صفحة 1 من 2 12 الأخيرةالأخيرة
النتائج 1 إلى 5 من 9

الموضوع: !! .. حبّ على الشات .. !! .. قصيده رائعه .. !!

  1. #1
    ... عضو ذهبي ...


    تاريخ التسجيل
    Dec 2005
    الدولة
    ~ *مـ ـهـ ـاجـ ـر*~
    المشاركات
    843
    معدل تقييم المستوى
    1

    افتراضي !! .. حبّ على الشات .. !! .. قصيده رائعه .. !!

    [align=center]


    عشقتك.من ورى شاشة سوالف و الهـوى وينـه
    و وين الشات..و اهل الشات..ما ظنـي يعرفونـه
    غلط وادري..غلط واكبر..غلط لكن..مضـى حينـه
    و لا فات الفـوات الصـوت مـا ينفـع تجرّونـه
    سوالف بسْ خط وهمسْ شافك.شمسْ فـي عينـه
    رسمْك.احلام..عـاش اوهامْ..رسْمـكْ دام بعيونـه
    تولع بكْ..و فـي دربكْ..كتـب آخـر ..عناوينـه
    و لـو يكفيكْ..روحـه فيكْ..مـا تجفيكْ..مرهونـه
    نظـم لجلكْ..مـن ابيـات الغزل..بيتٍ..تحبّيـنـه
    جمَع بعضه..على بعضه..و جا من ضمن..مضمونه
    بِـأنّ الحبَّ..موطِنُنا..سَنَحـيـى في..شرايِيـنـه
    و أنّ الموتَ..غايتُنـا..و روحـي فيكِ..مدفُـونـه
    تبـدّل بالخجـل لونـكْ..و قــرّب منكْ.يدّيـنـه
    تباعدتي..و قال انتي...هوى قلبـي..و مضنونـه
    و فجـأه ينتهـي دوركْ،..عيونـك مالهـا بِينـه
    لانّ الي..مضـى طيفٍ..مـن طيوفٍ..يـزورونـه
    رجـع للشـات..و وعودكْ..تكذبـهـا براهيـنـه
    وعدتـي ترجعيـن و لا رجعتي..خالـف ظنونـه
    ترك كل البشـر خلفـه..و سامـر موعـدك لينـه
    خسر مستقبلـه لجلـكْ..و زوّدتـي بـه طعونـه
    سنه مرّت..و هو عاكف علـى عزفـه و تلحينـه
    سنه تقبلْ..و هو عارف..مدى صبـره و مخزونـه
    سأل جده..سـأل حتـى الجبيـل الـي تزورينـه
    و لا حصّـل مـن أخباركْ.سـوى كلمة{يقولونـه}
    مصيبه !! كارثه !! شـيٍ علـى غفلـه تسوينـه
    تجين بْ نكْ.غيـر النـكْ..و تشوفيـن وشلونـه
    عرف خطكْ..على الشاشه..و رجّـح لكْ..موازينـه
    تغيرتي؟؟مثل.منتي؟ حضوركْ.وش وقـف دونـه؟
    و كالعاده..قبـل عـذركْ..و شـيٍ بينـك و بينـه
    رجـع للصفـرْ بعـد العـدّ مـا وصّـل لمليونـه
    بدت رحله..جديده من..غيابكْ..لييييييـه تجفينـه؟
    بعد ما حسّ..بـنّ النـاس فـي غيبتكْ..يجفونـه
    و ربّ الكون..لو قد كان..مثـل الصخْـر تكوينـه
    تكسّر بين..وصْل و بين..و اصبح شيْ يدوسونـه
    عَمَت عيـن العدو..حسّي..تشمّـت بـه عدوينـه
    وقف ضده..و هو وحده..على عهده..بشر..كونـه
    وش الي باقي اشرح لكْ..وش الـي مـا تعرفينـه
    وش الـي خافـيٍ عنهـم..و لا ظنّكْ..يعرْفـونـه
    و ربّ المنتـدى ربّ (الزين) الـي تشوفيـنـه
    كتبت آخر كـلامٍ كنـت أخـاف النـاس يقرونـه


    احترامي!!


    [/align]

  2. #2
    أطخم


    تاريخ التسجيل
    Dec 2005
    المشاركات
    1,979
    معدل تقييم المستوى
    2

    افتراضي

    [align=center]

    لي عودة للأعماق ..
    سيدي ..
    أعماق الشمّري ..!

    سأعود للبياض
    يا نقي ..

    .
    .
    [/align]

  3. #3
    ... V I P...


    تاريخ التسجيل
    Nov 2005
    المشاركات
    3,821
    معدل تقييم المستوى
    4

    افتراضي

    يعطيــــك العافيــــة اخوي أعمـــ ــ ــــــاق ودائما مبــدع بذوقـك





    وبعـد اذنك اخوي أعمــاق مشاركتي.. بنفس الموضوع





    واتشــرف اخوي بوجودهـــــا هنـــــا ..:









    "" قصـــة شخــص تعب من الشات واتمنى تكون عــبـــرة لغيرة """





    يا بنت أرجوك أنا ما أقدر كفانـي ماضـي الغلطـات
    أخــاف الله يعذبـنـي وأنــا خــواف يا بنـيـه

    وأخـاف بساعـة اللـذة يجينـا هــادم الـلـذات
    ويأخذ مـن حشـى جوفـي بقايـا روحـي الحيـه

    أنا ليّه ثمان اسنيـن وأنـا مدمـن علـى الشهـوات
    ديـار الفسـق حاستهـا مواطـي تحـت رجلـيـه

    عيوني مـن كبـر همـي تخلـط الـدم والعبـرات
    مِسيـل الدمـع مـن عينـي حفـر بالخـد ماريـه

    صحيح إنك جميله بـس تبنـا مـن هـوى الزينـات
    تركنـا الحـب غصـب وطـوع للعيـن الشقاويـه

    يابنت أنتي على بالـك أبأخـذ مـن بنـات الشـات
    أجـل مجنـون أنـا يابنـت أشيـل العقـل بيديّـه

    ترى أكبر شيء يربطني مِعك جـوال ابـو شاشـات
    وهاتـف ينقـل أشواقـي علـى نبـرات سلكـيـه

    وترى كل العلـوم اللـي عطيتـك بالهـوى كذبـات
    وحتـى دمعتـي يـوم الفـراق الصعـب كذبـيـه

    هـذاك اليـوم ماهلـت عيونـي لجلـك الدمعـات
    لأن الدمـع ماينـثـر بقـصـه حــب وهمـيـه

    أنا أضحك مِعك واضحك منك وعليك أكثّر الضحكات
    كأنـي بالـهـوى جـنـي يعـبـي راس جنـيـه

    وأنا مانـي بخكـري يلبـس القمصـان والشرتـات
    ويفـرح قلبـه المسكـيـن إذا حــب الدوينّـيـه

    أنـا مـن لابـةٍ أروت ضمايـا سيوفهـا الغـزوات
    خلاياجسمـنـا عـاشـت عـلــى دم القبيـلـيـه

    ودهنتي شعـرك الاسـود بألـوانٍ مـن الصبغـات
    وعيـت تقبـل الصبـغـه ملامـحـك الخليجـيـه

    عشاني ميـتٍ فـي ثغـرك الأحمـر أبـو لمعـات
    تحسبينـي أبرضـخ لـك لأن إشـفـاك ورديــه

    ورب الكون مأرضى فيك لو إنك شيخـة الحلـوات
    وإذا صمـل علـيّ العلـم أكـب ارض السعوديـه

    يابنت الناس عـزك فـي سـوادٍ يستـر العـورات
    وعزي في شماغ أحمـر وثـوب أبيـض وطاقيـه...!








    وتحياتي لك اخوي اعمــــاق .. im8

  4. #4
    ... V I P...


    تاريخ التسجيل
    Sep 2005
    الدولة
    ديــــار أبو متعب
    المشاركات
    2,265
    معدل تقييم المستوى
    3

    افتراضي

    اخووووووووووي اعماق

    قصيده مؤثره بمعنى الكلمه

    تسلم يمينك يا الغالي على هذي القصيده ولا تحرمنا من جديدك0000

  5. #5
    ㄨ ¦ .. مِسَآٍفْرٍَهـٍْ لِلْجِ ـًٍـًٍفَـٍآٍ .. ¦ ㄨ


    تاريخ التسجيل
    Apr 2005
    الدولة
    الله اعلـم
    المشاركات
    3,989
    معدل تقييم المستوى
    4

    افتراضي

    :

    صح لسآن الشآعر
    وتسلم يمنآك
    لآخلآ ولآ عدم

    :

    نفح ـآت

صفحة 1 من 2 12 الأخيرةالأخيرة

المواضيع المتشابهه

  1. للتفائل قصيده رائعه ....
    بواسطة آحوال في المنتدى قصائد وخواطر
    مشاركات: 10
    آخر مشاركة: 15-05-2010, 01:35 AM
  2. قصيده رائعه في قبيلة عنزه _ونعم في جميع القبائل
    بواسطة احســأس في المنتدى قصائد وخواطر
    مشاركات: 3
    آخر مشاركة: 02-09-2007, 12:18 PM
  3. قصيده رائعه فى الغزل
    بواسطة ذرب المعاني في المنتدى قصائد وخواطر
    مشاركات: 6
    آخر مشاركة: 16-08-2007, 01:56 AM
  4. قصيده رائعه لشاعر المليون تركي الميزاني
    بواسطة احساسي صادق في المنتدى قصائد وخواطر
    مشاركات: 11
    آخر مشاركة: 06-03-2007, 02:11 AM
  5. { قصيده رائعه في الهــلال }
    بواسطة هــَايدي في المنتدى الرياضة
    مشاركات: 10
    آخر مشاركة: 04-01-2007, 12:36 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52