صفحة 1 من 2 12 الأخيرةالأخيرة
النتائج 1 إلى 5 من 9

الموضوع: ياهي بَنَتْ ‏فالحسـن دولـة عظيمـه

  1. #1
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    Ip ياهي بَنَتْ ‏فالحسـن دولـة عظيمـه

    أول ما شفت هذه القصيدة للشاعر/ حمد الصقري ,,, وقرأتها ,,,,,
    حبيت انقله لكم واتمنى تحوز على القليل من رضاكم
    إبن محــــــــــياء
    *******************************

    يسرّني أن أقدّم لكم هذه القصيدة .......... ولكن أودّ أن أخبركم بقصّتها وهي :
    عندما كنت مسافرا
    من الدّمّام إلى نجران في إحدى الرحلات الصّباحيـّة قبل قـُرابـَة العام والنـّـصْف , التقيت
    ((مضيفة)) كانت معنا على نفس الرّحلة وكانت فائقة الجمال وكان لديها كلّ مقوّمات الجمال .
    وكان الناس جميعا يطالعونها عندما تمرّ في ممرّات الطــّائرة وكنت قد سمعت أحد زملائها الملاّحين
    يدعوها باسمها (( ريما)) فأعجبني الاسم كثيرا وسرحت بفكري معها وتخيـّلت أنّني تعرفت عليها
    ومرّ الوقت بسرعة ووصلنا إلى ((نجران)) ولا زلت أتذكـّر كلماتها الرقيقة وأسلوبها الجذّاب .
    فكتبت هذه القصيدة مستنجدا بأسماء بعض المسئولين مثل ( مدير عام الخطوط السعودية د/ خالد ابن بكر , ووزير الصّحة د/حمد المانع , ومدير عام شركة الاتصالات السعودية د/ خالد الملحم , والشاعر / ضيدان ابن قضعان ) واعتذر منكم على الإطالة واليكم القصيدة


    يابن بكر جيتـك ولـي قلـب ميّـال ** هشّ وضعيف وكل شيء(ن) يضيمه

    ‏يابن بكر تكفى ‏تـرى حالتـي حـال ** من يوم شفت اللـي تسمّـى بريمـه

    ‏من وقت شوفتها وعقلي بـه ‏هبـال ** والنفس عافت كـل عـذرى وسيمـه

    ‏شفت اللتي مايوم مرّت علـى البـال ** ولا ‏طـرت لـي فالمنـام ونعيـمـه

    ‏فيها الجمال اصناف والوان واشكـال ** ياهي بَنَتْ ‏فالحسـن دولـة عظيمـه

    ‏وياهي بَنَتْ وسطي طموحات وآمـال ** وياهي خذت فالقلب ‏رتبـة زعيمـه

    ‏إليا اقبلـت كَنْهـا تباهـى وتختـال ** كَنْها عـن اللـي طالعوهـا ‏غشيمـه

    ‏وإليا ادبرت كَنْها اتّحدّى أيّ رجّـال ** مايلتفـت ويقـول ( تُـفّ) ‏لحريمـه

    ‏الزّين في ريمه غدى مضرب امثـال ** (من ماشبهت ريمه تراهـا يتيمـه)

    ‏يَا عنقها اللي ماقوى ربطـة الشّـال ** وْيَاقدّها اللـي مارضـى بالهزيمـه

    ‏وْيَا صدرها اللي عَذّبَه رفع الاثقـال ** حظّك سِكَنْت صويحبي في صميمـه

    ‏وْيَا عودها الراوي وْيَا ذاك الاقبـال ** فكرة فراقـك انـت فكـرة عقيمـه

    ‏ريمه ترى بعدك بـدى الهـمّ ينهـال ** مثل المطر لى هلّ من وسـط غيمـه

    ‏من وين ‏مامِلْتي معك خافقـي مـال ** ميل الشّجر لى هـبّ بـارد نسيمـه

    ‏يسقي رموشك كل ‏ممسـى ومقيـال ** ربّ(ن) خَلَق مثلـك لمثلـي ظليمـه

    ‏ياليت به مثلـك ولـو كـان ‏تمثـال ** من شان آشوفـك والنّوايـا سليمـه

    ‏وياليت من يقدر على ناس ‏الاحـوال ** وتصيـر مثلـك فـي بلدنـا مقيمـه

    ‏قد قالهـا ضيـدان والصّـدق ‏ينقـال ** ومآآظنّ لـو غيّرتهـا بـه جريمـه

    (‏ياليت بسلـوم القبايـل ولـد ‏خـال ** ولاّ ولـد عـمّ ويقاضـي غريمـه)

    ‏ياخالد الملحـم نبـى منـك ‏جـوّال ** تعطيه من جيبـك ونفسـك كريمـه

    ‏رقمه مميّز مـادروا عَنْـه ‏الانـذال ** ولا طرى لاهـل الحسـد والنميمـه

    ‏جهازه الدّمعه ومضمـون ‏الارسـال ** وماتفصلونه لـو وصـل أي قيمـه

    ‏نبغـاه مـع ريمـه ولاعـاد ينشـال ** من ‏شان لى طاحت وهـي مستقيمـه

    ‏فالطّاقـم الطبّـي مجهّـز وشـغّـال ** يستفسرون ان ‏كـان ريمـه سقيمـه

    ‏طاقـم بريطانـي ولا فيـه (بنقـال) ** متخصّصيـن لكـلّ وعكـه ‏أليـمـه

    ‏مرسلهم المانـع ولا يطلـب ريـال ** فزعه من اللي فيـه نخـوة وشيمـه

    ‏قولوا لريمه افلسـت كـلّ الاجيـال ** المقبلـة والحـاضـرة والقديـمـه

    ‏المجتمـع صابـه تصـدّع وزلـزال ** والقـاع جفّـت والعواقـب وخيمـه

    ‏انا اشهد ‏انّـي كنـت تمثـال عقّـال ** وانا اشهد انّي جبت غلطـة جسيمـه

    ‏لكن لعيناها فدا ... ‏الحـال والمـال ** مـن مثلهـا تفـدى بقـوّة عزيمـه

    ‏ياليت من قـاد النّشامـى ‏والابطـال ** ويعـود مستانـس وريمـه غنيمـه

    ‏وياليت من يجلس على طول ‏رحّااااال ** مادام طير الجـوّ بـه مثـل ريمـه

    للشاعر حمد الصقري

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    الشمالي

    الله الله--- نقل رائع يالشمالي قصيدة رائعه --


    هكذا هم الشعراء حين تبدو لهم وهلة من الأنفراج


    تتجلا لديهم الملكة الشعريه فتكون صياغة الكلمات


    معانقة للخيال--- نشكرك لحضورك ورقي تواصلك


    فأنت تثري قسمنااا هذا بنقلك البديع--


    الحوراء -بنت نجد

  3. #3
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    افتراضي

    الشمالي

    سلمت لهذاالبوح العطر

    وتسلم اناملك على النقل

    دام نبض قلمكـ الراااقي

    تحيتي

    صمت الوداااع

  4. #4
    ... V I P...


    تاريخ التسجيل
    Apr 2006
    المشاركات
    3,610
    معدل تقييم المستوى
    4

    افتراضي

    شـمـالي هلا وغـلا والله بـكـ

    صــح لسـان شـاعـرهـا

    وسلمت يالـغ ـالي على النقل الرائـع

    يعطيكـ الف عافيـهـ

  5. #5
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    اقتباس المشاركة الأصلية كتبت بواسطة الحوراء-بنت نجد
    الشمالي

    الله الله--- نقل رائع يالشمالي قصيدة رائعه --


    هكذا هم الشعراء حين تبدو لهم وهلة من الأنفراج


    تتجلا لديهم الملكة الشعريه فتكون صياغة الكلمات


    معانقة للخيال--- نشكرك لحضورك ورقي تواصلك


    فأنت تثري قسمنااا هذا بنقلك البديع--


    الحوراء -بنت نجد
    ال حوراء

    الله يعطيك الصحة والعافية

    وكم اسعدني حظورك لاعدمناه

    وما الروعه الا بك ومنك

    اتمنى لك السعادة

    وكوني بخير

    لأأأأكون

صفحة 1 من 2 12 الأخيرةالأخيرة

المواضيع المتشابهه

  1. ياهي مهبوله
    بواسطة فز الخفوق في المنتدى الارشيف
    مشاركات: 5
    آخر مشاركة: 24-06-2010, 09:25 AM
  2. مشاركات: 7
    آخر مشاركة: 24-07-2007, 08:33 AM
  3. والله ياهي بوووسه شي ----------*****&&&&
    بواسطة اصيل الدار في المنتدى الارشيف
    مشاركات: 10
    آخر مشاركة: 09-04-2007, 11:34 PM
  4. تعال جاهد لو بكلمه
    بواسطة تـرفــ في المنتدى الارشيف
    مشاركات: 8
    آخر مشاركة: 09-10-2006, 03:45 PM
  5. خلاااااص وش تنتظروون يا انا ياهي
    بواسطة ][خجووول][ في المنتدى الارشيف
    مشاركات: 3
    آخر مشاركة: 18-09-2006, 09:38 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52