صفحة 1 من 4 123 ... الأخيرةالأخيرة
النتائج 1 إلى 5 من 19

الموضوع: موضوعها خليها عليكم

  1. #1
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي موضوعها خليها عليكم

    السلااااااااااااااام عليكم شخباركم عساااااكم بخير

    جبيت قصه من تأليفي وحبيتكم تشاركوني فيها وتعطوني رايكم في كل جزء أكتبه
    وبالنسبه لموضوعها خليها عليكم لأني عجزت و أنا أفكر ...

    المهم إنشاءالله تعجبكم و ما أخيب ضنكم ...

    ويالله تعالوا إقرو القصه

    .................................................. ....

    بدت العطله الصيفيه والكل جالس يخطط لسفراته إلي يبي يروح إيطاليا و إلي يبي لبنان مسوي نفسه لبناني ...<<< هههههه
    و إلي يبي و إلي يبي _ يعني كل واحد جالس يتشرط - ...<<<< شكلهم ما راح يسافرون أبد هههههههه
    الساعه 12:30 بعد نص الليل وبعد المناقشات إلي مالها فايده قامت و خذت شلايلها وراحت غرفتها وهي مطننننننقره لأنهم قرروا إنهم راح يسافرون روما و هي تبي تروح بلجيكا لأنها تقول إن بلجيكا فيها أشياء حلوه و أولت العام كانو في إيطاليا و مروو على روما و إن زميلتها راح تروح بلجيكا ....<<<< قولي من البدايه كذا تبين تروحين مع صديقتج .....
    المهم دخلت غرفتها و قطت عمرها على السرير وشوي تنقز ذيك النقزه لأن جوالها دق ...<< إعترفي فمين تفكرين هههه لا أمزح كانت حاطته على الهزاز ههههههه

    يا صاحبي و شفيك قاعد لحالك وشفيك متغير ومشغول بالك
    يا صاحبي ضاقت علي الليالي ........

    إبتسمت يوم سمعت النغمه وعلى طول ردت ...
    المها : ألوووووووووووووو هلا والله شخبارج شو علومج عساج بخير و شخبار إلي حواليج ..ما تردين ..
    الجازي : هههههههههههههه وحده وحده الله يرجج ...<<< ذكرتيني بقصوووم ههههه
    حشى كل هذي أسئله أنا بخير وسهاله و إلي حوالي كللللللللللللللللهم الحمد لله و يسألون عنج .
    المها : صج ؟؟ يسئلون عني ........ إنزين مين إلي سأل
    الجازي : الحمد لله والشكر ... صج يوم يقولون أصحاب العقول في راحه ..
    المها وهي معصبه : لا والله شنو قصدج ....... تدرين مع السلامه.
    وسكرت الخط في وجهها ومن الطرف الثاني الجازي ميته ضحك على إنفعال صديقتها الهبله السريع ...

    (( تعريف بأول الشخصيات ))
    المها..<< بنوته حلوه ما أقول وااااو بس حلوه ملامحها ناعمه سمره شوي شعرها طويل ماشاءالله أسود مب طويله مرره يعني 154 ،نعومه وحبوبه وبما إنها أول المعروفين إن شاءالله راح يكون لها أحداث حلوه .
    الجازي ..<< بنت عم المها وتقدرون تقولون لها توأمها لأنهم مرررررررره مع بعض وكل وحده سرها عند الثانيه الجازي بنوته مرسومه الملامح معسولة اللسان جميله .

    نرجع للقصه وخليكم معاي عشان ما تحوسون الشخصيات .
    إإإإإممممممممممممممممم وين وصلنا إممممممممم إيه

    بعد ما خلصت الجازي ضحك على بنت عمها الهبله دقت عليها مره ثانيه ...
    الجازي : ألوووو
    المها : هلا
    الجازي : هههههه شفيج
    المها : كأنج ما تدرين شنو فيني
    الجازي : والله ما دري
    المها بقلة صبر : أوووووووووووووف ماتدرين إننا بنروح روما
    الجازي : إيه أدري
    المها : و بكل برود تقولينها ، ياااااااااا سلام عليج
    الجازي : ههههه تدرين حتى إحنا راح نروح معاكم أبوي غير رايه .
    المها وهي شاقه الحلج : إحلفي
    الجازي : والله . أجل أنا ليش داقه عليج
    المها : يييييييسسسسسسسسسسسس أحبك يا عمي ، يالله جزووي مع السلامه بروح أشوف شنو راح أخذ للسفر .
    الجازي : طيب عندج بكره شوفي الساعه كم الحين .
    المها : بكره أبي أشوف الأشياء إلي نا قصتني أروح أشتريهم
    و إنتي بعد روحي إجهزي بسرررررعه .
    الجازي : ههههههه أوكي أوكي يالله باي .
    المها : باي .
    سكرت من الجازي ونزلت من على السرير و اتجهت لدولابها وفتحت الباب وياريتها ما فتحته....

    هذا أول جزء عسى نال إعجابكم و عسى أن يستحق أن يكون في هذا القسم ...
    و الحين شنو سالفة الباب تتوقعون هل راح يكون له أثر في حياة المها أو لا ؟



    أشوفكم إن شاءالله في الجزء الثاني

    أختكم ك عصفوره :1ar:

  2. #2
    ... عضو مـاسي ...


    تاريخ التسجيل
    Feb 2006
    المشاركات
    1,608
    معدل تقييم المستوى
    2

    افتراضي

    ننتظر التكمله

    ثانكس

  3. #3
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي

    يسلمووووووووو دلووووعه على مروورك الصراحه فقدت الأمل ما شفت أحد ...


    وهذا الجزء الثاااني عشان خاطرج ...



    ...الجزء الثاني ...

    في المجلس عند الشباب الساع 1:00 إلي يلعب بلستتيشن و إلي بجواله و إلي يلعبون كيرم وورق ...<< الصراحه جلستهم حلوه بروح أجلس معهم ههههههه
    غازي : شباااااااااااااب أنا جيعااااااااااااااان
    محمد : كلني
    غازي : يععععععععععع طعمك مب حلو
    الشباب : هههههههههههه
    فهد : لا صج مب جيعانين ؟
    ثامر : إلا
    محمد : طيب شرايكم نطلب
    غازي : ليه أي مطعم مفتوح الحين
    محمد : مطعم البيت
    مازن : شنوووووووووو البيت لاااااااا
    غازي : وش فيك معارض
    محمد : ما عليك منه تبي قوم وياي ..
    غازي : أوكي
    طلعوا شبابنا من المجلس وغازي مستغرب هذا مب طريق القراج
    غازي : وين رايح
    محمد : المطبخ
    غازي : شنوووو لا يكون قصدك ...
    محمد : هههههههههههههه إيه هذا قصدي
    غازي : هههه و أقول أنا ليش هالمعارضه من مازن
    ههههههههههههههههههههههه

    (( التعريف الثاني ))
    محمد : راعي سوالف و مقالب ما راح أوصف لكم شكله لأن أبيكم إنتم توصفونه في مخيلتكم .. محمد أخو المها الوحيد وطبعا هو أكبر منها وعمره 23 سنه و أمه الحين تدور له على عروس .
    فهد : ولد خال محمد وهو في نفس سنه خاطب بنت خالته و إن شاء الله عرسه بعد 6 شهور .
    غازي : أخو الجازي توه مخلص من البعثه و صار له راجع لأهله و ديرته إسبوعين ، غازي عمره 25 طويل أبيض عيونه وساع خشمه سيف شعره أسود مثل الليل والحين هو مطوله وصاااير عليه جناااااااااااااااان .
    مازن : أخو الجازي بس بالرضاع حبوب وطيوب وينقص عليه بسرررعه بس إذا جاء وقت الجد يقلب شخص ثاني .
    ثامر : واحد من الشباب يعني نعتبره صديق غازي و مع الأيام إن شاءالله راح نعرفه أكثر.
    الشباب : ماعليكم منهم هذول اصدقائهم
    ...... نرجع للي في المطبخ .......
    دخلو من الباب الخلفي لمطبخ وبدو يدورون على شيء يتاكل إلى إن جاتهم فكره وقالوا يسون فيها طباخين سو سندويشات بيض وجبن ...<<< الحمد لله إن في خبز
    وأخذوا معاهم ببسي بس نصيحه مني لكم لا تدخلون المطبخ وراهم لأنهم عافسينه عفيسه و الصحون تجمعت على المغسله و الزيت متكبب على الفرن و الجبن غطاته إختفت الله يعينج يا جوليا ..<<< شغالتهم .
    سؤال : ليش الشباب يوم يدخلون المطبخ يقلبونه فوق حدر ؟
    المهم أكلوا شبابنا أكلهم وكملوا سوالفهم ولعبهم ..
    و الحين تعالوا نروح للصاله يمكن فيها أحد ........ يووووه شكلهم نايمين محد فيها ومطفين النور بعد ، أقول بطلع أشوف الغرف ... طق ..طق..طق..طق..طق....<<< صوت خطوات رجلي هههههههههه

    كانت صورته معلقه و أخر حروف قلمه محفوره على ذالك الباب تذكرت لحظة كتابته لتلك الكلمات فأخذت صورته وقامت بضمها وبدء مطر من الدمع يتساقط على وجنتيها الناعمتين ....

    تعالوا نرجع لكم سنه ورى يعني سنتين تقريبا ...
    كان عمرها 19 سنه يوم تقدم لها وخطبها ما كانت تتوقع إنه يوم من الأيام راح يجي هالشخص ويخطبها المهم بعد الخطبه بسبوع صارت ملكتها و الكل فرح لها وهم بعد هو كاان مرررره مستانس و أخيرا إلي كان يفكر فيها ليل ونهار أخذها وصارت زوجته ، بعد هالأحداث بأسبوعين مرضت وسخنت لدرجة إنها ترقدت في المستشفى والكل كان خايف عليها هي دلوعتهم ما يبوون يصير فيها شيء و خاصة هو كان مرره خايف يصير في زوجته وحبيبته شيء كان ينام عندها بدون محد يدري يبي يحسسها إنه هو بجنبها وما راح يخليها مرت الثلاث أيام ورجعت دلوعتنا للبيت وحسب تعليمات الطبيب لازم تنام في فراشها ولا تقوم منه إلا بعد سبوع مر اليوم الأول والكل فرحان إنها رجعت البيت وبعد مرور يومين تقريباعلى الساعه 7 المساء دق جرس البيت ...
    "" تن تن ... تن تن ""
    .........: السلام عليكم جوليا
    جوليا : وعليكم السلام بابا
    ...........: عمي عبد الرحمن موجود
    جوليا بإستغراب : إيه بابا موجود داخل ... تفزل .... بابا إنت تعبان.
    إبتسم لها وقال : وين قلتي ؟
    جوليا إبتسمت و بينت كأنها عرفت شيء : داخل تفزل ... ومافي خوف مدام كويس .
    إبتسم لها ودخل ، مر على الصاله ولقى عمه أخذ نفس عميق و رسم على شفاته إبتسامه محت كل التعب إلي فيه ..
    عبد الرحمن بإبتسامه : هلا والله بسميي هلا والله بولدي
    عبدالرحمن : هلا عمي ... شخبارك شمسوي
    عبدالرحمن : الحمدلله أخباري زينه ..... بس إنت وش فيك مب عاجبني شكلك عسى ما شر أبوك فيه شيء .
    عبدالرحمن : ههههه لا الحمد لله ما فيه شيء ويسلم عليك بعد .
    عبد الرحمن : أجل إنت فيك شيء .
    عبدالرحمن : ههههه لا مافيني شيء بس مصدع شوي ومريت عليكم قلت أسلم قبل لا أروح البيت .
    عبدالرحمن : فيك الخير يبه أقولهم يجيبون لك بندول .
    عبدارحمن : لا ما يحتاج بيروح بعد شوي ..... إلا عمي
    عبدارحمن : أمر يا ولدي
    عبدالرحمن : آآآآآ ... شخبار المها
    عبدالرحمن إبتسم : الحمد لله ... تبي تشوفها
    عبدالرحمن بلهفه : يا ليت .
    عبدالرحمن : هههههه دقيقه أشوف إذا محد عندها
    عبدالرحمن : عمي إذا نايمه خليها
    إبتسم عبد الرحمن و طلع الدرج وراح غرفة بنته وما لقى أحد فيها ورجع لولد أخوه وقاله يروح لها محد عندها ..

    (( التعريف الثالث ))
    عبدالرحمن : أبو المها عمره 55 عنده شركه يديرها إنسان طيب مررررررررررررره وراح نقوله بأبو محمد أو ابو المها .
    عبدالرحمن : ولد أخو عبدالرحمن وولد عم المها و أخو الجازي
    عبدالرحمن شاب وسيم عمره 24 مهندس معماري .

    طلع من عند عمه و إتجه لغرفة حبيبته دق الباب و دخل إستغرب من الوضع النور مطفي و مافي إلا نور الأبجوره الخافت وقف شوي وصار يتأمل بالغرفه لين ما جات عينه على أميرته إبتسم وتحركت رجله خطوه و سكرت يده باب الغرفه تقدم أكثر وجلس على سريرها شافها نايمه وحمد ربه لأن يبي يجلس معاها أكثر يبي يتأملها أكثر لأنه حس نفسه إنه مررررره مشتاااق لها مرت ربع ساعه وهو جالس عندها جلس يلعب بخصلات شعرها الطايحه على المخده وبعد فتره بسيطه فتحت عينها و إلتقت بعينه حست إن السخونه رجعت لها من جديد كان مررره قريب منها وكانت تقول لنفسها هذا أكيد حلم بس إلي أكد لها غير هذا إنه تكلم ..
    عبدالرحمن وهو مبتسم : شخبارك
    المها ومازالت في الصدمه : الحمدلله
    عبدالرحمن : أزعجتك
    المها : لا
    ورجع الصمت بينهم وكل واحد يتأمل الثاني ويكلم نفسه
    المها تقول : من متى هو هنا لا يكون من زمان
    وعبدالرحمن يقول : والله إني إشتقت لك يا قلبي .
    وقطع تفكيره حركة المها و بسرعه مسك إيدها و قال : وين رايحه .
    المها بخجل : بروح الحمام.
    عبدالرحمن : صبري.
    قام وقف ومد يده لها وهي بكل خجل مدت يدها له وقامت وساعدها لين ما وصلت الحمام وهي تحس روحها شوي وبتطلع من الحركه إلي سواها لان يوم مسك يدها قام وباسها ويوم قامت لف يده حول خصرها وصارت مرررررررره لاصقه فيه المهم دخلت الحمام وقبل لا تدخل قال لها ..
    عبدالرحمن : راح أنتظرج.
    إبتسمت المها وسكرت الباب أما هو جلس يدور في الغرفه يتأمل كل صوره لها موجوده شاف صورته في الدرج إلي بجنب السرير إبتسم وطلعها وحطها على الطاوله بجنب صورتها ، فتحت الباب و إبتسمت له وقالت : إنت مازلت هنا ..
    عبدالرحمن : قلت لج بنتظرج.
    إبتسمت له و إتجهت لدولابها وفتحته و أخذت لها ملابس و إتجهت مره ثانيه للحمام بس وقفها صوته .
    عبدالرحمن : وين رايحه .
    المها : ببدل .
    عبدالرحمن : ما يحتاج تعالي جلسي بروحج تعبانه .
    المها : لا صرت أحسن الحين بروح و برجع لك .
    عبدالرحمن : لا تتأخرين .
    وبعد خمس دقايق طلعت شافته جالس على الأرض و ضام رجلينه لصدره و منزل راسه ومغمض عينه إستغربت من شكله فتحت النور وجلست بجنبه وبكل خوف ..
    المها : عبدالرحمن وش فيك .
    رفع راسه وبان تعبه بس بسرعه أخفاه بإبتسامه وقال : قلت لك لا تبدلين ما يحتاج .
    المها : لا كذا أريح ... ما قلت لي شنو فيك
    عبدالرحمن : ولا شيء
    المها : لا فيك شيء شكلك مب عاجبني .
    عبدالرحمن : هههههه شوي صداع و بيروح
    المها : أجيب لك بندول
    عبد الرحمن : لا ما يحتاج بيروح بعد شوي .
    المها بعد ما يئست منه خلته على راحته و جلسوا يتكلمون ويسولفون و ما زال عبدالرحمن مب عاجب المها إلى أن قال ..
    عبدالرحمن بيأس : مهاوي جبيلي بندول بلييييييز
    المها : الله يهديك قلت لك من أول .
    اخذ عبدالرحمن البندول وريح شوي وطلعت المها من الغرفه لأنها نو وووي تجلس في الغرفه أسبوع كامل نزلت تحت وشافت أهلها و الكل هزئها لأنها مب على سريرها المهم أقنعتهم بإن عبدالرحمن تعبان ونايم هناك ....<<< إحلفي ...
    وعطتهم خبر بأنه راح يتعشى معهم ، الساعه 8:30 فتح عينه وجلس يتذكر هو وين وشوي إنفتح الباب و إبتسمت له وقالت ..
    المها : شخبارك الحين
    عبدالرحمن : أحسن ... كم الساعه
    المها : ثمنيه ونص .... مب جيعان
    عبدالرحمن : إلا ميت جوع
    المها بإبتسامه : أجل يالله بسرعه قوم حاطين العشا .
    قام عبد الرحمن وغسل وجهه بسرعه ونزل عشان ياكل
    وبعدها بربع ساعه راح البيت وهو مستاااانس لأنه شاف حياته وقلبه اليوم .
    أما هي راحت لغرفتها و إنسدحت على سريرها إلي حست ريحته مثل ريحة عبدالرحمن حضنت المخده و إبتسمت و شوي قامت وفتحت الدولاب بتاخذ لها بجامتها المفضله بس تفاجئت بلي مكتوب على الباب متى كتباه معقوله يوم كنت في الحمام أو يمكن يوم نزلت تحت هذي الاسئله كانت تدور في بالها بس طنشتها يوم تذكرت إنه جلس عندها اليوم و أخذت تقرى شنو كاتب على الباب..

    "" الأماكن كلها مشتاقلك
    والعيون إلي نرسم فيها خياالك
    و الحنين إلي سرى بروحي و جاالك
    ماهو بس أنا حبيبي
    الأماكن كلها مشتاقلك ""

    أحبك .... عبدالرحمن

    إبتسمت وحمدت ربها إنه رزقها بواحد مثل عبدالرحمن وبعد إسبوع يوم الجمعه في بيت أبو محمد الساعه 5:00 العصر يرن تلفون بو محمد ويا ريته مارن ..
    ترررن ... ترررن ... ترررن
    أبو محمد : هلا والله بسميي
    .......: السلام عليكم
    أبو محمد مستغرب: وعليكم السلام
    ....: ما أدري شقول بس
    أبو محمد بعصبيه : شنو فيه إنطق
    ...... : هد أعصابك .. تعرف صاحب هالتلفون
    أبو محمد شوي وبيسطر إلي في التلفون : هذا ولد أخوي شنو فيه.
    ....... : ما فيه إلا الخير إن شاءالله بس حبيت أقولكم إنه مسوي حادث وهو الحين في المستشفى .
    أبو محمد : شنووووووووووو و أي مستشفى هو الحين
    ....... : المستشفى المركزي

    إنتهى الجزء الجزء الثاني و بدئت معه أحداث و توقعات جديده
    يا ترى ماذا سيحدث للجزء الثالث
    هل سيموت عبد الرحمن ؟
    أم سيبقى و يعود لقلبه وحبه المها ؟
    كيف ستكون ردة فعل المها عندما تسمع الخبر ؟
    و الأهم من ذالك هل سيتم زواجهما أم ..... ؟
    أسئله تدور حول الجزء الثالث لا نجد أجوبتها إلا لدى أعضاء يريدون معرفتها ..

  4. #4
    ... V I P...


    تاريخ التسجيل
    Aug 2005
    الدولة
    الارض الثانية
    المشاركات
    2,206
    معدل تقييم المستوى
    3

    افتراضي

    ... طق ..طق..طق..طق..طق....<<< صوت خطوات رجلي هههههههههه
    احلفي انتي بس خخخخخخ

    ما اقول غير الحمد لله على نعمة العقل...يلا بسني هذرة بجاوب على الأسئلة

    هل سيموت عبد الرحمن ؟

    لا انشالله بيقوم بالسلامة

    كيف ستكون ردة فعل المها عندما تسمع الخبر ؟

    راح تفرح و تملى الدنيا زغاريد اكيد يعني بتحزن حزنا ششديدا<<<<<<<يا شلام على الللغة العربية

    و الأهم من ذالك هل سيتم زواجهما أم ..... ؟

    ان ما تم بروح عند خالتي ام عصفورة واقولها تطقج لانج بكل بساطة يبالج طق



    يلا حووووووووبي لا تتأخرين بالتكملة

    متابعتج الأولى و الأخيرة

    احلى سندريلا

  5. #5
    ... V I P...


    تاريخ التسجيل
    Apr 2005
    الدولة
    قلبـــ غــــــــلاي
    المشاركات
    2,692
    معدل تقييم المستوى
    3

    افتراضي

    هههههههههههههههههههههههههههههههههههه



    تسلمييييييييييييييييين يا أحلا متابعه

    و إن شاء الله تكون توقعاتج صحيحه و ما يخيب ضنج

    و إنتظريني في الجزء الثالث

صفحة 1 من 4 123 ... الأخيرةالأخيرة

المواضيع المتشابهه

  1. اخواني عليكم عليكم با القراان
    بواسطة وعد في المنتدى الارشيف
    مشاركات: 12
    آخر مشاركة: 18-09-2008, 03:33 AM
  2. مشاركات: 2
    آخر مشاركة: 22-02-2007, 03:02 AM
  3. @ كلمات خلدها الزمان @
    بواسطة وعد في المنتدى الارشيف
    مشاركات: 14
    آخر مشاركة: 15-04-2006, 10:07 PM
  4. مشاركات: 1
    آخر مشاركة: 06-12-2005, 12:55 PM
  5. يأيها القرآن
    بواسطة فهد الفهد في المنتدى الارشيف
    مشاركات: 10
    آخر مشاركة: 28-07-2005, 07:02 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52