النتائج 1 إلى 3 من 3

الموضوع: ....و في مكتب التوظيف سوسن و ميسون !

  1. #1
    ... عضو ذهبي ...


    تاريخ التسجيل
    Dec 2005
    الدولة
    الخبــــــر
    المشاركات
    628
    معدل تقييم المستوى
    1

    Angry ....و في مكتب التوظيف سوسن و ميسون !

    [align=center]

    يسعدلي مسااااااائكم بكل الحب و التقدير
    أتمنى ان تنال على رضاااااكم واااالو شئ بسيط .....؟؟؟

    شاعر اماراتي يشكو الحال


    وش عاد يا دار ٍ بها صار ( توطين )
    ....و في مكتب التوظيف سوسن و ميسون !

    مديرهم مدحت و نائبْته نسرين
    .... و على الرسبشن حمّص و فول و زيتون !

    كل ما اتصلت اسمع ( الو مرحبا مين ؟
    .... يدّك وظيفه ؟ .. مين دلّك على هون ؟ )

    اقول انا لي اتصل صار شهرين
    .... و انتوا وعدتوني متى بس توفون

    اسمي ( مواطن ) ( جامعي ) طيب و زين
    .... كني ابخطب عندكم و اتّغلون !

    عندي شهاده طايحه بجبدي سنين
    .... عشش عليها شي له ستة عيون !!

    لو للشهاده لسان قالت ( على وين
    .... ناوي توديني .. تلف فيني الكون ؟ )

    من كثر ما صورتها غارق بدين
    .... للهندي راعي المطبعه صرت مديون

    لا ليلي ليل ولا نهاري نوى يبين
    .... دقيت راسي لين ما صرت مينون !

    مطلوب خبره عالأقل في مجالين
    .... ولا تجينا بواسطه و سير مدهون !

    ولا انثبر في بيتك .. افرك بكفين
    .... يومك يشابه امسك و عيش مغبون

    تعدادنا ويّاهم اربع ملايين
    .... و اهل البلد للحين ما صاروا مليون !!

    ويلاه من باكر اذا وضعنا الحين
    .... و احنا اقل من الربع حالنا شجون !

    و اللي ابتسم له حظه والله مسكين !
    .... حصّل وظيفه .. بس في وين .. تدرون ؟

    ساكن في راس الخيمه .. حطوه في العين !!
    .... و اللي سكن في الذيد .. في السلع مدفون !!

    يشوف اهله بس في الأسبوع يومين
    .... و اذا حسبتوا الدرب كم ساعه .. تبكون

    يعني في كل احواله ذاق الأمرين
    .... شغّال محزون و بلا شغل محزون

    و الأجبني اللي راتبه فوق عشرين
    .... فله و سياره و تذاكر .. و طاعون

    عنده بدل كل شي عالراتب الفين
    .... حتى بدل معجون اسنان و صابون !

    و من بعد ما يجمع من بلادي فلسين
    .... و يربّي م القعده على الكرسي بطون

    و يصير في بلاده غني و عنده برجين
    .... يرحل و هو جاحد .. و كم مثله ملعون !

    و حتى الجماعه قوم مدحت و نسرين
    .... مردّهم لبلادهم لو يطولون

    يرضون بشوية دراهم .. و شفتين
    .... صبح و عصر .. لو حتى في الليل يرضون

    بس لو سمعتوا همسهم بينهم بين
    .... وسط القهاوي يلعنون و يسبون !

    لا تحسبوني عنصري .. كلنا طين
    .... و الخل لو عاتب محبينه يمون

    داري و انا اولى بها من الغريبين
    .... ما يوصلون لحبها لو يموتون

    و ( الأقربون اولى ) .. كلام ٍ من الدين
    .... ما جبته من شعري مع الهام و ظنون

    ولد البلد ما يبغي لبلاده الشين
    .... بالروح بالدم يفتديها ولا يخون


    لكن سؤاله يوم قلتوا له ( توطين )
    .... يا كيف بيد الغرب توظيفه يكون ؟؟!!

    شعارهم معروف ( راجعنا بعدين )
    .... و باين من التأجيل .. انهم يخافون


    اذا معك خبره .. يا اهلين و سهلين
    .... و اذا شهاده بس .. عنك يصدون

    ما عندنا شاغر .. و بطلنا تعيين
    .... ولو تحرق الهاتف ترى ما يردون !


    من وين اجيب الخبره ؟ من وين من وين ؟
    .... دام الوظيفه عند سوسن و ميسون !

    عندي بمطبخ بيتنا خبره سنتين !
    .... تنفع اذا صاروا المطاعم يوطنون ؟؟!

    ولا اهاجر و آخذ الخبره في الصين ؟
    .... صح العيون صغار .. لكن يقدْرون

    سؤال يا دار ٍ ..صراحه بترضين ؟
    .... اني اسافر و اطلب الغرب لي عون ؟

    و سؤال يا ناس ٍ على الراس و العين
    .... صدق الوظايف واسطه و سير مدهون ؟


    اما الجواب الشافي يجيني الحين
    .... او هاتوا تأشيره .. اذا كنتوا ترضون !


    وسلامتكم





    الشمـــااااالى
    [/align]

  2. #2
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    عندي بمطبخ بيتنا خبره سنتين !
    .... تنفع اذا صاروا المطاعم يوطنون ؟؟!

    ولا اهاجر و آخذ الخبره في الصين ؟
    .... صح العيون صغار .. لكن يقدْرون


    هههههههههه

    تغربل المسيكين


    شمـــاااالي

    آبيــات راااائــعه .. وطريفه من واقع خليجــنا

    اذا آبــدع الشــــاعر في وصف الموقف .. وتصويره

    فـ آنت آبــدعـت وآمتعت .. في إختــــيارها لـــنا

    مشكور آخــوي الله يعطـــيكـ العـــافيه

    تحيتي لــكـ

  3. #3
    ... عضو ذهبي ...


    تاريخ التسجيل
    Dec 2005
    الدولة
    الخبــــــر
    المشاركات
    628
    معدل تقييم المستوى
    1

    افتراضي

    [align=center]

    الرائعه

    بنت ابوووها

    الف تحيه على هذا الحضور العطر

    لكي مني كل الشكر والتقدير


    اصدق التحااااااااااايا
    من اخوك


    ,

    الصغير
    [/align]

المواضيع المتشابهه

  1. للاهمية بدا التوظيف ياشباب !
    بواسطة zen-al-zen في المنتدى الارشيف
    مشاركات: 1
    آخر مشاركة: 28-03-2010, 12:33 PM
  2. التنظيف الاسبوعي للبشره :)
    بواسطة AMONH في المنتدى عالم حواء
    مشاركات: 11
    آخر مشاركة: 21-12-2008, 03:48 PM
  3. مواقع التوظيف في الانترنت للشركات السعودية
    بواسطة ღ هـيبة مـلك ღ في المنتدى الارشيف
    مشاركات: 14
    آخر مشاركة: 14-01-2008, 01:11 AM
  4. أكتب يا قلمي .. أكتب وأخبرهم&&&&
    بواسطة بنت فلسطين في المنتدى الارشيف
    مشاركات: 8
    آخر مشاركة: 05-01-2006, 10:50 PM
  5. التوظيف الصيفي ارامكو
    بواسطة تركي والعين تبكي في المنتدى الارشيف
    مشاركات: 0
    آخر مشاركة: 16-06-2005, 03:13 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52