صفحة 1 من 59 1231151 ... الأخيرةالأخيرة
النتائج 1 إلى 5 من 295

الموضوع: قصة غلا منقوله

  1. #1
    ][..عصــفــ al-zen ــورة.. ][


    تاريخ التسجيل
    Aug 2005
    المشاركات
    4,092
    معدل تقييم المستوى
    5

    افتراضي قصة غلا منقوله

    السلام عليــــــــــــــــــــــــــــكم ورحمة وبركاته

    الصراحه انو القصه عجبتني وحبيت انقلها لكم

    اتمنى ماتحرموني من ارائكم وردودكم...

    اترككم الحين مع ابطال القصه وهم:
    (غلا):بنت في قمه الروعه والجمال تمتلك اجمل الوصايف بيضا وشعرها اسود طويييل،عمرها 17 سنه يتيمه من وعت على الدنيا،ربت بالاول فالكويت عند اهل امها ومن بعدها رجعت لقطر لاهل ابوها لانهم شافوا ان هم اولى،ربتها يدتها ويدها وتدخل عمها(سعــد) هم فتربيتها كان سنه صغير لكن حبها حييييييل وتعلق فيها

    (سعود):عمها يكبر ابوها بكم سنه عصبي لكن مو وايد بس كلمته دايمآ هي الي ماشيه يعني كن فيكون عنده ولدين بس (خالد23،عمر17)متزوج من وحده تقرب له (لطيفه) كانت مزاااجيه ومزاجها فيه نوع من التمرد
    عيالهم كانو عكسهم صج خالد في منتهى الرومانسيه الممزوجه بالعبط
    وعمر شخصيته تجذبك من اول كلمه له...

    (عاليه):رفيجة غلاا واختها وصديقة دررررررررربها من صغرتهم كانت بيوتهم جنب بعض ومايلعبون الا مع بعض

    ~اترككم مع القصه~


    .*الجزء الأول.*

    غلا بدارها تدرس لاخر امتحان عليها صارت الحين بالصف الثالث الثانوي اي اخر مرحله دراسيه ولازم تشد حيل حيلها عشان تجيب اعلى نسبه كان امتحان لغه انجليزيه وهي وايد شاطره فيه تحس بالتفاهه قاعده تدرس شي صامته سكرت كل شي وطلعت للصاله تشوف وين عمها سعد طلعت ومالقت غير عمتها تغريد تدرس ولدها الصغير علي
    تغريد: وخمسه × خمسه كم؟؟؟؟؟؟؟؟
    علي: عشششششششششره
    تغريد تضربه بالفاين: خمسه وعشريييييييييييين ياكلببببببببببب
    علي:زيييييين يمه والله كنت بقوله بس نسيت
    تغريد: ايه هاي حالتنا احنا...تلتفت لغلا..:ها غلا خلصتي؟
    غلا:اي من زمان...عمي سعد وينه؟
    تغريد:مادري عنه والله
    راحت غلا قعدت بالصاله المسكره تشوف التلفزيون وهي تتعشى
    دخل عليها عمه سعد:ها غلااي بروحها؟
    غلاا:هلاا عمي..شوفة عينك لاانيس ولا ونيس
    سعد:هاهاهاهاها ودراكولا وين راح؟
    غلا:عمممممممي لاتقول عن نفسك دراكولا
    سعد:حاضر..المهم انا ربعي بيمرون علي الحين.تبين شي؟
    غلا:سلامتك عمي وحدك الساعه 10 ونص ان مارجعت افتن عليك ترا
    سعد:حشى مرتي مو بنت اخوي
    غلا:انت تتمنى
    سعد:ههههههههههههههههههه صح صح يلا سلام
    غلا:الله وياك.........خلصت عشا وقعدت تاكل ايس-كريم..شافت الساعه توها 7 ونص اكيد عاليه خلصت شالت السماعه وضربت على الرقم
    ترررن ترررررن
    جا راشد اخوها يشيله..بصوته المبحوح: الووو !
    غلا انسطلت: الوو السلام عليكم
    راشد:عليكم السلام ياهلا..
    غلا:موجوده عاليه؟
    راشد:اي لحظه الشيخه....يسد بيده مع انه صوته مسموع:عاليييييه ياعالييييييييييييييه
    عاليه:هلاااااااااااا..
    راشد:تليفون تعالي..
    جات عاليه وشلته:هلا غلوي
    غلا:يالساحره شدراج؟
    عاليه:من مأذيني بتليفوناته غيرج؟
    غلا صدقت:صج اوكي يلا باي(((على طول سكرت)))
    توتوتوتتتتتت
    اراويها الكلبهههههههههه
    رجع سعد وراح لغلا
    سعد:غلا باجر بيجي اخوي سعود ترا
    غلا تصرقعت:خير صاير شي؟
    سعد:علمي علمج قال يبي يشوفج انتي
    غلا انصب قلبها:اوكي
    وراحت نامت وفبالها الف سؤال وشك

    ياتررررى شبيصير باجر لغلا؟؟وبالمدررسه شلون المواجهه؟؟وشقصة العم سعود اللي طلب شوفتها خصيييصآ؟؟؟

  2. #2
    ][..عصــفــ al-zen ــورة.. ][


    تاريخ التسجيل
    Aug 2005
    المشاركات
    4,092
    معدل تقييم المستوى
    5

    افتراضي

    يا جماعه جد رح ازعل منكم
    ما بعرف عنكم انتو حرين انا
    حبيتها علشان هيك نقلتها

  3. #3
    الله يرحمها ويغفر لها


    تاريخ التسجيل
    Mar 2006
    الدولة
    مصر المنيا
    المشاركات
    3,324
    معدل تقييم المستوى
    4

    افتراضي

    اختى بنت فلسطين

    السلام عليكم ورحمة الله وبركاته

    قصتك جميلة وحضورك اجمل

    ننتظر التكملة

    بارك الله فيك

  4. #4
    ][..عصــفــ al-zen ــورة.. ][


    تاريخ التسجيل
    Aug 2005
    المشاركات
    4,092
    معدل تقييم المستوى
    5

    افتراضي

    اختي فاطمه
    جزاك الله كل خير على الرد
    الرائع ما ننحرم منك يالغلا

  5. #5
    ][..عصــفــ al-zen ــورة.. ][


    تاريخ التسجيل
    Aug 2005
    المشاركات
    4,092
    معدل تقييم المستوى
    5

    افتراضي

    صحت غلا على صوت المنبه اللي بط راسهاا ودشت الحمام (وانتوا بكرامه) خلصت ولبست وتعدلت للمدرسه ونزلت لقت عمتها تغريد وعيالها يتريقون وعمها سعد
    راحت قعدت عند عمها عصب ماسلمت
    سعد:ها غلا ششعورج بآخر يوم امتحاااان؟
    غلا:الله يوفقنا عمممممممممممممي
    سعد:ههههههه موفقه انشالله..
    صخوا وقعدوا ياكلون جات فاطمه البنت العود لتغريد كانت بمدرسه انجليزيه واغلب حجيها انجليزي ومنغره بحالها (على شنو مادري؟)
    فاطمه:هاااااااااااي
    سعد بعصبيه:وعليكم السلاام ياهانممممممم
    فاطمه افتشلت:اوه
    تغريد:الناس تسلم مب تقول هاي
    فاطمه وهي مبحلقه عينها لسقف:سووووو؟
    تغريد:الناي لله
    سعد:ماعليج اختي كملي كملي
    خلصو ومن بعدها كلٍ قام لشغله0000
    رجعت غلا من المدرسه وهي ميييييييته اناسه انها خلصت امتحانات وافتكت اخيرآ،،،اول ماوصلت حذفت روحها على السرير ونااااااااااااااااامت،رجع سعد عمها على الغدا وراح غرفتها فتحها لقاها نايمه ماحب يصحيها خلاها نايمه،غلا قامت قريب المغرب توها قايمه الا تدخل عمتها تغريد
    تغريد:ها غلا خلصتي مبروك
    غلا:هههه الله يبارك فيج عمتي
    تغريد بارتباك:يلا لبسي سعود تحت ينطرج
    غلا تناست جزئيآ سالفة عمها سعود:هاا! اي اوكي ثواني واجهز
    لبست غلا جلابيه بيضا فيها رسمات بالمخمل الاسود لمت نص شعرها وخلت الباقي مفتوح...
    نزلت لعمامها ولقت يدتها وياهم..سلمت ولصقت بعمها سعــــــــد
    سعود:ها ياغلا خلصتي امتحاناتج؟
    غلا بخوف:اي عمي اليوم
    سعود:ايه مبروك مبروك،،ومتى النتايج؟
    غلا:بعد اسبوعين انشالله
    سعود:اي وياعمر ولدي انتي
    غلا ماتعرف عمر نغزها سعد: اي صح صح عمي
    تموا ساكتين
    سعود:زين يايمه انا اليوم باخذ غلا وياي
    غلا انصدمممممممت
    سعد لف وجهه عنها
    امه:وين بتاخذها غلا بيتها هني..
    سعود:تعيش عندي يمه احسن هني انتو نص اليوم لاهيين عنها
    سعد:بس انت عندك خالد وعمر وين تاخذها ياسعود؟ ريايل وهي غريبه عليهم
    سعود:سبع ثمك غريبه على عيال عمهااااا..يلا ياغلا اخر الاسبوع ابيج عندي
    طلع سعود وغلا ماتت صياح عند عمها سعد:عمي الله يخليييييييييييك شلون اروح،عمي تكفى كلمه(تروح ليدتها)..يمه كلمييييييييييه
    اليده:يايمه سعود راسه حصــــى مانقدر له وانا قبل لاتييين حاولت وياه لكن مامنه فايده
    غلا استسلمت وراحت دارها تصييييييييح وكلت عاليه وقالت لها
    سكروا من بعض وعاليه تحاجي امها
    عاليه:يما غلاا بياخذها عمها وتعيش عنده
    ام راشد:ياهالمسكينه الله يعينها
    عاليه انكسر خاطرها صج عليها
    سعد كان قاعد ويااامه يحاول فيها على ان غلا ماتطلع من هالبيت لكن لاهي ولا ولدها سعد صوتهم مسموع عند سعود..
    صعد سعد لغلا ولقاها بدارها مطفيه الليتات وكتفيه بنور الابجورات بس ومتكوره على كرسي بدارها وتصييييييييييييييح من كل قلبها
    سعد يمسح على راسها:ليش غلااي تصيح؟
    غلا ترفع عيونها وهي مختفيه من كثر الصيااح:عمممممممممممي(تلم عليه وتصييح)
    سعد انكسر خاطره:بس ياغلا ليش هالدمووع..مسحيهم يلا..غاليين علي ماتدرين يعني؟
    غلا:عمي واللي يسلمممممممك مابي اروح هناك،عمي مرته انت ماتعرف طبعها انا ماتكيف وياها انا مكيفه حياتي كلها هني واللي يسلم راسك ياعمي مابي اروح
    سعد:ياغلا اذا ماسوينا طلب سعود ماندري شنو نتايجه علينا،انا مب مخليج كلش كل يوم باجيج وبغثج مثل هني واكثر
    غلا تمسح دموعها:اييه..
    سعد:يلا انا بروح وبرجع تبين شي؟
    غلا:سلامتك...
    سعد سلام..وسكر الباب من وراه
    غلا قعدت تفكر ((لو انا مب يتيمه جان مو هذا حاالي عاله على عماامي كل سنه فبيت،شهالمهزززله،افففففف)
    تسبحت ونامت
    - ثاني يوم -
    صحت غلا على صوت عمتها تغريد
    تغريد:غلاا حبيبتي يلا قومي..
    غلا بكل نعومه:هلاا عمتي
    تغريد:سعد قالي اقعدج يبيج..هو راح يتسبح
    غلا:انشالله..ثواني وانزل
    تغريد:يلا لاتبطين عليه
    غلا:اوكي
    قامت غلا وتسنعت ونزلت لعمها سعد على انها بتاكل لها شي على الصبح وهي نفسها منسسسسسسسسسسده
    سعد: يه يه يه شهالجمال شهالحلاه
    غلا:هههههههههههههه ياعيارتك ياعمي
    سعد:الصراحه الصراحه طالع ياسعد ولا اجكر رجل فهالكون
    غلا وتغريد اللي كانت واقفه بعيد تعدل شعرها:هههههههههههههههههههههههههههههههههههههههههههه ههههههههههههههههههههههههههه..تغريد..الله يقطع ابليسك يا سعد
    سعد:شفيكمممم عادي الصراحه حلوه ترا
    غلا:ههههههههههههههه
    سعد:شفتي شلون احلى وانتي شاقه حلجج مب دموعج اربع اربع
    غلاا:عممممممممي عاد
    سعد:خلاص بنجب..صج ترى بكره بنروح بيت سعود
    غلا رجعت للي هي فيه وطالعت الارض:اي اوكي
    سعد:يلا عاااااااااد انا عازمج على طلعه معتبره اليوم
    غلا: على وين عممي؟
    سعد:سبرايييييييز
    غلا:هاهاهاها ياخطير ياسعد
    سعد:ماكو احتررام هين..روحي بدلي وبحذفج عند السفاره الامريكيه صبري علي وبحط لافته مشاركه في تنظيم القاعده
    غلاا:ههههههههههههههههههههههههههههههههههههههههههههه هههههه حشى عليك ثواني واجهز مو تشرد
    سعد:يلا يلا بسرعه بعد لين العشره..........واحد..تسعه..عشره..خلاص بمشي انا
    غلا:عممممممممممممممممممممي
    سعد: زين زين
    (راحت غلا وياعمها سعد للمول واحد من المجمعات في قطر وتشرت من كل شي لها ولعمها سعد وسعود حتى مرته لطيفه ووعيالهم خالد و عمر وبعدها تغدوا فالاوبرا ورجعوا البيت)

    اليوم هو اخر يوم لغلا فبيت جدها قاعده تسكر شناطها هي معزومه عند رفيجتها عاليه بيوصلها عمها وبيروح يقط اغراضها فبيت سعود ويرجع على الثمان ياخذها
    لبست غلا بدي فيروزي وتنوره مخصره عنابيه غامقه طويله وكانت ملفلفه شعرها تكحلت وحطت جلوس خفيف تكشخت ونزلت
    وهي طالعه كانت فاطمه توها داشه
    فاطمه:هاي
    غلاا:اهلين
    فاطمه:يقولون خلاص بتطلعين فروم هيير
    غلا:اي بخفف عليكم
    فاطمه:والله كنتي وناسه صج ماكان في بينا شي بس انتي كيوت girl
    غلا ابتسمت وسلموا على بعض وطلعت غلا
    فتحت عاليه الباب تستقبل رفيجتها غلا
    عاليه:هلا وغلاااااا
    غلا: هلا فيج (وسلموا على بعض)
    عاليه:تفضلي...
    قعدت عاليه وغلا فالصاله كانت شوي مفتوحه سولفو وشوي الا راشد مار من برع بس مو منتبه لهم كلش كان شايل اخوه (نايف) الصغير ويلاعبه
    عاليه:ها غلووي..شخبار عمج سعود؟
    غلا:إيييه والله مايندرى عنه ياعاليه..الله يعينا انا بطلع من عندج سيده لهم
    عاليه:لا انشالله كل شي بيعجبج
    غلا: انشالله...
    ...جات ام عاليه وسلمت على غلا وقعدت شوي وياهم من بعدها راحت وياعيالها الباقيين بيت اهلها وخلت راشد يوصلها ويرجع لاخته...
    قعدت غلا وعاليه يسولفون ويهذرون من بعدها قامو يتعشون وغلا جنت على اكلهم كانت صج يوعاانه وقضت عليه
    على الساعه ثمان جاها عمها سعد وودعت رفيجتها وصاحت وعاليه تهدي فيها،بعدها تغشت وطلعت
    فالسياره كان الصمت سايد على غلا وعمها وسعد يبي يلطف الجو لكن يحس بشي واقف في بلعومه على سالفة غلا
    سعد: هاا انشالله استانستي غلاا؟
    غلا: اي حمدالله..
    سعد:حمدالله..ويرجع يسكت..
    غلا: عمي..!
    سعد: سمي..
    غلا:عمي اذا رحت بيت عمي سعود بتخليني؟
    سعد:افاا يابنت اخوي،،انا اخليج،شلون اقدر،انتي بنتي ماخليج لو شيصير
    غلا:انزين بتنزل وياي؟
    سعد وهو يدش بالسياره الحوش الوسييييييع لبيت اخوه سعود:اكييييييييييد
    غلا ارتاحت شوي من هم اول مقابله لها وابتسمت بكل حزن
    بيت العم سعود كان كبييييييييير وحوشه وسيع بانيه على 3 اراضي البيت الكبير بالنص وعلى اليمين مخلي الارض لبيت خالد لما يتزوج واليسار بيت عمر هم لما يعرس،كان البيت جناااااااااان وتصميمه على الهيئه الرومانيه يعني البيت تشغله العواميد
    دخلت غلا وهي متمسكه فعمها البيت من الداخل كان ولاا احلـــــــــــى الاثاث الراقي شاغل كل البيت والديكور الحلو فكل مكان وريحة الدخون والعود والطيب تفووح من كل زاويه..
    دخلت ومشوا ماسمعو الا صوت العم سعود المليان هيبه يهلي من بعيد وهو يمشي لهم: هلا هلا حياك ياسعد..
    سلم سعد على اخوه وغلا باست راسه ودخلو سلمت على لطيفه وكان عمر قاعد بس هي ماعرفته،قعدوا
    سعود:هذا ولدي ياغلا عرفتيه ؟
    غلا ابتسمت..سعد رد :اكيد شلون ماتعرفه..شحالك ياعمرر؟
    عمر وهو متسبه من كل عقله فجمال غلا: بخير حمدالله..
    (عمرر من دخلت غلا وهو يطالع فيها بياكلها بعيونه،شاف بنات بقطر لكن بربع من جمال غلا ولابيشوف كانت صج مبينه حلوه بهاليوم)
    تموا يسولفون وغلا تبتسم لكل من يكلمها دون ماترد وعمر ينسطل اكثرررررررررر..
    سعد: خلاص عيل اخليكمم..غلا تقوي من مسكتها..وتطالعه بعيون كلها توسل
    غلا: وين عمي،خلك بعد شوي..
    سعد: خلاص حبيبتي وراي دوام بكره نسيتي؟
    غلا: الله يخليك عمي شوي تكفى
    سعود:خلاص ياغلا خليه باجر وراه دوام..
    غلا استسلمت ونزلت عينها فالارض من الرهبه اللي تكنها بداخلها لعمها سعود وقالت بصوت مليان خوف:حاضر
    مسح على راسها سعد وراحو كلهم وياه لعند الباب قبل لايطلع حب راس غلا وطلع وغلا تنشف دموعها عشان لايشوفونها..
    قعد معاهم العم سعود يمكن 10 دقايق من بعدها استأذن منعزم على عشا
    لطيفه:ها غلا حبيبتي تعشيتي ولا تبين نحط لج شي تاكلينه؟
    غلا بخوف:لا كلت
    قعدوا فصمت وعمر لين الحين ماشال عينه عنها وكل شوي تطيح عينها بعينه بس هي تقول لا يمكن صدف صج هي انعجبت فوسامته كان صج وسيم ملامحه حاااااده كل شي فيه يلفت بطريقه واضحه


    ياترررررررررررررررررى شخاش بكره لغلا؟ اذا حابين تعرفون انتظروني فجزئي الجديد

صفحة 1 من 59 1231151 ... الأخيرةالأخيرة

المواضيع المتشابهه

  1. اقوى قصيدة حب... منقوله
    بواسطة رمل شاطىء البحر في المنتدى الارشيف
    مشاركات: 3
    آخر مشاركة: 26-03-2009, 12:26 AM
  2. قصيده شهيد الحب مو منقوله
    بواسطة بنت شيوخ ومخاويه دلوخ في المنتدى الارشيف
    مشاركات: 2
    آخر مشاركة: 07-04-2007, 11:19 PM
  3. 4 ثيمات حلوه <<<< منقوله لعيونكم
    بواسطة بنت عز ما تنهز في المنتدى الارشيف
    مشاركات: 15
    آخر مشاركة: 25-03-2007, 12:21 PM
  4. ** هذه الكلمات منقوله وكانها قصه في وسط المحكمه **
    بواسطة عـ ـذبـ الصـ ـفات في المنتدى قصائد وخواطر
    مشاركات: 2
    آخر مشاركة: 05-09-2005, 03:11 AM
  5. هذي خاطره منقوله باسم يانــــــــــــــوف
    بواسطة الاميرر الصغير. في المنتدى قصائد وخواطر
    مشاركات: 2
    آخر مشاركة: 30-06-2005, 02:49 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52