صفحة 1 من 3 123 الأخيرةالأخيرة
النتائج 1 إلى 5 من 13

الموضوع: الآدمي في دنيته

  1. #1
    ... عضو جديد ...


    تاريخ التسجيل
    Feb 2006
    المشاركات
    21
    معدل تقييم المستوى
    0

    Sun الآدمي في دنيته

    [poem=font="Simplified Arabic,4,blue,normal,normal" bkcolor="transparent" bkimage="" border="none,4,blue" type=1 line=0 align=center use=ex num="0,black"]
    يالله يامنزل تبارك والعلق هي والصمد=يا مهلكٍ فرعون وأعوانه ومهلك قوم عاد

    يا الله دخيلك يا الولي ماعاد به ظهرٍ يشد=ما عاد به ياخالقي عده ولابه من عتاد

    الآدمي في دنيته يعيش في هم ونكد=قضى حياته بين تصبيحة سهم والا هجاد

    يشوف سهمه هو رقا والا نزل والا جمد=هو زاد سهم السامبا والا سهم لجين زاد

    والناس صارت كلبوها للتوافه تجتلد=ما ادري غباء والا جهل ما أدري ولكن الوكاد

    تشوفهم في صف واحد عند بنك المتحد=والا تزاحمهم ووقفتهم على بنك البلاد

    وأنفوسهم صارت ضعيفه كلها ظلم وحسد=ما فيهم اللي من حياته قبل موته استفاد

    اللي يسب بصاحبه واللي على الثاني حقد=واللي نشب في عروض خلق الله تقول انه قراد

    مقابلين الشاشة اللي كلها خبث وفسد=الشاشة اللي ما ملاها الا مروجة الفساد

    يهيضهم منهو يغني بأغنية يابو حمد=ويطربهم الفنان خالد أو رنا والا جواد

    ويتابعون أخبار ماريا على محمد سعد=ويا سعدهم لا جاء مسلسل حب لمحمد فؤاد

    ويشجعون النادي اللي فاز للقمة صعد=وكم سجل اليوم النصر في وسط قول الإتحاد

    مبحلقين عيونهم يالله عساها للرمد=ويالله عساها يثر فيها ملح ويثر الرشاد

    ما كنهم شافوا على الشاشة شعوبٍ تضطهد!=شعوب يرثى حالها للموت والعزره تقاد

    شعوب يسلب حقها عنها ولا واحد نشد=من شوفهم واحوالهم يبكي ولو حتى الجماد

    هذي عجوزٍ تنضرب والعود معها ينجلد=والا العذارى تستحي والطفل يقتل في المهاد

    بيوتهم من فوق راس العود والحرمه تهد=تسلب أراضيهم علن ولا لنا الا الإنتقاد

    شبابهم وارجالهم وأطفالهم راحوا بدد=شعوب تحمل راية الإسلام في العالم تباد

    يا لعنبوكم كان ما فيكم ولا واحد صمد=ما فيكم اللي هبت عزومه ونادى للجهاد ؟

    يومن ولد الخايبه قصر وعند امه رقد=وصار أكبر همومه طرب ويفصل ثيابٍ جداد

    وين أنت يالذيب العزوم اللي بهداتك أسد ؟=يا اللي لجرح أمة محمد سترها وأنت الضماد

    وين النشاما والجموع ووينها طيور الهدد؟=اللي يشبون الفتيله من على راس الزناد

    وين النفوس اللي تردد قل هو الله أحد ؟=وين الرجال اللي بفزعتهم يفكون القياد ؟

    وين الشيوخ اللي بحنكتهم يحلون العقد ؟=وين القبايل والأصايل وينهم أهل الشداد ؟

    غرتهم الدنيا وشل نفوسهم طول الأمد=هم ما دروا أن البشر والخلق تاليه النفاد ؟

    والمشكلة جتنا المصيبة من ذراع أبن البلد=اللي طعن أرضه غدر من زود جهله والعناد

    جماعة الإرهاب والإفساد جونا بلا عدد=توالدوا ما كنهم الا من اسراب الجراد

    كلن قبس ناره على داره بحسب المعتقد=لكن وبفضل الولي نيرانهم صارت رماد

    أفكارهم متغيره وعقولهم فيها سدد=والله ما أدري منين جابوا ياعرب هالإعتقاد

    أنا أشهد أن عقولهم يا ناس من جنب القدد=يا الله تفنيهم يا مفني بعزتك ذات العماد

    هم مادروا اللي يضرها في يوم مابعد أنولد؟=من دونها اللي لأمنها ما لذهم حلو الرقاد

    والغافل اللي في حياته لا ركع ولا سجد=يجيه يومٍ يلبسن البيض لفراقه حداد

    أغنم زمانك وأغتنم دنياك يامال السعد=صل الفروض وعدل أوضاعك بكثر الإجتهاد

    وأن كان خانتك العزيمة والعزم طاح وبرد=فعرف ترا وأن طالت الدنيا فـ لله المعاد

    سو ماتبيه وترغبه بس الوعد يوم الوعد=يبان فيه الوجه الأبيض صدق ويبان السواد

    يومٍ تعود لخالقك سبحانه الفرد الأحد=ما فيه لا فرصة ولا تأجيل في يوم السداد

    والله واللي رافع السبع الشداد بلا عمد=لتشوف ما سوت يمينك حق في يوم الحصاد

    ويالله تقبل كل ما قلته بكل اللي ورد=وأنا أدري أني شاعرٍ عاجز وأهيم بكل واد

    وأزكى الصلاة مع السلام أعداد ما الوبل أنبجد=لمحمد اللي فضله ربه على كل العباد [/poem]


    وسلامتكم جميعا


    أخوكم

    موال الغربه



  2. #2
    ... عضو نشيط ...


    تاريخ التسجيل
    Oct 2005
    الدولة
    الشرقيه الخبر
    المشاركات
    94
    معدل تقييم المستوى
    1

    افتراضي

    مشكور اخوي على الكلمات الرئعه

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي موال الغربه


    موال الغربه

    مرحبآ بالشاعر الذي ترجم معانيه بقوافيه الشامخه

    الحس الوطني والتألق بأبداع في تلامس مشاعر الجميع

    للوطن وحبه والذود عنه بكل وسيله ---- الكلمه جهااااد

    والبوح الوافي يثري النفوس ويبعث التوهج للرقي

    بحب الوطن والتغني بأمنه وأمانه -----

    أبدعت ياموال وخدمة بموهبتك أسمى هدف فأنت الشاعر

    المواطن وهناااااااا تجلت معانيك وسمو خلقك وحسك الأدبي

    مرحبآ بيننااااااااااا بهذا الحضور الذي نشكرك عليه جميعآ

    تواصلك يسعدنا أيها الشاعر0000

    تحيه--الحوراء--بنت نجد

  4. #4
    ][..مبـدعه في سمـاء الـزين..][


    تاريخ التسجيل
    Jan 2005
    المشاركات
    3,516
    معدل تقييم المستوى
    4

    افتراضي

    وأزكى الصلاة مع السلام أعداد ما الوبل أنبجد
    لمحمد اللي فضلـه ربـه علـى كـل العبـاد

    رااااااااااائعه اخوي
    صح لسانك مليون
    كتبت فاجدت

    دمت بود

    اشواقي::المشتاقه

  5. #5
    ... عضو نشيط ...


    تاريخ التسجيل
    Jan 2006
    المشاركات
    45
    معدل تقييم المستوى
    0

    افتراضي

    صح لسانك مليــــــار ياأخوي موال الغربه لاهنت وربي القصيده في غاية الروعه والجمال
    لافض فوك......دام حسك الراقي....وبوحك المتميز المنفرد بالابداع والتفاني
    قصيده رائعه.....وشــــــاعر أروع
    تقبل إعجـــــابي واحترامي بشـــــاعريتك وبك يا أغلى أخ في الدنيا كلها!!

    أختك //جرح العيون

صفحة 1 من 3 123 الأخيرةالأخيرة

المواضيع المتشابهه

  1. خيارات المجلد اختفت..
    بواسطة آيمـamyـي في المنتدى الارشيف
    مشاركات: 5
    آخر مشاركة: 09-08-2008, 06:18 PM
  2. هل هذا المجلد فايروس؟؟!! [ مساعده ]
    بواسطة صآدفتهآ في المنتدى الارشيف
    مشاركات: 6
    آخر مشاركة: 10-07-2008, 11:45 PM
  3. البسكويت المحلى
    بواسطة ملاكي الحزين في المنتدى عالم حواء
    مشاركات: 6
    آخر مشاركة: 22-03-2008, 05:51 PM
  4. واحد مقابل خويته في محل ابو ريالين !!
    بواسطة وحده من العيال في المنتدى الارشيف
    مشاركات: 10
    آخر مشاركة: 11-02-2008, 04:32 AM
  5. في أحد يواعد خويته في محل أبو ريالين ؟؟
    بواسطة مسكنك روحي في المنتدى الارشيف
    مشاركات: 18
    آخر مشاركة: 28-12-2006, 10:34 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52