صفحة 1 من 3 123 الأخيرةالأخيرة
النتائج 1 إلى 5 من 13

الموضوع: من قصائد الرثاء

  1. #1
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي من قصائد الرثاء

    [poem=font="Simplified Arabic,4,white,normal,normal" bkcolor="black" bkimage="" border="outset,4,white" type=0 line=0 align=center use=ex num="0,black"]
    يارجم عديتك وعدابي الــــبين =والقلب في راسك تبيح كنينه

    الله لا يسقي مــــفاليك عامين =ذكرتني راع الطبوع الحسينه

    مرحوم ياللي جهزوا يوم الاثنين =العصر من فوق النعش شايلينه

    حطوا على منبوز الارداف سافين =رصوا عليه اللبن ومـلحدينه

    ياليت كفي حدر خده عن الطين =والكف الاخر فوق صافي جبينه

    ياليت يومي قبل يومه بيومين =ليت المرض من بيننا قاسمينه

    لا يا حياة الشر عقب اريش العين =لا واهني مــن شافنا مقتفينه

    شربت انا من صافي الغبن كاسين =قطّـع معاليقي وكــبدي متينه

    ياونتي ياشين فرقا المـــحبين =ياعيني اللي من فراقه حزينه

    ياسهر عيني والمخاليق ممسين =يـاقلبي اللي مثل دق المكينة

    قالوا حزين وعشرك اليوم ثنتين =قلت اعذروني زين الاطباع وينه

    قالوا تخير بالبنات المـــزايين =قــلت العذارى غيرها منكرينه

    قالوا عجوز وقلت انا فا لكم شين =الخمس والعشرين قيمة اسنينه

    وجدي عليها وجد راعي بعارين =ممس ٍ خلاوي والسَّرق حايفينه

    هن راس ماله وشلعوهن شياطين =واصبح على الجرّه يفرّك يدينه

    أو وجد من لحقوه طلابة الدين =صكت عمود القايله مـطلبينه

    لحقوه عكفان الشوارب امغلين =وتشاوحــوه بكل شلفا سنينه

    هذا وصــلوا عد نبت البساتين =عـــلى نبي ٍّ كلنا تابعينه

    [/poem]


    للشاعر / جديع بن سودان العنزي

  2. #2
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    [poem=font="Simplified Arabic,4,white,normal,normal" bkcolor="black" bkimage="" border="outset,4,white" type=0 line=0 align=center use=ex num="0,black"]
    ياونتي منها ظلوعي حـطاما =على عشيرٍ بالهوى مات مغبون


    شالوه من دار الحياه للعداما =ومن الحصى وتراب قاموا يكبون


    من عقب مالفوه بقماش خاما =قاموا على بيض النصايب ينصون


    مات الحبيب ولا لحق له مراما =بــالله ياللي تدفنونه على الهون


    حطوا نفق له عن سوادالظلاما =ودي أزوره مـثل ناسٍ يزورون


    وأعايده نهار عيد الــصياما =وأقابــله وارضي عيونٍ يحنون


    عساه لا سلمت رد الــسلاما =وأهـل الهوى والحب لازم يردون


    إحساسهم يــصدق بليا كلاما =وغـرامهم يبقى ولو هم يموتون


    أبا أتطوع عند قــبره أعواما =وش عادلو قالوا الملا:صارمجنون


    شبيه خلي فوق كــف النشاما =حــرٍ من اللي بالمقانيص يهدون


    جنسه قليل وغير خلي حــراما =ويـا علهم عقب الحبيب يولون


    من أولٍ اكتم حزين الـــهياما =واليوم بـاح السد يا للي تعذلون


    ويلاه كيف الدود يمحى العظاما =يأكل جسدمضنون عيني وترضون


    ارمو بجسمي مع وفي الغراما =هــذا العزاء ياللي بموته تعزون


    ياراحلٍ لدار الـرضى والكراما =قل له : عشاشيقك من البعد يبكون


    قل له :عيون صويحبك ماتناما =يــسهر وخلق الله بجنبه ينامون


    إما حياةٍ في هنا وإلــــتئاما =وإلا ممات اثـنين بالعهد يوفون


    هيض عذابي نايحات الــحماما =ظــني بهم خلٍ بفقده ينوحون


    حياتنا غطى عليها الغمـــاما =( ..... ) عشنا مع اللي يعيشون


    لا وا حسافة غاب بدر الـتماما =تحت التراب حبيب الروح مدفون ..!![/poem]

  3. #3
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    الي عنده قصيده في الرثاء يحطهااا هني

  4. #4
    ... عضو ذهبي ...


    تاريخ التسجيل
    Mar 2006
    المشاركات
    736
    معدل تقييم المستوى
    1

    افتراضي

    [align=center]

    شكرا لك اخوي سعــد على طرح هذه الفكرة المميزة

    وتسلم يمينك على هذه القصائد الرائعــة

    وأحب أشاركم بكلمات اعجبتني للراحل الأمير طلال الرشيد رحمة الله واسكنه الله فسيح جناته





    لايابعد حيي ..
    طـــــــــلال

    لايابعد حيي .. تعال

    بعدك جرح كثر الرجا ..

    قل الظلال

    من بعك الشيخـه شكت

    قل الرجال

    شفت العذارى فرعن

    وارخن على الليل

    الرمال

    طلال : تعال

    بعدك قصر عمر الفجر

    وارتفعت الكف الشمال

    لايابعد حيي تعال

    بعدك لقى

    ذيب المسا

    أيامنا البيضا ..

    غزال

    لاياسند ظهر الفرح

    الملح سال

    طلال

    تعال

    ما ليل فبعدك وصل ..

    لكن نبي

    وجهك ..هلال

    بعدك صحيح تشابهوا

    ولا بقى

    ذاك اللي يحيي غيثها

    لاجفت المزنه ..

    وعذبها .. ابتهال

    ولابقى

    منهو يعدل ميلها

    لاقيل مال

    بعدك طفى نور الحكي

    والأجوبة

    مابللت ظما السؤال

    بعدك رؤس أينعت

    بس مهرتك ..

    ما خانتك ..

    ولا تبي إلا الامير

    ابن الامير

    اللي ورث ورثه حلال

    رد .. ياطلال ..

    معاد بقى فالحال .. حال

    وصار السهل ..

    صعب المنال

    ولا لقينا لهمنا

    ساحل

    ولا لدموعنا المسفوحه .. جال

    تكسرت روس النصال

    على النصال

    لايابعد حيي .. تعال

    مرت سـنه ..

    كل يوم ابخر مجلسك

    واقهوي ضيوفك ..

    بعض علومك ..

    تنتشي ..

    خيول الفخر ..

    ويميل عقال

    مرت سنه ..

    كل يوم اقول ابلتفت

    والقاك بطولك تبتسم

    واقف ولا طولك احد

    تدري بعد مارحت .. أبد ..

    ماشي طال

    إلا الحزن ..

    بعدك إلا من قال .. نال

    مرت سنه ..

    وأناديلك : تعال

    أحلفك باللي رفع ..

    ظلك .. سما ..

    وابسط تفاصيلك .. خيال

    اللي عطاك الطيب

    وزليته على معاميل الدلال

    أحلفك بالعشره ..

    واللي بيننا

    وبنور يمينك لا انعمى الدرب وطوى ..

    الليل الجبال ..

    طلال تعال ..

    أحلفك بالله .. تعال

    سافـر ولكن لاتغيب

    ولاتعذب بالوله

    جيد .. وجديل

    أو بالرحيل ..

    يظماك شال !

    طلال ..

    لايابعـد حيـي

    تعــال
    ![/align]

  5. #5
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    ســعد الجهـــيران

    تسلم يمــينكـ على الموضــوع الحلو

    والأبيـــات الرائـــعه

    وهذي مشـــاركه مني


    [poem=font="Simplified Arabic,5,white,bold,italic" bkcolor="black" bkimage="" border="solid,2,white" type=2 line=0 align=center use=ex num="0,black"]
    ياتل قلبـي تلتينـن مـن أقصـاه=تل الرشا من فوق هدف المحالـي

    وياسم حالي سـم معـدوم ٍ أدواه=مالـه دوا يكـود رب الجـلالـي

    وياشلع قلبي شلع غصن ٍ من أعلاه=وياهدم حالي هدم جرفـن هيالـي

    فقدت أنا أخو ٍ لي أغليـه وأهـواه=أخو ٍ عزيز ودايـم ٍ لـي موالـي

    حبه دخل بالقلب وشلـون ينسـاه=منساه أنـا لـو طولـن الليالـي

    ياطيب أخويه ياهل الطيب طيبـاه=باله وسيع وخاطـره دوم سالـي

    مثل الحدوم اللـي بعيـد ٍ معشـاه=صيده سمين ولا يصيـد الهزالـي

    وياليت رب البيت يومنـه أعطـاه=خلاه حي ٍ لـي سنيـن ٍ طوالـي

    وهذي طبوع الوقت ليا شان ممشاه=ليا جا بحبلـه عقـد والا أنفتالـي

    يالله أنـــا طـالـبـك يالله يالله=ماغيرك أطلب ياعزيـز الجلالـي

    يالله أنـا طالبـك تغفـر خطايـاه=ياواحد ٍ ماغيـرك أحـد ٍ يسالـي

    تغفر لحـي ٍ راح ماعـاد شفنـاه=حطوه له في وسط قبـر ٍ هيالـي

    هلت دموع العين من حـر فرقـاه=فارقت أنا حـي ٍ عزيـز ٍ وغالـي[/poem]

صفحة 1 من 3 123 الأخيرةالأخيرة

المواضيع المتشابهه

  1. الرثاء من أهم الاغراض الشعرية وأكثرها صلة بالنفس البشرية
    بواسطة ظميان غدير في المنتدى قصائد وخواطر
    مشاركات: 7
    آخر مشاركة: 21-01-2011, 01:46 AM
  2. الفائزون و نتائج التصويت في مسابقة الرثاء
    بواسطة ظميان غدير في المنتدى قصائد وخواطر
    مشاركات: 17
    آخر مشاركة: 17-05-2010, 10:19 PM
  3. ..التصويت لنصوص مسابقة الرثاء..
    بواسطة ظميان غدير في المنتدى قصائد وخواطر
    مشاركات: 39
    آخر مشاركة: 16-05-2010, 03:52 AM
  4. .. مسابقة شعر الرثاء..
    بواسطة ظميان غدير في المنتدى قصائد وخواطر
    مشاركات: 4
    آخر مشاركة: 11-05-2010, 08:04 AM
  5. مشاركات: 3
    آخر مشاركة: 25-07-2008, 01:34 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52