النتائج 1 إلى 2 من 2

الموضوع: يا حظ الشيون

  1. #1
    ... عضو نشيط ...


    تاريخ التسجيل
    Dec 2005
    المشاركات
    138
    معدل تقييم المستوى
    1

    Teeth يا حظ الشيون

    يا حظ الشيون

    قبل كل شي اقول ياحضكم ياالشيون والله اني اتمنى اصير شين مثلكم

    المهم انا مثل ماقلت لكم من اول اني يوم ولدتني اميمتي الله يخليها
    خفسو اذني يحزبوني بنيه . وياليت امي ولدتني شين .
    المهم ان الحرمه الي خفست اذني قلبها ميت تصدقون انها قطعت سري بسنونها

    يوم دخلت المدرسه صارو البزارين يعايروني الحوري المهم ان المدرسين والطلاب مطيرين عيونهم فيني وفي يوم من الايام روحني واحد من المدرسين للمدير اجيب طبشير المهم يوم دخلت على المدير اليينه يفكر وحاط قلم في ثمه يوم شافني معاد قدر يحسي ومادريت الا الحبر يسيل من ثمه اثره علج القلم ماادري ليش؟؟ ماقلت لكم ياليتني شين كان مرتاح

    المهم يوم وصلت الكفائه فزت بجائزة احلى طالب وكنت العب مع النادي في الحوطه كوره وكنا مانعرف نلعب الا حافين وفي يوم من الايام كان عندنا مبارات في النادي يوم جينا نلعب عيا الحكم يقول ممنوع تلعبون حافين يوم شفناه مصمم قلنا للجماهير الفزعه الي عليه كنادر ياشباب المهم لبسنا الكنادر وباقي اثنين من الشباب ملقينا لهم شي وحاولنا في الحكم ان يلعبهم حافين وعيا وفي الاخير وافق انهم يلعبون بنعال المهم لبسو زبيرياتهم ولعبو بها المباراة وكان رويشد ولد عمي هو الهجومي حقنا وكانت عيارته السبوق وسجل ذاك اليوم على ان عليه الزبيريات ثلاثة اهداف بس من الغبره ماندري من هي فيه


    المهم اجتمعو اهل النادي وقررو انهم يشترون لنا كنادر ويعودونا على اللعب بها وشرو الكنادر وقالو لازم معاد نفصخ الكنادر ابد ننام بها ونسبح بها ووو اليين تعود عليها رجلينا


    وقالو لازم نحط معسكر في الشرقيه علشان نتدرب في ذاك على اللعب بالكنادر المهم اني رحت معهم للمعسكر وكنت اصغر واحد وياليتني مارحت يوم وصلنا قالو بيوت الشباب ماندخل الا 30 واحد وحنا 34 ثمن وافقوا انا ننوم عندهم ذيك اليله ونصرف اعمارنا الصبع يوم جا الصبح جا مدير النادي وناداني انا و3 معي وقال جيبوا شناطكم وتعالو ابيكم المهم رحنا معه اليين ذاك الشفر التسعاوي واقف جنبه ابو عرام الي بيودينا للحوطه بيني وبينكم ابو عرام هذا شكله غلط يصلح يكون اي شي ( دركتل او حراثه) بس ماينفع يكون سواق المهم ان مصابعه لها عضلات و ركبنا معه وانحن ننتفض ماندري وش السالفه يوم ركبنا معه وتوه محرك التفت علينا وقال اش بك ياهوه انت وياه ليش قاعدين كلكم ورى اتقدم عمى فعينك قدام واشرلي انا من بدهم المهم من صرخته مالقيت نفسي الا قدام وهو الي يطق ركبتي بيده الي تسنها كريك ويقول هيا افتح الدرج وطلع لنا شريط وشغله و الجو كان حر مره صلخه وكنت انتفض مدري ليش؟بدل ماافتح الدرج فتحت الدريشه وهو الي يصرخ علي اشبك عمى بعينك ومن الروعه ارتفعت الدريشه لحالها المهم يوم مسكنا الخط وهو الي يقزنا واحد واحد وقال لنا بنروح مع الخط القديم اسرع ومسكنا الخط القديم وكلنا نفكر في الطبه من السياره المهم يوم تونا ماسكين الخط يوم قال انا خرمان شاهي بنمر ابو هلال والبشكه قدام ناخذ معه براد شاهي و رديت عليه وماادري وش قلت له بس العيال يقولون اني قلتله انا مستعجلين يوم التفت علي وناضرني بعينه قلت له العب عليك ماعندي شغل …. وصلنا ابو هلال والبشكه وكانو مهوب بعيد عن الخط والله على براد هالشاهي قوطي نيدو يصلحون فيه الشاهي وبياله وحده المهم قعدنا في السياره ماحولنا وهو الي يروح لنا ابو هلال الي يدلعونه الثور و فتح الباب وحولنا وهو ماقال لناشي ما يحتاج؟ و رفيقنا ابو عرام راعي طويله فصخ ذاك الثوب المصدي من الوسخ وحطه صار ثوبه واقف مثل خيام الهنود ياروحي يالوصخ


    يوم ارفع يده الين تصدقون حاط عمايل لشعر ابطه وقعدو يتقهوون وكان كتفي طالع وكلهم يناظرون فيني وانا الي ازين ثوبي يوم حتسى ابو عرام وقال تصدقون ياشباب انا مشتاق للسجن وايامه الحلوه والشباب هناك والبلوت والسهرات ولازم ارجع له
    الكماله بعديين

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    أسير الشوق


    مرحبآ بك وبهذه الطرائف العجيبه من القصص---


    حضورك في بدايته يتسم بالنشاط والمشاركه --- ماشاء الله عليك


    بس أهمس لك بقوانين القسم-- لايحق للعضو نشر أكثر من موضوعين


    بالأسبوع وحين يتم التجاوز تنقل لقسم الحذف نعتذر لذلك--لنقل


    المواضيع التي تجاوزت بنشرهاااا---------


    حياك الله ---


    الحوراء-بنت نجد

المواضيع المتشابهه

  1. ][ مجرمون ولـكن خارج نطاق السجون ][
    بواسطة أبعـــاد في المنتدى الارشيف
    مشاركات: 20
    آخر مشاركة: 15-07-2009, 02:54 AM
  2. سلامي على الزيون
    بواسطة ابوالزيون في المنتدى الارشيف
    مشاركات: 11
    آخر مشاركة: 14-01-2007, 09:31 AM
  3. احلى الصحون
    بواسطة احلى البدور في المنتدى عالم حواء
    مشاركات: 6
    آخر مشاركة: 16-08-2006, 02:10 AM
  4. شيخة الشيون
    بواسطة -][ فيصل ][- في المنتدى قصائد وخواطر
    مشاركات: 0
    آخر مشاركة: 30-08-2005, 03:23 AM
  5. مسابقه لإختيار ملكه جمال بأحد السجون!!
    بواسطة تاكسي بنات في المنتدى الارشيف
    مشاركات: 2
    آخر مشاركة: 25-06-2005, 09:06 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52