صفحة 1 من 2 12 الأخيرةالأخيرة
النتائج 1 إلى 5 من 10

الموضوع: الحلم....حامد زيد

  1. #1
    بداية .. الامــل


    تاريخ التسجيل
    Jan 2006
    الدولة
    قلب أنسانه عفيفه
    المشاركات
    1,258
    معدل تقييم المستوى
    2

    افتراضي الحلم....حامد زيد

    [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
    بوقـت مـن البطا،وبليـل تتـرقـص شياطيـنـه=بعد شفت الضيا ينـزع مـن ثيـاب المسـا ثلثيـن

    تحايلـت المنـام اللـي مـثـل بيـتـك تمريـنـه=وانا اللي من تفارقنا وأنـا ماغمضـت لـي عيـن

    غريبة!!كـل حلـم يـمـر بـرقـادي تزوريـنـه=والاغرب..كيف أحلم الحلم،وارجع واحلمـه بعديـن؟

    قبـل يومين،شفتـك بالمنام..وقمـت مـن حيـنـه!=ونمت أمس،ورجع نفس المنـام اللـي قبـل يوميـن

    أنا اللي قبـل اسافـر شلـت قلبـي مـن شرايينـه=تركتـه فـي يــدك الأمانه،واحفظيـهـا زيــن

    تـرى حفـظ الأمانـه دين..مجـبـورة ترديـنـه=أجل ، مافيه أحد قال لك((حفـظ الأمانـة ديـن))؟!

    مــرد المقـفـي بيلفي..ويستـوفـي ،وتوفيـنـه=بـعـد ليله،ثلاثه،أربعه،عشرة،شهـر،شـهـري ن

    إذا انتـي ،ماانتـي بقـد الكـلام اللـي تقوليـنـه=حرام...استامنك حاجة،وإذا جيـت اطلبـك تنسيـن

    تخونين،وتبين أرضى!..واحـد يرضـى تخونينـه!=أنا لاجيت أخونك،مـع حبيبـة ثانيه،((ترضيـن))!

    من أول مارجعت من السفـر ماشفـت لـك بينـه؟=وأنا اللي كنت أحسبك قبل ادوس ارض المطار..تجين

    تكونين أنتي أول شخـص عينـي تحتضـن عينـه=وكنت أتخيلـك مـن زود فرحـة رجعتي..تبكيـن

    وأشـوف بدمعتـك حكيك..وأعرفـه قبـل تحكينـه=واجيب أحلى مـن اللـي بتحكينه،وأتركـك تحكيـن

    تقوليـن:الـوطـن نور..وأقول:بنورمضـويـنـه=تقولـي لي:غديـت أحلى،وأقول:عيونـك الحلويـن

    كــلام نــام بشفاهك..وخفـتـي لاتصحيـنـه=ذخرتيـه لغـرام للـي ينام...ويتـرك تصحـيـن

    تغانمـتـي غيابي..لـيـن رجحـتـي موازيـنـه=تعلم مـن يـدك لمـس الكفـوف وعلمـك تجفيـن

    وليتـك لاقيـه بــه شي...فيـنـي ماتلاقيـنـه!=مهـو بغرور..لكـن خابـرك مالـك أمـل تلقيـن

    تغافلـك بغـلا..والإ الحـلا مهـو بمـن زينـه!!=تزينه الصور ..بس الصحيح ابن الحلال((زوين))!!

    وأنـا مانـي بنقـاص عنـه يـوم أنـك تبديـنـه=-نصيبي..هو نصيبي لو يسددهـا مـن الصوبيـن

    قـنـوع بمظهري،والـسـم مايـذبـح ثعابيـنـه=على قول المثل((ماني حلو..لكنـي مانـي شيـن))!

    إذا أهـداك الزهـر مره،فأنـا اهديتـك بساتيـنـه=وإذا ألهاك بفرح ليلـه، فانـا تهـت لبكـاك سنيـن

    وإذا استضعفـتـك أملاكه...وشتـتـك ملاييـنـه=أنا حتـى فتـات الخبـزة أقسمهـا معـك نصيـن

    طموحـي ،بـس أجـي وأظفـر بشـي تستحقينـه=تدينته،تسلفته،سـرقـتـه،م ومـهــم مـنـيـن؟

    كأنـي مـن كثـر ماارضـى بكـل اللـي تمنينـه=لـو انـك تطلبيـن الله ..يعنينـي، بقـول آمـيـن

    أنا ماالعـب علـى الحبلين،وقـت الطيـش وسنينـه=تبين الحين يوم أني كبرت العـب علـى الحبليـن؟!

    ترى عند البـدو بالذات((عيـب اللـي تسوينـه))!!=حـلاتـك لاعشقتي..تعشقيـنـي لـيـوم الـديـن

    غـرامٍ نسكـن ضلوعه...حشيمـه مـن مجانيـنـه=جفا،يجمـع معزتنا...ولاعـشـق يــذل أثنـيـن

    كثـار الـلـي تحـدونـي وقالـولـي :تحبيـنـه=امانه..لاتخلينـي صغيـر بعينهـم ((تكفـيـن))!!

    لانــي كــل ماقالوا((تخون))..اقول:مسكـيـنـه=ع ليـك الله وأمانه..علميهـم منـهـو المسكـيـن

    أنـا خايف((لياطـاح الجمـل تكثـر سكاكيـنـه))=وأنـا ماعـاد بضلوعـي مكـان لطعنـة السكيـن

    مثـل ماقالواالمكتـوب واضـح مــن عناويـنـه=لو ارحل منك للغربه..بسافر مـن ظلامـك ويـن؟!

    كفايه..كـل حلـم يـمـر بـرقـادي تزوريـنـه=كفاية...مـن تفارقنا..وأنـا ماغمضـت لـي عيـن

    قبـل يوميـن شفتـك بالمنـام وقمـت مـن حينـه=ونمت أمس،ورجع نفس المنـام اللـي قبـل يوميـن [/poem]

  2. #2
    ][ أنثى تهمـــس للأمـــل ][


    تاريخ التسجيل
    Dec 2005
    الدولة
    بيـــن أحرفــــي
    المشاركات
    2,328
    معدل تقييم المستوى
    3

    افتراضي

    عاشق و ولهاااااان



    نقل رائع ومميز لهذا الشاعر لهذا الجبل الشاااامخ ..

    فأنا وااااحده من أشد المعجبين بهذا الشااااعر...



    تحياااااتي ,,,

  3. #3
    ][..إيــداع الــزين.. ][


    تاريخ التسجيل
    Mar 2006
    الدولة
    آقوٍلكٍ سـٌرٍ
    المشاركات
    7,880
    معدل تقييم المستوى
    8

    افتراضي

    صح لسان شااعرهاا و تسلم ايد ناقلهاااا

    اختيااار مووفق اخــووي عااشق و ولهااا



    8
    8
    8
    8
    8
    8
    8
    8
    8



    مثـل ماقالواالمكتـوب واضــح مــن عناويـنـه
    لو ارحل منك للغربه..بسافـر مـن ظلامـك ويـن؟!


    لاهنت

  4. #4
    ][ فيصلــ الياميــ ][


    تاريخ التسجيل
    Sep 2005
    الدولة
    .)()( الجـــــــ بدر ــنوبـــ )()(.
    المشاركات
    778
    معدل تقييم المستوى
    1

    افتراضي

    صح لسانك ولسان قايلها بلايين
    وتسلم اخويي على النقل
    وحامد زيد من الشعراء الرائعين لا هنت


    فيصل اليامي

  5. #5
    بداية .. الامــل


    تاريخ التسجيل
    Jan 2006
    الدولة
    قلب أنسانه عفيفه
    المشاركات
    1,258
    معدل تقييم المستوى
    2

    افتراضي

    عاشق و ولهاااااان



    نقل رائع ومميز لهذا الشاعر لهذا الجبل الشاااامخ ..

    فأنا وااااحده من أشد المعجبين بهذا الشااااعر...



    تحياااااتي ,,,










    مشكوره على المرور واتمنى ان تنال اعجابك

    تحياتي

صفحة 1 من 2 12 الأخيرةالأخيرة

المواضيع المتشابهه

  1. حقد الجمل
    بواسطة طــيَف هَاجـسـي في المنتدى الارشيف
    مشاركات: 12
    آخر مشاركة: 19-05-2011, 07:22 PM
  2. (( حامد زيد )) FlAsH (( حامد زيد ))
    بواسطة DES-BRHOM||~ في المنتدى الارشيف
    مشاركات: 18
    آخر مشاركة: 12-04-2009, 09:12 PM
  3. الحلم
    بواسطة ذرب المعاني في المنتدى قصائد وخواطر
    مشاركات: 20
    آخر مشاركة: 11-12-2006, 02:00 AM
  4. الحلم
    بواسطة مملكه الحزن في المنتدى الارشيف
    مشاركات: 1
    آخر مشاركة: 20-04-2006, 06:35 PM
  5. ][][§¤°^°¤§][][الحلم][][§¤°^°¤§][][
    بواسطة مــــــــودة في المنتدى الارشيف
    مشاركات: 18
    آخر مشاركة: 22-06-2005, 05:07 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52