صفحة 1 من 2 12 الأخيرةالأخيرة
النتائج 1 إلى 5 من 8

الموضوع: أحدث رد على قصيدة القحطاني في شمر

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Messenger3 أحدث رد على قصيدة القحطاني في شمر

    هذا أحدث رد على قصيدة ناصر القحطاني في شمر

    0
    0
    0


    رائعة ناصر القحطاني.000
    0000000000000000000

    الشمس غابت وكل ٍ دوّر سراجه

    والشوق جمّر محرّ الشوق لا جمّر

    دام اتجاهك شمال مودعك حاجه

    سلّم على حايل وسلّم على شمّر

    قدامك الخافق اللي ينشد علاجه

    كنه معلّق على برزان ومسمّر

    وانت تعرف يا بعد حيي من تواجه

    بيضان الافعال لا من الزمن سمّر

    ان ضاقوا أعنف من البحر وامواجه

    وان راقوا اركد من الخرمان لا عمّر

    كم صيت بيت ٍ عتق في الباب مزلاجه

    وكم شيخ اماره قبل تعيينه مؤمر

    وكم حاتمي ٍ تكفيّ فلّة حجاجه

    وش لون للضيف لو عن ساعده شمّر ؟

    وان مر تاريخهم متلبس ٍ تاجه

    كم عاشق ٍ كيّف وكم حاسد ٍ زمّر

    في جو ٍ اغلى على الرجلي الى داجه

    من ديرة السادس ومن ديرة معمّر

    كنّه الى اهدى له البراق فجاجه

    خلت غرير ٍ ضحك ومن الخجل حمّر

    توارثوا حرثه وتمتير ديباجه

    ركابة الجيب من ركابة الضمّر

    الودّ لا غرس بدري صعب مخراجه

    والله ولا الذّ واحلى منه لا ثمّر

    ادخل على اللي تطوف البيت حجاجه

    من ناقص ٍ عند مدح الغير يتذمّر

    والمدح لو كان في الرديان للصاجه

    ويقال عمّر بلد بالعون ما عمّر

    والذّم لو زاد في الطيب تولاجه

    لا احرق ولا اغرق ولا عمّر ولا دمّر

    ماني بمتحسب بشعري على حاجه

    الا اني اروح ما غنيت في شمّر

    0000000000000000000000000

    هذا رد الشاعر احمد الجريفاني الشمري

    على قصيدة الشاعر ناصر القحطاني في حائل وشمّر000
    00000000000000000000000000000000000000000



    هلا بشهمٍ صدق في رسـم منهاجـه

    هلا بمنهو تمثّل فـي جبـل شمّـر

    هلا بمن تعجـز القيفـان لحراجـه

    ومن حقه إنه على القيفـان يتأمّـر

    وصل سلامك ولا يحتـاج ديباجـه

    عمّرت صرح الغلا ياعلّـك تعمّـر

    نظمت عذرا تهبّـل فـي تغنّاجـه

    لو حاول احدن يجاري حسنها قصّر

    يامير الاشعار يامن يحسـده تاجـه

    اعذر محاكيك بالقيفـان لـو كـرّر

    لو يمرض الجود نادوا فيك لعلاجـه

    تعطى البشاره لمن في جيتك بشّـر

    لو يظلم الكون نورك يجلب افراجـه

    ماعاشرك في حياتك حـي ويكـدّر

    يشهد لك ا لليل لامن ضوت ابراجه

    ويشهد لك الحبر والاقـلام والدفتّـر

    والطيب يشهد لك انك صرت هداجه

    نعم المراجل ونعم الاصل والمخبـر

    قحطان كنه محيـطٍ تلطـم امواجـه

    طوفان عارم ليامن الهـوى زمجـر

    ولامن هدا الموج يهدي غالي انتاجه

    الدر واللـول والمرجـان والعنبـر

    ما رامهم طامع إلا يرجـع ادراجـه

    الليث ماينقرب خـصٍ ليـا كشّـر

    نبراس عزٍ يسـرك فـي توهّاجـه

    من خلقت الكون حتى ساعة المحشر

    يامن نظمت البيوت وقمت بخراجـه

    عسى حياتك سهود ولايجيك الشّـر

    منت الذي يحسب بيوته على حاجه

    حنّا هلك والجبل في مثلكـم يفخـر

    ولا غابت الشمس محدن دور سراجه

    نور القحاطين ساطع في جبل شمّـر
    __________________

  2. #2
    ][ .سـوالـف غربـتـي.. ][


    تاريخ التسجيل
    Nov 2005
    المشاركات
    1,531
    معدل تقييم المستوى
    2

    افتراضي

    روعه الشاعر ناصر القحطانى

    وروعة الرد ياشمالى

    قصائد المدح والفخر التى تثري الادب وتبعث النشوه لقارئها

    نعم المراجل ونعم الرجال شمر وقحطان وقبائل العرب كافه


    هنا اضع تحيه لشمالى الذى يثرينا بكل ماهو جميل

  3. #3
    إنسان عادي ..}


    تاريخ التسجيل
    Mar 2006
    الدولة
    الساحل الشرقي .
    المشاركات
    4,001
    معدل تقييم المستوى
    5

    افتراضي

    السلام عليكم ورحمة الله وبركاتة

    ونعم بعيال الحمايل قحطان وشمر ونعم القبايل

    صح السان الشاعر ناصر القحطاني

    واعجبني كثيراً هذا البيت

    وكم حاتمي ٍ تكفيّ فلّة حجاجه
    ......وش لون للضيف لو عن ساعده شمّر

    ونعم بالاجوااد


    وصح السان الشاعر احمد الجرفاني

    وسمح أستاذي شمالي ان اضيف هذا الرد للشاعر نجم الاسلمي


    [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    بديت باللي ينير الكون بسراجه=الواحد اللي ينيرالكون لاسمر
    سبحان منهو نحت للسيل مدراجه=مظهر نجومه ليامن الشفق حمر
    ومن بعد ذكره وردت القاف لي حاجه=وشربت لين أرتويت وخاطري زمر
    وبديت سيناريو شعري مع إخراجه=ردً على الشاعر اللي ماهو مقمر
    بالله يامودي المكتوب رح ناجه=وسلم عليه وتكلم بأسمنا شمر
    سلم على اللي لضيفه يضحك حجاجه=من لابةً تشبع الجيعان لاظمر
    تاريخ قحطان مثل الشمس وهاجة=غلطان منهو يقول الشمس تنخمر
    وفي حاضر اليوم شال الطيب هداجه=أنا أشهد انه على الشعار ينومر
    الشاعر اللي بيوت الشعر تحتاجه=ناصر لسلم الجدود الطيبه عمر
    هم منبع الطيب هم ساسه وإنتاجه=والطيب وسط البيوت الطيبه ثمر
    كريم برقً على قحطان ملعاجه=على المطر في بلد قحطان ينهمر
    بديار قحطان طير العز مدلاجه=عسى النفل في فياضه كثب ومغمر
    مدحت ربعً ماهم للطيب سماجه=والطيب مستاقدً فيهم ولا جمر
    ولاهمني واحدً خطوته منعاجه=أعرف راع العمار من الذي دمر
    ولاني بمتحسف بشعري على حاجه=إلا اني اروح مارديت عن شمر [/poem]

  4. #4
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    شكيب ارسلااان

    تسلم لنا ويسلم حظوووووورك

    والنعم بحالك يالغلاـــ ويستاهلون

    والروعه تواجدك بيننا

    لاخلا

    ولاعدم



























    متغربل

    عليكم السلام ورحمة الله

    والنعم في حالك وكفو منك

    وصح بدنك يالغالي

    وتسلم لنا على هالاضافه الطيبه

    وانت اطيب الله يسعدك

  5. #5
    ... V I P...


    تاريخ التسجيل
    Nov 2005
    المشاركات
    3,821
    معدل تقييم المستوى
    4

    افتراضي

    يعطيــــك العافية اخوي شمــــالي وصراحة دائمـا"


    لك تميزك في تحضير أبيــــــاتـــــك..


    فـاذا ذكـــر التميـز والابـــداع فالتميز والابـداع ..هو أنت شمالي ..




    تحياتي لك ...

صفحة 1 من 2 12 الأخيرةالأخيرة

المواضيع المتشابهه

  1. قصيدة في الشهيد خالد بن زاحم القحطاني
    بواسطة الإنسكاب في المنتدى قصائد وخواطر
    مشاركات: 6
    آخر مشاركة: 09-01-2010, 06:15 PM
  2. قصيدة الشاعرة / ريناد القحطاني
    بواسطة ذرب المعاني في المنتدى قصائد وخواطر
    مشاركات: 12
    آخر مشاركة: 07-03-2007, 03:20 AM
  3. قصيدة الشاعرة ريناد القحطاني
    بواسطة حــالمه في المنتدى قصائد وخواطر
    مشاركات: 10
    آخر مشاركة: 07-11-2006, 03:11 PM
  4. رداً على قصيدة الشاعر/ ناصر القحطاني بــ(حائل وشمر)
    بواسطة ريـــــوف في المنتدى قصائد وخواطر
    مشاركات: 14
    آخر مشاركة: 22-05-2006, 03:44 AM
  5. رداً على قصيدة الشاعر/ ناصر القحطاني بــ(حائل وشمر)
    بواسطة ₪₪₪الشمري₪₪₪ في المنتدى قصائد وخواطر
    مشاركات: 4
    آخر مشاركة: 21-05-2005, 11:03 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52