النتائج 1 إلى 2 من 2

الموضوع: سالي.. راعية الذهبان الله آآآبوها

  1. #1
    ... عضو جديد ...


    تاريخ التسجيل
    Nov 2004
    المشاركات
    6
    معدل تقييم المستوى
    0

    افتراضي سالي.. راعية الذهبان الله آآآبوها

    كان ياماكان في قديييييم الزمـــــان كان بوه بنيه تقل أم عشر سنين أو زود شوي أو أقل شوي مميليــــــحه وهــــــــاديه ومهضومه كتير..

    يقال لها.... ســــــالي...

    عايشه سالي هي وأبوها في سعــــاده وأمن وأمـــان في هذاك القصر الكبيـــــر...


    ويوم تجي هذيك العصريّه وتصول البنيه على أبوها صوله ... إلا أبي أروح لمعهد يقال أنه جمعت بنات وشلل وسعة صدر وفلّه وترانا ندرس فيه كان عوقك الدراسه..
    وكلهم بنات عوايل يعني لاتخاف علي مابه من دشير المدينه..

    أبو سالي: الله يهديتس يابنيتي الحين تخليني لحالي فيذا وتخلين هالقصر والعز والمعزه وتروحين تنحشرين مع هالبنات في فلّه كنها قوطي صلصه..

    سالي: يباااااااااه أنا فدى هاللحيه أن تقول تم.. وأنشالله مانب مقاطعتك أبرسل لك وترسل لي من هالرسايل..

    أبوها : روحي أجل جعلتس الريح .. وتراني مارضيت عليتس أبد مير ماعاد يستحن ذا البنات..

    سالي: لا يكثر بس الحين على بالك أنت ووجهك مسوي لي فيها تخاف علي..
    يلا فمان الله>>>تسنها تحسفت..




    وتهــــــــــــاجر سالي من بيتهم في المدينه إلى المعهد في مدينة أخرى بعيييييييييييييييييييييييييييييده...


    راحت سالي للمعهد واستمرت فيه فترة مهيب قصيّره وعرفت بنات واجد وامبسطت معهم والله...
    الا ان فيه شله تسلااااااااابه حاقدين عليها حقد اعوذ بالله ... عاد هي مسيكينه دجاجتن صقعاء وماعندها ماعند جدتي فالحتن بس فأبوها تطّاقه ... أما عند هالبنات تقعد تناااافظ وهم بس يتهزون بها ويضحتسون عليها كل أبو دايم...

    قامو هالبنات يصلحون أشياء ثمن يورطون سالي فيها ويروحون يعلمون المديره أم كعكع كنه الفيصليه..
    وسالي مسوية مؤدّبــــه كل ماقالت لها المديره شي قامت تدّربي هالراس مهيب تدافع عن نفسها أبد..

    طبعا المديره صدقت شلّة هالدشير في كل اللي قالوه عن سالي وحطتها ببـــالها
    وتسلّطت عليها واذا شافتها تسنها شايفتلها سكني..

    صارت سالي دايمن ضايدز صدرها ومادتن بوزها شبر قدام من النكد
    قالت صديقتها: إيه أبد هاااااااااذي عقوبتس في أبوتس يوم تسحبين عليه وتخلينه
    ايه هذولهم سلّطهم الله عليتس..

    سالي: حسبي الله عليهم تقل ذابحتن لهم أحد اللهم ياكافي..
    جعلهم الصمردزع قولي آمين؟؟

    صقيقتها: آميــــــــن..




    ومع الأيـــــــــــــام قامت المشاكل تكبر وتكبر وكل يوم ملحّطين هالضعيّفه فالاداره يلعنون جدفها..
    لييييييين قفّلت مع المديره قالت أقول يبنت الأجاويد اقضبي الباب الله لا يهينتس ترا معاد فيني شده ولاعاااااااد أشوفتس توطوطين فيذا أبد... هماه؟؟
    لأحش رجليتس حش... يالله لأشوتس الحين مع المدخنه..


    وترووووح ياقليبي تدوج بهالشوارع تدور لها شغله ..
    ويصيدونها حقين الكباريت تشتغل معهم..
    ومن أول يوم هالفاهيه رجعت ماباعت شي..
    قالو أقلبي وجهتس تكفين.... الشرهه على اللي يشغلتس أصلا..


    وتقعد على هالحاله تدوّر لها على شي تاكل منه...

    لين جاء يوم من الأيام وتتعرّف لها على ولد نعمه وحبها من ألبو وحبيتو من ألبها>>>فهمتوها

    قال: الا وش رايتس تجين عندنا ببيتنا نلعب كيرم وكلّش
    قالت: طب

    وتروح لبيتهم وهي مستااااانسه لقت أخيرا احد يضف ضيعتها
    ويوم راحت وتشوف أبو خويها..
    قال: وش أسمتس يالمزيونه ويوم صدّ ولده ويغمز لها ذيك الغمزه ..
    سالي: كل تبن يالداشر
    وترى أسمي سالي بنت فلان..


    **ويشهق ذيك الشهقه..
    هذا أنتي ماغيرتس..
    وأحنا ندوّر عليتس منذو مبطي..

    سالي: ليه وش فيكم روعتوني وش عندكم ياجماعة الربع؟؟؟

    ** الحين مادريتاااااا أبوتس مااات وورّث لتس شي ماتحلمين به يالسّلقه أبد..
    منجم ذهب بذهبانه وبكلّه..


    وه يالهوتي... وتقعد تفحّط في الصاله من الوناسه ويالبرتقاااااااله ويالبرتقاااااله..


    ويوصل العلم لمديرة المعهد وتنهبّل ويطير كعكعها ثمن يستقر مكانه..
    قالت: الحين ذيك البقره اللي مانب أشوفها إلا تطوطح راسها قاعدتن على ذهبان.. آآآآبوها آآبو اللي جابوها..

    فهالأمور ماينفع إلا أنزّل راسي لها والشكوى على الله..


    وتروح المديره تطرّبق على بيت سالي ..
    وتطق عليهم الباب وياليت والله من يصفق هاللباب في خشتها عشان تعرف أن الله حق..

    وتفتح سالي الباب ...
    أهلا أهلا مديرتي مسامحتس مسامحتس صحيب صحيب..
    ويمدّون مصابعهم الصغيّره ويتصاحبون...


    وبدت بعد كذا الحفله على شرف أحلى سالي..


    وزفو سالي على الدرج وهي مشخّصه بذاك الفستان وحاطه ذاك التاج اللي ياسلام
    وشغلو المسجل على رابح... وسهرتنا الليله ....

    وقامت تنزّف درجه درجه ووراها هالناقه المديره.. الله من قواية الوجه والله..
    بهاللحظه قامت تهوجس سالي...
    الحين هالناقه ليش تنزف معي دواها والله من يتفّل بوجهها..
    وتمدّ سالي رجيلتها لين هذيك عاكرتن فيها.. وبوم بوم بوم بوم تدربى ثمن تمدّد على السيراميك..

    وتجلس سالي تضحك تضحك تضـحـــــك تضــــــــــــحك من كـــــــل قلبهـــا

    ويجلسون كلهم يضحكوووووووووون مبسوطيييييييييييييييييييييييين


    أنتهت الحكــــــــــــــــــــــــــــــــــــــــــــــ ــــــــــــايه

  2. #2
    كبار الشخصيآت


    تاريخ التسجيل
    Oct 2004
    الدولة
    &%] [ باريس نجد ] [%&
    المشاركات
    18,792
    معدل تقييم المستوى
    19

    افتراضي

    اقتباس المشاركة الأصلية كتبت بواسطة ليمونه معصوره
    ** الحين مادريتاااااا أبوتس مااات وورّث لتس شي ماتحلمين به يالسّلقه أبد..
    منجم ذهب بذهبانه وبكلّه..


    وه يالهوتي... وتقعد تفحّط في الصاله من الوناسه ويالبرتقاااااااله ويالبرتقاااااله..


    ويوصل العلم لمديرة المعهد وتنهبّل ويطير كعكعها ثمن يستقر مكانه..
    قالت: الحين ذيك البقره اللي مانب أشوفها إلا تطوطح راسها قاعدتن على ذهبان.. آآآآبوها آآبو اللي جابوها..

    فهالأمور ماينفع إلا أنزّل راسي لها والشكوى على الله..


    وتروح المديره تطرّبق على بيت سالي ..
    وتطق عليهم الباب وياليت والله من يصفق هاللباب في خشتها عشان تعرف أن الله حق..

    وتفتح سالي الباب ...
    أهلا أهلا مديرتي مسامحتس مسامحتس صحيب صحيب..
    ويمدّون مصابعهم الصغيّره ويتصاحبون...


    وبدت بعد كذا الحفله على شرف أحلى سالي..


    وزفو سالي على الدرج وهي مشخّصه بذاك الفستان وحاطه ذاك التاج اللي ياسلام
    وشغلو المسجل على رابح... وسهرتنا الليله ....

    وقامت تنزّف درجه درجه ووراها هالناقه المديره.. الله من قواية الوجه والله..
    بهاللحظه قامت تهوجس سالي...
    الحين هالناقه ليش تنزف معي دواها والله من يتفّل بوجهها..
    وتمدّ سالي رجيلتها لين هذيك عاكرتن فيها.. وبوم بوم بوم بوم تدربى ثمن تمدّد على السيراميك..

    وتجلس سالي تضحك تضحك تضـحـــــك تضــــــــــــحك من كـــــــل قلبهـــا

    ويجلسون كلهم يضحكوووووووووون مبسوطيييييييييييييييييييييييين


    أنتهت الحكــــــــــــــــــــــــــــــــــــــــــــــ ــــــــــــايه
    ههههههههااااااااي وربي قوووويه قصصكــ... ياليمووونه .........

    عاد كل الثلاث باللهجه القصيميه عاد ...!!!!! ههههههااااااااي وربي قوووويات مررهــ...

    لاتحرمينا جديدكــ............

    سلاااااااااااااااااااااام

المواضيع المتشابهه

  1. سعوديه راعية ذوق ماشاءالله عليها
    بواسطة Na-Na في المنتدى الارشيف
    مشاركات: 29
    آخر مشاركة: 17-09-2010, 11:05 PM
  2. شبيهة سالي اذكرو الله عليهــآآآآآآآآآآآ ...
    بواسطة τ σ L ч ツ في المنتدى الارشيف
    مشاركات: 44
    آخر مشاركة: 21-01-2010, 11:07 PM
  3. سامح الله من قتلنى
    بواسطة مشعان الشيباني في المنتدى قصائد وخواطر
    مشاركات: 14
    آخر مشاركة: 08-11-2007, 12:19 AM
  4. ل راعية الزين (خلطه لكثافة الشعر)
    بواسطة أفتخر أني سعوديه في المنتدى عالم حواء
    مشاركات: 6
    آخر مشاركة: 29-01-2006, 09:18 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52