صفحة 1 من 2 12 الأخيرةالأخيرة
النتائج 1 إلى 5 من 10

الموضوع: الامير الراحل طلال العبدالعزيز ال رشيد

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Messenger3 الامير الراحل طلال العبدالعزيز ال رشيد

    من قصائد

    الامير الراحل طلال العبدالعزيز ال رشيد

    ياصغـيــــر



    ياصغير ما يكبرني لقب ***** ومايصغرني اليا انكرني صغير

    ما خذينا الصيت من جمع الذهب ***** ولا نسابة شيخ أو قربة أمير

    كاسبينه من هل السيف الحدب ***** الجنايز كان ما جاك النذير

    صيتهم نجم على راسه لهب ***** سمعوا الصقهان به واجهر ضرير

    بالوفا تاريخ ابيض ينحسب ***** لا حكوا بالحق حيين الضمير

    ضيغمي ٍ للسناعيس انتسب ***** ابت ٍ طلنا بها عرش ٍكبير

    عند حدك يا كثير الهرج تب ***** ولا تمر النار وثوبك من حرير

    كان لك عز ٍ بذلي فتعقب ***** والله إلا تبطي وحبلك قصير

    احسب انك من صناديد العرب ***** واثري ساترتك عباتك يا غرير

    ما حسب لسّوس زراع القصب ***** والقراده مادرا عنها البعير

    لو حسبنا للحسايف والتعب ***** مابذرنا يالعصافير الشعير

    عن هلك وبراي لله احتسب ***** الرجال اللي مجاراهم عسير

    من قريش المصطفى وابو لهب ***** والدغالب ما غشت عذب الغدير

    للرجال من الرجاجيل العتب ***** والزكاة اتحل في حال الفقير

    لعن ابو وقتٍ غدينا به حطب ***** تحرقه نارٍ.... يثورها أجير

    ما ألومك الزمن سوا العجب ***** هو بقى غير الكرامه بالجفير

    ما أذل والراس يشم اللهب ***** لو بقى من شمر ٍ طفل ٍ غرير

    ما أهاب ولا يزلزلني غضب ***** الشجاعة ورث والعاقل غزير

    يا صغيّر ما يكبر باللقب ***** غير منهو كان للدونه صغير

  2. #2
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    ((2))

    الليله احساسي غريب



    الـلـيله احـسـاسي غـريـب
    عـاشـق وانــا مـالي حـبيب
    حـبيت ... كـل الـناس لاموني
    حـبيت ... كـل احبابي باعوني
    قـلـت احـب الـحب احـسن
    قـلـت احـب الـحب اضـمن
    لا احــــن .. ولا اتــــوه
    ولا بـعـد فــي يـوم احـزن


    رضـيـت بـاقداري ونـصيبي
    صــرت مـحـبوب الـحبايب
    وصــار كـل عـاشق حـبيبي
    الــلــيـلـه غـــيـــر
    شـــعــوري غـــيــر
    اشـــواقـــي غـــيــر
    حــتـى الاغــانـي غـيـر
    صدري سما .. واحساسي ... طير


    بـــس طـيـفك مـاتـركني
    ظــل سـاكـن تـحت جـفني
    كــــــان وافــــــي
    كــان يـذكر .. وانـت جـافي
    انــــــت ويـــنــك ؟
    كـان هـذا الـفرق مابيني وبينك
    جـيـتـني تـشـكي الـزمـن
    وجـيـتـك أبـــي أدفـــى
    لـقـيت فــي قـلـبي وطـن
    ولـقـيـت بـــك مـنـفـى

  3. #3
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    (( 3 ))


    ذكـــرى الفراق




    الـيوم ذكرى الفراق ومرت اول سنه *** الـيوم لـي عام متغرب وحيد وحزين

    الـيوم انا ضيف جرحي جيت باطمنه *** انـي جمعت الدموع وجبت امانة امين

    مـا يجرح الصادق الا غدر من يامنه *** لا جت من احباب قلبك لا تلوم السنين

    مـليت مـن ها الاماني دام ماهي ممكنه *** لاهـي تـحقق.. ولا ياسي بوجهي يبين

    لـوين انا وانت مثل الشمس والازمنه ***مـع كـل صبح يجددني لشمسك حنين

    لا قـلت احـبك.. احـبك كـنها دندنه *** او كـنها وردة مـابين اصـابع جنين

    يـا اجـمل الناس لك بين الملا هيمنه *** كـثير غـيرك.. ولكن مين مثلك ووين؟

    يـا عـاذلي خـذ عيوني يمكن تثمنه *** تـشوف عيبه ... وانا اشوفه ملاك حسين

    امس افترقنا وانا احسب مرت اول سنه *** يـا طـولها لـيلة الفرقا.. سنة للحزين

  4. #4
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    علمتني

    ((4))

    علمتني وشلون احب
    علمني كيف انسى
    يابحر ضايع فيه .. الشط والمرسى
    علمتني وشلون احن
    علمني كيف اقسى
    سير علي .. بس امسح دموعي وروح
    سير علي .. جب لي معك قلب وروح
    سير علي .. اذا تذكرت الجروح
    ياطاغي النظرة .. خطا
    تجزى بهالبخل العطا
    وانا اللي اهديتك أمن.. عين وجفن
    هذي فراش وذا غطا
    ياجرح من وين ابتدي
    وانت معي من مولدي
    وعيت يدي .. على وداعك تهتدي
    بس انت علمني الجفا
    دامني عجزت اعلمك .. كيف الوفا
    علمتني كيف السهر .. ونسيتني الممسى
    علمتني وشلون احب
    علمني كيف انسى

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    (( 5 ))


    جتني وشافتها عيون حايرات"
    " ذا شعاع الشمس او هذا سناها


    ضاعوا اللي جوا معاها مسيرات"
    " واقبلت تمشي تقل محدٍ معاها


    ياسنا الفضه وياجيد المهات "
    " ياشذى نبت الخزامى في وطاها


    قلت كن بوجنتك زهر النبات"
    " قالت ان الرمش يجرح لي صفاها


    تجرح الظلما عيون ناعسات"
    " سلهمت وأغضت تغطرس في بهاها


    حققوا بالشوف في لون الشفاة "
    " هو خذا منها الشفق والا عطاها


    ولو ظلام الليل يعطينا ثبات"
    " فيه من لون الشعر والا كساها


    كيف أباصف زين كاملة الصفات "
    " كيف أباصل في حروفي منتهاها

صفحة 1 من 2 12 الأخيرةالأخيرة

المواضيع المتشابهه

  1. مشاركات: 7
    آخر مشاركة: 04-09-2010, 04:27 AM
  2. شبيه الامير الوليد بن طلال
    بواسطة امـيـر الزين في المنتدى الارشيف
    مشاركات: 6
    آخر مشاركة: 29-02-2008, 03:08 PM
  3. موسوعه لامير الراحل / طلال ال رشيد
    بواسطة حـش حـش في المنتدى قصائد وخواطر
    مشاركات: 10
    آخر مشاركة: 28-02-2006, 08:45 AM
  4. صورة الشاعر الراحل طلال الرشيد في الجزائر قبل وفاته بساعه
    بواسطة ღنــُـــوفღ في المنتدى الارشيف
    مشاركات: 30
    آخر مشاركة: 11-11-2005, 08:14 PM
  5. الشاعر الراحل : الامير طلال الرشيد
    بواسطة ₪₪₪الشمري₪₪₪ في المنتدى قصائد وخواطر
    مشاركات: 12
    آخر مشاركة: 07-07-2005, 01:16 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52