صفحة 1 من 2 12 الأخيرةالأخيرة
النتائج 1 إلى 5 من 10

الموضوع: قصيدة بأسماء القبائل السعودية

  1. #1
    ... عضو نشيط ...


    تاريخ التسجيل
    Oct 2006
    المشاركات
    64
    معدل تقييم المستوى
    1

    افتراضي قصيدة بأسماء القبائل السعودية

    السلام عليكم
    القصيده هذى طبعآ منقوله ولا اعرف قياله حبيت انقله لكم..................؟


    يالله ياخالـق ارضـيـن وابـحـار
    الواحـد المعـبـود رازق عبـيـده

    الخالـق الغفـار عـلام الاســرار
    وفرق شعوب الارض في كـل يـده

    وابدي واسولف من عذيبات الاشعار
    ابيـات شعـر والمعانـي وكـيـده

    اشري وابيع واعرف كيـف بختـار
    واختار من جـزل البيـوت الفريـده

    وذكر تراث وعز وامجـاد وافخـار
    قبائـل تومـن بـديـن وعقـيـده

    وصلت حضارتنا على سطح الاقمـار
    ابنـا الجزيـر والجزيـره مجـيـده

    في ظل حكـام لهـم فعـل واشـوار
    ال سعـود اللـي تفـك الضهيـده

    نسل الزعيم الحاكـم العـادل البـار
    مجـدد امجـاد الجزيـره بجـيـده

    حتى اصبحت حره وحنا لـه انصـار
    في ظل اخو نـوره هنـوف سعيـده

    وصارت لابو تركي بطولـه وتذكـار
    والفخـر والامجـاد تبقـى شهيـده

    وخلف لنا ملوك لهم فعـل واخبـار
    الشعـب واحـد والقيـاده رشـيـده

    والامن بانينه على سـاس وجـدار
    وقرو على العابـث عقوبـه شديـده

    وحنا حماة الـدار مـن كـل غـدار
    وما همنـا بطشـه وخبثـه وكيـده

    قبـائـل مالحقنـاهـم اوعـــار
    وعشنا بهذي الدار عيشـه رغيـده

    والحمـد لله نحمـده سـر واجهـار
    شعب تكاتـف مـن سنيـن مديـده

    ودون الوطن جيش على كل معبـار
    لارفـرف البيـرق ونـادى عقيـده

    بشرق البلاد وغربهـا دوم حضـار
    وارض الشمال اللي نفـوده مديـده

    وارض الجنوب اللي تخيضر بالاشجار
    جزيـرة فيهـا القبـايـل عـديـده

    ارض بها قحطـان وافيـن الاشبـار
    وياعـز منهـم بالشدايـد بسـيـده

    واذكر عتيبه يـوم للطيـب مغـوار
    لا ثـارت الهيجـا وقـرب ضديـده

    وشمر هل الطولات والجـود مقـدار
    اهل الكرم واهـل الفعـول الحميـده

    وقوم اعنزه مروين الاخصام الامرار
    اولاد وايـل مـن عصـور عهيـده

    ومطير قوم تكـرم الضيـف لا زرار
    وياويل خصم فـي حراهـم وعيـده

    واذكر قبيلة حـرب يانعـم الاخيـار
    وتاريخهـم يحكـي سطـور مجيـده

    وسبيع نعم القوم ووجيـه الاسفـار
    زبن الدخيل ليا زبـن مـن طريـده

    واذكر قبيلـة يـام والطيـب ينـدار
    اهـل العلـوم الوافيـه والرشيـده

    ثم الدواسر تجعـل الخصـم منهـار
    عيـال زايـد عـز منهـم سنيـده

    ثم السهول اللي لها الطيـب مـدرار
    وعن منهج العادات ماهـي محيـده

    ثم اذكـر العجمـان حمايـة الجـار
    والمرجلـه والجـاه فيهـم عتيـده

    واذكر بني مـره طويليـن الاعمـار
    مـا ينقـد المـري ولا لـه نقيـده

    ثـم الهواجـر لابـة تقـدح النـار
    اهل الركـاب اللـي خطاهـا بعيـده

    واذكـر بنـي خالـد قبيلـة وامـار
    قوم لهم في المجـد قـول ورصيـده

    وبني تميم اللي لها الطيـب مصـدار
    بنـي تميـم وكـل فعـل تجـيـده

    ثم الزعوب اللي بها الخصـم يحتـار
    شجعان ماترضـى سـوا ماتريـده

    العازمي وافي وفي الطيـب بيطـار
    روحه على كل المصاعـب صميـده

    ثم الظفيري في المصاعيـب جبـار
    والطيب والامـداح باصلـه وطيـده

    ثم اذكر الاشـراف بجـلال واكبـار
    اهل الحجـاز اللـي تفـك الزهيـده

    ثم الهذيلـي لـه مواقـف ومنـدار
    راعي الفخر راعي العلـوم السديـده

    ثم البقوم اللي لهم جيـش وامهـار
    ريف الضيـوف ليـا لفاهـم وليـده

    واذكر ثقيف اللي لهم مجـد وآثـار
    ومهما حسبنـا مـن كـلام نعيـده

    وبلحارث اهل العز بشهـود واقـرار
    ا لحارثـي ياطيـب فعلـه وجـيـده

    والمالكي معروف لا صار ما صـار
    في موقف اهل الطيب يبـذل جهيـده

    واثني تحياتي عـدد وبـل الامطـار
    علـى سليـم وكـل خصـم تكيـده

    واذكر جهينه هـل مواقيـف وادوار
    تلقى الجهيني راسـم الطيـب بيـده

    واذكر بلي والمجدله فعـل واظهـار
    وتاريخهـم يحكـي فعـول فـريـده

    وبني عطيه في المواجيـب حضـار
    قـوم بوقـت الجـد قـوم عنـيـده

    ثم الحويطي والكرامـه لـه اشعـار
    ثـم الشـراري لـه فعـول مفيـده

    ثم الرشيدي في الصعيبـات صبـار
    على علـوم الطيـب فعلـه يزيـده

    وباقي جنوب الدار والقـاف مـادار
    باقي علـى قلبـي كـلام واشيـده

    زهران نعم القوم في وقت الاضـرار
    والخصم عينه مـن لقاهـا سهيـده

    والغامدي معروف له عزم واصـرار
    راعي المراجـل والعلـوم المفيـده

    وشمران قوم والجمايل لهـا اطـوار
    وبلقـرن سـم للقلـوب النكـيـده

    والاكلبـي والمحلفـي مابعـد بـار
    والحارثـي طيبـه وفعلـه يشيـده

    وبني شهر وبني عمر سيـف بتـار
    قوم علـى الاخصـام نـار وقيـده

    والاسمري والاحمري صيتهم سـار
    بيـن القبايـل والمواقـف شهيـده

    واذكر عسير الهول ذربيـن الاذكـار
    وابها احتموهـا فالسنيـن الشديـده

  2. #2
    كبآآر الشخصيآت

    تاريخ التسجيل
    Jul 2005
    الدولة
    عند أهلــــي وربعي
    المشاركات
    26,434
    معدل تقييم المستوى
    27

    افتراضي

    القرم

    النايف

    الله لايهينك

    ونقل راااائع

    وكفو بكل الاجواد وين ماكانو

  3. #3
    ... V I P...


    تاريخ التسجيل
    Jun 2006
    الدولة
    ......!!
    المشاركات
    3,392
    معدل تقييم المستوى
    4

    افتراضي

    ونعم بكل القبايل

    مشكور على القصيده الهائله
    دمت بود ولك كل الشكر

  4. #4
    ... V I P...


    تاريخ التسجيل
    Sep 2006
    الدولة
    Kuwait
    المشاركات
    6,023
    معدل تقييم المستوى
    7

    افتراضي

    [poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ثـم الهواجـر لابـة تقـدح النـار=اهل الركـاب اللـي خطاهـا بعيـده[/poem]

    لاهنت يا النايف والله يعطيك العافيه

    أخوك مبارك الهاجري

  5. #5
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    واذكـر بنـي خالـد قبيلـة وامـار
    قوم لهم في المجـد قـول ورصيـده

    لاهنت يالنايف على النقل

صفحة 1 من 2 12 الأخيرةالأخيرة

المواضيع المتشابهه

  1. قصيدة الظفيري في كل القبائل
    بواسطة ذرب المعاني في المنتدى الارشيف
    مشاركات: 9
    آخر مشاركة: 02-08-2008, 10:04 AM
  2. قصيدة جمعت القبائل السعودية .....
    بواسطة جنون إنسان في المنتدى قصائد وخواطر
    مشاركات: 13
    آخر مشاركة: 16-03-2007, 07:42 AM
  3. تعال دور قبيلتك.. *قصيدة في جميع القبائل السعودية*
    بواسطة فتون5 في المنتدى الارشيف
    مشاركات: 6
    آخر مشاركة: 24-08-2006, 12:04 PM
  4. قصيدة لجميع القبائل ................................
    بواسطة ريان الشمري في المنتدى قصائد وخواطر
    مشاركات: 21
    آخر مشاركة: 31-12-2005, 01:25 AM
  5. قصيدة في جميع القبائل السعودية
    بواسطة ضرار في المنتدى قصائد وخواطر
    مشاركات: 10
    آخر مشاركة: 29-03-2005, 03:27 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52