النتائج 1 إلى 4 من 4

الموضوع: وش يصير اذا صرت مثل البنت

  1. #1
    ... عضو ذهبي ...


    تاريخ التسجيل
    Apr 2005
    الدولة
    يمكن قصر _ يمكن جحر
    المشاركات
    715
    معدل تقييم المستوى
    1

    افتراضي وش يصير اذا صرت مثل البنت

    تخيل انك صرت مثل البنت .. مع العلم ان شنبك يمشي عليه التيس

    ااااااااااااااااااااااه شوفو وش بيصير
    ( !!!! والله فشله) :nodgrin_:


    تتفاجأ في يوم وأنت قاعد تقرا كتاب رومانسي و مشغل اغنية رايقة و سرحان في حبيبة مجهولة , الا و أمك داخلة عليك و توها جاية من الاستراحة و تقولك: يا ولدي ودي أكلمك في موضوع.
    ترد أنت بكل خوف : خير يمه؟
    تقول أمك: ترى جارتنا أم خالد تبي تخبطك لبنتها. وأنت ماشالله كبرت و احلويت والكل يبيك. ها وش رأيك؟
    ثم تنزل أنت راسك في الأرض و تلعب بأصبعك في شعرك (أو شنبك) و ترد و أنت مستحي و خدودك حمرة (هذا إذا كنت محلق اللحية) و تقول: ....
    الشور شورك يا يمه إهئ إهئ :011:

    تقول أمك: إنا بصراحة ما أشوف في البنت شي. ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت . ولا عندها سوالف السفر و الخربطة و ما تشرب خمر و لا تروح لاستراحات البنات. ولا دخااااان يعني بنت ما عليها.
    تقول أنت : بس يا يمه هي ما شافتني من أول. إنا دايما متلطم بشما غي (والله عيب بس بكمل)
    تقول أمك: هي شافتك و أنت نازل من باص المدرسة بس و سألت عنك و قالو لها ولد سنع وتكانه ماهوب راعي أسواق ولا فيصليه ولا مملكه و كوفي شوب و ما يطلع الا مع ابوه. (والله فشيلة بس بكمل)
    و تراها هي و امها جايين يوم الخميس علشان يشوفونك.
    تسال أنت: طيب يا يمه أبوي وش رايه؟
    تقول أمك: أبوك ما يدري خليه حايس في المطبخ وش يعشينا.
    تقول أنت :اللي تشوفينه يمه.
    وتطلع أمك من الغرفة
    وتنط أنت قدام المراية و تأخذ نص لفة يمين و نص لفة شمال تشوف جسمك و تمشط شعرك و شنبك بدلع و تقول : آه أخيرا حست و خطبتني. ( لا لا لا والله ما يصير بس بكمل)
    و قبل يوم الخميس تروح أنت لكوافير رجالي و تكون مسوي حجز و تقعد و تصبغ شعرك (ميش) و تحف حواجبك و تشيل شعر يدك و رجلك بحلاوة و تطلع زي فلقة القمر
    وتحي البيت و تلبس الثوب اللي فصلته عند المصمم( عبده شولق) لثياب الأعراس و الحفلات واللي فيه فتحة سقف قصدي فتحه من عند الساق و فتحه في الظهر و بدون أكمام (جبانيز) و ذاك الماكياج وذاك العطر و تنزل للصالة
    ويقولك أبوك : يالله دخل العصير على خطيبتك ترى أمك ذبحتنا تسال عنك
    تقول أنت بكل خجل: وأي وأي يا يبه انا استحي
    أبوك يقولك وهو يطق على كتفك و يضحك يا ولد روح لعروسك إهئ إهئ
    تقول أنت: يا يبه دايما تحرجني أنت وأي وآي
    و تاخذ صينية العصير و تخش المجلس اللي فيه البنت و تقول بصوت ناعم: احم احم البس سسسلام عليكم...... مشكله لو إنك دوسري كان على طووول تقوم تردح ههههههههههه (صاير حكيم على غفلة)
    ترد هي بعد ما وقفت و عليكم السلام ( و هي تناظر فيك و في كل قطعة فيك)
    و تقولها تفضلي
    تقول هي: وش أحلى العصير الأحمر و لا الاصفر؟ بزعمها تبي تلطف الجو معك
    تقول أنت: كله حلو
    تقول هي: أكيد كله حلو لأنك أنت اللي مسويه
    ثم تحط الصينية بسرعة و يدك على فمك و تضحك و تروح داخل بسرعة
    الا إخوانك يستنونك و يقولون: ها وشلون شكلها
    تقول أنت: وآي وآي تهبل تهبل حلوة و دمها خفيف و ذوق اهههههه
    الا أبوك من المطبخ يلولش ويصاوي (يزغرط بالمصري) لللللللوووولللللوووووشششششششش مبروك يا ولدي
    الا بدخلة أختك العربجية من بره و حاطه عبايتها على كتفها و معلقة السيجارة في فمها و تقول : خير وش فيه
    يقوله أبوك : قصري صوتك في وحده داخل خطبت أخوك
    تقول أختك: وهي وين شافت اخوي علشان تحطبه هاه؟؟؟؟ و تعطيك كف و تصرخ والله لألعن امها اللي جايه تخطب اخوي
    الا بدخلة أمك و تسطر أختك كف و تطلع أختك بالسيارة و تفحط و تروح للاستراحة البنات .
    و تمر الأيام و أنت تجهز ثوب العرس و الكوشة و بيت الزوجية و خلال الفترة تمرك زوجتك بالسيارة تتمشون وتروحون التحليه وتوقفون عند كوفي تايم وتطلب موكا بالكليجا قصدي بالشوكلاته بكل حيا و تحاول أنها تمسك أيدك و أنت مستحي ( ومن هناك ودك و بتموت) و شوي تحاول تبوسك و أنت تقول لا لا عيب احد يشوفنا( يعني لو ماحد يشوفنا ترى عادي)
    و يحي يوم العرس و تقعد أنت في الكوشة و كل الشباب حوا لينك يرقصون و يغنون على أنغام وأحلام وصيته والعنود قصدي على أنغام طيران فرقة الشاطئ للرجال و طبعا مافيه زبيدة أو صيته أو العنود و سارة
    وشوي الا العفسة قايمة : ترى العروس جايه
    و ينطون الرجال و الشباب كلن يلبس شماغه و يتلطم
    و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) ههههههههه و تقولك: الله صاير مثل القمر
    ثم تلف وجهك وأنت مستحي
    و يتم الزواج و بعد تسعة شهور الا أنت تصرخ في الليل فيك الطلق
    و يودونك المستشفى و تولد و تجيب توأم
    وتطلع من المستشفى الى بيت اهلك علشان ينفسك أبوك ( النفاس 40 يوم)
    و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك
    و ترجع لبيتك تربي عيالك و تطبخ الغدا لزوجتك
    وتتخانقون ساعات و تنام و دمعتك على شنبك تقطر أربع طعش سبع طعش ونص هههههههههههه
    ويزيد حدة الخلاف و تاخذ شماغك و عيالك و تروح لبيت اهلك
    و تصلح أمك ما بينكم و ترجع الحياة مثل أول.
    لا لا لا لا لا لا لا لا لا لا وألف مليون لا

    انا انتحر احسن لي
    مانيب قادر اكمل
    هل يا شباب تخيلتوا في يوم إنكم تقولون : واي واي يهبل
    انا رايح انتحر احسن لي
    بس المشكلة أخاف أموت
    بس كله في سبيل الشرف يهوووون ويموووون

  2. #2
    ... عضو نشيط ...


    تاريخ التسجيل
    Feb 2005
    المشاركات
    93
    معدل تقييم المستوى
    1

    افتراضي

    هههههههههههههه


    الله يرجك قلبت ام الطبخه


    من جد في الزمن هذا كل شي ممكن


    شدوا حيلكم صبايا كل وحده تنقي لها شاب من شباب المنتدى الاقربون اولى بالمعروف

  3. #3
    ... عضو نشيط ...


    تاريخ التسجيل
    Apr 2005
    المشاركات
    73
    معدل تقييم المستوى
    1

    افتراضي

    ههههههههههههههههههههههه
    ههههههههههههههههههههههه
    هههههههههههههههههههههه
    ههههههههههههههههههههه
    هههههههههههههههه
    حلووووووووووووووووووووووووووووة
    تشكراااااااااااااااااااااااااااااااااااااااااااااا اات

  4. #4
    ... عضو نشيط ...


    تاريخ التسجيل
    Feb 2005
    المشاركات
    114
    معدل تقييم المستوى
    1

    افتراضي

    حست الدنيا ورشيت بهارات على كيفك

    بس احسن شي ان المطبخ يسير للرجال

    ههههههههههههههههههههههههههههه



    <<<<<<بكره بخطب تجهزوا

المواضيع المتشابهه

  1. تدرون البنت لو حبت .. وش تقول .. وش يصير ღ
    بواسطة مالي مثيل في المنتدى قصائد وخواطر
    مشاركات: 7
    آخر مشاركة: 01-07-2008, 03:36 AM
  2. رساله خااصه وصلتني وراح افضحها والي يصير يصير
    بواسطة مرجوجه حبتين في المنتدى الارشيف
    مشاركات: 9
    آخر مشاركة: 20-04-2008, 01:30 AM
  3. مشاركات: 18
    آخر مشاركة: 05-09-2007, 04:53 AM
  4. لا لا مش ممكن بس رح افضح واللي يصير يصير
    بواسطة ArOoO في المنتدى الارشيف
    مشاركات: 1
    آخر مشاركة: 10-09-2006, 12:18 AM
  5. أبســألك يا روحي.. هو يصير ولا ما يصير ؟!
    بواسطة انت موقدالكلام في المنتدى الارشيف
    مشاركات: 1
    آخر مشاركة: 05-12-2005, 06:48 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52