صفحة 1 من 2 12 الأخيرةالأخيرة
النتائج 1 إلى 5 من 7

الموضوع: لـلـعــزابــي فــقــط .. ممنوع دخول السحالي

  1. #1
    ... عضو ذهبي ...


    تاريخ التسجيل
    Apr 2005
    الدولة
    يمكن قصر _ يمكن جحر
    المشاركات
    715
    معدل تقييم المستوى
    1

    لـلـعــزابــي فــقــط .. ممنوع دخول السحالي

    كااعاده وميب غريبة على ليقيت هالموضوع في منتدى شقيق ولطشته

    قلت اكسب فيكم اجر يالعزابيه يمكن تفكونا من كثرة البنات =========> شوي شوي يابو البزارين

    خلال هاليومين اللي زلت يعني اللي راحت قعدت اجمع حروف لين كونت سؤال الا وهو ...

    سؤال لكل عزوبي .. يتسدح بالملحق ؟
    هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

    إذا كانت الاجابة بنعم فإن
    كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
    " الله لا يبارك في الساعة اللي جبنا فيها شغاله ".

    .
    لا تتخذ قرار الزواج إلا وانت في حالة هدوء تااام بعيدا عن الاثارة والعواطف الجياشه ..
    مو تشوف فيديو كليب بعدها تطمر لأمك وانت مشبك اصابعك ومميل رقبتك وتقول ( دوروا لي ابي اعرس ) ، ابي اكمل نصف ديني .



    اولاً : مرحلة ما قبل الزواج :

    كيف تعرف انك استويت عزيزي الشاب وحان قطافك من بنت الحلال :


    أ: علامات الرغبة في الزواج عند الشاب :

    1 - إذا بديت تحب الاغاني وتسمعها بمخمخه وتتخيل انك تقول الكلام لوحده .. فاعرف انك ( قاضي ) فتلاحق عمرك وشف لك بنت حلال ، بشرط توافر الشروط الاخرى فيك ( وظيفه مناسبة ، ومبالغ مالية لمواجهة مصاريف العرس ) >>>> التقسيط متاح بدون كفيل في مؤسسة مباري للعرس على النوته

    كذلك إذا صرت تتابع الفيديو كليب وتهج اثمك ولو يناديك ابوك ما ترد عليه.
    .




    2– إذا بديت تقول يا زين بيروت والـ إل بي سي والمستقبل ؟ فاعلم اخي الاع** انك لو انتظرت سنتين ستصدّي صواميل ظهرك وتصير بلا مستقبل.

    3– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان تصدم فيها وتقول ( ليمون نعناعه ) فاعرف انك على مشارف انك تكون ( سبهه ) وشهار ما يقبلك ولا منتسب .

    7 – إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) .. فاعرف انك بديت ( تخق ) لذلك اكرب عمرك واعرس.


    ثانيا : اثناء الخطبة :



    1 – انضبط وابدأ صل بالمسجد . واجعل المحافظة على الصلاة تحول دائم من الخطبة إلى آخر عمرك.
    لان اهل البنت يبي يسألون شيبان المسجد ويقولون تعرفون فلان .. لذلك صل وابد ( طلطل ) بوجيه المصلين كأنك تدور اخوانك.<<<< ما احب هالحركه.


    2 – لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهمl
    لأن الخطيبة مصيرها تعرف ان السياره مو سيارتك وبالتالي تطيح من عينها .. بكيفها ..
    3 - اثناء الشوفه لا تستحي ابدا وقز البنت من راسها لرجليها ولا يهمك ابوها واخوانها لأن الشرع ( يدعمك ) وان قالوا شيء .. قل لهم حديث الرسول صلى الله عليه وسلم
    " فلينظر اليها وتنظر اليه فأنه احرى ان يؤدم بينهما "

    .
    .
    وكما قال الشاعر ( لسان الفتى نصف ونصف فؤاده **** فلم يبق الا صورة اللحم والدمِ )
    <<<< يضيع مع اللحم في الضحايا خصوصاً التسبده يا بعد تسبدي..
    لا يروح بالكم بعيد.

    .

    4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟
    وش تسوين ؟ انت على السرير وإلا في المقلط ؟ << يخرب بيت السؤال ؟

    .

    5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..

    لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه والوانه كأنها ( شرّاب تكرونيه بالمربعانية عند الحرم )..
    .

    .
    كذلك اضبط ميزانيتك على مستوى معين من الأثاث بمعنى .. ما تشتري لي لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية من ( حلة بن دايل ) بــ 20 ريال ، ومن ايكيا بــ 150 ريال .. فيصير بيتك كأنه
    ( حراج ابن قاسم ) من كل بحر قطره.
    فتصير مثل اللي بيتهم طين وعندهم ( رولز رويس ).


    6 – اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ..
    مو تصير حبيّب بالخطبة وصدام بعد الملكة.



    ثالثا : ليلة الزواج :




    ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
    ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
    .. فلنفرض انك قمت من الكوشه ؟؟
    بعد ما تخلص هل بترجع وتجلس مع العروس مره ثانية ؟؟
    وإلا بتطلع من هناك ؟ بالعربي .. انت بتبلش بلشة ما بعدها بلشة

    أما إذا رجعت بيقولون الحريم ( جاه اسهال من الخوف من المدام )
    اجل إذا راحوا الشقة بلحالهم وش بيسوي هالخواف.؟
    فتصير علك في فم الرايح والجاي وملطشه للصغير والكبير.

    2 – ليلة العرس ارفق على سيارة الرجال اللي انت متسلفها منه .. لانك ممكن تصدم لانك ما تعودت انك تكون بسياره كشخه وجنبك بنت.
    <<<<<<< وش دراك؟

    3 - خلك ذوق واسحب يد البنت وحطها على ( القير حق السياره )



    وحط يدك فوقها ولا تكثر تفغيص يدها لانك بتتهور وممكن يصير لك شيء وإلا يجيك ( شد عضلي ) بعدين تصدم باشاره >>> لاحقين خير ان شاء الله .. لا تتصربع الله يطامنك باسمه..


    4 - إذا جيتوا تدخلون البيت .. افتح الباب وخلها تدخل قبلك وامزح معها شوي ( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت .. ثبت الله اركانك .

    رابعا ً : سواليف ليلة العرس :

    الكثير من الشباب في أي المواضيع يطرح ليلة الزواج وبرأيي انه بالامكان طرح مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :



    –1 انتبه تتميلح او تنكت اكثر من اللزوم لان الموضوع سينقلب ضدك وبدال ما تصير وش زينك تصير ( كخا ).
    2 – انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة ( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ، انا امي بصراحه ما ابي احد يزعلها ، انا امي بصراحه مالها غيري ..
    الله ياخذ بليسك انت وامك لا هالحين ادخل والسبك بالعقال
    <<<<<<<< يعصب احيانا بدون سبب مقنع .. ما عليه رجعت طبيعي .. نكمل ..
    مافيه شك ان الام قدرها غالي ومكانتها عظيمه بس لكل مقام مقال .. فما فيه مناسبه انك تجيب طارئ امك ، ممكن تأجل الموضوع لليلة اخرى.

    3 – امدح مكياج المدام ، وفستان فرحها لانها تعبت شهور حتى تظهر بهذا المظهر اللي انت تتمتع فيه انت وعيونك المغمصه | ..
    حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك عباراتك فيها صدق بحيث تكون ( الكذاب الصادق ) ..
    فهذا من شأنه انه يحسس المدام انها جميله بعينك ، ويرفع روحها المعنوية ، ويخليها تهضمك يا ابو كوع ( بني )<<< مفروك لين قال بس فتغير من اسود الى بني .

    4 – انبته ثم انتبه انك تصير عاطفي او تخق ومن اول ليلة تقول للبنت ( بصراحه انا احبك وميت فيك ) .. لانها مؤكد انها مو مصدقتك ( ما امدى بسم الله تحبها ).
    بصراحه كثير من الشباب محروم من ( كل شيء ) <<< وافهموها .. عاطفيا و... و .
    واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني منك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .

    خلك ثقل وخلي سلوكك هو اللي يقول للبنت اني احبك مو اساليب ( قردنه ) احبك بعدين تقول لها ( وش رايك نلعب عريس وعروسه )؟
    ترى هالحركات ما تمشي على البنات التاليات .

    معاني الكلمات : قردنه : محاولة اقناع جاده يتخللها وضع اليد على الكتف مع تــنــزيل الرأس وكأنك بتقول سر للطرف الآخر مع الاتجاه ( لقرنة ) الغرفه.

    خامسا : ملابس ليلة العرس



    1 - بعد ما تفسخ ثوبك وشماغك وعقالك .. تروش الله يصلحك لانه ممكن ريحتك تكون طالعه وانت ما تدري من كثر السلام والقلق اللي عشته في قصر الافراح ولا يهمك انك راش لك كم ( بخه ) على الش***ات اللي بصدرك وبازن بها.
    تنظفوا ( ابتل ) اعلمكم ... همااااه ؟

    بعد الانتهاء انتبه تلبس ملابس تظهر مفاتنك .. مثلا تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض ويتطببون على المسبح في النادي من جماعة ( هاااااااااااااااااي شله )..

    2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ، او بيجامة نوم مخططه فتصير كأنك ( حمار وحش ) يتكلم عربي.

    اختر اللبس المناسب لجسمك ..
    مثلا شورتات رياضيه اذا كان جسمك رياضي .. وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..
    وفاجأها في الصباحية .
    إذا كنت سمين البس ملابس فضفاضة شورت وفانيلة X X X L <<<< انتبه ترى ما اقصد القناة .


    3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟
    ترى الموضة كذاااااا وتطوروا بأأأأأأ عجزت اعلّم فيكم .

    إذا لبست لك المدام ( قميص نوم راااايق ) ترى مو معناهاااا ( طب عليّ ) .. خلك ثقيل وإلا جيت هالحين أربط ثقالات برجليك.

    ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع ).. قال العم : اكيد انها داشره ؟ وحركاتها ما ني متطمن لها << طيب يا كولومبو.
    <<<<< احتمت ( كبدي ) يوم سمع القصة من القهر .


    والله الباقي ماكملته لان الرجال بدى يخورها فقلت خلك مؤدب ======>داري ان السحالي بيقرون

  2. #2
    0::+[ مزيونة الـزيــن ]+::0


    تاريخ التسجيل
    May 2005
    المشاركات
    1,146
    معدل تقييم المستوى
    2

    افتراضي

    وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااا
    وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااا
    قلبي
    قلبي
    قلبي

    ابي اتزووووووووووووووووووووووووووووووووووووووووووووووو ووووووووووووووووووووووووووووووج

    الحقوني
    بموت

    اه ياقلبي
    زوجوني يالله بسرعه
    بموت انا خلاص بموت.............................................. .....................................خلاص يا تلحق ياما تلحق

    انت وضميرك.................

  3. #3
    ... عضو ذهبي ...


    تاريخ التسجيل
    Apr 2005
    الدولة
    يمكن قصر _ يمكن جحر
    المشاركات
    715
    معدل تقييم المستوى
    1

    افتراضي

    افااااااااااااااااااااااااااااااااااااااااااا


    لو ادري كذا بيصير فيك ما نزلت الموضوع

    شوي شوي سم بالله واقرا المعوذات وان شاء الله خير

    بكره نزوجك خلاص

  4. #4
    ..أشــ الزين ـين..


    تاريخ التسجيل
    Mar 2005
    الدولة
    الفيصليه_ نيجيريا
    المشاركات
    576
    معدل تقييم المستوى
    1
    :sweatdrop
    كااعاده وميب غريبة على ليقيت هالموضوع في منتدى شقيق ولطشته

    الاعتر1ف بالحق فضــيله :209:

    قلت اكسب فيكم اجر يالعزابيه يمكن تفكونا من كثرة البنات =========> شوي شوي يابو البزارين


    منتب عاقل يالي عيالك كل واحد مفرخ عشره عيـال :yikes1:


    سؤال لكل عزوبي .. يتسدح بالملحق ؟
    هل تنام على بطنك ؟ او تخم الوسادة بالليل ؟ او تعفس الكنب وتعضه وتسعبل عليه وانت نايم .. او تنام في الشوارع كأنك قطو .. او تنام على الكنب وانت تقرأ الجريده ، او تنام ويطلع سرك ستر الله سرك.

    لا والله كل واحد منهم متوسـد مخده يتخيل انها ام العيــال :f166: <=- المحدث الرسـمي بأسم العزوبيه

    كل هذه اعراض لرغبة جامحه وكامنه بالزواج وان ما تلاحقت عمرك راح يجي اليوم اللي يقول فيه الوالد لك :
    " الله لا يبارك في الساعة اللي جبنا فيها شغاله ".

    راحت فيها الشغاله اجـل هههههههههههه





    ليلة العمر والليلة الوحيده اللي تحس فيها انك اهم واحد بالاحتفال .. فلا تصدق عمرك ويكبر راسك.. خلك طبيعي
    ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ، لانه صعب إذا رحت جلست مع العروس على ( الكوشه ) .. فجأه تقوم تقول بعد اذنك باروح الحمام .. صدقني راح تقول البنت إللي هذا اوله ينعاف تاليه
    .. فلنفرض انك قمت من الكوشه ؟؟
    بعد ما تخلص هل بترجع وتجلس مع العروس مره ثانية ؟؟

    والله اني اتخـيل نفسي في هالمـوقف .. بس الحمدالله اني مانيب مأكل شئ . بأخذ الحذرر

    3 – للإحاطة فإن قمصان النوم النسائية ( مشققه ) وشفافه وكلها حركات .. انتبه يسول لك ابليس وتقول ( اففف البنت خربانه ) .. من هالحين لبست كذا؟؟

    <=- يحتري يوم عرسه عشان شوف هلملاابس الي ماشاافها الا في المسلسلات المكسيكـيه <=- خ ربان الاسود :22:
    ترى الموضة كذاااااا وتطوروا بأأأأأأ عجزت اعلّم فيكم .



    مــــــرصي على الموضوع الي يخلي العزوبي يقول وين العرس معه .. في اي شارع..؟؟


    بأروح ادور الزوارج في قووقل :alp:









    ننظر جديددك .. وااذ بغيت تشلح شئ من منتدى اشلح شئ كويس مثل هذا الموضوع هههههههههههه



    وامسك البنت ام الخنافس مدري وش اسمها لاتطلع بشارع ولا يسري بها الجااثوم هههههه واتكون انت السـبب










    اشـين

  5. #5
    0::+[ مزيونة الـزيــن ]+::0


    تاريخ التسجيل
    May 2005
    المشاركات
    1,146
    معدل تقييم المستوى
    2
    الله وناااااااااااااااااااااااااااااااااااااااااااااااا ااااااااااااااااااااااااااااسة

    بتزوج :alp:

    ها متى العرس

    لقيت لي عريس

    تكفى بسرعه

    ماعاد اقوى :sweatdrop

صفحة 1 من 2 12 الأخيرةالأخيرة

المواضيع المتشابهه

  1. ممنوع دخول من هم دون سن 18
    بواسطة البانورامي في المنتدى الارشيف
    مشاركات: 1
    آخر مشاركة: 04-03-2009, 07:37 AM
  2. للعزوبي فقط ممنوع دخول السحالي
    بواسطة تركي الرياض في المنتدى الارشيف
    مشاركات: 49
    آخر مشاركة: 28-08-2007, 12:59 AM
  3. ممنوع دخول أقل من 15 سنه
    بواسطة فوز في المنتدى الارشيف
    مشاركات: 30
    آخر مشاركة: 18-08-2006, 03:18 PM
  4. لشبااااااب فقط ممنوع دخووول السحالي
    بواسطة bandar al-dakhil في المنتدى الارشيف
    مشاركات: 18
    آخر مشاركة: 28-08-2005, 02:10 AM
  5. (ماذا تفعل!) للشباب فقط "ممنوع دخول السحالي"
    بواسطة الأمـــاكن في المنتدى الارشيف
    مشاركات: 11
    آخر مشاركة: 27-07-2005, 03:41 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52