النتائج 1 إلى 4 من 4

الموضوع: شااعر يهجو محبوبته الخائنه

  1. #1
    ... عضو نشيط ...


    تاريخ التسجيل
    Jun 2005
    المشاركات
    182
    معدل تقييم المستوى
    1

    افتراضي شااعر يهجو محبوبته الخائنه

    --------------------------------------------------------------------------------


    حبيت اطرح لكم هالقصيده لشاعر مجهول من قبيلة عتيبه
    لكن اسم الشاعر ماهو معروف

    قال هالقصيده هجاء في محبوبته اللي خانته لكن قصيده جزله
    بكل ماتحمل من معاني وقصيده قووووويه







    خسيـتـي لعنـبـو جــدك ؛ خسـيـتـي والـغـلـط يـنـعـاب
    ........................ خسيتي واقلبي وجهك ؛ ولا كلمه ؛ولاجابـه


    خسيـتـي والـزمــي حـــدك ؛ تـراهــا ضـاعــت الاداب
    ........................ انا لاطاشت جنوني ؛ يعرف الجاهـل ادابـه


    وش المـغـزا مــن الكلـمـه بــلا داعــي بــلا الاسـبـاب
    ........................ وهرج الكذب والتجريح ؛ قوليلي وش اسبابه


    انـا الشـرهـه عـلـي انــي فتـحـت لخافـقـي كــم بــاب
    ........................ ولكن مثل ماجيتي !!! ترا كبر الجمـل بابـه



    خـذي نفسـك مـعـك بــرا ؛ ثــم انقلـعـي بــدون إيــاب
    ........................ فمان الله ؛ والا اقول :: فمان ابليس واصحابه


    تحسبيـنـي عـلـى فـرقـاك ابـنــدم واغـــرق الاهـــداب
    ........................ انا مبسوط يوم اني ؛؛ طردت الشوم وغرابه


    انــا مــا اعـاشـر الخـايـن ولا اسـمـع هـرجـة الـكـذاب
    ........................ومثلك قيمته عنـدي تحـت الزيـرو حسابـه


    هــذاك الـلـي تحبيـنـه ؛ حـقـيـر و خـكــري ولـعــاب
    ........................ عاجبك ان قذلته شقراء ويميّل بالشعـر كابـه


    صحـيـح انــه حقـيـر و زيــن وشكـلـه للنـسـاء جــذاب
    ........................ تشّبه بأخته فلانـه ؛؛ ومنهـا الـدم متشابـه


    وانـا مانيـب حــرف الـجـر ؛؛ تجريـنـه عـلـى الاعــراب
    .......................انا حرف(ن) جزم نفسه ؛ ومثلي يصعب اعرابه


    تشـوم النفـس عــن زيـنـك عـقـب مـاطـاح فيـهـا ذبــاب
    ........................ وانا حر(ن) ولد حر ؛؛ تركت الزين وذبابـه


    انـا يابنـت مــن ربــع(ن) لـهـم فــوق الفـخـر مـحـراب
    ........................ انا من روق ياخبله ؛ وربعي الهيله ( عتابه )


    نسـيـا ماكـلـى (عمـهـوج) وكــم روس بـــدون ارقـــاب
    ........................رزقك الله بحكم اللي حفظ عمهوج في جرابـه


    انــا شـيـخ(ن) ولــد شـيـخ ؛ بـذكـره تنـعـم الانـســاب
    ........................ اليا قام العرب كلاً ؛؛ يراجع دفتـر انسابـه


    ولـد شيـخ(ن) وسـط ربـعـه لــه بـيـن الـرجـال حـسـاب
    ........................ اليا ضاقت به الارياء ؛ يهز الارض مشعابـه


    محنكـنـي عـلـى الطيـبـه مــن يـومـي صغـيـر وشــاب
    ........................ اجل وش رايك بطفل(ن) دلال القهوه العابـه


    تــرى بــدري عـلـى مثـلـك تعـيـب وساسـهـا مـعـيـاب
    ........................ ياليت اللي يعيبني ؛؛ يحـاول يستـر ثيابـه


    انــا لاجتـنـي الـزلـه ؛ مــن الجـاهـل وهـــو كـــذاب
    ........................ تركت القافله تمشي ؛؛ وراهـا تنبـح كلابـه


    وانــا ليـامـن كـشـف ان الـخـوي اصـبــح لـسـانه داب
    ........................ نزعت السم من عرقه وكسرت بمخلبي نابـه



    خــلاص الـيـوم يافـلانـه ؛ كرهـتـك والقـلـوب غـــراب
    ........................وترى كل طير(ن) بكبد السماء يشبع مخلابـه



    خـسـاره مثـلـك بقـلـبـي تـضـمـه غـرفــة الاحـبــاب
    ........................ وخساره غلطة العاشق ؛ يحطك اول احبابـه



    بعـد هـذا تبيـن ارجــع لاجــل عيـنـك نصـيـر اصـحـاب
    ........................ خسيتي واقلبي وجهك ؛ ولا كلمه ؛ ولاجابـه




    اتمنى تعجبكم وسلاااااامتكم وتكرمون جميعا عن بعض الألفاظ في القصيده

  2. #2
    ... عضو مـاسي ...


    تاريخ التسجيل
    Sep 2005
    الدولة
    ألـقـصـ بـريـدهـ ـيـم
    المشاركات
    1,856
    معدل تقييم المستوى
    2

    افتراضي

    أختي

    mama


    تسلم يمينك يالغاليه لاعدمتك ولاعدمت هالإبدااع والتميز كشخصك
    المتميز وصح لسان شاعرها يالغاليه شاعرهاا أعرفه ولكن
    لايحضرني حالياً عن قريب سوف آتي بإسمه يالغاليه
    أشكرك على هاذا ألإبدااع لاعدمتك

    ننتظر جديدك وتميزك القااادم يالغاليه



    تقبلي تحيتي وتقديري وإحترامي


    أخوكـ



    سلمان المطيري ( لحن ألمشآعر )
    دمـتـيـ لـنـا
    بـخـيـر

  3. #3
    ... عضو ذهبي ...


    تاريخ التسجيل
    Jul 2005
    المشاركات
    750
    معدل تقييم المستوى
    1

    افتراضي

    مشكوووووووووور اخي
    على هذا الكلام الجميل

  4. #4
    عميــ شع شع ــد الشعرااء


    تاريخ التسجيل
    Apr 2005
    الدولة
    الشرقيـــــــــــه
    المشاركات
    1,187
    معدل تقييم المستوى
    2

    افتراضي




    صح لسااااانك ولاهنت


    مشعل البقمي


    شع شع

المواضيع المتشابهه

  1. ابياات شااعر
    بواسطة مناير الشـووق في المنتدى قصائد وخواطر
    مشاركات: 2
    آخر مشاركة: 10-12-2009, 03:16 AM
  2. الله واكبر شوفو الدانئه شيخ يعرض للبيع !!!!!!
    بواسطة valien في المنتدى الارشيف
    مشاركات: 50
    آخر مشاركة: 05-01-2007, 06:03 AM
  3. المشهد الاول ..قصتى مع الخائنه
    بواسطة شاطي الاحلام في المنتدى قصائد وخواطر
    مشاركات: 4
    آخر مشاركة: 06-03-2006, 11:52 AM
  4. اقررررب شااعر للمحااوره لا هـنـتو..للتحـدي
    بواسطة الـعـنـزي في المنتدى قصائد وخواطر
    مشاركات: 15
    آخر مشاركة: 15-10-2005, 07:09 AM
  5. شاعر يرثي محبوبته......
    بواسطة ســـــوار في المنتدى قصائد وخواطر
    مشاركات: 4
    آخر مشاركة: 06-04-2005, 10:43 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52