صفحة 1 من 8 123 ... الأخيرةالأخيرة
النتائج 1 إلى 5 من 37

الموضوع: أحبك وماكنت أدري وحبيتني وماكنت تدري

  1. #1
    ... عضو نشيط ...


    تاريخ التسجيل
    Dec 2005
    المشاركات
    76
    معدل تقييم المستوى
    1

    Love أحبك وماكنت أدري وحبيتني وماكنت تدري

    السلام عليكم
    هاي قصه عجبتني كثير من منتدي ثاني
    اسم كاتبة القصة ((الريم الشماليه))
    ياليت اذا عجبتكم يكون لكم رد فيها





    عائلة علي وتتكون من سالم واللي عمره32 وسيف وعمره21 وموزه وعمرها18 وفطيم ثانويه عامه وعمرها 17 وسالم يشتغل وعنده شهاده من بريطانيا ولوتي اشوي ومعظم وقته يالس على النت والجات وخرابيط ،اماسيف واايد هادي وحبوب وموزه بعد..

    عائلة راشد وتتكون من ولدين وبنتين وهن احمد وعمره32ومتزوج ،والولد الثاني عمره28 ومتزوج واختهم مريم وعمرها 20 سنه وهيه في الجامعه سنه ثالثه ، واختهم الثانيه ثانويه عامه وعمرها 17 سنه واسمها خولة، ومريم بعد لعوب اشوي بس هبت ريح شطوره ومأدبه بس وااايد مغصصة في الدكاتره مالها الله ايعينهم والله........




    كانت الساعه وحده ونص الظهر وكانوا امحطيين الغدى وكلهم متيمعين بس كان واحد ماحد وياهن وهو سالم اللي قاعد بغرفته ويالس على النت والجات وخرابيطه ،جان ايطرش بوسالم سيف لاسويلم عسب يزغره ليتغدى وياهن بس سالم ما طاع وقال لسيف بتغدى بعدين ما ابى الحيينه،طلع سيف وراح خبر ابوه فقال ابوه خله على كيفه ماحد خسرا الا هوو هاا اللعاب اللي ما منه فايده.
    كان سالم يالس على النت ويتصفح المتديات وجان ايدج على الجات ،وعلى من دج جان ايشوف نيك نييم عيبه باسم الامارات وهو ماعرف منو هاا (بنت او ولد) بس قال يالله بطب عليه في الخاص وبعد ما طب علييه ورمسه حس انها بنت جان يسأل عن رقمها بس هييه ما طاعت طعتييه ومن جييه اتأكد انها بنت ،وقال في خاطره والله ما اطلع الا العوز فييها هااي الياهل (هو عصب عسب انها كانت اتغايظ فييه).
    سالم: هاا الطيب من ويين انت.
    امارات: من ارض الله بس ليش تباا اتزورني.
    سالم: اهووو قوول عااد .
    امارات: ما اباا بس اتعرف اني اشك اني من باكستان الشقيقة امجابله الخند وعاصمتها ازربيجان .
    سالم:هههههههههههه بلا خرابيط وقول عااد.
    امارات: انت شو تبا ما اباا وعلى فكره عليه اكلاس باااااي.
    سالم: انزيين عطني الايميل يا ولد الناس(كان يضحك بخاطره عسب يبا ياخذ ايميلها وايقص علها عقب وايطييح ابراسهاا ).
    اماراتقالت ابخاطرها خلاص بعطييه يمكن استفييد منه وآخذ منه بحوث والله شي )عطته الايميل***********@***
    سالم: فديت هاا الايميل والله.
    امارات: وليش تتفدى الايميل هااا
    سالم: عسب انه عطوه لي بصعوبه.
    امارات: اهااا خلاص عيل انا بظهر باي.
    سالم :في امان الله بااااااااااااااي
    امارات:باي.


    وقعد سالم اليوم والتالي ايطرش ايميل لإمارات وهييه ما اترد علييه، قال خلاص عفييت السالفه شو ابااها انا هاي الزطيه









    هااا شو رايكم
    اذا اعجبتكم راح اكمل معكم

  2. #2
    الله يرحمها ويغفر لها


    تاريخ التسجيل
    Mar 2006
    الدولة
    مصر المنيا
    المشاركات
    3,324
    معدل تقييم المستوى
    4

    افتراضي

    بنت الحساه

    مشكورة على نقلك للقصة

    وهى ان شاء الله تكون قصة حلوة

    لكن لا يكفى جزء واحد للحكم عليها

    انشرى الجزء الثانى حتى نستطيع تكوين رأى على القصة

    بارك الله فيك

  3. #3
    ... عضو نشيط ...


    تاريخ التسجيل
    Dec 2005
    المشاركات
    76
    معدل تقييم المستوى
    1

    افتراضي

    مشكوووووووره خيتووووووو عالتشربف الرائع



    وفالج طيب الحين بنزل جزء ثاني

  4. #4
    ... عضو نشيط ...


    تاريخ التسجيل
    Dec 2005
    المشاركات
    76
    معدل تقييم المستوى
    1

    افتراضي

    بيت راشـــــــــــــــــــــــد

    مريم داجه على امها وباستها على راسها وجان اتقوول يمه فديتج حطيتي الغدى .
    ام مريم: هييه حطيته بس اتغدينا خلاص بس ما عليييج جهزت لج غداج ابروحج في الحرارة سيري كلي وفكينا من حشرتج.
    مريم: اشلون اتقوليين عني اني حشره حراااااااااااااااااااام علييج...وتضحك اشويه.
    امها:رووحي وفكيني.......
    مريم: توني يايه من الجامعه وبدل ما اتضميني لصدرج واتقوليلي تعالي فديتج بطعمج انا وبيدي اتييني واتطييحيين فيني بس يالله دوومج جيييه .
    الام: هههههههههههه يالله عااد رووحي اتغدي وبسج انتي ما اتيوزيين عن سوالفج.
    مريم: هههههههههه اوكي حبي الغالي يا احلى ام واعظمهن كلهن.
    وراحت مريم واتغدت بعد مااتسبحت وصلت ورقدت حتى أذان العصر،ونشت بالقو بعد ما يتها ختها خوله وطاحت على بطنها فقامت وماخلتها (دومهن جييه) ويت الام ونازعتهن وقالت الهن قومن صلن عن اعطييكن كف على اويوهكن يا بنات راشد الحشرة، فساروا وصلن ويلسوا ايشوفون التلفزيوون حتى الساعه خمس فقالت مريم حبيبتي خولوه انا عطشانه سيري ييبي لي ماي عسب اتفر عنها التلفزيون واتحط على قناه النجوم لأن خوله ما اتخلييه عسب ان خوله ما تسمع اغاني فقالت اوكي فحطت قناة النجوم بعد ماظهرت خوله ..........
    فشافت تحت بالمسجات مكتوب اسم سالم فياا في بالها سالم مال الجات فضحكت ابخاطرها فقالت بسير بفج الايميل اشوفه .....وقالت في خاطرتها نسيته والله خليني ارووح اجيك وسارت وفجت الايميل الا وشافته متروووس وماتت ضحك عليه وجان تدخل خوله الها
    خوله :اشفييج منفطسه ضحك.
    مريم: ماشي ماشي رووحي شوفي التلفزيون.
    خوله:الله ياخذج ما فييج خيير بدل ما اتقوليلي مشكوره على الماي اطبييني جييه بس موشرها عليه انا اللي رحت اييب لج الماي.
    مريم: اوكي انزيين مشكوره واظهري اللحيين وفكيني من حشرتج.
    طلعت خوله ويلست مريوم تقري الايميلات وتضحك لان ساالم ايخاطبها جنها ولد وهييه فرحانه وتتحسب انه سالم ما ايعرف انها بنت ....... :d .
    جان اطرش له ايميل وفييه:ههههههههه سوري والله ما فجيت الايميل من شهر الا اشحالك وشو اعلومك واعلوم الربع....سوري على اني طولت علييك بس شوو اشوفك في الجات يوم السبت الاسبوع الياي لان المسن حظر وياي في الجامعه وفي البيت ما احب ادج النت ...........اوكي سي يوو
    .................................................. .....
    .................................................. ....
    سالم كان يالس وياا حد من ربعه واسمه جاسم ويالسيين ايسولفون عن الدوام وعن اربيعهم حمد اللي بيملج الاسبوع الياي.
    سالم:اخبرك جاسم شوو رايك انرووح كارفور سمعت ان اهناك ايمرن ابنيات حلوات.
    جاسم:انت ما اتيووز حبيبي رووح ابروحك انا مااقدر على هااي الخرابيط.
    سالم:الحيينه صارت هاي خرابييط بعد ما طحت.
    جاسم:ههههههه لا والله.
    سالم:هاا شو اخبارها الحبيبه.
    جاسم:مالك دخل رووح.
    سالم:والله ما ارووح الا وانت ويايه.
    جاسم:اوكي خلاص بروووح بس يوووز عن الاعييبك جيييه ما بتعرس والله.
    سالم:هههههههههههه وشو ابااه عوار الراس,
    جاسم: يالله يالله صخ عااد آخرتك بتعرس وبتشوف هاا.
    سالم: يالله اسكت مللت فيني يالله.
    وركبوا السياره وراحوا صوب كارفور ودشن ويلسن ايحاوطن ويتلفتن ايمين ويسار وايدزن ارقامهن حتى جاسم سوى نفس سالم اللي كان ينصحه بس شوو شباب وما ايووزون من سوالفهن.
    وجان ايرقم سالم بنيه كانت واايد حلوه وامحطيه ميكب جان تاخذه الضحكه في خاطره وايقول ما صدقت ياخذهن من بنات بس بيشوفن هن هاذيلا الوسخ.
    جاسم: حوووو انت اللي فريت رقمك ليش تتفلسف.
    سالم: ههههههههه ما صدقت هييه ما شفتها انت الله يبليهن بريل ....
    جاسم: اسكت لا عن يبلييك ربك بحرمه موليه هب زينه.
    سالم:ردينا على طاري العرس رووووووووح حبيبي ما عندي انا هاي السوالف ........يالله نظهر.
    جاسم: اوكي يالله

  5. #5
    ... عضو نشيط ...


    تاريخ التسجيل
    Dec 2005
    المشاركات
    76
    معدل تقييم المستوى
    1

    افتراضي

    بيت راشد:
    اليوم آخر يوم في الكورس ونشت مريم وزيغانه وااايد عسب النتايج بتطلع وأول ما فجت موقع الجامعه وشافت النتيجه ماتت من الفرحه لأنها يابت بمساق الأرض امتياز وكان هاا أملها الوحيييد عشان ايتم معدلها عالي وماينزل وعقبها قامت وخبرت امها إن نتيجتها حلوه وفرحت امها الها وقالت عقبال ما اشوفج عروس فديتج،جان اتعصب الريم واتقوول : امي انا ملييون مره قايله لج لا اقوليلي هاي الرمسه وانتي فديتج اتعييديها واتكررها ليش ما ادري بس يالله انا برووح الحيين اباا العب اشويه على النت.
    الام: الله ياخذ البلييس إن شاء الله دوومج جيييه نت وخرابييط الله يهديييج إن شاء وتغدي واتكونيين شرات اخويتج خولووه.
    مريم: ههههههه انا اكون شرات خوله؟ شو اخبيله انا .
    الام: وليش اش فيها خوله ؟ ترى خولوه ابنيه واايد مطيعه هب شراتج.
    مريم: امي تكفييين بسنا من هاي السيره، إلا ما قلتيلي وينه ابوي من الصبح ما شفته وكل مره اشوفه يالس ويرضع هاي الفاله.
    الام: ابوج عنده شغل اليوم فهمتي ولو ما انطمتي بييب هاي الفاله وعلى الراس على طوول ، يالله رووحي من جدامي يعساج البركه.
    مريم : فديت امي انا دومي امغصصه فييها بس مو قصدي والله يالله امي السموحه منج بباي .
    الام: الله يديج إن شاء الله.
    راااحت مريم ويلست وجابلت النت حتى اذان الظهر وبعدها يالسه علييه إلا اتيي امها واطب عليها واتقولها شو انتي صمخه ما تسمعيين الاذان ، فقالت الحيينه انج اصلي ، وسارت وصلت وردت مره ثانيه ويلست على النت وقالت لييش ما ادج الشات من فتره ما دشييته ، ودشت الشات بنك الاماراتيه وأول ما دشت طب عليها سالم بالخاص وقال: مرااااحب ملييون باللي ماخذيين الجواز من جرييب.
    الاماراتيه: تدري انك سخييف بس يالله ما برد علييك وبقولك اهلييين واشحالك.
    سالم( الجذب ابيزه وياه): مشتاق وولهان وما اعرف شو اسوي.
    الاماراتيه: ههههه مشتاق لمنو يا الضفدع.
    سالم: مشتاق لضفدعتي اللي من زمان ما حصلتها في الشات ليش ما ادري حتى اليميلات بخلانه عليها بس شو اقوول غيير الله ايسامحها.
    الاماراتيه : اخبرك انت شارب ادوول والله لبن.
    سالم: بندول مو ادول كركركر.
    الاماراتيه: اهاا بلا سخافه ولا تجذب واتقوول مشتاق اوكي خيووو.
    سالم: حسنا ايتها الاخت وكيف الحال.
    الاماراتيه: الحمدلله ابخيير وسهاله.
    سالم : ليش ما ادجيين المسن الحيينه ، هاا شو رايج تظهريين من الجات وادجين المسن.
    الاماراتيه: ايييييهااأ قمت تتشرط على كيفي لو بغييتاطلع بطلع لا تدخل فيني انزيين.
    سالم(وابخاطره ايقول الله ايغربلج من ابنيه لو طلعتي بنت عمي والله لأذبحج يا الغبيه): السموحه منج ما قصدي ادخل بس قلت لو بالمسنجر بيكون احسن عشانه سريع اشويه عن الجات .
    الاماراتيه: ههههههه اها جييه القصد عيل بفكر.
    سالم: خذي راحتج.
    الاماراتيه: سالم من ويين انت؟
    سالم: وكم عمري صح؟
    الاماراتيه: هيييه
    سالم(ابخاطره ما علييه انزيين لالعوزج إن شاء الله وجذب وبدل عن ايقوول إن عمره 23 وانه من ابوظبي وقال): انا من راس الخيمه وعمري 25.
    الاماراتيه: العمر كله إن شاء الله.
    سالم: ويااج فدييتج.
    الاماراتيه وليش تتفداني؟
    سالم: خلاص سحبتها.
    الاماراتيه: احسن .
    سالم: هاا شو الاعلوم بعد .
    الماراتيه: الحمد لله ما عندي اعلوم ولا تارييخ انت عندك رياضيات.
    سالم: انتي الصراحه وااايد تستهبليين وسخيفه وااايد وامره بعد.
    الاماراتيه: ليش هاا كله عيل خلاص عندك جغرافيا والله فيزياء.
    سالم عصب واايد على استهبالها وبغاها اتقوول شي له معنى بس ماشي فايده وماخذ منها حق ولا باطل ورد قال الها: انتي من ويين اقولج.
    الاماراتيه: من بوظبي .
    سالم :عصب ازياده وخاطره ايطقها عسب انها ليش اتقوول هييه من ويين وسألها ها السؤال عشان يتأكد من أدبها (ترى الشباب لو شافو البنت اتقول عمرها وهييه من ويين قالوا خلاص هاي البنت وصخه وهذا اللي شك فييه سالم)
    سالم: انا بظهر الحيينه شو ما بدشيين المسنجر.
    الاماراتيه :لااااااااااااا
    سالم: ابرايج شو تبييني ابوسج على ايدج واترجاج يعساج ما دشيتي.
    الاماراتيه: هي ما بدج وابرايك بباي.
    سالم: وانتي اتحسبي عمرج انج بتميين على الجات لو اناظهرت لا يا عمرج اريولي على اريولج يالله ابسرعه جدامي.
    الاماراتيه: ههههههههههههههههههه كيفك؟ زووول .
    سالم: تراني اقدر اطلعج عشاني عضو بها الشات فهمتي.
    الاماراتيه(زاغت وقالت ها من صدجه شو يبا مني): خلاص انزيين بظهر.
    سالم: يالله اشوفج جدامي.
    الاماراتيه: بس بسالك سؤال واااحد لا ايكون اتحسب عمرك ريلي والله ولي امري.
    سالم: شوفي انا مرتي ما بتكون شراتج اوكي ادج شات وخرابييط فهمتي انا اللي باخذها بتكون اخلق ابنيه في ها الوجود انزيين .
    الاماراتيه( وكأن حد طعنها في قلبها وقامت اتصييح واتقوول شو قصده هذا انا وصخه): شو قصدك انا شو فيني.
    سالم: شوفي عمرج وبعديين اسألي.
    الاماراتيه: اوكي الايام امبينا بتشوف تراك قلت كلام واتحسبه بيطوف جييه والدرب والله ما خليته يمر جييه وبسهوله.
    سالم: شو بتسويين يعني .
    الاماراتيه: الايام بتراوييك شو بسوي يا ولد ابووك.
    سالم: انتي ما اتعرفييني شو بتسووين يعني.
    الاماراتيه كل شيبوقته فهمت.
    سالم: اهاا اوكي.....شو متى بدشيين المسنجر تراني اترياج باجر الساعه 10 فليل اوكي عشان نتفاهم عن ها الموضوع.
    الاماراتيه: لاااااا والله عيل اقولك اتريااني بعد دهر من ها الوقت اوكي.
    سالم: هههه شو يعني خلاص تبتي عن الشات والمسنجر.
    الاماراتيه: انا ما سويت شي غلط عشان اتوب فهمت.
    سالم: فهمنا خلاص ....اترياج اوكي.
    الاماراتيه: ابعيينك تترياني.
    سالم: انتي الخسرانه عيل كيف بتنتغميين.
    الاماراتيه: لكل حادث حديث بباي.
    سالم: حووو اصبري قولي بدجيين والله لا تراني ابااج بسالفه والله.
    الاماراتيه والفضول قتلها : شو هي السالفه.
    سالم: سالفه وابااج اتساعدييني انزيين.
    الاماراتيه : بشووف.
    سالم: اترياج يعني الساعه عشر باجر.
    الاماراتيه: لاااا
    سالم : عيل قلتي بشوف.
    الاماراتيه: خلاص انزيين بدج وباي.
    سالم:باي.
    طلعت الاماراتيه من الشات وبعد سالم طلع وسمع موبايله ايدق جان ايشوف الرقم غريب وقال منو هاا بعد:
    ورد على المتصل : هلاا مرحب .
    المتصل: مرحبتيين.
    سالم: اهليين منو انتي.
    المتصل: يالله يا الدنيا نسيتني؟
    سالم: شو نسيتج انا ما اعرفج عسب انساج.
    المتصل: انا اللي في السنتر واللي رقميتني ذاك اليوم هاا انسيت.
    سالم(ابخاطره انا ملييون وحده رقمتها وش ذكرني بهاي): اهاا اتذكرتج هاا شو اخبارج.
    المتصل: الحمدلله ابخيير ومشتاقه اشوفك.
    سالم(وابخاطره يضحك وعصب في نفس الوقت ): اها مشتاقه؟ وليش تشتاقيين انتي ما اتعرفييني.
    المتصل: امبلا اعرفك وكل مره اشوفك في السنتر بس انت ما طعطييني ويه إلا هاذييج المره.
    سالم: اها.
    المتصل: اتعرف انا معجبه فييك من زمان.
    سالم: اختي اجلبي ويهج إن افلعج بها التلفون اللي وياي.وسكر الخط بويها.
    وعصبت الانبيه وانجرحت مشاعرها عشانها اتحبه صدج.
    وظهر سالم من غرفته وسار يرمس عند امه اشويه.
    أم سالم: ها اوليدي شو فييك غريبه اليوم طالع من غرفتك ويالس ويايه شو السالفه.
    سالم: ماشي امايه ......اتولهت لسوالفج .
    ام سالم: جييه السالفه وانااتحسبت انك تبا اتخطب.
    سالم: امييييييي شوفي فديتج لو ابا اخطب بقولج والله بس اتعرفي في ها الزمان كل البنات تقريبا مو أدبهن لهناك يعني ما يستاهلون حد ايعرسهن ايتمن عوانس احسن الهم وصخ الله ياخذهم.
    ام سالم: شوفييك امعصب وليش اتقول جييه عن بنات الناس عيب.
    سالم : عيل شو اتقوليين عن ابنيه متصله لي توها واتقولي احبك وانا ما اعرفها.
    ام سامل :شي اكييد انت ما عطنها الرقم يعني انت الغلطان.
    سالم: خلاص امي خلي السيره هاي وقوليلي وينه سيفان.
    ام سالم: طلع .
    سالم: شو ما تبون اتخطبون لسيف.
    ام سالم: هييه نبا انخطب له عشان انت خلاص ما منك فايده.
    سالم: امي انا يوم ابا اعرس بقولج والله الحيين خليني اتمتع ابحياتي .
    ام سالم: اتمتع شو وراك.
    سالم: انزيين بنت امنو بتخطبون له.
    ام سالم: بنت جيرانا بنت حميد عبدالله تراها بنت وااايد خلوقه وعندها اخت بعد لو تباها.
    سالم: الله ايخليها لاهلها وانا اقولج ما افكر بالزواج انزيين امايه.
    ام سالم: لا حول ولا قوة إلا بالله العلي العظييم.
    سالم: بخليييج الحيينه امي اباا اطلع بسير ويا ربعي.
    ام سالم: بتسير ويا ربعك والله بتروح اتحاوط بالسنترات واتعك رقمك لكل من هب ودب.
    سالم: خلاص امي ودري هاي السالفه مع السلامه.
    ام سالم: الله يحفظك ويهديك وايخلييك شرات سيفان إن شاء الله.
    سالم: مع السلامه.
    طلع سالم وركب سيارته وسار عند ربعه ويلس وياهن وتموا ايسولفون حتى الساعه وحده ونص بليل .
    ***************
    **************



    يتبع

صفحة 1 من 8 123 ... الأخيرةالأخيرة

المواضيع المتشابهه

  1. ليتك تحس بحنين الشوق يلعب بي - خلفيات بلاك بيري
    بواسطة نـزف الـمـشـاعـر في المنتدى الارشيف
    مشاركات: 2
    آخر مشاركة: 14-01-2011, 11:34 PM
  2. تدري أحبك حتى لو ماقلتها لك ××ثيمات+ خلفيات××
    بواسطة طموحة بإحساس مجروووووحة في المنتدى الارشيف
    مشاركات: 12
    آخر مشاركة: 20-01-2010, 10:13 PM
  3. أحبك يا صاحبة العباءة المخصرة .. أحبك موت يا عارية ..
    بواسطة حنـوُن بجنـونْ في المنتدى عالم حواء
    مشاركات: 24
    آخر مشاركة: 22-02-2008, 07:56 PM
  4. مشاركات: 1
    آخر مشاركة: 23-09-2006, 02:17 PM
  5. ( تدري مـوت أحبك )
    بواسطة عبدالله بن أحمد في المنتدى قصائد وخواطر
    مشاركات: 5
    آخر مشاركة: 28-04-2006, 07:22 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52