صفحة 1 من 3 123 الأخيرةالأخيرة
النتائج 1 إلى 5 من 13

الموضوع: ][®][^][®][ ســـــــــــــالفة .. عمـــــــــــري ! ][®][^][®][

  1. #1
    ... عضو مميز...


    تاريخ التسجيل
    Oct 2006
    المشاركات
    340
    معدل تقييم المستوى
    1

    افتراضي ][®][^][®][ ســـــــــــــالفة .. عمـــــــــــري ! ][®][^][®][

    السلام عليكم ورحمة الله وبركاته



    ][®][^][®][ ســـــــــــــالفة .. عمـــــــــــري ! ][®][^][®][


    مساء الخيرات وإن طال البطا يالمنزل المهجور
    ترى مـا أبطى بي إلا حـالةٍ مثـلك يقدرهـا
    :
    إذا عنـدك عتب لا مـانع من معاتب المذكـور
    وإذا عـز الرضا تفـداك الأعـذار ومقابرهـا
    :
    انا اللي جيت لك والريح تعوي والشتاء مسعور
    ولا بـه من دفـى والمربعـانيـه بأواخرهـا
    :
    تغيّـر وانـطبع دربك بلون المسك والكافـور
    وهذي رعشـة كفوفي ولا بـه من يدثـّرهـا
    :
    بـعد ماكنت أجي بابك بدستـور وبلا دستـور
    ولا أدري إلا وذيك الدرفه اليمنى على آخرهـا
    :
    طمـوحي عارضته اللي معاها كل شيء يبـور
    وجاء كسر الطموح أهون علي من كسر خاطرها
    :
    سنـة ما أقبل نذير الشيب كانت بأول الطابـور
    وكنـت أحلامها ذيـك السنـه وأول سرايرهـا
    :
    لقت قدامها فوضى..وقلب..وشـاعر..وجمهـور
    وجـات ورتبتـني من جديد وصرت شاعرهـا
    :
    بقيت اسـري لها لاهمني وحشه ولا ديجـور
    أشيـل أحلامنا تحت النـجوم وهي تفسرهـا
    :
    سقا الله يوم جابت لي قبل يومين من عاشـور
    هذاك العسجـد اللي جابه الله من عشايرهـا
    :
    غلاها كان تحويشة عمر بشعور فوق شعـور
    إلين أكتظـت الأشـواق وألهانـي تكاثرهـا
    :
    ربت ماهي تحت ريشة نعام وفي بلاط قصـور
    ولكـن لا تـرف لـه قيمة إلا تحت أوامـرها
    :
    يحملن أمهات البيض تسع شهور تسع شهـور
    على رجـوى بشايرها ولا لاحـت بشايرهـا
    :
    تقـل بدر ولا بإيّات بدر.. تقـول بدر بـدور
    ولا بإيّات بدر بدور .. يعني ماانت خابرها ؟!
    :
    لو استقصوك عنها ماانت محتاج لشهادة زور
    تحت سقفك سحايب ملحها وأمـواج سكرهـا
    :
    ما ارق المتحف اللي من ورا ضلوعك فدتك الدور
    وانا ما أقوى نظر مافيه بـعد غياب ناظرهـا
    :
    حديقة بيت أهلها..سورها العالي..حمام السور
    زخارف بابـها..شباك غرفتـها..ستايرهـا
    :
    ورق جدرانها..سجـادها..تقسيمة الديكـور
    خزانتـها..هداياها..رسايـلها..خواطرهـا
    :
    تحفها..مزهريتها..قصصها..شعرها المكسور
    صـورها..مكتبـتها..أقلامها..لمة دفاترهـا
    :
    زمام السيف..شال الليل..حنّا الكف..كحل الحور
    حلقها..عطـرها..فستانها الأبيض..جواهرهـا
    :
    مرايتها..فصوص الساعة البيضاء أم خمس سيور
    خواتمـها..قلايـد جيدها..نقشـات أساورهـا
    :
    ملابسـها..بروق ألوانهـا..دولابها الممطـور
    من أزرقها إلى أحمرها إلى أخضرها إلى أصفرها
    :
    نسانيس الهواء اللي ترتشف يشمومها المنثور
    صخيفـات المنـاديل اللي أحتضنت عبايرهـا
    :
    مصابيـح المكان اللي خـذا منه النهار النـور
    سنون أمشاطـها اللي مانست عشرة ظفايرهـا
    :
    بطاقـاتٍ يطـرزها صغـارٍ يحملـون زهـور
    رحيـل الدبلـة اللي ماتهنـت في خناصرهـا
    :
    زوايـا كـنها بلـور فـي بلـور في بـلـور
    مسـا رزنامـة غـاب الحريـر اللي يغيرهـا
    :
    وش أقـول ليتاماهـا الكثيـر الممتلين كسـور
    وانا أشياها تحاصرني وأحسب إني محاصرهـا
    :
    بكيت..وصارت الدنيا قفص واستوحش العصفور
    ضحكت..وملّت شبوك القفص من كذب طايرها.!
    :
    عرفت وشلون الأرض تدور وأيام الزمان تدور
    والاعيان إن صفت كيف..ومتى تذبح محاجرها
    :
    ومتى تصير القبور بيوت وتصير البيوت قبور
    وكـيف الذكريات يـذوب ماضيها بحاضرهـا
    :
    على الله وانت أبيك المتحف اللي للعرب معذور
    إلى جتك العيـون وصـدت أبوابك نواظرهـا
    :
    تمر أجيال وتصـدّر سواليف وتعيش عصـور
    وتروي سالفـة عمري من أولها إلى آخرهـا
    \
    \
    أبيات .. أمتعنا بها ..
    ناصر القحطانــــي





    دمتم بحفظ الله












    العذبـه

  2. #2
    ... V I P...


    تاريخ التسجيل
    Oct 2004
    الدولة
    R I Y A D H
    المشاركات
    9,795
    معدل تقييم المستوى
    10

    افتراضي

    صح لسان الشاعر

    وسلمت يدك عالنقل الرائع

    احترامي

  3. #3
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي



    العذبه


    قصيدة رائعه لشاعر عانق الخيال بشاعريته


    نقل رائع بذوقك الفخم أيتها العذبه--


    هلابك في رقي تواصلك--



    الحوراء بنت نجد

  4. #4
    .. مُستشـَـارٍكَ ..


    تاريخ التسجيل
    Oct 2004
    الدولة
    الجبيل الصناعية
    المشاركات
    6,093
    معدل تقييم المستوى
    7

    افتراضي

    .
    .

    [ العـذبـه ]

    :

    قصيـده روعـه
    نقـله مميـزه .. ( بوكيت ورد )

    :

    لا خـلا ولاعـدم يارب .

    /

    نـواف .

  5. #5
    ... V I P...


    تاريخ التسجيل
    Sep 2006
    الدولة
    Kuwait
    المشاركات
    6,023
    معدل تقييم المستوى
    7

    افتراضي

    العذبـه

    قصيدة في غاية الرووووعه ...

    واختيار رائع في محله

    وتسلمين يا الغاليه

    ودام ابداعك

    أخووووك مبارك الهاجري

صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52