النتائج 1 إلى 3 من 3

الموضوع: عزوبي ...$...ومتزوج

  1. #1
    ... عضو نشيط ...


    تاريخ التسجيل
    Jun 2005
    المشاركات
    182
    معدل تقييم المستوى
    1

    افتراضي عزوبي ...$...ومتزوج

    السلاااام عليكم ...

    اتمني هالقصيده ما قد نقلت من قبل ...وهي محااوره بين العزووبي والمتزوووج

    قال لعزوبي ....

    قال العزوبي يوم شـاف المعاريـس *** الرابـح اللـي لاقعـد مايقـومـي

    أول سنـة كـلٍ يبـث الاحاسيـس *** وثاني سنة تجلب عليـك الهمومـي

    وثالث سنة حط الرمـل والمتاريـس *** لابد مـن حـربٍ تقـوم وتدومـي

    لامن دخلـت الـدار لاكنهـا بليـس *** متلفلـفٍ فـي غاليـات الهدومـي

    تأخذ من المخباة وتسحب من الكيس *** وتغيـر الموديـل شـيٍ لـزومـي

    وان قلت ما أملك يامره لوهو فليس *** قالـت تديّـن لا تكـثـر بلـومـي

    ليتك تساعدنـي تصحـح كراريـس *** زادوا علينا أربع حصص في العلومي

    أزوارة في العصر والصبح تدريـس *** والليـل تصحيـحٍ وودي أنـومـي

    تبكي إذا جاها وجع لوهـو ضريـس *** وتقول أبي دكتـور ماهـو حكومـي

    يروح عمرك بين عرسٍ وتأسيـس *** واربـع سنيـن والبزاريـن كومـي

    وسط المطابخ بين قـز ومحاميـس *** هـذا صحـن رزٍ وهـذاك ثـومـي

    والا خلصـت إمنظـفٍ الملالـيـس *** جتك تقول انهـج نبـي زود لومـي

    ولا جبت قالت اكنس الحوش تكنيس *** خل البلاط يصيـر مثـل النجومـي

    ومكرسٍ جهدك من الخوف تكريـس *** وان نادتك بالصوت اقبلـت مومـي

    يجيك تـال الليـل دايـم كوابيـس *** ويشيبنـك مزعـجـات الحلـومـي

    هذي حياة اللي ركض باغـي...... *** ضيع حيـاة أول وصـار محرومـي

    تعيش يالمعـرس حيـاة المحابيـس *** وشف العزوبي بكل شارع يحومـي

    من مفرق جلاجل إلى جوي للخيـس *** وان حار حايرهم بوسطـه يعومـي

    يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي

    شف العزوبي مايعـرف الهواجيـس *** ولا يـودي حرمتـه كـل يـومـي

    يا عنك ماحاش الفخـر والنواميـس *** الا عزوبـيٍ يـعـرف السلـومـي

    اذا اعرس المعرس غدا عندنا هيس *** ونزيل اسمه مـن سجـل القرومـي

    والى بغيـت البهذلـة والدحاويـس *** فأعرس وخلك من عـداد الرخومـي

    وش صابكم من عرسكم يا المفاليس *** وش استفدتوا غيـر دق الخشومـي

    اللي تزوج أشهد انـه غـدا تعيـس *** والرابح اللـي ماخـذٍ لـه..........

    ترى عناق العام نطت على التيـس *** والحرعقب العـرس يصيـر بومـي


    .......................................

    قال العريس...

    قال العريس أنا الذي في سـعاده ××× ماني عــزوبــي ضايق الصدر مهموم

    مبسوط من مثلي قعـد عنــد غاده ××× مهوب مثـل اللي لحاله تقل بـــوم

    في كل لــيله حاضنٍ لـه وسـاده ××× وانا مـع المـزيون في غـرفة النوم

    أنا اشهد انه عايـشٍ في قــراده ××× يروح عــمــره مـا تهنى ولايوم

    الى دخــل للبيت يبلش بــزاده ××× يقعد يقــطّـع له طمــاطٍ معه ثوم

    ولا قضى عقب العصـر من عداده ××× والـحوض من كثر المواعين مزحوم

    والى غسلهن ثم فـك الســـداده ××× دلى يغســل له سـراويل وهــدوم

    وان ماطــبخ روّح لمطعـم حمـاده ××× والا قـعد في منزله واعـلن الصوم

    وان جاه ضيفٍ باغيٍ لـه رفـاده ××× يـروح يشــري رز وايـدام ولحوم

    ما يعرف الشمبو وراسـه عــراده ××× وشــمغه من الكواي ملـيانه رقوم

    ما يكنس الفرشــه ويلقط بــداده ××× اما بقـايا رز او خــبز معــروم

    عنده صراصيرٍ بحـاجه ابــاده ××× تسـرح وتمرح في الغرف دايم الدوم

    يجمع قروشه ويتســـلف زيـاده ××× حتى يسافر مصـر او ديرة الروم

    او راح يم التاي وتـــرك بـلاده ××× ناظر جـوازه ممـتلي كله ختوم

    دايم يسافر ما يعـرف العــباده ××× يسكر وينكر و........ بالكـوم

    له موتر خرده كثير فســـاده ××× في كل يـومٍ في الاشارات مصـدوم

    غمارته تقول ورشــة حـــداده ××× ومريقـده في شـنطته دوم محزوم

    دوم يتنقل تقــل كنه جــراده ××× في كـل يومٍ نازل له على قــــوم

    يسهر والى قام الظهر من رقـاده ××× روّح على شغله والى اليوم مخصـوم

    يذي بنات الناس يبغي مـراده ××× في كل يومٍ زاهمٍ له على ( هـــوم )

    اراه مايعـرس ويقـدح زنـاده ××× يترك بـنات الناس ويصير معصوم

    يلقى هنوفٍ تخـدمه مثـل داده ××× ويصــير رجّالٍ ويسلم من اللوم

    يفرح الى من قرب وقت الولاده ××× ويصير معنى العرس بالحيل مفهوم

    يشوف أولاده ومعهم شهـــاده ××× قبل الـوفاة وقولة الناس مرحــوم


    تحيااااتي .........


    mama

  2. #2
    كبآآر الشخصيآت

    تاريخ التسجيل
    Dec 2005
    الدولة
    بين دجله والفراات
    المشاركات
    12,343
    معدل تقييم المستوى
    15

    افتراضي

    قال لعزوبي ....
    أول سنـة كـلٍ يبـث الاحاسيـس *** وثاني سنة تجلب عليـك الهمومـي

    قال العريس...

    أنا اشهد انه عايـشٍ في قــراده ××× يروح عــمــره مـا تهنى ولايوم


    يعطيك العافيه على القصيده الروووووووعه

  3. #3
    ... V I P...


    تاريخ التسجيل
    May 2005
    الدولة
    عـــالـــم الـــوهــم
    المشاركات
    5,453
    معدل تقييم المستوى
    6

    افتراضي

    لوووووووول

    يعطيك العافيه
    لعى هذه القصيده اللطيفه في معانيها




    تحياتي وتقديري:
    آهات الحب,,

المواضيع المتشابهه

  1. يوميّــات عزوبي ... يوميّــات عزوبي
    بواسطة +الطنايا+ في المنتدى قصائد وخواطر
    مشاركات: 2
    آخر مشاركة: 19-10-2006, 04:16 AM
  2. انت عزوبي......ادخل هنا؟
    بواسطة كاتـم الآهــات في المنتدى الارشيف
    مشاركات: 1
    آخر مشاركة: 05-03-2006, 08:44 PM
  3. محاوره فكاهيه بين عزوبي ومتزوج
    بواسطة ][ الحيــــــــــران ][ في المنتدى الارشيف
    مشاركات: 1
    آخر مشاركة: 24-03-2005, 06:05 AM
  4. عزوبي وعرس
    بواسطة احلى مزاج في المنتدى الارشيف
    مشاركات: 6
    آخر مشاركة: 21-02-2005, 01:25 AM
  5. حوار بين عزوبي وعريس
    بواسطة كنت الغلا في المنتدى قصائد وخواطر
    مشاركات: 1
    آخر مشاركة: 11-01-2005, 03:30 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52