النتائج 1 إلى 4 من 4

الموضوع: مين فينا الصح

  1. #1
    ... V I P...


    تاريخ التسجيل
    Jan 2005
    الدولة
    قلب أمي
    المشاركات
    6,869
    معدل تقييم المستوى
    7

    افتراضي مين فينا الصح

    [align=center]انا .. وروحي من فينا الصح [/align]
    --------------------------------------------------------------------------------






    :

    الحياه صعبه ...

    من يقول كذا ..

    انا اقول لك اذا ما تدري ..

    طيب ليه وكيف ... اسئله بريئه

    كنت قاعد اسولف ويّا روحي .. عن كلام الناس اللي نسمعه دايم (( الحياه صعبه ))

    طيب وبعدين .. (( الحياه صعبه )) ..... وبس

    انا مادخلت قلوب هالناس ولا ادري عن مشاكلهم وظروفهم اللي اجبرتهم على الإيمان بهذه المقوله

    بس اعتقد صعوبتها تكمن في محاولة التكيف معها ...

    أي تكيف يابن الحلال انت ووجهك .. اصلاً من يوم ما جينا للحياه واحنا موبمتكيفين مع انفسنا ونستنى الحياه تتكيف معنا ...

    والله انك صادقه
    روحي ... يا روحي .. انتي هييييه وين رحتي تعالي ابيك

    انتي هالحين وشعليك ... انتي اكثر من 90% من امنياتك اتحققت وابوك شايل مصاريفك وربعك يموتون فيك
    ومحبوبه بين الناس ومكانة ابوك الإجتماعيه تخليك اول وحده بأي طابور حكومي .. او خاص
    تنامين مرتاحه .. احيان احسك ناكره .. جاحده .. وياكثر هالأحيان

    ابسألك سؤال ..
    هيييييه انتي معي والا لا

    ايه معك قووول تراك بطيت كبدي بفلسفتك

    طيب

    عمرك بحياتك ... ولو مره وحده بس .. قبل لاتنامين فكرتي انتي وشهو اللي لك واللي عليك
    هذا سؤال غريب وش تبي فيه

    انتي بس جاوبي

    لا
    لا .. !!؟

    إيه لا .. ! وليه افكر اصلاً وانا مو بمحتاجه حق شيء .. قصدي الحياه ماتبي مني شيء وانا آخذه منها كل شيء

    شفتي .. قلت لك من قبل .. جحود ..

    طيب

    عمرك بكيتي على شيء .. يعني اتأثر قلبك بموقف مؤلم او حدث اجتماعي مؤسف حد البكاء

    شقصتك معاي ... انت قالبها نكد ومخلي الحياه بوجهي كلها حزن .. بالغصب هي

    اولاً ما فيه شيء بالدنيا هذي يخليني ابكي عليه .. وبالنسبه للمجتمع اللي تقول عليه

    أي مجتمع تقصد يا كثرها عندنا ... !!؟

    انا اقصد المجتمع اللي انتي عايشه فيه .. يعني لك شيء بحياتك او انه مجرد ساحه تقضين وقتك فيها ؟

    والله المجتمع اللي انا عايشه فيه يحاول انه يعيّش نفسه بحال محزن .. ليه ما ادري !

    بعدين تعال .. انت هالحين تكلمني عن المجتمع ومدري وشهو

    انت كم مره ابتسمت لولد جاركم اليتيم والا قعدت تلعب معاه
    انت اش سويت بالمانه اللي اعطاك اياها خلود قبل لا يروح العسكريه
    انت كم مره قلت لربعك والله اليوم ما اقدر اجيلكم .. مرتبط مع اهلي
    انت كم مره سألت امك او ابوك (( انتم راضين علي والا لا ))

    انت كم مره ... انت كم مره .. انت كم مره

    بس ... بس .. بس

    كل هذا فيني وانا ما احس .. انا وين انا عايش يووووووووه يا كبرها !!؟

    اقول لك استنيني هنا لاتروحين شوي وارجعلك

    تعال وين رايح

    ابروح اشوف امي العجيّز تبي شيء والا لا

    انثبر يالخبل هالحين حنا بنص الليل والعجيّز راقده من المغرب بس تبي تقومها من نومها وتكدّر عيشتها

    يكفي انها عمرها ما قالت لك شيء وسويته على السنع

    روحي ... يا روحي

    نعم .. اش تبي يا كثر طلباتك

    تعرفين كل هالعيوب اللي فيني من ايش

    لا والله ما ادري !!؟

    هذا والله منك ومن سواياك .. كم مره امي تقول لي (( انتبه على روحك يا ولدي .. )) وانتي تقولين لها

    انتي فكيه منك ومن طلباتك وهو ينتبه لي

    كم مره ابوي قال لي (( روحك الشينه هذي متى بتسيبها )) وانتي تقولين له ياحووووووول هذا متى بيرحمني من الحش والنصايح قول له طيب ان شالله .. على امرك يصير خير .. بس امش عنه

    روحي .. يا روحي

    تعرفين متى بينعدل حالي

    متى !!؟

    الا منك عدّلتي حالك وعرفتي اللي لك واللي عليك وعاملتي الناس زي ما تبينهم يعاملونك وحفظتي حق ربك ووالديك

    روحي ... هييييه وين رحتي

    ابي انام

    قومي هذا مو وقت النوم باقي على اذان الفجر دقايق وانتي سهرانه ليلك كله فكلام فاضي

    قومي وعدلي نفسك من الحين وصلي الصبح وبعدها تعالي وسلمي على راس العجيّز وشوفي ان كان انها تبي شيء والا لا

    الا على فكره ...

    ترى اكيد الناس بتستغرب التبديل اللي صار فيك ... يحق لهم .. هذا والله من كثر اللي سويتيه فيهم

    بس ما عليك ربك قال (( ان الله لايغير ما بقوم حتى يغيروا ما بأنفسهم ))

    قومي وروحي المسجد واقري لك كم سوره يمكن ربي يعدل حالك ويهون عليك التغيير

    :
    :

    كل هذا حديث نفس مع .. نفسها

    لكم ان تقبلوه إن شئتم .. اعتزّ بكم

    إحترامي لكل الأقلام الكبيرة اللتي ارهقت محابرها .. فماهي الا خربشات قلم رصاص ارجوا ان تعذروني عليها


    .
    .
    .

  2. #2
    ... عضو ذهبي ...


    تاريخ التسجيل
    Jan 2005
    المشاركات
    692
    معدل تقييم المستوى
    1

    افتراضي

    يعطيك الف عافيه اخوي فهد الفهد على هل موضوع المميز



    ونشالله ان تكون انت وروحك صح


    وتقبل فائق احترامي وتقديري لك


    اخوك دوسري مزيون

  3. #3
    حـــواء و تــفــاحــه

    افتراضي


    لو لم تكن الحياة صعبه لما خرجنا من بطون امهاتنا نبكي

    اشكرك اخــووي فهد علي طرحك للموضوع المميز

    ودمت بود

  4. #4
    ... V I P...


    تاريخ التسجيل
    Jan 2005
    الدولة
    قلب أمي
    المشاركات
    6,869
    معدل تقييم المستوى
    7

    افتراضي

    أشكر جميع من شارك وكذالك جميع من شاهد ولم يشارك أخوكم / فهد الفهد

المواضيع المتشابهه

  1. رحبواااااا فينا
    بواسطة حفيد القمر في المنتدى الارشيف
    مشاركات: 12
    آخر مشاركة: 21-08-2006, 10:58 PM
  2. شف سوايا الدنيا فينا..
    بواسطة شآمخه بعز أبوهآ في المنتدى قصائد وخواطر
    مشاركات: 10
    آخر مشاركة: 21-05-2006, 05:46 PM
  3. وين الى يتصل فينا
    بواسطة اليث المصري في المنتدى قصائد وخواطر
    مشاركات: 5
    آخر مشاركة: 12-05-2006, 03:03 AM
  4. هل من مرحب فينا
    بواسطة اهات وكلمات في المنتدى الارشيف
    مشاركات: 10
    آخر مشاركة: 07-01-2006, 11:52 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52