النتائج 1 إلى 4 من 4

الموضوع: آمـاراتـي يشكـو الحـال .!!!

  1. #1
    +جنـــون رجـــل+


    تاريخ التسجيل
    Feb 2005
    الدولة
    ||[ الريــآض ]||
    المشاركات
    918
    معدل تقييم المستوى
    1

    افتراضي آمـاراتـي يشكـو الحـال .!!!

    [align=center]تو .. طين



    وش عاد يا دار ٍ بها صار ( توطين )
    و في مكتب التوظيف سوسن و ميسون !
    مديرهم مدحت و نائبْته نسرين
    و على الرسبشن حمّص و فول و زيتون !
    كل ما اتصلت اسمع ( الو مرحبا مين ؟
    بدّك وظيفه ؟ .. مين دلّك على هون ؟ )
    اقول انا لي اتصل صار شهرين
    و انتوا وعدتوني متى بس توفون
    اسمي ( مواطن ) ( جامعي ) طيب و زين
    كني ابخطب عندكم و اتّغلون !
    عندي شهاده طايحه بجبدي سنين
    عشش عليها شي له ستة عيون !!
    لو للشهاده لسان قالت ( على وين
    ناوي توديني .. تلف فيني الكون ؟ )
    من كثر ما صورتها غارق بدين
    للهندي راعي المطبعه صرت مديون
    لا ليلي ليل ولا نهاري نوى يبين
    دقيت راسي لين ما صرت مينون !
    مطلوب خبره عالأقل في مجالين
    ولا تجينا بواسطه و سير مدهون !
    ولا انثبر في بيتك .. افرك بكفين
    يومك يشابه امسك و عيش مغبون
    تعدادنا ويّاهم اربع ملايين
    و اهل البلد للحين ما صاروا مليون !!
    ويلاه من باكر اذا وضعنا الحين
    و احنا اقل من الربع حالنا شجون !
    و اللي ابتسم له حظه والله مسكين !
    حصّل وظيفه .. بس في وين .. تدرون ؟
    ساكن في راس الخيمه .. حطوه في العين !!
    و اللي سكن في الذيد .. في السلع مدفون !!
    يشوف اهله بس في الأسبوع يومين
    و اذا حسبتوا الدرب كم ساعه .. تبكون
    يعني في كل احواله ذاق الأمرين
    شغّال محزون و بلا شغل محزون
    و الأجبني اللي راتبه فوق عشرين
    فله و سياره و تذاكر .. و طاعون
    عنده بدل كل شي عالراتب الفين
    حتى بدل معجون اسنان و صابون !
    و من بعد ما يجمع من بلادي فلسين
    و يربّي م القعده على الكرسي بطون
    و يصير في بلاده غني و عنده برجين
    يرحل و هو جاحد .. و كم مثله ملعون !
    و حتى الجماعه قوم مدحت و نسرين
    مردّهم لبلادهم لو يطولون
    يرضون بشوية دراهم .. و شفتين
    صبح و عصر .. لو حتى في الليل يرضون
    بس لو سمعتوا همسهم بينهم بين
    وسط القهاوي يلعنون و يسبون !
    لا تحسبوني عنصري .. كلنا طين
    و الخل لو عاتب محبينه يمون
    داري و انا اولى بها من الغريبين
    ما يوصلون لحبها لو يموتون
    و ( الأقربون اولى ) .. كلام ٍ من الدين
    ما جبته من شعري مع الهام و ظنون
    ولد البلد ما يبغي لبلاده الشين
    بالروح بالدم يفتديها ولا يخون
    لكن سؤاله يوم قلتوا له ( توطين )
    يا كيف بيد الغرب توظيفه يكون ؟؟!!
    شعارهم معروف ( راجعنا بعدين )
    و باين من التأجيل .. انهم يخافون
    اذا معك خبره .. يا اهلين و سهلين
    و اذا شهاده بس .. عنك يصدون
    ما عندنا شاغر .. و بطلنا تعيين
    ولو تحرق الهاتف ترى ما يردون !
    من وين اجيب الخبره ؟ من وين من وين ؟
    دام الوظيفه عند سوسن و ميسون !
    عندي بمطبخ بيتنا خبره سنتين !
    تنفع اذا صاروا المطاعم يوطنون ؟؟!
    ولا اهاجر و آخذ الخبره في الصين ؟
    صح العيون صغار .. لكن يقدْرون
    سؤال يا دار ٍ ..صراحه بترضين ؟
    اني اسافر و اطلب الغرب لي عون ؟
    و سؤال يا ناس ٍ على الراس و العين
    صدق الوظايف واسطه و سير مدهون ؟
    اما الجواب الشافي يجيني الحين
    او هاتوا تأشيره .. اذا كنتوا ترضون !

    $222 $222 $222
    [/align]

  2. #2
    ][ ابن القريــة ][


    تاريخ التسجيل
    Mar 2006
    المشاركات
    1,593
    معدل تقييم المستوى
    2

    افتراضي رد

    ((( أشكي وأبكي لك ....

    نص رائع يارجل والله يعين الخريجين الجدد على هاالوظائف ... خليك في وطنك وأصبر ففي الغربة مرارة وألم )))

  3. #3
    ... V I P...


    تاريخ التسجيل
    Apr 2006
    الدولة
    ღبقـلـبღمـنღيحبـنيღ
    المشاركات
    2,743
    معدل تقييم المستوى
    3

    افتراضي

    تسسسلم يمينك

    والله يعين على هالوظايف اللي ماتحصل الا بالقطاره

  4. #4
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    الامـــاكن

    قصيده نحط عندها علامات استفهام

    تحكي واقع كثير من الشباب

    اللــه يكـــون بعونهــم

    لا هنت على نقلكـ

    الطيب





    بنت ابوووها

المواضيع المتشابهه

  1. برد الجفاء والهجر .. ودرب التشاتيت
    بواسطة غلا الشرقيه في المنتدى قصائد وخواطر
    مشاركات: 11
    آخر مشاركة: 20-03-2008, 04:42 AM
  2. عشرة أشياء من الجفاء ..
    بواسطة طيفكـ يناديني في المنتدى الارشيف
    مشاركات: 7
    آخر مشاركة: 26-06-2007, 06:36 AM
  3. مشاركات: 4
    آخر مشاركة: 23-05-2007, 08:00 AM
  4. ][ الانـ فيـلمـ (( كيـف الحـال )) .. كامـلاً هنـا ][
    بواسطة المســـافـــر في المنتدى الارشيف
    مشاركات: 13
    آخر مشاركة: 04-12-2006, 07:54 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52