النتائج 1 إلى 3 من 3

الموضوع: معوض خيـــــــــــــــــر

  1. #1
    ][..شـاعـر ممــيز.. ][


    تاريخ التسجيل
    Mar 2005
    المشاركات
    265
    معدل تقييم المستوى
    1

    افتراضي معوض خيـــــــــــــــــر

    هذه قصيد للشاعر عبدالله بن علي الطلحي
    بعد اذن ابو ناصر حبيت نقلها لهذا المنتدى
    النضيييييييييييير

    [poem=font="Simplified Arabic,4,deeppink,bold,normal" bkcolor="limegreen" bkimage="" border="double,10,orange" type=2 line=0 align=center use=ex num="0,black"]
    معوّض خير ياحيٍ تهقوى في الزمـان ومـال = سنينك لو رقيـت بعدلهـا يطرحـك مايلهـا
    تعلّم وإعرف إن الدرب قدامك سهـل وجبـال = جبـال تطولهـا وجبـال بعيونـك تخايلـهـا
    ومعوّض خير ياحيٍ وردت الماء بدون حبـال = يطول بك الوقوف وشربة المـاء ماتحصّلهـا
    وقوفك عند راس البير مايسقيك لـو فنجـال = ولاينفعك شوف الجمـه اللـي منـت طايلهـا
    ومعوّض خير ياحيٍ خدعك من الرجال أشكـال= تشوف أشكالها وتحطها أرفـع مـن منازلهـا
    تعلّم من زمانك لاتصير مـن أجهـل الجهـال = ترى في كل يـوم تجيـك عبـره لاتجاهلهـا
    إذا ربي وهب لك عقل تلقى في الرجال رجـال = تعرف اللـي يطلّـع قيمتـك واللـي ينزلهـا
    ترى من بعض مايندي الجبين ويحرج الرجال = لياسـاق الميانـه فـي نفـوسٍ ماتقبّلـهـا
    ومهما شفت في صاحبك من نخوه وطيبة فال = ترى بعض السجايـا كثـرة الإلحـاح يقتلهـا
    معاريف الرجال ديون وديون الرجـال ثقـال = لياصرت متعافي ليش تغـرق فـي جمايلهـا
    رصيدك في حياتك سمعتك مع طيبيـن الفـال = رجال الطيب والمعروف بالمعـروف عاملهـا
    ولاتبدي بجاهـك فـي مقـامٍ مايسـر الحـال = ولاتشفـع لنـاسٍ ماتنومـسـك بفعايلـهـا
    لياجاتك تعذّرهـا مـدام العـذر لـه مدخـال = ووقت الجد قول لهـا الصحيـح ولاتجاملهـا
    وخذ منـي نصيحـه لاتصـدق كـل ماينقـال = يجـرك للنميمـه ليـن يطرحـك بحبايلـهـا
    يجيلك ناقـل النمّـات بهـروجٍ تغـث البـال = سوالف في قفاك وحظك أطيب يـوم تجهلهـا
    يبـرر بالحميـه والصداقـه شينـة الأفعـال = يجمّـل صورتـه بعلومـه اللـي ماتجمّلـهـا
    ولو كانت حميه فيك رد المخطيه فـي الحـال = ولاكان إستمعها فـي قفـاك وجـاك شايلهـا
    ترى من جاب لك ودّى وهذي عـادة النقـال= يحاول يقتنص من فمك كلمـه لأجـل ينقلهـا
    ومثل ماقال عندك راح عنك وعند غيرك قـال = وزوّد عشر فوق الكلمه اللـي كنـت قايلهـا
    تجنّب مجلسه لاتجلس إلا مع كريـم خصـال = تحمّـل ميلتـه وإن ملـت ميلتـك يتحمّلهـا
    ولاتصبر على الجار الردي لوهي ثلاث ليـال = تضـرك جيرتـه لوكـان بيبانـك تقفلـهـا
    وبيع الدار بأول سومةٍ تعرض علـى الـدلال = ورزقـك عنـد ربٍ كاتـب اللقمـه وكافلهـا
    وبنتك لاتزوجها الردي لوهـو كثيـر المـال = تربيهـا علـى الطـالات وتشـوّه سلايلهـا
    وكم من لاش يرمي خيبة إبنه فوق راس الخال = لوإن الخال من روس الرجال ومـن دلايلهـا
    ليامنك عرفـت تميّـز الطيّـب مـن البطـال = وفادتك التجارب في الحيـاة وفـي مسايلهـا
    وكشفت الفرق مابين الصحيح وحيلة المحتـال = وتعلمت الفراسه في الوجيـه اللـي تقابلهـا
    بعد هذي ترى مالك غنى عن صحبة العقّـال = يدلونـك بـرايٍ ينقـض الدعـوه ويفتلهـا
    يقولون الرجال اللي سوالفهـم حِكـم وأمثـال = ليامن ضاعت الحيلـه يـدل القـوم عاقلهـا
    نصيحة واحدٍ جرّب وشاف من الزمان اهـوال = يقدّم لـك خلاصـة هجـرةٍ جـرّب هوايلهـا [/poem]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    بعد هذي ترى مالك غنى عن صحبة العقّـال
    يدلونـك بـرايٍ ينقـض الدعـوه ويفتلـهـا

    يقولون الرجال اللي سوالفهم حِكـم وأمثـال
    ليامن ضاعت الحيلـه يـدل القـوم عاقلهـا




    الشاعر الكبير النضير


    نقل رائع لشاعر يمتاز بفخامة العطاء الشاعر الطلحي


    نبراس في عالم البوح --


    ذوق عذب منك أيها الشاعر النضير في هذا الحضور الأروع


    هلابك-- ونتشرف بك هنا في صفحة القصائد المنقوله فأنت


    لاتختار سوى العذب من البوح--- مرحبآ بك


    الحوراء بنت نجد

  3. #3
    ][..شـاعـر ممــيز.. ][


    تاريخ التسجيل
    Mar 2005
    المشاركات
    265
    معدل تقييم المستوى
    1

    افتراضي

    الحوراء بنت نجد

    اشكرك على مرورك الكريم

    واتمنى على الشاعر / ابو ناصر مشاركتنا في هذا المنتدى فهذه دعوه اوجها له باسم كل الأعضاء شاعر مثل عبدالله الطلحي يعد مكسب لأي منتدى يشارك فيه

    اتمنى ان تصلك يابو ناصر

    النضيييييييييييير

المواضيع المتشابهه

  1. ..][.. ضاع العمر أرتجي (أحبك ) عشان أعوض سنيني..][..
    بواسطة وفيت وخانتني في المنتدى قصائد وخواطر
    مشاركات: 10
    آخر مشاركة: 02-09-2007, 11:07 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52