صفحة 1 من 2 12 الأخيرةالأخيرة
النتائج 1 إلى 5 من 7

الموضوع: : : : ذكريــات الطفــولـه : : :

  1. #1
    ... عضو نشيط ...


    تاريخ التسجيل
    Jan 2005
    الدولة
    فيـ ارضـ الفوتوشوبـ ـ ـ ـ ـ
    المشاركات
    54
    معدل تقييم المستوى
    1

    : : : ذكريــات الطفــولـه : : :

    [align=center]مهرجان الرياض مهيب غير


    كثير منا في الاونه الاخيره يسمع على التلفاز او على الراديو

    ما يسمى بمهرجانات الصيف ومسميات عجيبه وغريبه لهذه المهرجانات , واللتي الكثير منكم يعتقد انها جديده على مجتمعنا

    ولكن في الحقيقه هي موجوده منذو زمن بعيد منذو زمن سانشيرو عندما كان يرتز الساعه العاشره في قناتنا الحبيبه اللي محد يناظرها في وقتنا الحاظر


    ومما يستحق الذكر هنا
    انه في احد الصيوف<<==-((يعني جمع صيف))
    في صيف عام 1409 عندما فاز الهلال على النصر 3/0 بأهداف المدافعين في ذلك الصيف تشقق ابي من الفرحه وهذا لانه متعصب جدا لنادي الوشم واحتفاء بفوز الهلال قرر ابي ان يودينا للملاهي ,, وفي الحقيقه انا رفضت هذه الفكره رفضا تام وقاطعا لانني لم اريد ان ادرس في الصيف ,,نعم يا اخوان لقد كنت اعتقد ان ملاهي الخيمه مركز صيفي وذلك لانني من كثر ما اروح للملاهي ,, ولكن انتهى هذا الرفض بعد ما وصلتني برشامه من امي مكتوبه فيها (( اسكت وانثبر يا قروي))


    واتى بعد هذا النقاش مسأله مهمه وهي اي ملاهي نروح لها

    وفي ايامنا تلك لم يكن هناك غير سوق الخضار وملاهي الخيمه
    وانا اخترت وبشده سوق الخضار لانني من هواه جمع الطوابع وفي ذلك الوقت كنت اعتقد ان جمع الطوابع سبب وجيه للتمسك برايي


    ولكن اللذي حدث هو ان امي اطال الله في عمرها قامت بحمل احدى المراكي ....... واعتقد انكم تعرفون الى اين ذهبت تلك المركى


    واتفقنا ان تكون وجهتنا هي ملاهي الخيمه

    وقبل ان نصل اليها بأمتار بسيطه قام ابي بفتح باب السياره ولف بأقوى ما عنده وادى هذا التصرف الاهوج الى ان نتدربى مع الباب

    وقمنا وابعدنا عن ملابسنا الرثه ذلك الغبار المتلاصق <<=--((اتقـطع يلعن ام اللغه))

    وعضت امي عباتها ومغطت الى البوابه المؤديه للدخول الى الملاهي وكادت ان تنساني مستلقيا على احد الارصفه لولا راعي شاورما لم يلفت انتباها انها القت منها شنطه او بزر المهم انه شيء مدور << بـلا فصـحى بـلا هـم


    المهم وصلنا للباب و بعد نص ساعه تحقيق عند الباب اني انا صغير ,, وامي تقول دخلوه تكفون والله يكسر الخاطر والمشكله اني ابتسم وفرحان ان معي بططاس حار , المهم امي تقول تكفون دخلوه ويوم التفت علي ولقتني ابتسم وهي اللي تمعط شوشتي وتقول سو نفسك تصيح الله يلعن بليس اللي يجيبك يا الدلخ


    هي قالت والا ماقالته وهو انا اللي يطّلع زئير الاسد بس على شهاق مخلوط بصياح ويوم شافني البواب قال ادخل ادخل الله يلعن بليس القراوه تراها مهيب دزني لاند تراها ملاهي الخيمه مافيها الا الصحن الدوار واول ماتركبه تبي تصيح من الروعه ,, عاد انا ماصدقت خبر وامسح الدموع اللي كنها طامس من زود النفاق اللي فيها


    وقلت اصلا انا ابي اركب الصاروخ السحري ,, البواب يوم سمع الصاورخ السحري درى اني قروي ولا قد دخلت ملاهي في حياتي وحسيت من نظراته انه يقول في نفسه والله انت اطلق محل رحت له هو (( أســواق التميمـي)) وانك من الفرحه قايل لامك ترا بنام عند البردقان 1( المهم انا دريت من عيونه انه فاك معي ومنهبل على لبسي اللي كان ((جنز بس اقرب ماله سروال رياضه وفنيله عليها صورت ميكي ماوس متلطم)) وكاد شعري بشروخ يعنني موضه واني الولد الفلته وانا ما دريت ان نص الحريم يقولون لبزرانهم وخرو عن قطو البحر


    المهم انا قلت للبواب ياخي مادامك فاك معي ياخي عطني تذاكر بلاش ,, قال البواب وابتسامه الغثا مرتسمه على وجهه :zalan: وهو يقول ومن قالك يا وليدي اني فاك معك الا والله منغثن منك وابي الفكه ,, وبعدين يا وليدي ترا اللي لاعبن عليك وقايل ٍ انك اطخم تراه ظالمك ,, قلت له: لا والله ماعندك سالفه اصلا امي تقول انت وعلي المدفع تؤام في الجمال ,, قال البواب : انا من شفت اذانك اللي كنها مدرب يأشر للاعبين .. يـقول : هاااااجموووووا هاااااااجموا ..
    وانا داري ان الحلا مهوب حولك ,, قلت له : وانا من شفتك عند باب الخيمه وانا داري انك مهنــدس


    يوم بغا يغمى عليه من زود مصالتي.. وقال لامي تكفين دخليه خلاص والله لو هو بشنب ولحيه ما يخالف بس لا يقعد فيذا ..قالت امي : وراه غثك اجل؟؟ قال : لا بس يا ام عـزوز ولدك ذا يروع الزباين لانهم يحسبونه دعايه فلم مرعب ,, انا ابتسمت مادريت انها سبه احسبها يعني ولدك مثقف .. المهم دخلت الملاهي بالرفس والترفيس ,,


    واول ما دخلت ارتعت كلهم حررريم وعلى طول نصيت وحدتن عجيز واحب راسها وقالت وش تبي يا وليدي قلت ابي عيديه ,, امي بغت تنتحر في سيارات التصادم بسبب ذا الفشيله اللي سويتها ,, عاد انا وش يدرني احسبهم كلهم جداتـي <<=-((اي عجوز احسبها جدتي))المهم امي معطتني من راسي وقالت انا المقروده اللي يوم اوافق اجيبك فيذا والا انت حدك طريق النهضه وتخب ,,


    وانا قلت اصلا طريق النهضه ما يدخن (( يعني من زود الذهانه احسبها تقصد واحد من اخوياي )) المهم هي سفهتني وقالت تبي تلعب شيء ؟؟انا قلت ايه ابي العب مصاقيل ,, امي الحنونه قامت بكل رقه وخنقتني في زاويه وقالت : انت يا انك تغدي بزرن اجودي والا وريتك ,, قلت : منيب اجودي ولانيب وريتك انا عزوز <<=-((يلعن ام اللكاعه))

    عاد بعد ذا الجمله ما استوعبت شي الا وانا عند بيت الاشباح واللي قاهرني ان فيه واحد من المبزره يقول يمه يمه تعالي شوفي وحش يمشي

    المهم شد عيوني منظر وهو منصه فيها مكرفون وفيها حرمه تتقابل مع الاطفال وقلت وش زودهم عني بروح اخليه تقابلني
    واول ماوصلت للمنصه كل الحريم تغطوا وقالوا هو هو وين الهيئه عن هذا


    انا سفهتمهم ورقيت على المنصه واللي تقابل الاطفال ارتاعت قالت وش تبي يا ابو الشباب قلت مقابـلـه
    قالت المذيعه : طيب يالله نقابلك وامرنا لله
    قالت : تحدث عن نفسك ؟؟
    قلت : انا امي ماتحبني (( لكن قطعت ذا الكلمه بعد ما نشب في رويسي ولد صغير ,, امي جدعته علي ))
    وقلت بعدها : احب امي


    قالت المذيعه : طيب وش هواياتك ؟؟
    قلت : انا احب اني في كل لعبه العبها اني ابطــّـل
    <<< فنان تبطيل قد اخذ جائزه المبطل المثالي :l9:


    المذيعه : طيب يا اخي الكائن الحي نبي نعرف لعبه مفضله لك ؟؟ <<<=-((ودهـا تقـول يا حيـوان بـس الاداره حاظره))

    قلت : احب ممارسه لعبه الكيرم <<=-((ياقـدمـك ياشيـخ)) بس بشرط ان الخمسين من دون طباقه .. والمشكله ان ماعمري جبت عشره مره جبت خمسه وسويت عزيمه ,, بس ماجاء احد للعزيمه
    ماجاء الا راعي الكيرم وقال : لا عاد تلعب معي يا القروي .. لو انك جايب الخمسين اجل وش بتسوي

    قلت له : بعزمك على فيل

    <<< يسمع بالكرم وان جينا للصدق بططاس كتشب وفش فاش ويحب يده مقلوبه <<=--((مقلــوبـه والا جريـش))


    المذيعه بعد ماحامت كبدها : طيب نبي لعبه اكثر حضاره ؟؟
    قلت : فيه لعبه دايم العبها واحبها بس القهر اني مالعبتها الا مره وحده بس
    وهي شبرا امرا شمس نجوم كواكب هواء ببسي مع جوال سوا 1(


    بس كرهت ذا اللعبه بعد موقف صار لي : لعبتها مره مع بنات عمي ونشب الحبل بين رجليني وبغيت اموت وكنت لابس ثوب جديد ويعنني اني يوسف الثنيان من اللكاعه قدامهم ,, بس عقب ما محطت من الحبل ,, غدى ثوبي كنه زوليه مزخرفه من البقع ,, والله اني من الفشيله اني قايل لبنت عمي ترا امك دبيه بس محترمه وراعيه صلاه ,,
    <<<ما ادري ليش قلتها بس جاني احساس وقتها ان الجمله ذي بتهدي الفشيله




    وقاطعتني المذيعه وهي ودها تنتحر وقالت: طيب وش ودك تصير اذا كبرت ؟؟ ياجعلك ماتكبر :mbartm:
    قلت : ودي اصير عريف فصل

    <<< بالله ذا طموح

    المذيعه : طيب من ودك تتزوج هاه من ودك ؟؟
    قلت : ودي اتزوج مخدتي

    <<< بالله يعني وش بتجيب مهر ؟؟!! بتجيب شرشف اجل , وشهر العسل انت والمخده في مغاسل الرهدن والا ايـكـيـا 1(


    المذيعه تقول في نفسها انا اوريك يا بثر ان ماحجرتك بسؤال وفشلتك قدامهم ما اكون مذيعه
    قالت : من تحب اكثر امك والا ابوك ؟؟
    قلت بكل ثقه : ولا احد (( يعننني حجّرت لكم )) 1(
    واخرتها جلد في البيت من اهلي ,, وامي تبتسم وتقول اجل ولا احد يا الغبي


    آســــــــــف على الإطــــــــاله


    تقبـلوا تحياتي .. اخوكمـ عزيـّـز :l9:
    [/align]

  2. #2
    ..أشــ الزين ـين..


    تاريخ التسجيل
    Mar 2005
    الدولة
    الفيصليه_ نيجيريا
    المشاركات
    576
    معدل تقييم المستوى
    1

    افتراضي

    هههههههههههههههههههههههههههههههههههههههههههههههههه هههههههههههههههه






    قالت المذيعه : طيب وش هواياتك ؟؟
    قلت : انا احب اني في كل لعبه العبها اني ابطــّـل
    <<< فنان تبطيل قد اخذ جائزه المبطل المثالي



    والله منتب سهل ياعززيز صايرن مملوح تحياتي لك اشين

  3. #3
    ^,. رفيعة الشأن .,^


    تاريخ التسجيل
    Feb 2005
    المشاركات
    4,381
    معدل تقييم المستوى
    5

    افتراضي

    هههههههههههاااااااااااااي


    حلوه المهرجان هذا رهيب تصدق غطى على مهرجااااااااان موناكو ؟؟ يالله بس لايسدحونه بعين وحنا مو مترقعيييييييييين

    بس صراحه اعجبني ردك؟ مشالله مين مدررررررسك؟؟<< بتقط البلا على المدرس ؟؟ خخخخخخخخخخخخخخخخ


    والله امك هذي شي عرفني عليهاااااا ترى انا من زماااااان ودي اتعرف على مرتن كبيره واعتبرها زي مامي <<لبى قلبهااااااااااااا

    مشكور جدا جدا عالموضوع الرااااااااااائع ولاتحرمنا من مثيله << شوفوا التعبير بالله ماستاهل 10 من 10 ؟


    سي يــــــــــووو

  4. #4
    ... عضو نشيط ...


    تاريخ التسجيل
    Jan 2005
    الدولة
    فيـ ارضـ الفوتوشوبـ ـ ـ ـ ـ
    المشاركات
    54
    معدل تقييم المستوى
    1

    افتراضي

    يـ اهلن يـ اهلن بـ اشيـــــ واحد ــــــن


    يـ الله حييييييه كيفك يا قلبووو وش اخبارك ..؟

    << ما ودكـ تعزمه على قهوه << يسمـع بـ الكرم 1(


    هههههههههههههههههههههههههههههه

    اعصـــــــابكـ يـ قلبي ههههههه دوم هـ الضحكه << يلعن بليسي يا اني اسلووب 1(


    والله منتب سهل ياعززيز صايرن مملوح

    ايــه يـاخوي وش اسـوي كنـت ماصـل وبطــّــلت << مــأخوذه من فنـان تبـطيـل 1(


    حيـــــاك الله يـ غلاي ويسلمووووووو على مروركـ يـ قلبي


    تحياتي .. اخوكـ عزيـّـز :l9:

  5. #5
    ... عضو نشيط ...


    تاريخ التسجيل
    Jan 2005
    الدولة
    فيـ ارضـ الفوتوشوبـ ـ ـ ـ ـ
    المشاركات
    54
    معدل تقييم المستوى
    1

    افتراضي

    يـ هلا وسـهلا بـ طويلة العـمــر

    يـ الله حيـها .. منــوره




    حلوه المهرجان هذا رهيب تصدق غطى على مهرجااااااااان موناكو ؟؟
    مهرجـان موناكو ايـه ايـه الله يسلمكـ << اقـول وينـه في ذا المهرجـان بـ الغاط والا عرعر << يسمع بـ الاحوال الجويه 1(


    والله امك هذي شي عرفني عليهاااااا ترى انا من زماااااان ودي اتعرف على مرتن كبيره واعتبرها زي مامي
    بتقنعيني يعني ان امـك عمــرها 28 سنـه والا شلووون 1(


    مشكور جدا جدا عالموضوع الرااااااااااائع ولاتحرمنا من مثيله
    العفـو يـ الغلا كل يوم تعالي وابشـري بمثيله 1(

    بس ما كن الردود واجد ولا يمديني الحق عليها << ماهوب يدق ابد :)


    << شوفوا التعبير بالله ماستاهل 10 من 10 ؟
    الا والله تستاهلين 10 من 10 << يسمع بـ المجامل 1(


    سي يــــــــــووو
    سي يو سي يو وش ورانا بس وين فيه بأي مطعـم << والله يا اني طمووح بالحيـل ابي اقابلها انا وخشتي 1(


    يسلمووووووووو على مروركـ وقمه الروعه برردكـ

    ايه يا عالم ابي ردود تثلج الصدرر مثل رد الغاليه طويلة العمرر عشان احس انكم

    تستاهلون هالتعب اللي اتعبه وانا اكتب موضوع لعيونكم << محد لزم عليك تكتب موضوع يالطيب 1(


    عسى ما انحرم من هالطله طويلة العمرر


    يامال الثانكيو


    تحياتي .. اخوكـ عزيـّـز :l9:

صفحة 1 من 2 12 الأخيرةالأخيرة

المواضيع المتشابهه

  1. ذكريــات احد التماسيح فـــي؟؟
    بواسطة Lo0o0oLo في المنتدى الارشيف
    مشاركات: 3
    آخر مشاركة: 01-02-2006, 05:27 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52