صفحة 1 من 7 123 ... الأخيرةالأخيرة
النتائج 1 إلى 5 من 35

الموضوع: وداعيــــــة (شــاعر مشاعر )!!!

  1. #1
    شاعر مشاعر


    تاريخ التسجيل
    Sep 2005
    الدولة
    جوار قبروالــدي
    المشاركات
    1,471
    معدل تقييم المستوى
    2

    Asl وداعيــــــة (شــاعر مشاعر )!!!

    [align=center]اشياء كثيره تموت ونفتقدها وننساها
    بس قليل اللي تبقى معنا ذكراها
    حاولت الم شتات القلم ، ما قدرت اهدي من اوضاعه
    ساعه ينزف بحبره .. واحيانا تخونه اوراقه
    دخان كثيف بداخل الغرفه ، وشعاع كل شمس ينكسر
    ما يتعدى حدود الستاره
    واظل انا وحيد ..اكوي صورتي بدموع شمعه
    اتسلى .. وادري التسلي ما يجبر الكسره
    حسافه ما دريت وقت الهنا ؛ يمر وينتهي بسرعه
    ما بقى غيري انا والكرسي ، وقلم جف حبره ..
    وبواقي ورق .. واثار دمعه
    من مذكراتي .. المره،،
    على الامل كانت الروح
    تامر وتنهي اقلامي
    والحين كثرت الجروح
    هدر ضاعت افكاري
    هييه ما به لي نصوح
    وطحت من قصر عالي
    قام النهار
    يابنت قامت الشمس
    وصار الضحى زحمه
    ناس تضحك ..ناس حزينه
    ناس تألم .. ناس سجينه
    ناس تسئل عن ناس
    وناس تبعد وتقرب من الناس
    صوره من عيني كئيبه
    مشهد من حياة الناس
    راح الظهر
    يا يابنت جت صفرة عصّير
    مسايير
    بين اهل وخلان
    اصحاب وصدقان
    اللي مشتاق .. واللي محتاج
    ومنهم كثير انا معهم
    بوسط ابيوتهم اغراب
    صوره من عيني كئيبه
    مشهد من حياة الناس
    حل الظلام
    وبدت ليلة حفل الختام
    حل الظلام
    وبعد الغروب يسقط الكلام
    يا ليلة من ليالينا
    تعالي ..
    واسينا .. ذكرينا
    كوني يمي .. ويمها كوني
    يا آخر ليلة تجمعنا
    يا ليل الظلام المعتم
    اشوفك بلا عنوان
    قااال يا العنا .. بالله اقسم
    ما قد مرني هالكلام
    قلت اشفيك تكفى ..
    يا ليل بالجواب عجل
    ما عاد لي بالصبر احتمال
    قال الغرام فيك حكَّم
    قلت وش حكم الغرام
    تأسف وبدا في البيان
    يذكر بأحلى الايام
    ثم رتب الجروح والالام
    تموت للأبد كل الاحلام
    تدوم للأبد كل الاحزان
    تمثيل كل الحروف بلا دعوى
    وتصوير كل الجروح بلا معنى
    ارتحل كل حل وخيار
    الخيار واحد ونهايته دمار
    تعبت ومضات الامل
    مليت دمعات القلم
    كللي بشر ظميان
    شبه ابتسامة زعلان
    نظرة حرب السلام
    مقيد .. قيده الزمان
    ساهر الليل ما نام
    منتظر ..
    فجر الاعدام
    اخاف الحقيقه
    اللتقينا .. وافترقنا
    اخاف الاكيد
    بالحيل ابتعدنا
    حقيقة .. تألمنا
    حقيقة .. انجرحنا
    حقيقة .. تعبنا
    من كل همٍ خذينا
    حلم وامل تعدانا
    اغرق البكى مدامعنا
    بنا تقطعت سواحلنا
    من الدنيا شكينا
    لقينا الدنيا تشكينا
    وداعيه ..
    بعين الاسير
    وبتناهيت الضرير
    وبخوف الصغير
    وبصوت الكسير
    وداعيه ..
    شروق الشمس
    وداعيه ..
    بقايا الهمس
    وداعيه
    يا ندى الحرف
    وداعيه
    يا عمر العمر
    وداعيه
    يا كل الامس
    وداااعيه
    الهوى من بعدك اعدام
    ومن بعدي انا ذكرياتي
    هموم الكون .. تطويني
    سنين عجاف .. تحتريني
    دموع .. واسى .. وانيني
    بواقي .. احلى ايامي
    نوف الورد .. يا شوقي
    حاولي تمنعي طيوفك
    راجيك تكفين لا تناديني
    ودي الشوق يكويني
    ودي الحزن بحضاني
    ودي البسمه تنساني
    اتوه بداخل اوهامي
    اذوق المر باحلامي
    و حر القهر يصلاني
    الامل بدنياي فاني
    يموت الوقت بعيوني
    اشوف جسمي باكفاني
    من بد الناس ناداني
    القبر مني صار داني
    سيدي الموت يبغاني

    وداعة الله
    ياللي عطى ولا خذا
    وداعة الله
    ياللي اضحكني وبكى
    وداعة الله
    ياللي طمني وخشى
    وداعة الله
    ياللي ريحني وشقا
    وداعة الله
    ياللي بسمه كان البدا
    وداعة الله
    ياللي بسمه كان الغفى
    وداعة الله
    آخر ما بقى
    قلبي يسوق المشاعر
    وساحة الهوى مقصده
    بعمره وبحرفه يخاطر
    ما درى هناك مقتله
    وظل ينتظر ..
    يبتسم .. ويبكي
    تايه بالظلام
    يتأمل الكون
    لا طلب رحمه
    ولا طلب عون
    سلم الروح ..
    ولو هي على النفس مره
    يتغنّى بالجروح ..
    يشم الموت وفاح عطره
    بدايته فكره ..
    ونهايته بكره ..
    وداعتك الله
    يللي لي حكمت
    واطفي النار والهم اللي بصدري
    ودي اكون الصمت ولا ادري
    واروح لعالم النسيان قبل بدري
    على متن الحزن
    قلبي المجروح ..اندفن
    اختفى نبضه ..
    يا عجل ما انهزم..
    قلبي قبل ما يروح
    ودعته وعانقته بالم ..
    كنه خيال او وهم
    ضعيف وجرحه ما التأم ..
    آه من صدر ينوح
    يبكي شقى ودمعه ندم ..
    منكسر ضلعه حزن
    لا عاد به حبر ولا دم ..
    اكثر من تعبان
    بالحيل انا تعبان
    ضاع مفهوم الحب
    اشك بالحب اللي عطيت
    واشك انك لي تحب
    يا كيف حرفي ما اشوفه
    يا كيف جف حبري
    كيف الليل ما يعدي
    كيف هدا نبضي
    انشل فكري
    وانا من عناك اعاني
    اشيل همك وما تدري
    اخفي خوفي عليك
    انا لو انسان انسى
    بس ما نسيت
    وش عاد لو انسى
    اعظم منك نسيت
    بس حقيقه ما نسيت
    رحمة الله على الايام
    يا ليالي الاحلام
    الله المستعان
    وش كان وما كان
    الله المستعان
    ساعات ..
    همسات..
    لحظات ..
    حلم ومات
    ما بقى من الكلام
    غير الذكريات
    ما بقى منها الا النسيان
    يا صعبها..
    وقفه على الاطلال
    تبكي الارض ..
    والسما تبكي
    طفله ذبحها الدلال
    كنت اشوفها بنفس المكان
    الحين اختفت ..
    عن عيني اختفت
    كانت تلعب ..
    وفي يديها جوري
    كانت تلعب
    وتشتكي لي ..
    ولا بكيت ..
    لي تضحك
    رغم انها تضحك
    بعيونها ادموع
    كان حزنها مغرقها
    اذكر كانت يتيمه
    اذكر كانت وحيده
    لا بكت صاب العالم سكون
    ولا رضت تستبشر النجوم
    طفلة كانت تلعب ..
    رغم انها طفله
    صدرها ام حنون
    حكيها كله جنون
    طفله .. واختفت
    اطلال ..
    كل اللي بقى
    الله المستعان
    يا انسان ابسألك
    كيف للحزن تابوت
    كيف ينطوي الصمت
    شلون تبيح الاهات
    وش ردك اذا لك قلت
    احساس الانسان مات
    وش احساس ينتابك
    لا قلت حبيت كذاب
    وش ترتجي لاحساسك
    من معدم الاضداد
    برحيل هم ارتحلت
    وظني الحزن ميعاد
    للي اقفت احضوضه
    وجفا الوقت ايامه
    يا انسان ابسألك
    كيف للحزن تابوت
    هو ما مات ؟!
    هو ما انتهى ؟!
    متى ينزل التابوت
    باللي فيه
    متى ينتهي حرف الالم
    متى يندفن ذات العدم
    آه من الجوف
    تحر القلب ونبض الوهم
    اخترت انا اقسى
    قبل تقسى الايام..
    ادري بها
    في الغرابيل عجله
    اخترت اكون خوان
    قبل لا اخونك بكره
    واخترت الرحيل بسكات
    ولا اظهر الشوق بالمره
    تدري ربيع الروح
    اختفى من صديت عنه
    يا المسافر بديتي
    وانتهيت بالمسافر
    لو قلت الكذب ..
    عشت انا واياك
    وتالي العمر كله افراق
    وصدق الود يا حسره
    قضى الله وذا حكمه
    والله ان الصباح
    في عيني اشوف كسره
    ينشدني عن اللي احبه
    وين انا ضيعته ؟!
    تسابقني ادموعي
    ولا اقدر ارد بكلمه
    طيفه يزاحم ناظري
    واختلف فكري وحلمي
    من فيهم يبحر في ذكره
    والله انك فقيده
    وانا اللي ما صنت عهدك
    وانا اللي بالوفا عاهدتك
    للأسف اكذب البشر عشقك
    اعتذر عن حرفي ..
    ادري ما عاد يهمك
    والحقيقه يستاهله صدك
    يا اللي تقول انسى
    وين ابنسى ؟!!
    وكل شي يذكرني به
    حتى بصلاتي اهوجسبه
    كل القصايد اسمه
    وكل الخواطر احروفه
    عيون البشر عينه
    وين ابنسى؟!!
    وانا لا دعيت ربي
    قلت يا رب لا انسى !!
    ودي اقول احبك
    واسكت بعدها ما انطق
    كلمه بدمعك كتبتيها
    وبحبر دمك رسمتيها
    يا ساكنه بعيني دموع
    وعطرالليل يا جوري
    الروح من بعدك ضياع
    ونفسي قبل الموت
    اضمك لقا او حتى وداع
    بديت تمل يا قلبي
    بدا نبضك بالنهايه
    وقف العمر جرحي
    صارت الذكرى حكايه
    نعم اخطيت ..
    واكبر خطا انتي
    كذبت ما حبيت ..
    غير همك وحزني
    حبيبي ..
    غبت عني وجيت
    عاتبتني وشكيت
    جرحتني وماحسيت
    وبالجفا تماديت
    عذبتني ما دريت
    وانا ياما بكيت
    وفي النهايه مليت
    ما عاد للشعر داعي
    والخواطر اجهدتني
    ذابت حروف المعاني
    واختفت كل النجوم
    الشمس شدت ..
    والقمر بعد شدّ
    يا قلبي ..
    وشهو له نسهر الليل ؟!!
    وشهو له نعاني ؟!!
    ودي انسى ..
    شموع الأمس
    ودي احارب ..
    جيوش الشوق
    وبكتفي من القمر همس
    والصمت ميزة الذوق
    تأملي النهايه !!
    ولو انك اخطيت
    وبحقي جفيت
    لو سويت ما سويت
    ما اكذب عليك ..
    لسمك انا حنيت
    ابيك لو قلت ما ابيك
    ولا ودي بالنهايه
    نفسي تبي حاجه
    والمُعنّى في رحيل
    تبي العذر والسماحه
    ترا خاطره عليل
    المسافر الدُعا زاده
    وما يسامح الا أصيل
    ما بقى منه الا رماده
    يا حلو وصف الخليل !!
    شاب الصبر يا شبابه
    وما بقى منه الا القليل
    ارجع ورد الابتسامه
    ورد بعض الجميل
    قبل فصل النهايه

    احساسي احساس
    واحسه خيانه
    شعور مدفون
    بوسط الظلام
    قلب مسموم
    بروح مشلوله
    احساس صعب
    غير مفهوم
    ضريبة الدُنيا
    خيانه
    أمانه يا عمري ..
    اذكري فيني،،
    لحظة حب ..
    لهفة شوووق ..
    سكوت الغيره ..
    شي من الوفا ..
    اذكري حتى الزعل
    اذكري كل الغلا
    يا وجدان العنا
    وظفري النهايه
    مسافــر ..
    وطريق السفر صعب
    مسافــر ..
    والسفر ما يودي لمكان
    تخيلي ..
    ذاك المكان لو تكلم
    وش بيكون الكلام؟!!
    تصوري ..
    الحزن يتألم
    والاحلام ..
    فيه صارت اوهام
    والأمل ..
    مخاوي الاعدام
    تخيلي ..
    ذاك المكان
    حرام ..
    يكون مسرح نهايه
    الكتابه عاده
    بس المشاعر هجوس
    والداعي اكبر من قرايه
    علمتك الحب ..
    آيه ورا آيه
    حفظتك الغرام
    وأسيتك العشق ..
    كاس ورا كاس
    وفي بحر الهوى ..
    علمتك الغووص
    طفله بعيني ..
    لو بالعمر تكبرين
    من اضلوعي ..
    كل الدفا اخذتيه
    وكل الحنين ..
    لك وهبته هديه
    ان قلتي ابي ..
    قلت انتي تآمرين
    وان قلتي لا ..
    قلت على عيني وراسي
    ان هجرتك نهار ..
    بالمسا تاصلين
    وان وصلتك ..
    رجعتي تهجرين
    زرعتي فيني الحيره
    يا اللي بقلبي اسيره
    يا أحلى النهايه
    النهايه
    حدود الحكايه
    ارض الألم
    سما العنا
    وجدان ما يحتوي
    شرقٍ ولا غرب
    شمسها شقا
    وليلها غيوم
    حياتها خوف
    مثلي فيها ..
    مثل صــــوره
    في برواز النهايه
    اللي اكبر من مستحيل
    واللي اقوى من قبل
    فيها التعب ما يمل
    بيني وبين الحكايه

    لليل الغريب ..
    وخسوف القمر
    للجرح العطيب ..
    وبروق السهر
    للوقت الشديد ..
    ووجيه الدهر

    - السـؤال -
    وينك .. ؟!
    والا انت ما تعرفني ..
    الا بالعتاب
    وينك .. ؟!
    لاحتجت انا لك ..
    وشرع الهم كل باب
    وينك .. ؟!
    إذا توهني الضباب
    وينك .. ؟!
    الدم اذرفته الأحداق
    - الجـواب -
    يا اللي تسأل ..
    وش عاد يعني لك
    هذا .. وذاك
    يا اللي تسأل ..
    وش عاد بيدك !!
    عنِّي الناس لا تسأل
    الحقيقه في بعدك ..
    اسأل الثرى عنِّي

    - همسات -
    أحلى من القمر ..
    وأغلى البشر
    عبير كل الزهر ..
    يفداها العمر
    حبيبتي
    حياتي معاها ..
    ويطربني هواها
    شفتها ..
    بعين الشمس
    وقت الغروب ..
    لمحت محييَّاها
    هذي اللي ..
    الكون لعيونها رخص
    هذي اللي ..
    قلبي لها يبتسم
    ولحظتها روحي تتسم ..
    بالسعادهـ .. وقبل ..
    ما عرفت لها عنوان
    يآهـ .. وآهـ
    اوووهـ .. يا زمن
    الليله نكد ..
    حكمتها الظروف
    الليله نكد ..
    بلغتني الطيوف
    الثواني تهد ..
    ما بنيت من صروح
    السعادهـ تنسحب ..
    وتجمعت كل الجروح
    الليله تعب ..
    بتنساني وتروح
    الليله وعد ..
    والإنتظار سيوف
    الندى يبتعد ..
    واسكنته الروح
    الليله نكد ..
    حكمتها الظروف
    الليله نكد ..
    بلغتني الطيوف

    يا ليلة شقى ..
    فيها انعدم
    كل الحنان
    فيها اختلط ..
    معنى الامان
    ليله استنزفت ..
    ألم .. وأحزان
    هجر .. وحرمان
    عمر مضى ..
    بواقع إنسان

    آهـ .. يا ويلي
    من ليلة نكد
    تمر بي ..
    بلحظة حزن
    تمر بي ..
    بلحظة يأس
    وكتابي المنثور ..
    على نور القمر
    حيل اجهدني
    آهـ .. تتعبني
    نظرة النجم البعيد
    آهـ .. يقهرني
    احساس مرهق عنيد
    وابشتكيه ..
    والمشكله .. إلى من ؟!

    تكفى يا عمر
    إذا مابقى ..
    غير الجراح
    تكفى يا عمر ..
    اعفيني
    إذا مابقى ..
    غير النكد
    تكفى يا عمر ..
    اعفيني
    لا تنتظر ..
    هاك الصباح
    ما بعد هالليل ..
    إلا القهر
    يكفيني ألم ..
    وآهات وحزن
    ذبحني الأمل ..
    اللي ما وراهـ
    غير الندم

    سحابة هدوء ..
    خذني يا زمن
    وقدم لي الكفن
    ما عاد بي ..
    شي ينهزم
    لا تسأل ..
    ما بي اذكر اسباب
    لا تسأل ..
    ما عندي لك جواب
    خذني يا زمن
    ارجوك ..
    وهذا المهم

    حياتي ..
    مالها داعي
    ذكرياتي ..
    تهيض اجروحي
    معاناتي ..
    راس مالي
    احزاني ..
    ذوبتها بدمي
    صمتي ..
    شتت احلامي
    ويني .. ؟!
    ضيعت انا حالي
    بوحدتي ..
    شانت احوالي
    انادي ..
    الهوى ..الجاني
    عمري قضيته ..
    على كف يمناك
    لا .. وان غبتي ..
    ترى عمري خسارهـ
    وكل ما ظنيتك ..
    مني قريبه
    عنك .. تبعديني
    كل ما حسيتك ..
    مني قريبه
    بالحب .. تجاهليني
    مدري عنيدهـ ..
    والا غيري ..
    بنفس الطريق !!
    آهـ ..
    يا حب انكتب
    وبليلة نكد ..
    اشوفه غريب
    اشوفه وحيد
    مثل الغريق ..
    وبالكون كله
    ما غيرك طبيب

    انهكني الليل
    وعبرتي ..
    تغص بي
    هذا ليل الألم
    هذا ليل الشجن
    اسهر معه دايم ..
    ولا احدٍ منه سالم
    ننزف جروح ..
    نكتبه بوح
    واللي ما بكى ليله ..
    مصير الدنيا تبكيه
    مصيرها تعلمه ..
    ان هالكون كله
    من النكد ما يمنعه

    وقت السحر ..
    بداخلي اعصار
    يكسر اغصان الشجر
    يفتت عظيم الصخر
    في ليلة نكد ..
    من غيوم القهر
    تسابقت حبات المطر
    في ليلة نكد ..
    احس بالموت ينفجر
    بداخلي .. وآهـ تنعصر
    وصورتك عيِّت تنكسر
    بدونك حياتي ..
    نكد
    الهجوس
    بيني وبين البشر
    وبينك وبيني احساب
    القضى ما حكم
    ما على الشكوى شهود
    حلفت بالوفا
    وعاهدت بالعطا
    وابريت ذمت الجفا
    غسلت ما مضى
    ودفنت ما بقى
    وقتلت عند بابك
    قلب العنا
    بصافح شمس القمر
    بطفي الحزن
    باعماق الجليد
    بكسر اعناد الوهم
    وحطم اصنام الالم
    بقهر مولد الحلم
    بتجاهل اطياف الخيال
    بمسح دموع الندم
    وجدد مشاعر انسان
    ببني الحب من عدم
    بشيده كل ما انهدم
    بروي ظما حرفي ..
    ينتعش حبر القلم

    مرتاح بك يا عنيد
    يا جرحي القريب
    نزفك بالحيل شديد
    لا ما فاده طبيب
    يا حب ما به جديد
    الكل راح بحبيب
    وضاعت احلامي بعيد
    بقايا نبض عطيب
    احساس روح الشهيد
    دون الثرى غريب
    لا تنسيني بالمره
    انسي الحب فيني
    انسي كل ما فيني
    بس انتي اذكريني
    لو مريت بالصدفه
    لا تنسيني بالمره
    ما اقوى الهجر كله
    ما اقدر احس اني
    اسير ماضي ودعته
    ما اجبرك على كلمه
    لا ولا حتى ابتسامه
    انا ابيك بس اتسلم
    بين كل روحه وجيه
    لا تنسيني بالمره
    ما تعودت القسوه
    هذا خطاب لينته
    والا العنا اصله
    انك دوم تحترمه

    يللي تسئل عن الحال
    هو يهمك والا مجرد سؤال
    ان كان يهمك
    ترا ما يهمني تسئل
    وان كان مجرد سؤال
    جوابه اكثر من محال
    اول تغير
    وتبدلت كل الاحوال
    صار العالم بعيني
    ازرق بحر
    ابيض فراغ
    اخضر شجر
    سحاب يعني مطر
    او منظر خلاب
    فيه رضى وفيه قهر
    فيه ورد وفيه زهر
    فيه كثير اضداد
    ويا كثر الاشواق
    ويا قل اللقى
    وياما شفنا عهود
    بس وين راح الوفا

    الله اكبر يا غريب
    وين دارك وطيبك
    وين ثوبك وهمسك
    الله اكبر يا غريب
    وين وصلك جنونك
    خابت بك اظنونك
    ابدا من جديد
    وانسى اللي مضى
    خلك مثل اليوم
    ينسى البارحه
    وينتظر باكر
    لا تسهر الليل
    ولا تعد النجوم
    اكتب الحرف
    لا يبكي السطر
    لا دم .. لا نزف
    اقتل الدمعها
    وهي في محاجرها
    اطلق البسمه
    ومن القيد حررها
    جرد الكتمه
    خل الحكي ينفسها
    وش عاد تنسى
    الله اكبر يا غريب
    رحلة هجوس
    من طيف مجروح
    يكذب الروح
    يعاني وينوح
    لا يجي ولا يروح
    رحلة هجوس
    يا سعد تكفى
    اسقيت السم مقروص
    وشربت المر مدسوس
    ناظري صفوه تكدر
    خاطري يمه يتحدر
    توطن بواطن الهم
    اجفاني ولي سلهم
    آه من قلب(ن) نبضه بخيل
    كريم للحزن وهو له خليل
    عسى الرحله تنتهي
    ويمرني هجوس جديد
    عسى ما تمد عبرتي
    وليت جزرها قريب
    كل الحروف ما تكتفي
    كل المعاني ما تجور
    وخاطري لا تظن مكسور
    لعبتي ترا هي دفتري
    رحلة هجوس
    مثل ما بدت تنتهي

    نواف السعدووني [/align]

  2. #2
    ملكة الأنوووثه


    تاريخ التسجيل
    Jan 2005
    المشاركات
    658
    معدل تقييم المستوى
    1

    افتراضي

    اعتذر عن حرفي ..
    ادري ما عاد يهمك
    والحقيقه يستاهله صدك
    يا اللي تقول انسى
    وين ابنسى ؟!!
    وكل شي يذكرني به
    حتى بصلاتي اهوجسبه
    كل القصايد اسمه
    وكل الخواطر احروفه
    عيون البشر عينه
    وين ابنسى؟!!

    $
    @
    $
    @
    $

    دمــــــــــــــــــــــــــــوع

  3. #3
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    Cry

    انــــــــــــسى


    اكذب اذاقلت نسيت


    صوته.....يسليني


    ضحكته...تفرحني


    همسته....تداعبني


    زعله.......يتعبني

    فرحه.....يسعدني

    حزنه....يبكيني

    ألامه....يوجعني

    احساسه.....هواحساسي

    قصيده.......فيني

    تركتهـــــــــــ


    ورحلــــــــــ


    عيني تبكيه


    جرحي هودواه

    ليلي هوونيسي


    ولكنــــــــــ


    من يواسني


    من يفرحني


    من يسمعني


    من يخفف الامي


    أنامع الناس


    بدون وجود


    بدون احساس


    بدون شعور


    أضحك والهم طاويني


    شكيت من الدنيا


    اثرالدنياتشكينا

    حبـــــــــــي


    وداااااااااعيه


    أبقي في حزني


    أبقي وحيده

    فـــــــــي


    دنياغريبه

    اااااااااه


    اااااااااه


    بدونــــ


    حبيبــــــــــ

    ...................

    اخوي تسلم اناملك على تلك الكلمات

    كلمات اكثرمن راااائعه



    تحيــــــــــــــــ تي ــــــــــــا

  4. #4

    ][ كبَـآر الشخصيَآت ][


    تاريخ التسجيل
    Oct 2004
    المشاركات
    5,971
    معدل تقييم المستوى
    8

    افتراضي

    ...:::شآعـر مشآعـر:::...

    نزف قلمك بآروع آلحروف..

    وعآنقة جمآل آلخيآل..

    بكلمآتك..

    سطرت ..وآجدت آلابدآع من بين آلسطور..

    سلمت لنآ ..وسلمت لك آنآملك..

    تحيآتي لشخصـك آلكريـم..


    آخـوك ِ


    ][..وعـ....ـدآلهـ....ـوى..][
    Instagram: Loss888.

  5. #5
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي شاعر مشاعر



    شاعر مشاعر

    حين يكون الهامس من خاطره شاعرآ--- تتكااااااااتف اللغات

    براهين لحبه وشجنه --- أبدعت بصدق مشاعرك ---

    معاناتك تجسدها الحقيقه من قصيده لخاطره--- وهنا يكمن الأبداع

    (صدق المشاعر ) أبدعت وزان همسك بهمسه أيها الشاعر0000

    لاعدمنا تواصلك معنا0000

    تحيه--الحوراء00بنت نجد

صفحة 1 من 7 123 ... الأخيرةالأخيرة

المواضيع المتشابهه

  1. شــاعر الــحــب والــوفــاء ..... منزلتها يعني منزلتها .
    بواسطة دموع المطر في المنتدى الارشيف
    مشاركات: 33
    آخر مشاركة: 17-11-2007, 01:54 AM
  2. (( كذا تجي شــاعر ))
    بواسطة هنوف العتيبي في المنتدى الارشيف
    مشاركات: 4
    آخر مشاركة: 06-11-2007, 05:50 PM
  3. اجمـــــــــــــل شــاعر امــاراتــي فــزاع..
    بواسطة سحر الانوثه في المنتدى الارشيف
    مشاركات: 29
    آخر مشاركة: 01-11-2007, 03:38 PM
  4. شــاعر المليـون بالصــور
    بواسطة RàngêRovêr في المنتدى الارشيف
    مشاركات: 14
    آخر مشاركة: 02-05-2007, 11:59 PM
  5. الأ كــل شــاعر ولا مـانع للـمـبـتدء فأرجــوا الـمـشاركـه!!!!
    بواسطة لايفووووووتك في المنتدى قصائد وخواطر
    مشاركات: 9
    آخر مشاركة: 07-12-2006, 04:57 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52