صفحة 1 من 2 12 الأخيرةالأخيرة
النتائج 1 إلى 5 من 7

الموضوع: عزوبي وعرس

  1. #1
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    عزوبي ومعررس ((( منقووووووول ))

    والله قصيده فيها نوع من الوناسه حبيت اضعها بالعام وانا اسف اذا اخطيت بمكان نشرها بس ليه اخترت العام مدري واذا غلطت السموحه منكم يا مشرفين
    +++++++++++++++++++++++++++++++++++++++++

    قال العزوبي يوم شـاف المعاريـس *** الرابـح اللـي لاقعـد مايقـومـي

    أول سنـة كـلٍ يبـث الاحاسيـس *** وثاني سنة تجلب عليـك الهمومـي

    وثالث سنة حط الرمـل والمتاريـس *** لابد مـن حـربٍ تقـوم وتدومـي

    لامن دخلـت الـدار لاكنهـا بليـس *** متلفلـفٍ فـي غاليـات الهدومـي

    تأخذ من المخباة وتسحب من الكيس *** وتغيـر الموديـل شـيٍ لـزومـي

    وان قلت ما أملك يامره لوهو فليس *** قالـت تديّـن لا تكـثـر بلـومـي

    ولاجيت مرة نـاويٍ لـك ب....... *** قالت تصّبـر خـل قلبـك رحومـي

    ليتك تساعدنـي تصحـح كراريـس *** زادوا علينا أربع حصص في العلومي

    أزوارة في العصر والصبح تدريـس *** والليـل تصحيـحٍ وودي أنـومـي

    تبكي إذا جاها وجع لوهـو ضريـس *** وتقول أبي دكتـور ماهـو حكومـي

    يروح عمرك بين عرسٍ وتأسيـس *** واربـع سنيـن والبزاريـن كومـي

    وسط المطابخ بين قـز ومحاميـس *** هـذا صحـن رزٍ وهـذاك ثـومـي

    والا خلصـت إمنظـفٍ الملالـيـس *** جتك تقول انهـج نبـي زود لومـي

    ولا جبت قالت اكنس الحوش تكنيس *** خل البلاط يصيـر مثـل النجومـي

    ومكرسٍ جهدك من الخوف تكريـس *** وان نادتك بالصوت اقبلـت مومـي

    يجيك تـال الليـل دايـم كوابيـس *** ويشيبنـك مزعـجـات الحلـومـي

    هذي حياة اللي ركض باغـي...... *** ضيع حيـاة أول وصـار محرومـي

    تعيش يالمعـرس حيـاة المحابيـس *** وشف العزوبي بكل شارع يحومـي

    من مفرق جلاجل إلى جوي للخيـس *** وان حار حايرهم بوسطـه يعومـي

    يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي

    شف العزوبي مايعـرف الهواجيـس *** ولا يـودي حرمتـه كـل يـومـي

    يا عنك ماحاش الفخـر والنواميـس *** الا عزوبـيٍ يـعـرف السلـومـي

    اذا اعرس المعرس غدا عندنا هيس *** ونزيل اسمه مـن سجـل القرومـي

    والى بغيـت البهذلـة والدحاويـس *** فأعرس وخلك من عـداد الرخومـي

    وش صابكم من عرسكم يا المفاليس *** وش استفدتوا غيـر دق الخشومـي

    اللي تزوج أشهد انـه غـدا تعيـس *** والرابح اللـي ماخـذٍ لـه..........

    ترى عناق العام نطت على التيـس *** والحرعقب العـرس يصيـر بومـي

    *******************
    قال العريس

    قال العريس أنا الذي في سـعاده ×× ماني عــزوبــي ضايق الصدر مهموم

    مبسوط من مثلي قعـد عنــد غاده ××× مهوب مثـل اللي لحاله تقل بـــوم

    في كل لــيله حاضنٍ لـه وسـاده ××× وانا مـع المـزيون في غـرفة النوم

    أنا اشهد انه عايـشٍ في قــراده ××× يروح عــمــره مـا تهنى ولايوم

    الى دخــل للبيت يبلش بــزاده ××× يقعد يقــطّـع له طمــاطٍ معه ثوم

    ولا قضى عقب العصـر من عداده ××× والـحوض من كثر المواعين مزحوم

    والى غسلهن ثم فـك الســـداده ××× دلى يغســل له سـراويل وهــدوم

    وان ماطــبخ روّح لمطعـم حمـاده ××× والا قـعد في منزله واعـلن الصوم

    وان جاه ضيفٍ باغيٍ لـه رفـاده ××× يـروح يشــري رز وايـدام ولحوم

    ما يعرف الشمبو وراسـه عــراده ××× وشــمغه من الكواي ملـيانه رقوم

    ما يكنس الفرشــه ويلقط بــداده ××× اما بقـايا رز او خــبز معــروم

    عنده صراصيرٍ بحـاجه ابــاده ××× تسـرح وتمرح في الغرف دايم الدوم

    يجمع قروشه ويتســـلف زيـاده ××× حتى يسافر مصـر او ديرة الروم

    او راح يم التاي وتـــرك بـلاده ××× ناظر جـوازه ممـتلي كله ختوم

    دايم يسافر ما يعـرف العــباده ××× يسكر وينكر و........ بالكـوم

    وإلى رجع يـروح يـم العــياده ××× حيث ان فـيده مـن فعايله مزكوم

    وإلى قعد مارس مع .......عاده ××× حيثه مسيكينٍ مـن العرس محـروم

    له موتر خرده كثير فســـاده ××× في كل يـومٍ في الاشارات مصـدوم

    غمارته تقول ورشــة حـــداده ××× ومريقـده في شـنطته دوم محزوم

    دوم يتنقل تقــل كنه جــراده ××× في كـل يومٍ نازل له على قــــوم

    يسهر والى قام الظهر من رقـاده ××× روّح على شغله والى اليوم مخصـوم

    يذي بنات الناس يبغي مـراده ××× في كل يومٍ زاهمٍ له على ( هـــوم )

    اراه مايعـرس ويقـدح زنـاده ××× يترك بـنات الناس ويصير معصوم

    يلقى هنوفٍ تخـدمه مثـل داده ××× ويصــير رجّالٍ ويسلم من اللوم

    يفرح الى من قرب وقت الولاده ××× ويصير معنى العرس بالحيل مفهوم

    يشوف أولاده ومعهم شهـــاده ××× قبل الـوفاة وقولة الناس مرحوم


    منقووووووووووووووول للمعلوميه

  2. #2
    ... عضو نشيط ...


    تاريخ التسجيل
    Dec 2004
    المشاركات
    145
    معدل تقييم المستوى
    1

    افتراضي

    والى بغيـت البهذلـة والدحاويـس *** فأعرس وخلك من عـداد الرخومـي
    وش صابكم من عرسكم يا المفاليس *** وش استفدتوا غيـر دق الخشومـي


    ترى عناق العام نطت على التيـس *** والحرعقب العـرس يصيـر بومـي


    اي وانت الصادق يا محلا حياه العزوبية <<<



    ومشكور اخوي على النقل هذا
    وننتظر مزيدك



    كل الوفاء

  3. #3
    ... عضو نشيط ...


    تاريخ التسجيل
    Dec 2004
    المشاركات
    145
    معدل تقييم المستوى
    1

    افتراضي

    احلي مزاج ودي اضيف بعض حياه العزوبيه <<<<< الله يعين كل عزوبي



    انصح المتزوجين مايقرأون تراكم في نعمه .

    تعريف العزوبية : هي المرحلة العمرية اللي يكون فيها الشاب منبوذ من جميع فئات المجتمع .

    مواصفات العزابي
    1. مسكين

    2. مطفر

    3. جائع



    مديون من جميع الناس حتى الهندي راعي البقاله، ومغسلة الملابس، وراعي المطعم

    5. مضطهد

    6. مريض

    7. الملابس000الله لا يوريك
    شقة العزابي :e2:

    . الصاله: تلفزيون//اربعة طفايات دخان//ثلاث روس معسل//ثلاجة شاهي//سطعش فنجال مكبوبة على وجهها//اثنين وعشرين جريده//خمس دفاتر(مو للدراسه)لااااااا كلها لنا ولهم خخخخخ



    2. غرفة النوم: مرتبة نوم (يسمعون بالسرير)//فناجيل مرميه//ثياب وسخه//مسجل//200 شريط 75% جلسات//اكياس مطاعم (شاورما.........الخ)



    3. المطبخ: سته او سبعه اكياس بخاري//عشره عشرين علبةتونه// فليكس>>هذا بالغلط اكيد احد جايبه لهم خخخخخخخخ //اكياس ليبتون << نص المطبخ ليبتون


    مشاكل العزاب :d3:

    أكثر كلمه يسمعها العزوبي هنا هي كلمه (((((((((ممنووووووووووع)))))))))) :



    أ/ إحتفالات العيد((((((((ممنوووووووووع)))))))))مافيه احتفالات يعني طول السنه

    الوضع واذا تبغى تحتفل رح للبر لحالك والا دق راسك بأكبر جدر


    ب/ دخول الملاهي((((((ممنوووووووع))))) طيب ليه يعني هم اللي بيكسرون الصحن الدوار والا حطوه للعوايل بس




    ج/ دخول الأسواق((((((ممنوووووووووع)))))))))) وهذي مره مقهورين منها الشباب

    ليييييييه يعني يقولون حنا اللي نبي نكسر المحلات والا نبي نقضي البضاعه على العوايل

    -----يقولون انكم مزعجين داخل السوق------فيه رجال أمن داخل السوق وأي واحد يحاول

    يزعج يطردونه برا ----- يعني حلها سهل بس صعب

    لالا حلها سهل جدا
    العزوبي والقطة


    القطه بفتح القاف وهذا مصطلح في معجم العزوبيين يعني رسوم الاشتراك



    القطه هي كلمه تسبب الحساسيه للشاب الاعزب وهناك أنواع متعدده من القطه منها:



    1. قطة الشقه (وهذ غالبا ماتكون قاصمه للظهر) يعني يبيع سراويله عشان يكمل المبلغ



    2. قطة الاكل (وهذي لايسمح لك بتناول اي طعام أوشراب الا بعد دفع قطتك فيها

    ****كل حياة العزوبيين قائمه أساسا على القطه*****

    أكل,شرب, نوم, ملابس,كتب ,طواقي,شمغ,حتى السراوييل




    العزوبي والسفر



    السنه فيها 365 يوم لا يعيش الاعزب مبسوط فيها سوى 20 يوم



    بالعربي يعني 345 يوم وهو يجمع الريال فوق الريال عشان اذا جاء الصيف يقدر يسافر للخارج



    عاد العزوبي هنا منقطع مايشوف الا الديانه والا الدكاتره اللي

    مضطهدينه والامديره في الشغل اللي فقع قلبه ,,, ولو يكح جمب

    عوايل قالوله أنت تغازل بناتنا ولا يدري عن شي أسمه حنااااااااان

    وأول مايوصل برا ويشوف العيشه ما يصدق وتضيع علومه واي وحده تقوله أحبك :hbaib: يصدقها ويأمنها على كل شي ومايدري اليوم الثاني الا وهو مطفر عالحدييييييييييييده وضاعت فلوس 345 يوم ولا معه حق التكسي للمطار
    تحياتي لكم ،،،،،،،،،،


    كل الوفــــــاء

  4. #4
    ... عضو ذهبي ...


    تاريخ التسجيل
    Jan 2005
    المشاركات
    692
    معدل تقييم المستوى
    1

    افتراضي

    ههههههههههههههههههههههههههه
    هههههههههههههههههههه
    هههههههههههه
    ههههه


    يعطيك الف عافيه اخوي احلى مزاج

    ويسلمووووووووووووووو اخوي كل الوفا على الاضافات الرائعه خخخخ


    تحياتي لكم اخوك

    دوسري

  5. #5
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    افتراضي

    تحياتي للجميع وشكرا على مروركم
    واشكر الاخ اللي اضااااف معاناة العزوبي هههههههههههههههه
    والف شكرا للجميع وتحياتي لكم

صفحة 1 من 2 12 الأخيرةالأخيرة

المواضيع المتشابهه

  1. تعالوا نغرس الجنـة ........ تعالوا نغرس الجنـة
    بواسطة غسق في المنتدى الارشيف
    مشاركات: 5
    آخر مشاركة: 24-10-2007, 09:03 PM
  2. يانــاس خلـــونا نعرس
    بواسطة جـــآرح في المنتدى الارشيف
    مشاركات: 88
    آخر مشاركة: 31-08-2007, 06:44 PM
  3. يوميّــات عزوبي ... يوميّــات عزوبي
    بواسطة +الطنايا+ في المنتدى قصائد وخواطر
    مشاركات: 2
    آخر مشاركة: 19-10-2006, 04:16 AM
  4. عزوبي ...$...ومتزوج
    بواسطة mama في المنتدى قصائد وخواطر
    مشاركات: 2
    آخر مشاركة: 20-03-2006, 09:52 AM
  5. انت عزوبي......ادخل هنا؟
    بواسطة كاتـم الآهــات في المنتدى الارشيف
    مشاركات: 1
    آخر مشاركة: 05-03-2006, 08:44 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52