صفحة 1 من 2 12 الأخيرةالأخيرة
النتائج 1 إلى 5 من 8

الموضوع: أنواااااع الشباااااب

  1. #1
    ... عضو نشيط ...


    تاريخ التسجيل
    Apr 2005
    المشاركات
    43
    معدل تقييم المستوى
    0

    أنواااااع الشباااااب

    [align=center]--------------------------------------------------------------------------------

    هذا الموضوع حبيت اضعه للتماسيح اللي عندنا في المنتدى

    علشان كل تمسوح يشوف هو من اي نوع >>>>>>> تمسوح طبعا دلع تمساح



    انوااااااااااع الشباب ........

    نوعية من الشباب تشوفهم في البيت غير وعند الناس غير

    أبسط مثال :
    يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه


    والاا يافلان نبي خبز واللي يعافيك جب لنا يقول ماعلي منكم عمركم مااكلتوا سون ريجيم وعند اخوياه يطبخ لهم لاا ويغسل المواعين بعد


    2_ الملابس:
    دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل شماغه


    3_ العجازين :
    وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي


    4_ اذا تبون تعرفون الشاب فوضوي والاا مرتب
    هذي بسيطه شوفوا سيارته
    تجيك السيارة وصخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
    لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب


    5_ راعي الحق والواجب :
    مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
    والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه


    6_ الدلع :
    بنت تدلع معقوله تنبلع بس ولد يتدلع ووووووووووه قهر
    تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم


    7_ الشباب النصابيين :
    هذولا عد واغلط ياكثرهم يجيك الواحد يقول
    يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
    ما شفتوا جوالي هذا جايبه من دبي والله ....وهو شاريه من الحراج
    ماتدرون اختاروني لاعب باالمنتخب بس اعتذرت لهم لأني مصاب والدكتور يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
    لا ويزيد النصب اذا كان الطرف الآخر بنت


    8_ المعصب :
    وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف


    9_ الدلخ :
    هذا كل من هب ودب يضحك عليه
    الاا في شي دايم يصير
    يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
    لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
    والله بلشه مايدرون انهم بها الأسلوب يخوفون الناس منهم


    10_ المغرور :
    ماأدري بعضهم شايف نفسه على ايش شين وقوة عين
    وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه


    11_ الضعيف :
    الضعيف ....... الضعيف والاا اقول مافيه ولا واحد منهم ضعيف كل التماسيح مثل مثل



    12_ راعي التفحيط :
    هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي



    13_ راعي الطرب :
    وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز


    14_ راعي الأرقام :
    هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه


    15_ أبو راس يابس :
    ) هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )



    16_ الحساس :
    وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين

    واااااااااخر نوع
    من برا هله هله ومن جوه يعلم الله :

    هولاء هم اللى يأجر لك فياقرا ولا شبح ولا فكتوريا من سيارات الجخ
    وان وقفته قال انا فلان بن فلان آل .. وهو تلقاه سلتوح مايدري وين الله حاطه ولا إذا وقف عند الاشاره وانت جمبه رافع كتفه وتافخ نفسه وإذا كان اللى واقف جنبه جمس فيه بنيات محترمات ارقبته شوي وتنكسر وهو يناظر فيهم ويطلع هلمعروض ( الرقم بس يكون بخط كبير ) وحالته حاله ولا تلقاءه مأخذ سيارة خاويه بطق العصي علشان المظهر وهو ماعنده ماعند جدتي[/align]
    تحياااااااااااااااااااااااتي

  2. #2
    ... V I P...


    تاريخ التسجيل
    Jan 2005
    الدولة
    بلاوطــــن
    المشاركات
    6,157
    معدل تقييم المستوى
    7

    افتراضي

    يسلموا حبيبي سميتك على الموضوع
    والله اني ضحكت الي نسمت اجنوبي
    ههههههههههههههههههههههههه
    لكن انا احس اني الرابع الكسول
    وعزالله انها طريقتي لكن فلها والله يحلها
    والله لايهينك
    تك تك

  3. #3
    كبار الشخصيآت


    تاريخ التسجيل
    Oct 2004
    الدولة
    &%] [ باريس نجد ] [%&
    المشاركات
    18,792
    معدل تقييم المستوى
    19

    افتراضي

    ههههههههههههههههههههه



    موضوعك حلوووووو




  4. #4
    ... عضو نشيط ...


    تاريخ التسجيل
    Feb 2005
    الدولة
    دار ابو فيصل (جده)
    المشاركات
    141
    معدل تقييم المستوى
    1

    افتراضي

    تسلــــــــ أخوي ـــــــم على هالموضوع الحلووو

    وانا احس اني من النوع الرابع ابو سيارة مغبرة (بس تراه غبار الوكالة) خخخخخخخ
    وأحياناً اكون رقم 15 ابو راس يابس بس هذا نادراً

    وتسلم مره ثانيه على هالموضوع



    تقبلوا تحياتي ،،،


    [glint][glow=0099FF]مخـــــ الليل ـــــاوي[/glow][/glint]

  5. #5
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    افتراضي

    هههههههههه موضووع رااائع ويعطيك العافيه

    والله المشكله ان كل واحد عرف شخصيته بس ما يبي يقولها
    احتياطات امنيه اكيييييييد


    مشكوووووووووووور

صفحة 1 من 2 12 الأخيرةالأخيرة

المواضيع المتشابهه

  1. امنياااات الشباااااب <<< فللللللللللللللللله
    بواسطة صاحبه السمو في المنتدى الارشيف
    مشاركات: 5
    آخر مشاركة: 11-02-2007, 02:12 AM
  2. أنواااااع الكيت كاااااااااااتـ,,,,,......
    بواسطة ..سنفورة.. في المنتدى الارشيف
    مشاركات: 20
    آخر مشاركة: 19-07-2006, 03:21 PM
  3. مشاركات: 18
    آخر مشاركة: 03-05-2006, 02:51 PM
  4. أنواااااع البنات (بدون زعل)!!!!!!!
    بواسطة حبووووش في المنتدى الارشيف
    مشاركات: 16
    آخر مشاركة: 20-09-2005, 03:28 PM
  5. أنواااااع الحريم
    بواسطة وحيدة الدرب في المنتدى عالم حواء
    مشاركات: 3
    آخر مشاركة: 26-04-2005, 03:56 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52