النتائج 1 إلى 3 من 3

الموضوع: قصيده ابكت 500 شخص!!!

  1. #1
    ... عضو جديد ...


    تاريخ التسجيل
    Jul 2006
    المشاركات
    7
    معدل تقييم المستوى
    0

    افتراضي قصيده ابكت 500 شخص!!!

    أحبــــتي أعضاء المنتدى ..... أنقل إليكم على لسان...طفله ...فقدت ..كل فرحه وكل أمل ..مع فقدانها ..والدها ..في حادث مروري , بسبب السرعة القاتلة والمتهورة ...

    [frame="7 80"]ثقيله هالدقايق
    اذا كان الوجع
    بـ عمر ..انسان
    ثقيله يا ثواني
    هي بداية... (تمر ازمان )
    بغيضه يالدموع اللي على خدين طفله
    بعمر الورد/ وكبر الجرح حزينه يا الاماني ..ليه ؟ّ
    انا مدري وش اللي ماخذينه بس!!
    انا مدري من المسؤل ؟!
    عن الحصه / عن التلميذ / وآخر درس
    انا مدري ..
    انا ليه اكتب حروف اللحين ؟!!
    احاول...اشرح ..الحزن الدفين
    بثرثرات ...حروف ...وغصت عين
    حكاية من حرم طفله..
    تحس بضحكة الاطفال..
    صباح العيد
    حكاية (آآآآآه )..في حلق حيرتها
    ورجفة أيد ..
    وتتنهد في جدار القبر...ساعة
    كنها ظلم الليالي ..بوحشة بيد
    ومع أول دقايق سالفتنا ..
    على شارع ...حمل ثوب الحداد
    وحشرجات ..القبر ..
    بسرعه مر ...
    مع الوعد الذي ...ما قدر يوفيه
    مع اسماع طفله ...ما تعرف الحزن !

    لا..


    لا..


    لا..

    كانت ما تعرف الحزن ..
    تغرد له بصوتها النعسان ..
    وتعزف أعذب الالحان ..
    (يبه ..عمري ..حبيبي
    لا تْأخر ...
    ابي ترجع قبل ما انام ..
    ابي اتلحف حنانك...في
    تصبحين بخير .. مع بوسه على خدي ..
    يبه وانام ..
    وقبل ما انسى ..يايبه اسمع ..
    ابي دفتر رسم أحمر
    وابي اقلام للتلوين ..
    وابي فستان ...مثل لون
    الشموس اصفر ..
    وابيك انته ..تلبسني ..
    تحمل يا يبه ارجوك ..
    تمهل يا يبه ارجوك ..
    شوي /// شوي )
    وكان آخر ..وصاياها ..
    وعلى غفله ...تهور ..
    مع سرعة ...بدون حساب ..
    ينادي هالرصيف الموت ..
    ينادي له ..تعال ...تعال ...تعال... تعال..
    وانتهت قصة...عمر ..انسان
    وابتدت ...حيرة.....يتيمه ..
    ما اكملت عامها التاسع ..
    يضيق بدمعها ..
    صمت الشبابيك.. الكئيبه ..
    على الجدران ..
    تحاول ...تنحر اجابة هالسؤال اللي
    تفجر ...في قصيدة حزن ...
    بلا..عنوان ..
    (يبه وينك؟!
    تعبت انتطر ..
    تعبت أتخيل ايدينك ..
    يبه وينك ...
    تعبت أسأل زوايا البيت ..
    تعبت أسأل ثوبك المكوي
    تعبت آشم عطرك
    واحضن غيابك ..
    تعبت اكذب على دمعي
    وارتب عيني وثيابك ...
    يبه وينك؟!
    الف الدار ..واتذكر ....
    هنا ..يمشي ...
    هنا يجلس ..
    هنا يضحك ..
    هنا كنا على شانه
    نجي نسهر ..
    يبه وينك ..
    ويقطع حزن هالافكار ..
    باب الدار ...
    واصيح بصوت ...واتحشرج ..
    منو بالباب ؟!..منو اللي دق هذا الباب؟!
    انا مابي لعب ..واقلام ...
    انا مابي هدايا
    انا ما ابي اشوف اصحاب ..
    يبه وينك ؟!
    يبه .. يرضيك حالي اللحين ؟!
    كرهت المدرسه ...والدرس ..
    ولا حد فيني حس ...
    تذكرني بغيابك... شهاداتي ..
    معلمتي ...
    وباب المدرسه ...
    والدرس
    اصحابي وعلاماتي ..
    يبه وينك ؟!
    كلامي يا يبه حارق
    كلامي مر ...
    وانا اقرا في الدفاتر هنا ..
    (يوقع ولي الامر)
    من اللي فرحتي تتكحل بعينه ؟!
    وضحكاته
    يبه ..وينك ..؟!
    نجحت ..وتختنق فرحه
    وسط صدري ..
    تجيني الناس وتبارك ....
    وهذا الحزن بي حارث ..
    ولا تدري ...
    باني يتيمه ..
    والسبب حادث.. )
    وبدت تذرف دموع
    تشق صدر الليل
    سواده ...حيل يشبه له شعرها ..
    يشبه له غياب...الاب..
    غايبه ..
    ما وراه غياب..
    ولا يمكن يعوضه ..
    القريب / الاخ / والاصحاب
    ثقيله هالدقايق
    اذا
    كان الوجع..بـ عمر ..أانسان
    بغيضه يالدموع اللي على خدين طفله
    بعمر الورد حزينه يا الاماني ..ليه ؟ّ

    حزينه يا الاماني ..ليه ؟[/frame

    مع تحياتي لكم
    ~*¤ô§ô¤*~*¤ô§ô¤*~ القمــ { دم } ــر & وحــ الهــم ــيد~*¤ô§ô¤*~*¤ô§ô¤*~

  2. #2
    -- [ شــآمــخ الــزيــن ] --


    تاريخ التسجيل
    Feb 2005
    الدولة
    -- ( قـّلــبَ أمــي ) --
    المشاركات
    1,227
    معدل تقييم المستوى
    2

    افتراضي

    * فعـلآ قصيدة مؤثرة من هذه الطفله اليتيمة التي فقدت والدهاالله يرحمه في حادث مروري وعسى ان يصل صداها

    للأخوه المتهورين في القياده لكي لايفقدوا فلذات ابنائهم


    *القمــ { دم } ــر : كل الشكر لك على هذه القصيده الرائعة والمعبرة

  3. #3
    ... عضو ذهبي ...


    تاريخ التسجيل
    May 2006
    الدولة
    مـازلـت ابحـث عنـي . . . !!
    المشاركات
    966
    معدل تقييم المستوى
    1

    افتراضي

    عزيزي .. دم القمر

    حروف وكلمات حزينه ..

    يكتنفها الالم والاسى ..

    طفله بريئه .. لم تجف مآقيها ..

    حسره وحزنا ..

    تلك الكلمات المؤثره عانقت فينا ..

    المشاعر والاحاسيس ..

    فاغرقتنا معها في بحر الالم ..

    رائع هو ذوقك وجميل هو اختيارك ..

    فقد استمتعنا بما نقلت لنا ..

    على الرغم من المعاناه ..

    والتي نسجت خيوطها في كل حرف مما نقلت..

    . . . همسه . . .

    ايها الفاضل . . . يمنع ادراج اكثر من موضوع في ذات اليوم . . . لياخذ الموضوع حقه . . .

    من التفاعل والردود . . . لذا جرى التنويه . . .



    لك مني كل تقدير واحترام ..

    تحياتي
    دموووعه$222

المواضيع المتشابهه

  1. قصيده حازت على افضل قصيده لعام 2008 !!!
    بواسطة كلي شموخ في المنتدى الارشيف
    مشاركات: 2
    آخر مشاركة: 11-10-2008, 08:22 PM
  2. مشاركات: 12
    آخر مشاركة: 25-01-2008, 05:19 AM
  3. ...:::قصيده ابكت من قراها :::...
    بواسطة ₪عــ الاحسـاس ــذبة₪ في المنتدى الارشيف
    مشاركات: 6
    آخر مشاركة: 17-03-2007, 06:06 PM
  4. قصيده ابكت جامعه باكملها
    بواسطة العيناويه الصغيره في المنتدى الارشيف
    مشاركات: 6
    آخر مشاركة: 27-08-2006, 01:52 AM
  5. ياسمين ((قصيده مسموعه ابكت عيني ))
    بواسطة مــــــــودة في المنتدى قصائد وخواطر
    مشاركات: 7
    آخر مشاركة: 15-08-2005, 07:01 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52