صفحة 1 من 5 123 ... الأخيرةالأخيرة
النتائج 1 إلى 5 من 22

الموضوع: تصنيف المشاركين بالمنتدى

  1. #1
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    تصنيف المشاركين بالمنتدى

    طبعا هذا الموضوع مجرد مزاح قد ينطبق على الواقع .. ولا أقصد به تجريح اي احد ..... وإذا كان عندك اي شعبة ودك تضيفها ياريت تضيفها لان هذا الموضوع مايخلص
    +++++++++++============+++++++++++++++

    تعالو نصنف المشاركين في المنتديات

    الحقيقة هالموضوع دايما يقرقع في قلبي .......

    وودي اقوله .....


    وبنائا عليه فقد صنفتهم بدوري الى تصنيف يعتمد على هذا التصرف .... وسميتهم مملكة المشاركين المنتدوية ...

    وهم كما يلي :


    *شعبة الطفيليات : وهذا النوع من المشاركين مايصدق على الله يفعلون اشتراكه الا ويمشي ويلصق موضوعات وردود .... علشان يصير عداده فوق ,,,,, وعاد مشاركات على غير سنع ... تلقاه يرد يكتب :هههههههههه أو يرد ردين الاول يكتب فيه : مشكور وفي الثاني : أخوي فلان . على باله انه اذا طق المليون مشاركة بيصير مدير .
    هذا النوع لو تطل ورا قفاه تلقى ملزق رد


    *شعبة الادارة :عاد هذول اللي تلقاهم برة شحليلهم ,,,,, حليوين واابتسامة ترس الوجه ..... بس تعال له في المنتدى ..... الوجه معفوس , وخشمه فوق عيونه تقول شام ريحة خايسة , وفي قاموسه كلمتين (لا , مقص الرقيب )..... وفي منهم اللي ماعجبه الموضوع يحذفه , وإذا بغى يصرفها .. يخليه منقول ...... ويوم اللي يصير عليه انقلاب .... يتعوفس ويرجع شحليله ... وتلقاه يكتب مواضيع (إني كنت أحاول أن اصلح وووووو ) وذاك الحجي الحلو ..... يعني( مثل اللاستيك ... ينشد بقوة ولي فلته ارتخى )----->حكمة من حكمي
    طبعا اتستثني من هالتصنيف إدارتنا المصونة والجوهرة المكنونة ------------>ترا مب خايفة


    *شعبة القارئيات : هذا النوع تلقاه يسجل ويدخل بس يتصفح المواضيع .. يعني تلقى منتدى فيه 100 مشارك .. 50 منهم قارئيات ... ونص الباقي طفيليات .... مشكلته انه خجول جدا يخاف يكتب شي ويهزؤن فيه .. هالنوع يحتاج جرعة حنان

    *شعبة البطاليات : يعني ,, لاشغل ولا مشغلة ... ماعنده شي يشغل وقته فتحصله ماعنده غير المنتدى يطرح مواضيع نصها ينحذف لمخالفته لوائح وقوانين المنتدى ,,, هالنوع إما يتحول مع الوقت الى طفيليات ( الله لايبلانا , او يتحول الى السلميات).


    *شعبة الرخويات : هذا النوع هو اللي يسجل ومن بعدها ماتبين رقعة وجهه ... ليش مسجل ماتدري ..يمكن طرانة ايام اختبارات .


    *شعبة المتثيقفيات : وهذا النوع اللي يدخل يتميلح ويسوي فيها مثقف ..وكلمة والثانية قال لك (حيث إن )و (طالما ليس) وماعنده غير هالكلمتين .. وإذا توهق راح يبوق من منتدى هجر أو من منتدى ثقافي ثاني .. هذا النوع عمره قصير لان الكل يحقد عليه ويصفطه ويحقرونه لين يموت قهر ويطس .




    *شعبة السلميات : هذا النوع مسالم .. حده مشاركتين في اليوم , في الاولى يقول : أوافقك الرأي وفي الثانية يقول مشكور على الموضوع الحلو ...... هذا النوع يموت من الخوف إذا احد خالفه في الرأي ,,, خصوصا إذا زوجته .. وعلشان يطلع انه شارك يدور موضوع دسم .. وإذا كلش .. طير له موضوع من الايميل ,, وكتب تحت منقووووول.




    *شعبة العدويات : هذا النوع اللي يدخل بيتهاوش وبيهزئ وبيعلم الناس ... وكل موضوع مايعجبه يطالب بحذفه وعنده اللي يخالفة في الرأي شخص يستحق التهزيء والتطفس .... ولعل اغلب من يندرج تحت هذا النوع من الجنس الناعم .. خصوصا في موضوع (الزوجة الثانية ) ....... وهالنوع احشم روحك منهم ... وأحسن رد عليهم (سلاما ).



    *شعبة العكسيات -: ياعمري على هذا النوع ... هذا النوع عنده قاعدة خالف تعرف ... تلقاه وين يروح الناس يمشي عكسهم ,, ولسانه يلوط اذانه .... ومن النوع اللي يقط كلام كبير .. ويخليك تتوه .... ومن بلاسته .. مايبرد قلبه الا اذا حس ان الطرف الثاني حقد عليه ومات قهر.... يعجبني في هالنوع اصراره وصموده .



    *شعبه النطيطيات : هذول النطوط .... اللي بس يشوفك كتبت شي في المنتدى وماعجبه ,,,,, يجيلك يم بيتكم وياكلك بالحجي .... ويقول (ويا وجهك انت كاتن جذا .. أصلا $$@!$^$أ........ وبعدين !@سي ) ويطرق لك محاضرة في اسس الحوار ويشرح لك بالتفصيل وجهة نظره اللي لازم تقتنع فيها والا تصير غبي ..... وهذا النوع ناتج من تبغيل الطفيليات و العدويات ..... وأحسن حل حق هالنوع .. أنك تدور اقرب نعلة وتشدخه فيها لين يموت ونرتاح من ثقل دمه .




    *شعبة المرتاعيات :وهذا هو النوع المرتاع .. اللي كل يوم يدخل ويكتب 10طعش موضوع ,,,, وينزل مواضيع الاعضاء كلها تحت ..... .. ويالله عاد اقعد حوس على ماتحصل مواضيعك .......... أحسن حل لهذا النوع انك تفتح له مجلس خاص في لحاله ... وتركه يكتب فيه بروحه

  2. #2
    ... عضو مـاسي ...


    تاريخ التسجيل
    Oct 2004
    المشاركات
    1,270
    معدل تقييم المستوى
    2

    افتراضي

    مشكووور أحلى مزاج على الموضوع

    مجهود راااااائع بالفعل

    لكن ماذكرت في التصنيف الفئات الطيبة

    يعني والله في المنتدى موجود أقلام وكتاب رائعون تبحث عن مواضيعهم

    وبعضهم من شدة روعة كتاباتهم فإنك تبحث حتى على ردودهم ومشاركاتهم في غير مواضيعهم

    دمت لنا جميعاً

    أخوك
    medomedo

  3. #3
    ღ قـمـ المنتدى ـر ღ


    تاريخ التسجيل
    Oct 2004
    الدولة
    قــــــــطــ الحب ــــــر
    المشاركات
    2,064
    معدل تقييم المستوى
    3

    افتراضي

    شعبة الطفيليات : وهذا النوع من المشاركين مايصدق على الله يفعلون اشتراكه الا ويمشي ويلصق موضوعات وردود .... علشان يصير عداده فوق ,,,,, وعاد مشاركات على غير سنع ... تلقاه يرد يكتب :هههههههههه أو يرد ردين الاول يكتب فيه : مشكور وفي الثاني : أخوي فلان . على باله انه اذا طق المليون مشاركة بيصير مدير .

    هههههههههههههههههههههههههههه

    حلووووووة ذي صج كلامك في ناس جذيه

    يعطيك الف عافيه ع الموضوع الرااائع

    ودمت للزين

    ولك فائق احترامي وتقديري

    ود القلوب

  4. #4
    ^,. رفيعة الشأن .,^


    تاريخ التسجيل
    Feb 2005
    المشاركات
    4,381
    معدل تقييم المستوى
    5

    افتراضي

    الموضوع رائع بس على قولت اخوووووووي ميدوو فيه شعبه الطيبين

    الغلباااااااااااانين<<الحين يغنون منسيه منسيه<<والدمع عالخديييييييين هههههههههههههههههه
    وهم اللي ردودهم روعه وانا عن نفسي فيه اعضاء بس ادور على مواضيعهم يعني بالعربي

    لازم تكون هناك شعبه اسمها : المتميزيــــــــــــــن

    وميغسي بكووووووووو

  5. #5
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    افتراضي

    اشكركم على المرور وتسلمو لللمنتدى ولاحلى مزاج
    انا قلت لكم اضيفوا كل ما ترونه مناااااااااسب
    انا منكم وفيكم وتقبلو تحياتي
    احـــــــــــــــــــلى مــــــــــــــــــــزاج

صفحة 1 من 5 123 ... الأخيرةالأخيرة

المواضيع المتشابهه

  1. لتصويت على مسابقة المشاركين
    بواسطة أطـ(واحد)ـلــز في المنتدى الارشيف
    مشاركات: 23
    آخر مشاركة: 18-12-2010, 11:39 PM
  2. مشاركات: 308
    آخر مشاركة: 21-08-2010, 06:02 AM
  3. أسماء الشعراء المشاركين في قلطة الوطن 2
    بواسطة طارق النفيعي في المنتدى الارشيف
    مشاركات: 2
    آخر مشاركة: 31-03-2009, 02:19 AM
  4. بـعــض أسماء المشاركين في شاعر المليون النسخة3 ..!
    بواسطة ذرب المعاني في المنتدى الارشيف
    مشاركات: 9
    آخر مشاركة: 24-09-2008, 11:27 AM
  5. لغز فيه نوع من الذكاء للشباب والشابات المشاركين بالمنتدي
    بواسطة غشيم بس فاهم في المنتدى الارشيف
    مشاركات: 9
    آخر مشاركة: 06-02-2005, 11:04 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52