه.

    ميسون: ماش انت ما عندك علم, الله يهدي صالح الي دلنا على محلك..

    قالتها وهي تسحب امها وتطلع برا المحل..

    وانا تذكرت ان صديقي صالح قالي ان اخته وامه يبون يجون لم المحل, وكان يبيني اتوصى بهم.. وانا نسيت المسأله كلها.. فرحت ادورهم في المحلات القريبه, ما لقيتهم.. فقررت اني اتصل على صالح بالعصر علشان اعتذر منه.... بس الصراحه.. الإعتذار ما كان هو السبب الرئيسي..

    جاء العصر, فرفعت السماعه, ودقيت رقم بيت ابو صالح, وردت علي ميسون نفسها.. على طول تذكرت صوتها

    ميسون: الو؟؟

    انا: الو؟؟ مساء الخير..

    ميسون( بصوت عالي ) : انت ما تستحي على وجهك؟؟

    انا: عفوا؟؟

    ميسون: انت ما عندك خوات تغار عليهم, ما عندك شغل الا ازعاج العالم, ترى رقمنا مراقب, ونبي نجيبك, وابخلي اخواني يجلدونك لين تقول بس, ثمن يبون يودونك لم الشرطه تشوف شغلها معك يالحمار.

    انا(مدري وش اقول) : عفوا أختي....انا خالد صديق صالح, صالح فيه؟؟, ممكن اكلمه اذا ما كان فيه ازعاج؟؟.

    ميسون بعد ما سكتت لحظات:اووووه.. طيب ورا ما قلت كذا من الصبح؟؟.. لحظه..

    بعد شوي رد علي صالح

    صالح:هلا ابو خلود.. اسف لسوء التفاهم الي صار مع اختي قبل شوي, يا شيخ فيه واحد حمار مزعجنا .بهالتلفون, مع ان ميسون ما تقصر معه, تعطيه من الحامي, بس ما يتوب

    انا: عادي يا رجال, عندنا وعندكم خير.. المهم.. انا بغيت اعتذر منك عن الي صار مع الأهل اليوم في المحل, الصراحه ما عرفتهم, وطلعوا من المحل زعلانين, وانا جبت القطعه الي كانوا حاطين عينهم عليها, وابعطيهم اياها هديه من المحل.

    صالح: ما فيه داعي يا رجال, وما صار الا الخير.

    انا: عاد انا جبت القطعه, ولا ابيك تكسفني, ومنها نشوفك يالقطوع.

    صالح: دامك مصمم اجل ورا ما تجي تتقهوى عندنا الليله؟؟.

    انا: تم, اجيك بعد صلاة العشاء.. مناسب؟؟

    صالح: مناسب.

    وصليت العشاء ورحت لم بيت ابو صالح.. ودقيت الجرس.. ورد علي صالح, وقال: هلا خالد, انا بدورة المياه, ادخل لم الخيمه, دقايق واجيك

    دخلت الخيمه..وجلست, لقيت جريدة اليوم فتحتها..وقعدت اقرا.. بعد شوي.. دخلت ميسون تحسبني صالح

    قالت: سلام..

    واخذت وحده من المجلات وجلست..انا تنحنحت.. بس ما انتبهت..

    حسبتني صالح ارد عليها السلام من ورا الجريده..

    قالت: ترا خويك خالد هذا شايفن نفسه بالحيل, يعني مدري من الي معطيه الإنطباع انه وسيم ولا فوق الناس؟؟, وانا الصراحه ما ندمت اني قلت عنه انه حمار في التلفون, حتى وانا غلطانه, ما ادري اول ما شفته ما دخل قلبي, ويوم سألته عن قماش القطعه, قال ازين من الي اشين منه(قالتها وهي تقلد صوتي بإستهزاء), يعني انا ما اقول الا الله يعين مرته عليه, مع اني اتمنى وادعي ربي ليل ونهار انه ما يصير متزوج, يعني حرام تنظلم معه مرته.. (وسكتت شوي..ثمن كملت) يعني حتى لو كان وسيم شوي, وطويل, هذا ما يعطيه الحق انه يتفلسف على الناس, لا ويوم سألته عن قماش القطعه قال.....

    (قاطعتها انا بصوت عالي شوي) وقلت من ورا الجريده(وانا ابتسم): ازين من الي اشين منه...

    هي سمعت صوتي من هنا.. ورمت المجله, وركضت لم جوا البيت من هنا..

    وبعد دقايق جا صالح, وكان واضح انه ما عرف وش الي صار, وانا استحيت اقوله..

    والصراحه ان طول المده الي كانت جالسه فيها معي بالمجلس كنت رافع الجريده, وكنت احاول اني ما اناظر, بس أول ما حسيت انها تبي تروح وهي في طريقها لم باب الخيمه مسرعه, لمحتها.. وليتني ما لمحتها..كانت أجمل مخلوق شافته عيوني, تصدقون يا جماعه, أني في ذيك الليله ما نمت, كنت قاعد أصلي طول الليل, حسيت أن اللمحه الي ما تجاوزت ثانيه وحده, تسوى عمر كامل, كانت لابسه قميص احمر, ورافعه شعرها, وكانت بيضاء, لدرجة أن القميص الأحمر صار اغمق من الدم.. قعدت في ذيك الليله أصلي وأطلب المغفره, لأن الذنب الي سويته في ذيك الليله شعرني بسعاده غريبه مثل سعاده الي سرق ..اكبر بنك بالعالم, ولا أحد درى عنه

    وجاء وقت صلاة الفجر, وجاء لمي أبوي يصحيني, ولقاني صاحي.. بعد الصلاة, وأنا ماشي مع الوالد من ..المسجد لم البيت

    قلت له: وش رايك تصير جد؟؟

    التفت علي وابتسم, واسرع بخطواته..

    قلت له: انا اكلمك.. وراك عجل؟؟

    التفت علي, وهو ما زال سريع الخطوه, وقال(وهو يبتسم): اببشر العجوز..

    عبدالمحسن مقاطع كلام خالد: يا شباب فيه شي غريب بالمخيم..

    وكانت يده تؤشر على المخيم..



    يتبع

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي مايهاب

    مشرفنا مايهاب

    قصه رائعه 000 أحداث تشد الانتباااااااااااااااااااااااه000

    نتااااااااااااااااابع معك بكل تشوق للنهايه000

    تحيه--- الحوراء00بنت نجد

  3. #3

    تاريخ التسجيل
    May 2005
    الدولة
    مملـ ك ـتيـ الفـ ق ـيرهـ
    المشاركات
    1,641
    معدل تقييم المستوى
    2

    Rose

    يعطيك العافيه..

    وفي انتظار البقيه..

  4. #4
    مايقدّرون البياض !


    تاريخ التسجيل
    Jul 2005
    الدولة
    ~ ŔǬɱȁ . .
    المشاركات
    10,736
    معدل تقييم المستوى
    11

    افتراضي

    تسلم آخوٍى ع القصهـّ

    اللهـّ يعطيك الـ ع ـآفيهـّ

    دمت للزٍين..ـإإ

    أحترٍ11مي

    آختك//رٍيميهـّ

  5. #5
    O. MoOoN TEARS .O


    تاريخ التسجيل
    Oct 2005
    الدولة
    . أألًـَهٍـُـٌـًـأٍأمَــٍه .
    المشاركات
    681
    معدل تقييم المستوى
    1

    افتراضي

    مـــــشــــكــــوريــــن والــلـــه

    وتـــســــلــــمـــوووووووون

    عـــلـــي زيــــارتــــكــــمـ

    صــــفــــحــــي

    ومــــاتـــقــــصـــــرووون.




    تــــحــــأأأأتــــــي

صفحة 1 من 2 12 الأخيرةالأخيرة

المواضيع المتشابهه

  1. ميسون..قصه حصلت اثناء حرب الخليج>>>الفصل السادس
    بواسطة !. مــايــهــابـ .! في المنتدى قصائد وخواطر
    مشاركات: 1
    آخر مشاركة: 18-01-2006, 04:39 PM
  2. ميسون..قصه حصلت اثناء حرب الخليج>>>الفصل الخامس
    بواسطة !. مــايــهــابـ .! في المنتدى قصائد وخواطر
    مشاركات: 4
    آخر مشاركة: 18-01-2006, 03:36 PM
  3. ميسون قصه حصلت اثناء حرب الخليج>>>> الفصل الرابع
    بواسطة !. مــايــهــابـ .! في المنتدى قصائد وخواطر
    مشاركات: 0
    آخر مشاركة: 05-01-2006, 06:41 PM
  4. (ميسون) قصة اثناء حرب الخليج>>>الــفــصـل الأول.
    بواسطة !. مــايــهــابـ .! في المنتدى قصائد وخواطر
    مشاركات: 7
    آخر مشاركة: 05-01-2006, 05:42 PM
  5. ميسون قصه اثناء حرب الخليج>>>الفصل الثالث
    بواسطة !. مــايــهــابـ .! في المنتدى قصائد وخواطر
    مشاركات: 5
    آخر مشاركة: 05-01-2006, 05:28 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52