صفحة 1 من 4 123 ... الأخيرةالأخيرة
النتائج 1 إلى 5 من 17

الموضوع: يا بنت خوذي خاطري وارحميني!!!

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي يا بنت خوذي خاطري وارحميني!!!



    بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب
    فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
    راحت له وردت عليه السلام كيف حالك يا شايب رد السلام والله بخير الله يعافيس
    وفجأه عطته ظهرها ومشت ولا استإذانت ولا شي
    ولع الشايب من حركتها وقال فيها كم بيت يستعطفها فيها ويقول انها ذكرته بالماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
    يقول الشايب :
    يا بنت خوذي خاطري وارحميني
    لا تجرحين العود بعيونك السـود
    غضي نظرك وغطي الوجنتينـي
    لعل يومٍ جدد الجرح مـا يعـود
    يوم انتهى مع مرمسات السنينـي
    جتني صواديفه على غير مقصود
    باول شهر عشره نهـار الثنينـي
    حمدان مروا به على جنازة حمود

    البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
    ردت عليه البنت وهزأته تقول:
    يا شايب الرحمن وينـك ووينـي
    عزي لحالك قدامك الباب مسـدود
    قلبك عطوف وجاه قلـبٍ متينـي
    والبنت ما تشفق على مغازل العود
    حبل الرجا مقطوع بينـك وبينـي
    مثل الغليث اللي رعى قلبه الـدود
    اقفى شبابـك والعـرب مقبلينـي
    يا عود ما يرجع من العمر مفقود

    حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه
    يقول حمدان :
    يا بنت صـدي بالعيـون الظليلـه
    لا صد عنـك الله نهـار القيامـه
    مالي ومالك يالفـروع الطويلـه
    لو فيك من رسم البـداوه علامـه
    يابنت مـا لـي بالثمانيـن حيلـه
    اهدف كما تهدف على البير قامـه
    اقفى شبابي والدهر شفـت ميلـه
    يالله حسـن الخاتمـه والسلامـه
    اعطيك موجز والبضاعـه قليلـه
    واخذت لك من صافي الماء سنامه

    راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
    بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
    يقول حمدان :
    يا بنت ما جاس الكبـر والخشونـه
    وعادت شباب اليوم يجفل من الشيب
    ياسرع ما وبلـك تمـزع مزونـه
    يالفاتنـه يـا ام الثمـان الرعابيـب
    يا بنت مـا بينـي وبينـك مهونـه
    كلمة شرف نبي تحيـه وترحيـب
    الله مـن عـودٍ ثقيـلـه طنـونـه
    ينصاه راع المشكلـه والمواجيـب
    على الكرم والديـن نفسـه حنونـه
    تلقاه بالاجـواد شـرق وتغاريـب

    جهز الابيات وارسلها مع عجوز ووعد العجوز بهديه اذا وصلت الرساله لها
    راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعين له بابياتي
    العجوز مسكينه قالت طلعيني ولا ابي منكم شي الله لا يعودكم انتم واوراقكم
    ردت البنت بابيات اقوى من الاولى واكثر تحطيم ..مسكين الشايب ما احد رحمه حتى لو حاول يستعطف ...
    تقول البنت:
    العود عود وطايحـاتٍ سنونـه
    من كثر ما يرقد على جرة الذيب
    عودٍ مهرقل والعرب ما يبونـه
    ياعود ما لك في طويل المراقيب
    اقفى شباب العود راحت حتونه
    مثل اليتيم اللي بكا ما له مجيب
    جداه ينثر دمعـة ٍ مـن عيونـه
    غريق موجٍ ما لقا له مقاضيـب

    وسلامتكم

  2. #2
    ... V I P...


    تاريخ التسجيل
    Mar 2006
    المشاركات
    4,282
    معدل تقييم المستوى
    5

    افتراضي

    شمالي

    تسلم
    بصراحه روعه القصيده

    بس الشايب على كبر عمره الى الان يحب

    تحياتي لك وللشايب ..

  3. #3
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي





    الله عليك يالشمالي

    جمعت حلاوة القصه والقصيده

    بس الشايب ما عنده سالفه كان اكتفى باالعجوز الوسيط

    يعطيك العافيه وسلمت يدينك

    على النقل الممتع






    بنت ابوووها

  4. #4
    مشرفه سابقه

    تاريخ التسجيل
    May 2005
    المشاركات
    7,935
    معدل تقييم المستوى
    8

    افتراضي

    صح لسانك على هالابيات الحلوه والقصه الجميله

    و يعطيك الف الف عافيه على هالابداع ،، وتسسسسسسسلم يمينك على هالمجهود
    والنقل الرائع
    الله لا يحرمنا منك ولا من روعة قلمك
    تحيااااااااااتي لك

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي السلام عليكم

    إحســاس إنســان

    بنت ابوووها

    وعد

    اسعد الله اوقاتكم بكل خير

    ويارب يسلمكم ويعافيكم وصحت ابدانكم

    ولاهنتو على مروركم العطر اللي نور الصفحه

    وانا قلت كذا (بنت ابوووها) بس لاتنسي فيه شيبان قلوبهم خضرا

    والله يوفق الجميع لكم مني اصدق الود واعذبه (((وكونو بخير)))

صفحة 1 من 4 123 ... الأخيرةالأخيرة

المواضيع المتشابهه

  1. خوذي .. قلبي .. و أحرقيه !!؟
    بواسطة الإنسكاب في المنتدى قصائد وخواطر
    مشاركات: 23
    آخر مشاركة: 30-01-2010, 05:30 PM
  2. خلك على صدك ترى خاطري طاب
    بواسطة عاشق و ولهان في المنتدى قصائد وخواطر
    مشاركات: 9
    آخر مشاركة: 10-12-2008, 09:53 PM
  3. في خاطري شي
    بواسطة (شقاوي) في المنتدى قصائد وخواطر
    مشاركات: 0
    آخر مشاركة: 20-04-2006, 08:49 PM
  4. عسوووله خوذي توقيعك
    بواسطة a5fe ghlaak في المنتدى الارشيف
    مشاركات: 18
    آخر مشاركة: 01-11-2005, 12:11 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52