صفحة 1 من 2 12 الأخيرةالأخيرة
النتائج 1 إلى 5 من 9

الموضوع: الاَ ياشيِن حظّك يالحصان اللي تخدم الثور .! !

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Asl الاَ ياشيِن حظّك يالحصان اللي تخدم الثور .! !

    السلام عليكم ورحمة الله وبركـــآته ....


    احبتي اعضــآء المنتدى اعجبت بقصيدة في احد المنتديــآت واحببت ان انقلهــآ لكم

    وارجوا ان تنـــآل على اعجــــآبكم ....!


    القصيدة طويلة شوي واللي بيقراهـــآ يفصل الاتصـــآل والجوال احسن له

    آسف على الاطـــآلة واتركم مع القصيدة :

    بسم اللـــــــه .....





    على طاري هُموم الفُرس عقب الذلّ والإدبار
    ,,,,,,,,,,,,,,,,,,,,, بعَد جيش العرب شَتَّت جيوش الفُرس وارعبها

    وعلى طاري مُصيبة ليبيا في قِصّة المُختار
    ,,,,,,,,,,,,,,,,,,,,, شهيدٍ جِثّته! غاضَت عدوّه لوّ يصلبها

    وعلى طاري أعاصير الرياح وشِدّة الأمطار
    ,,,,,,,,,,,,,,,,,,,,, ودمار إديار وإشعوبٍ عظيم الهمّ صايبها

    وكثيرات الهموم اللي تصيب الناس بـ إستمرار
    ,,,,,,,,,,,,,,,,,,,,, همومٍ تنبعِث بـ اسباب تبعِدها وتقرِبها

    انا! فكري سطى به همّ جوفه كنّه المسمار
    ,,,,,,,,,,,,,,,,,,,,, بعَد قصّه غريبه..من سمَع فيها! تَغارَبها

    قصيره..غامضه جِدّاً..طويله..واضحه بجهار
    ,,,,,,,,,,,,,,,,,,,,, حقيقه..وإسمعوها كامله بلسان صاحبها


    بعَث هَمّي سؤالٍ هَزّ قلبي هَزَّة الإعصار
    ,,,,,,,,,,,,,,,,,,,,, سؤالٍ شَتَّت افكاري..وشَرَّقها وغَرَّبها

    سؤال العيطموس اللي كما ريمٍ شرودٍ ذار
    ,,,,,,,,,,,,,,,,,,,,, هَنوفٍ بالجَمال! امست مثل حسن القمر وابهى

    ربَت بين البَخَتري,والنفل,والوَرد,والنوّار
    ,,,,,,,,,,,,,,,,,,,,, وروابي نَجد..واطيب جوّها وازكى هبايبها

    اهَلها روس قوم..اسياد اهل بيرق وقحص إمهار
    ,,,,,,,,,,,,,,,,,,,,, لَها حقّ الفَخَر والكبريا وإتشدّ حاجبها

    ابوها! مثل حَضرَة جَدّها..فارس,بَطَل,مُغوار
    ,,,,,,,,,,,,,,,,,,,,, وخوالٍ من مواكير الحَرار إتعِدّ مَنسَبها

    لها عِزّه,لها حشمه,لها هيَبة طوال اعمار
    ,,,,,,,,,,,,,,,,,,,,, بلا ميعاد زارتني بهيَبه..صرت هايبها

    وقلت:اهلاً وسهلاً زادت الأفراح والأنوار
    ,,,,,,,,,,,,,,,,,,,,, صراحه! ساير افراحي بعمري! هاذي اطيبها

    وصَلتي وإستريحي لاتعبتي يحتويك الدار
    ,,,,,,,,,,,,,,,,,,,,, مثل ماتحتوي بيِض القلوب اغلى حبايبها

    وقالت: بَس انا...! قلت:إجعليها بيننا تذكار
    ,,,,,,,,,,,,,,,,,,,,, ولو ساعة وَصل تغتال فرحتنا عقاربها

    وقالت:جيت لك رغم الألم,والخوف,والأمرار
    ,,,,,,,,,,,,,,,,,,,,, وتجَشَّمت المخاطر..والعروق الخوف ذوَّبها

    ومادام الشرط نور! وبالرضا يُقبَل بدون إجبار!
    ,,,,,,,,,,,,,,,,,,,,, انا شَرطي! طَلَب..فكّر وروحك لاتغَلّبها

    ورجيتك واثقه جاوِب..وعَطني صادق الأخبار
    ,,,,,,,,,,,,,,,,,,,,, إجابه وافيَه..بالصدق لَبّسها وطيِّبها

    وترى تحرَم عليّ الشاذليّه..بنّها وإبهار
    ,,,,,,,,,,,,,,,,,,,,, قبل مـ اسمع جوابك!..دَلّتِك! لايمكن اشربها

    سألتك بالإله الواحد الكَسّار والجَبّار
    ,,,,,,,,,,,,,,,,,,,,, مادام إنك تقول الشعر والأفكار تسهبها!

    لماذا؟كيف؟ في شعر النبط صار الزمن غَدّار؟
    ,,,,,,,,,,,,,,,,,,,,, وش اللي صار فـ الشعّار؟وش غيَّر مذاهبها؟

    ورى ستر القصيده عَن جسدها والمحاسن طار؟
    ,,,,,,,,,,,,,,,,,,,,, من المسئول عَن كَشفَة نحرها مع ذوايبها؟

    وراها عَوّدت سلعه بسوق الهون والأضرار؟
    ,,,,,,,,,,,,,,,,,,,,, من البايع؟من الشاري؟ وراها هان جانبها؟

    ووراها عقب ماكانت عَروسٍ زاهيه بسوار
    ,,,,,,,,,,,,,,,,,,,,, تصير بدون هيبه..لين كلٍّ صار يخطبها؟


    وقالت في نهاية علمها..تطلبني الإقرار!
    ,,,,,,,,,,,,,,,,,,,,, عسى منته بعَد من ضمنهم للسوّق تجلبها؟!!

    عسى منته تبيع افكار عقلك عَذبة الأوتار؟
    ,,,,,,,,,,,,,,,,,,,,, ومن راس الجبل تنزل بشعرك في شعايبها!

    مصيبه كان منهم.. واستشيرك واسألَك بـ إصرار!
    ,,,,,,,,,,,,,,,,,,,,, وتراك إن كان منهم! نفترق والصحبه اشطبها!


    ضَحَكْت..وقلت:يعني أعتبر هذا الكلام إنذار؟
    ,,,,,,,,,,,,,,,,,,,,, وقالت:لا..حشى..ماهوب قصدي لاتصعّبها

    لاتفهمني خطا..منك الأسف وابدي لك الأعذار
    ,,,,,,,,,,,,,,,,,,,,, على زَلَّة لساني واستميحَك عذر..واسحبها

    وتقول:ارجوك هات السالفه..خل العلوم إقصار
    ,,,,,,,,,,,,,,,,,,,,, سألتك وانت جاوبني..وروحي لاتعذّبها

    وانا! عندك بحكم الضيف..وانت معزّب الخِطّار
    ,,,,,,,,,,,,,,,,,,,,, توقّع لاتنَقَّد مع ضيوفك يامعَزّبها

    وقلت إلها:سألتيني عَبَث ياشيخة السُمّار
    ,,,,,,,,,,,,,,,,,,,,, سألتيني سؤالٍ تَعَّب الأفكار وارهبها

    دَخيلِك مابقى عندي جواب..ولابقى معيار
    ,,,,,,,,,,,,,,,,,,,,, وفكري تااااه..وإعروقي بَعَد شَبَّت شبايبها

    واصَرَّت واحرجتني بالسؤال الصارم البتّار
    ,,,,,,,,,,,,,,,,,,,,, على فكري,وفي قلبي..مصيبه كيف اخاطبها؟!

    انا وشلون افَهّمها! وانا اللي تايهٍ محتار؟!
    ,,,,,,,,,,,,,,,,,,,,, (بَغى عبدالمعين إيعين..واصبح في نشايبها)

    وش اذكر؟وش حصل؟وش ماحصل؟وش صار؟وش ماصار؟
    ,,,,,,,,,,,,,,,,,,,,, وش اكتب؟وش بقى؟وش مابقى؟ وشلون اجاوبها؟!

    خصوصاً دام تطلبني مع الإصرار والتكرار
    ,,,,,,,,,,,,,,,,,,,,, تقول: ابغى جوابك! في قصيدة شعر تكتبها!

    وقمت انخى بنات الفكر في الميراد والمصدار
    ,,,,,,,,,,,,,,,,,,,,, وانا اخبرها..تجيب اجمل بيوت الشعر واعذبها

    وانا! ما آقول انا الأوَّل على الكِتّاب والشعّار
    ,,,,,,,,,,,,,,,,,,,,, ولاقلت إن ماغيري (زعيم الشعر) كاسبها

    ولاني قايلٍ مافيه غيري يسبح الابحار
    ,,,,,,,,,,,,,,,,,,,,, بحور الشعر مانيب الوحيد اللي مجرّبها

    ولا اقول إن غيري مايجيب الدرّ والمحّار
    ,,,,,,,,,,,,,,,,,,,,, ولا اقول إن بنت الشعر مـ احدٍ غيَري اعجبها

    ابَد..مـ انكرت شعّار النبط حَكّامَة الاشوار
    ,,,,,,,,,,,,,,,,,,,,, قرومٍ في مجال الشعر ترقى مع كواكبها

    عزايمها قويّه لويطول الوقت والمشوار
    ,,,,,,,,,,,,,,,,,,,,, تسجّ افكارها للمجد في عالي رقايبها

    صقورٍ تنعرف في وقتها لامَدَّت الاشبار
    ,,,,,,,,,,,,,,,,,,,,, وتشبع من خيار الصيِد..لامَسَّت مخالبها

    حقيقه! ماحَدٍ يقدر بوقته يبدي الإنكار
    ,,,,,,,,,,,,,,,,,,,,, لشعّار النبط..ياكود من يجهل عواقبها

    يصير إلهُم هَدَف مرسوم يرمونه بدون إعيار
    ,,,,,,,,,,,,,,,,,,,,, جزا من ينكِر الشعّار في وقته ويغضبها

    ومثل ماقلت: انا! مانيب من تغديبه الافكار
    ,,,,,,,,,,,,,,,,,,,,, ولانيب الغشيم اللي ذلول الجَهْل يَشعَبها

    لكنّي فارسٍ ماهر,مُثَقَّف,واكتب الأشعار
    ,,,,,,,,,,,,,,,,,,,,, واجيد اوزانها,واشرح بيوت الشعر,واعربها

    وارَتّبها,وابيّنها,واسنّدها عن المحدار
    ,,,,,,,,,,,,,,,,,,,,, واتابع طرحها,واجهربها,وامشي بواجبها

    لهاواجب,لهاحشمه..وشاعرها ..لزوم إيغار
    ,,,,,,,,,,,,,,,,,,,,, عليها..غيرةٍ من غيرة اللحيه وشاربها

    والا يابنت ياللي تقطفين الورد والازهار
    ,,,,,,,,,,,,,,,,,,,,, على شانتس! تراني رابط الغتره وعاصبها

    خذي منّي جوابٍ من شعورٍ يشبه الانهار
    ,,,,,,,,,,,,,,,,,,,,, جوابٍ في قصيده..من علوّ الفكر جاذبها

    بوقتٍ فيه بعض اهل الشعر! من شعرهم تجّار
    ,,,,,,,,,,,,,,,,,,,,, تبيع افكارها لهل المناصب في مناصبها

    تمادَو..وارخصو شعر النبط من فعلهم وإنهار
    ,,,,,,,,,,,,,,,,,,,,, صحيح إنهار..وإنهارَت بحوره مع مراكبها

    وراح الشعر! بين الوقت,والجهّال,والدينار!
    ,,,,,,,,,,,,,,,,,,,,, بقى بين الثلاثه..يلعن إحظوظه ويندبها

    ولأن عبيد تاجر! قال: اجيب الشعر بالدولار
    ,,,,,,,,,,,,,,,,,,,,, كذا الشهره تجي.. وارضي غرور النفس واطربها

    زمانٍ صار فيه عبيد يغري زيَد بالاسعار
    ,,,,,,,,,,,,,,,,,,,,, وقصيدة زيَد! لجل المال..لـ إسم عبيد ينسبها

    كتبها زيد..قال عبيد:قل يازيد لاتحتار
    ,,,,,,,,,,,,,,,,,,,,, قل اللي تطلبه..لجل القصيده بـ اسمي اقلبها

    وصار عبيد له شهره..ولولا زيد! ماله كار
    ,,,,,,,,,,,,,,,,,,,,, مطيّة زيد! صار عبيد راكبها وحالبها

    حقيقه! مشكله..مانعرف الشاعر من السمسار!
    ,,,,,,,,,,,,,,,,,,,,, ولانقدر نميّز بين صادقها وكاذبها!!

    بلشنا والله البلشه..وصرنا بين نار وغار
    ,,,,,,,,,,,,,,,,,,,,, عجزنا كيف نكشف كذبها حتى نعاتبها؟!

    لذلك! ودّي اعطي زيد كلمَة عابرٍ مَرّار
    ,,,,,,,,,,,,,,,,,,,,, بعد ماسار بـ افكاره بدرب الذلّ وانشَبها

    الا يازييييد: مالك لوركَضت الاّ تعب وإغبار
    ,,,,,,,,,,,,,,,,,,,,, مادامك بالمطيّه مشتقي..وعبيد يركبها

    وترى قد قالها (شاعر هذيَل) الفاهم البيطار
    ,,,,,,,,,,,,,,,,,,,,, وصارت حكمةٍ..عبداللْه المسعوديْ انجبها

    (الاياشيِن حظّك يالحصان اللي تْخَدْم الثار
    ,,,,,,,,,,,,,,,,,,,,, مَغيَر الثور ياكل..والحصان! الروح متعبها)

    كلام الراحل اللي ياعساه إمن العذاب إمجار
    ,,,,,,,,,,,,,,,,,,,,, يقول ويذكر الامثال عبر الشعر جايبها


    وهنا..وآخر جوابي..في نهاية سكّة الأسفار!
    ,,,,,,,,,,,,,,,,,,,,, نويت ارمي مجاديف السفر..واحرق قواربها

    وقرّرت اترك الموضوع..وآجنّب عن الاخطار
    ,,,,,,,,,,,,,,,,,,,,, واسافر في ربوع الأرض واسعى في مناكبها

    انا مالي ومال الباب والمفتاح والنجّار؟!
    ,,,,,,,,,,,,,,,,,,,,, وَلا لي بالجنايز والقبور ولا نصايبها


    وبَعَد هاذا وقبله..ياللْه المعبود ياستّار
    ,,,,,,,,,,,,,,,,,,,,, ياعالم بالسما والأرض مشرقها ومغربها

    يارب العرش يارحمن ياتواب ياغفّار
    ,,,,,,,,,,,,,,,,,,,,, يافَردٍ عالمٍ بالخلق..محسنها,ومذنبها

    رفَعت إلك الأيادي بالرجا يامُدرِك الأبصار
    ,,,,,,,,,,,,,,,,,,,,, بجاهك ياعَزيز الجاه نفسي لاتخيَّبها

    رجيتك ياكريم..احسِن لي المدخال والمظهار
    ,,,,,,,,,,,,,,,,,,,,, ويَسِّر للهُدى نفسي..وطَهّرها وهَذّبها

    وجَنّبها المعاصي,والفِتَن,والذَنْب,والأشرار
    ,,,,,,,,,,,,,,,,,,,,, وعَوّدها على الطاعه,وعَلّمها,وأدّبها

    نصيتك واعترف لك بالخطايا والذنوب إكثار
    ,,,,,,,,,,,,,,,,,,,,, كثيراتٍ ذنوبي وانت تعلمها وحاسبها

    لعفوك يامَحَلّ العفو ناديتك مع الأسحار
    ,,,,,,,,,,,,,,,,,,,,, بتالِ الليل ساجد..وابتهل وإدموعي اسكبها

    واقول:المغفرَه وارفع يديني..وارفع الأنظار
    ,,,,,,,,,,,,,,,,,,,,, ذَليلٍ تحت رحمة واحداً خلقه يراقبها

    وانادي..ياكريم الوجه جَنّبني لَهيِب النار
    ,,,,,,,,,,,,,,,,,,,,, جهَنَّم عيذني منها..ومن حامي لهايبها

    وساعدني بيسرك مع سراطك حطّلي معبار
    ,,,,,,,,,,,,,,,,,,,,, بفضلك ثَبّت اقدامي عليه ولاتجنّبها

    ليا صار السراط المُستقيم! الجسر والمضمار
    ,,,,,,,,,,,,,,,,,,,,, وعَبره! كل خلقك صامته..تنظر عجايبها

    ولاتهدي له الاّ من تشا وإعبادك الأبرار
    ,,,,,,,,,,,,,,,,,,,,, بفضل الرحمه اللي منك ياوهّاب واهبها


    ومعي صلّو على مَن بالمدينه عاشَر الأنصار
    ,,,,,,,,,,,,,,,,,,,,, بعَد مابايَعوَه بحاضر الدنيا وغايبها


    وسلامتكم جميعا

    شمالي

  2. #2
    ... V I P...


    تاريخ التسجيل
    Nov 2005
    المشاركات
    3,821
    معدل تقييم المستوى
    4

    افتراضي

    [align=center]
    shmaly




    وراح الشعر! بين الوقت,والجهّال,والدينار!
    بقى بين الثلاثه..يلعن إحظوظه ويندبها






    اللـه يعطيـــك العافية قمــة بالروعــة صراحة

    وبالفعل هذا اللي حاصل بوقتنــا الحـالي


    وصح لسـانك ولسان شاعرها..



    تقبل تحيتي ..
    [/align]

  3. #3
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    مشرفنا الرايع والمحبوب

    صح بدنك طال عمرك

    والله يعافيك ويسلمك

    والروعه في تواصلك يالغالي

    لاخلا ولا عدم

    لك خالص الود

  4. #4
    ... عضو نشيط ...


    تاريخ التسجيل
    Dec 2005
    المشاركات
    99
    معدل تقييم المستوى
    1

    افتراضي

    السلام عليكم

    تسلم يأخ شمالي على هل قصيده ربي يخليك لهذا المنتدى

    وانشالله نشوف ابداعاتك وكتاباتك الروعه

    دمت بخير وصحة وسلامه

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    عليكم السلام

    الغاليه همس الحنين

    وش اخبارك واخبار الأهل

    ان شالله بخير (((يارب)))

    حظورك وتواصلك في مواضيعي

    يسعدني ويشرفني (ويشجعني على الاستمرار)

    اتمنى لك النجاح والتوفيق

    وحياه سعيده في ظل من تحبين

    وكوني بخير (((لأكون)))

صفحة 1 من 2 12 الأخيرةالأخيرة

المواضيع المتشابهه

  1. خوي الاش
    بواسطة سلطان القصيد في المنتدى قصائد وخواطر
    مشاركات: 4
    آخر مشاركة: 09-05-2011, 06:29 AM
  2. مشاركات: 14
    آخر مشاركة: 09-01-2011, 11:40 PM
  3. تخيل شكل العضوو اللي قبلك..
    بواسطة مشغول من كثر الفضوة في المنتدى الارشيف
    مشاركات: 6
    آخر مشاركة: 03-10-2007, 10:19 AM
  4. **تخيل شكل العضو اللي بعد**
    بواسطة شموس63 في المنتدى الارشيف
    مشاركات: 148
    آخر مشاركة: 10-03-2007, 02:54 PM
  5. اللي بتفزع تدخل بسرعه
    بواسطة أفتخر أني سعوديه في المنتدى عالم حواء
    مشاركات: 10
    آخر مشاركة: 06-05-2006, 02:40 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52