صفحة 1 من 2 12 الأخيرةالأخيرة
النتائج 1 إلى 5 من 6

الموضوع: (( (000 مـا تقبـلـت فــراق00000))

  1. #1
    ... عضو جديد ...


    تاريخ التسجيل
    Oct 2006
    المشاركات
    12
    معدل تقييم المستوى
    0

    Unlove (( (000 مـا تقبـلـت فــراق00000))

    (( (000 مـا تقبـلـت فــراق00000))



    ماتقبلـت الفـراق مـا ليـدي فيـه حيـلـه
    آه لو ان الظـروف المقبلـه تكشـف قدرهـا

    لو يعرف الشخص منّا وش مع الغيب ابيجي له
    كان جنبنا المشاكل من قبل يوقـع ضررهـا

    ما هقيت الليله اللـي جابـت الفرقـا طويلـه
    لين صارت ليلة امس بعيني اطول من شهرها

    والعذاب اللي يذوب بعين مـن يفقـد خليلـه
    عندي اكبر من عذاب العين لو تفقـد نظرهـا

    والحبيب اللي صـدوده مثـل مداتـه جزيلـه
    صد عني واعرفه لو صد عن حاجه هجرهـا

    كن روحي يوم حست في جفاه وصعب نيلـه
    بشرتنـي بالضيـاع وشـدة العـزم لسفرهـا

    ما رحمها مـن هـلاك ومـا تقبّلهـا دخيلـه
    تحتضر قدام عينه ليـن ماتـت مـن قهرهـا


    عاد ليت اللي ذبحها وارهب المـوت بوسيلـه
    ما دفن وجه الضحيـه والسكاكيـن بنحرهـا

    ليت قلبه يـوم سـوى فعلتـه كمّـل جميلـه
    لو غسلها من عروقه وبكفن صـدره قبرهـا

    من حفر بضلوع قلبـه حفـرةٍ تكفـي قتيلـه
    ليه ما يدفن قتيله بالضلـوع اللـي حفرهـا؟

    اشتكيتـه للرفـوف وللبـراويـز الهزيـلـه
    وانذعرت من النياح اللي سمعته في صورهـا

    رحت اسولف للجبال الصم عن قصة رحيلـه
    ما تركت متونها الا ينحت الدمـع بصخرهـا

    واحدٍ حقق جماله كذب اساطيـر الـف ليلـه
    يسكن السبع البحور ويحبس الحـور بدررهـا

    الـدروب بكبرياهـا ترتجـف تحتـه ذليلـه
    والورود اللي تقبّـل خطوتـه تنبـت بأثرهـا

    والغصون اليـا بغاهـا تنثنـي له.تنثنـي لـه
    والفياض ان حب ينثر عطرها يلمس زهرهـا

    لو يصوّت للغدير المنجـرف جفـف سبيلـه
    وان تبسّم للجبـال الصامتـه نطّـق حجرهـا

    كل حاجه تستوي له. لي بغاهـا تستـوي لـه
    بالنظر واستغفر الله لو بقول : انـه سحرهـا

    ذاك لو بـس يتمنـا فاكهـة شجـرة ضليلـه
    بس يفتح راحت ايده ويتساقـط لـه ثمرهـا !

    كن ربي سخـر لـه المعجـزات المستحيلـه
    واصبح اسطوره وكل الالسنه تنقـل خبرهـا

    هان محجر دمع عيني ليـن جفّـف سلسبيلـه
    والتفت لأخيـر دمعـه قبّلـت يـده ونثرهـا

    دمعةٍ كن بشقاها يـوم طاحـت فـي شليلـه
    جادلٍ جات بـدويٍ تطلـب الستـر وسترهـا

    له علي انه ليا من طاح مـن عينـي تشيلـه
    ولي عليه انـه يرجّـع لابتساماتـي ثغرهـا


    لو طعوني بالسكاكيـن بيـده تشفـي غليلـه
    لاشتريها من عذابـي وادفـع بدمـي مهرهـا

    واطلبه ينهال فيني طعن ليـن يطيـح حيلـه
    بس لا يترك عيوني تنحـرم نعمـة بصرهـا

    له بعيني مثل مـا للطهـر بالنفـس الاصيلـه
    تقطع يدين الردا لو مس شعره مـن شعرهـا

    مابغيتـه غيـر دربٍ شتّـت اقـدام الدليلـه
    مزنةٍ ما بللتنـي واستحيـت اطلـب مطرهـا

    والعطايا مـن يديـن الخلـق للطالـب قليلـه
    والوهايب من يـد الله للعبـاد اجـل وأرهـا

    وان نسيت اني زرعت العشق وحظوظي بخيله
    ما نسيت ان العطايا تستحـق اللـي شكرهـا

    صعب تلقى شخص وافي يجزي الطيب بمثيل


    **************************************
    قصيدة للشاعر حامد زيد
    هاانا قدم لكم قصيدة تعبر عن معانى الالم والذى كان اللبنه الاولى لبناءهذةالقصيدة ةاشتملت على انواع من الالم والعذاب والتجريح للروح الصافيه عقابا للحب الطاهر الذى يعطى دون انتظار مقابل
    :frown:

  2. #2
    ... V I P...


    تاريخ التسجيل
    Jun 2006
    الدولة
    ......!!
    المشاركات
    3,392
    معدل تقييم المستوى
    4

    افتراضي

    روعه ياحامد
    وروعه ذوقك غاليتي
    دمتِ بود ولكِ كل احترام

  3. #3
    ... عضو مميز...


    تاريخ التسجيل
    Oct 2006
    المشاركات
    340
    معدل تقييم المستوى
    1

    افتراضي

    ::



    ابيات جميله ...




    نقله راائعه ...




    بإنتظاار جديدكــ

  4. #4
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    السلام عليكم

    والله يعطيك العافيه

    لاهنتي على النقل الرايع

    بانتظار ماهو جديد

    والله يوفق الجميع

  5. #5
    عفوك يارب
    تاريخ التسجيل
    Oct 2006
    المشاركات
    22,472
    معدل تقييم المستوى
    23

    افتراضي

    لا خووووووووووش قسيده

    تسلم أيدج ع النقل ولاهنت

    تحياتي

    اللوتس

صفحة 1 من 2 12 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52