صفحة 1 من 3 123 الأخيرةالأخيرة
النتائج 1 إلى 5 من 15

الموضوع: مقاابله مع سعودي وايلي

  1. #1

    ][ عــضـو التمـيـز ][


    تاريخ التسجيل
    Mar 2005
    الدولة
    In my motherland
    المشاركات
    4,362
    معدل تقييم المستوى
    5

    افتراضي مقاابله مع سعودي وايلي

    العزيز سعودي وايلي هل لك بأن تعرفني على شخصك الكريم اكثر..بمعنى اصح من هو سعودي وايلي؟
    سعودي وايلي هو أحد أعضاء الزين اللي لو بحلف أن الأعضاء يعرفونه أكثر من نفسه .. حتى مطلعين عنّي إشاعة أني رحت المملكة والبنات قاموا يبوسوني وجلدتني الهيئة .. << بزعمه هشام ..
    :7ya:
    بس السؤال اللي يطرح نفسه ليش مسوين مقابلة مع تمساح بسوق الحريم .. بالله لو جت الهيئة وشافتني بالسوق بين البنات وش بقول .. يعني لو أنتي بس .. أقول أختي .. بس لو المعجبات حولي وش بقول .. أقول هذول خواتي طالعين نشتري ملابس العيد سوا خخخ ..

    دقيقة أطق البرقع عشان أكمّل المقابلة ..
    ماذا عن مجال تخصصك الدراسي ؟

    تخصصي الدراسي كوكتيل خخخخ .. كل ترم أحوّل لقسم .. والله من الفضاوة ..

    ماهي هوايتك؟

    القرآءة وتضغيط أزرة الكيبورد .. حتى لو الجهاز طافي ..:04:

    هل تخصصك الدراسي يتناسب مع هوايتك؟

    أيه تخصصي زراعة وهوايتي تقطيع الزلطة ..

    ماهو حلم حياتك.. وهل تحقق هذا الحلم؟

    حلمي أركب كدلك 6 بيبان .. وإلى الآن ماتحقق ..

    كيف يكون يومك خارج الانترنت؟


    زي الناس يانايم ولا أقرأ أو أتفرج علىالتلفزيون أو أي شي إلى التسكّع بالأسواق منيب أحبه ..


    oO أسئلة أنترنتيةOo

    كيف كانت بدايتك بالانترنت؟

    كانت بدايتي وأنا نونو أبوي شرالي كنبيوتر ولاعرفت له .. ويوم جت العطلة أخذت دورة حاسب وإنقليزي .. أول شي حصة حاسب بعدين إنقليزي .. بعد ماتخلص حصتنا يبدون العيال يدخلون أنترنت وأنا وأخواني عندنا أنقليزي .. ومرات نسحب على الإنقليزي ونجي نتفرج عليهم .. إلى ماتعلمنا خخخخ .. وياما جاء مدرس الأنقليزي وسحبني مع أذني خخخخخ .. وبعد ماأنتهت الدورة صرت أرتاد المقاهي إلى ماتعلّمت .. ثم اشتركت في البيت وصرت منعزل عن العالم الخارجي .. على فكرة ترا أكتب 200 حرف بالدقيقة < بشّر أمك ..:7ya:

    كيف تعرفت على منتدى الزين وكيف كان مشوارك معه؟

    تعرفت عليه عن طريق أفضل 100 موقع عربي .. دخلت على المجلة الإخبارية وأشوف الأخبار مكتوبة بالعامية خخخ .. وصرت كل يوم أتابعهم .. وبعدين تابعت المنتدى سنة كاملة كل فترة أسجل وأحط رد ثم أسوي تسجيل خروج .. كنت أحسبه مثل الشات إذا سويت تسجيل خروج معناها النك ملغي خخخ .. عاد أسجل بنك ثاني وعلى هالحالة ..

    ماذا يمثل لك الزين؟

    بيتي الثاني بعد المسجد ..

    ماذا ينقص الزين بنظرك؟

    ينقصه تلييس .. يخوي الصفحة الرئيسية عظم إلى الحين ..

    الحمد لله ماينقصنا غير توفيق الله .. والموقع صايرن نار هالأيام بفضل الله ..

    كلمة توجهها الى اعضاء الزين ؟
    والله ماعندي شي .. بس ترى الموقع موقعكم محد أحسن من أحد.. ومثل ماأنتم شايفين عندكم المشرفين العامين أو مشرفين الأقسام زينا يحتسون نفس حتسينا ولا فيه أحد شايف نفسه ..

    كيف تعيش يومك في الانترنت ؟


    شات ومنتدى ومسنجر ومرات يتصلون علي أخواني الصغار من الديرة أسوي لهم بحوث .. والله البحث ياخذ وقت يمكن أقعد خمس ساعات متواصله وأنا أقلّب بهالمواقع ..

    كيف هي علاقاتك بالنت؟


    علاقة الأم بطفلها ..:7ya: اللي أعرفه أني كل يوم أدخل ودايم أقول بحاول يوم بالأسبوع ماأدخل بس ماأدري إلا وأنا على الجهاز ..

    عندما يخرج سعودي وايلي من الانترنت ماذا يظل في ذاكرته ؟

    يبقى بذاكرتي الناس اللي زعلوا علي .. لأني أمون على الكل .. وفيه ناس يزعلون من المزح .. عاد لاشفت واحد زعل أطفشه من حياته ثم لاطلعت أفكر فيه وأقول صدز أني قليل أدب .. وإذا شفته مرة ثانية كأني مادبلت تسبده يومن ما أسولف معه عادي .. قلبي أبيض زي الصبورة
    oO أسئلة مهنية Oo

    كما هو معروف انت من اصحاب الأقلام المميزه في عالم الدشاره..و تميزت عن غيرك فهل لك ان تحدثنا عن هذا الشي؟

    والله ماتميّزت ولا شي ... بس إذا أنتي شايفة أني متميّز هذا بفضل الله وأهدي هالتميّز للوالد والوالدة والأصدقاء :04:..

    هل هناك علاقه بين كتاباتك في المنتدى وطبيعتك؟ نرجو التوضيح اكثر..

    لا .. بتاتاً البتّة .. إذا فيه أحد جرّب يسولف معي على المسنجر أو قابلني يدري أني شخص ثاني .. أتكلم بالمفيد والمفيد فقط .. وكلامي قليل بعد ..

    ماهو اجمل موضوع بنظرك هو الافضل بين مواضيعك ؟

    يختي شكل هالأسئلة مطروحة على شاعر وناسختها لي مع التعديل .. أجل علاقة هوايتي بتخصصي والحين أفضل موضوع خخخ .. أتوقع أفضل موضوع كتبته هوالعالم اليوم في منتدى اخر زمان


    oO شخصيات انترنتية Oo

    اشخاص التقيت بهم او حفظت اسمئاهم بالذاكره من هم وكيف توصفهم؟
    واجد والله .. لو بعد ماوفيت .. بالعربي أي شخص سمعت صوته أو سمع صوتي مانسيته .. لأني ماأطلب رقم أحد إلا إذا حبيته .. وأوّل شخص رقمته نديم الصمت الي في الشات الاخضر خخخ أكيد .. بس هو أول واحد هاتفته من الزين..

    شخص تتمنى ان تكون مثله؟

    أتمنى أصير مثل الدكتور ميسرة .. تعرفينه ؟ ..

    لمن تقرأ بشكل عام .. وللتوضيح لايوجد مجال مخصص.؟مازلت عند رأيي وأقول هالمقابلة مسروقة من لقاء مع شاعر خخخ .. بس من ناحيتي .. أقرأ للكاتب فهد الأحمدي اللي يكتب بآخر صفحة بجريدة الرياض .. كان مايلبس نظارة وبعدين صار يلبس نظارة والحين صار مايلبسها << متابعه . ..

    ومن ناحية الشعر دام الأسئلة مسروقة خخخ .. أقرأ لعبدالرحمن بن مساعد .. وأسمعلو كمان .. ولايهون غازي القصيبي ..

    شخص تتمنى ان تقول له بوجهه انت رائع؟

    عابر ، سعود . المحامي وغيرهم ..

    3 اشخاص قريبين الى قلبك ؟طبعا من النت..!

    سعود قريب من تسلاي ود القلوب احس انها قربه مني مادري ليش و عابر:7ya:
    oO أسئلة روحانية Oo

    متى تفكر بصوت عال.. ومتى تقول اكتفي؟


    الحمد لله على العقل .. أفكر بصوت عالي .. والله لو بخترع قمبلة ..

    هل جربت يوما ان تكون بموقف الظالم؟
    جربت وندمت ..

    ماذا عن سعودي وايلي الامس ؟واليوم؟
    أمس كنت أجرب كل شي .. واليوم فهمت ولا عاد أتقدم خطوة إلا وأنا عارف وش لي ووش علي ..

    لو جادت عليك الايام يوما بتحقيق شيئا من امنياتك ..ماذا ستكون اولى الامنيات ؟؟

    أتمنى ترجع الدنيا 6 شهور ورى عشان أصلّح غلطة << تقمّص دور الشاعر خخخ .. لاتستغربين لو أعطيتس بيتين على هالأسئلة اللي تهيّض ..

    اخر مره بكيت فيها.. متى ؟ ولماذا ؟

    يوم كنت بسادس جيم فلقني واحد كان جالس آخر الفصل .. ويوم شفته تسبير وماأقدر له قلت ياولد مافيه إلا تبتسي عشان يأنيه ضميره .. << حرب نفسيه ..

    الواقع.. والخيال.. هل تؤمن بوجود غيرهما؟!


    أيه أؤمن بوجود كل شي .. عاد أنتي لاتدخلينا بالشركيات .. وأؤمن بالحب من أول نظرة ..

    ما هي شخصية ذلك الفرد.. الذي يؤثر في نفسك.. ويترك أثراً بعد ذهابه؟!

    اللي أغلط عليه ومايرد الإساءة بالإساءة .. يخليك تندم على كل كلمة قلتها له < مازال متقمّص دور الشاعر ..

    ما هو الشيء الذي يربطك بالماضي.. غير الذكريات؟!

    الرسايل المحفوظة سواءاً بالجوال ولا الإيميل أو حتى المنتدى .. تفتح رسالة قديمة وتتذكر المواقف اللي صارتلك في الماضي .. لذلك أحذف أي رسالة قديمة عندي وأقول في نفسي وقتن مضى لايهمّك انتهى مع ناسه ..

    يقال دائماً عند محاولة النسيان.. افتح صفحة جديدة..
    فما هي عدد صفحات حياتك؟!على عدد أيام حياتي ..


    لو طلب ( ضم على الطاء وكسر تحت اللام) منك بحث في هذي الحياه .. فعن ماذا سيكون؟
    لو أني شاعر مثل هالموسوسين كان قلت سأبحث عن نفسي .. الصراحة بأبحث عن مفتاح السطع صار لي يومين مضيعه وودي أثبت الراس الأوروبي .. الصورة تقطّع ..

    لو لم تكوني سعودي وايلي فمن تتمنى أن تكوني؟!تكوني خخخ قايلتس ناسخة الأسئلة .. لو أني ماكنت سعودي وايلي كان بقيت رومانسي ..
    :7ya:
    لو لديك مشكله لا يمكن حلها .. ولابد ان تخبر احدا فيها .. وجميع اعضاء الزين معك من تختار فيهم؟
    حواء التفااحه:7ya:

    لو كان اليوم هو اخر يوم تتواجد فيه الزين.. من تتمنى من اعضائه يكون في وداعك .. شخص واحد؟

    أتمنى أبتعد بسكات .. بدون وداع .. عشان ماأكسر خاطر أحد ..






    اتمنى ان فكره الموضوع اعجبتكم يارب



    تقبلوا تحيااتي وتقديري


    سعودي وايلي

  2. #2
    ㄨ ¦ .. مِسَآٍفْرٍَهـٍْ لِلْجِ ـًٍـًٍفَـٍآٍ .. ¦ ㄨ


    تاريخ التسجيل
    Apr 2005
    الدولة
    الله اعلـم
    المشاركات
    3,989
    معدل تقييم المستوى
    4

    افتراضي

    [align=center]الــســـلام عــلـــيـــكم ورحــمـــة اللــه وبركـــاته


    تحيه طيبه لك اخوي الغالي سعودي وايلي .. الحقيقه موضوع رائع ومقابله ولااروع في منتهى الصراحه

    والوضوح اجابات صريحه وصادقه دلت على ان اللي بقلبك على لسانك


    هههههههههههه فعلا مقابله جميله وممتعه:phearts::209:




    تقبل تحياتي العطره


    اخــتــــك


    :a36::l2:نَـــــــــفْـــــــــحَـــــــــــا تْ الـــــــــــوٍرٍدْ:l2::a36:
    [/align]

  3. #3

    ][ عــضـو التمـيـز ][


    تاريخ التسجيل
    Mar 2005
    الدولة
    In my motherland
    المشاركات
    4,362
    معدل تقييم المستوى
    5

    افتراضي

    وعليكم السلاام اختي نفخات الورد

    مشكوره ياغاليه على المرور ولا هنتي يارب , اتمنى هذه المقابله اعجبتك يارب , وهذه الفكره افكر اني اسويهاا على الكل


    انشالله تكون ناجحه يارب


    تقبل تحياتي وتقديري

  4. #4
    ... عضو ذهبي ...


    تاريخ التسجيل
    Apr 2005
    الدولة
    مـكـة ((حـب خـالد))
    المشاركات
    492
    معدل تقييم المستوى
    1

    افتراضي

    اقوووول


    كل ذا وماتفكر بصوت عااااالي؟؟


    اجل لو بتفكر وش تسوي ؟؟؟ <<<<<< الدعوة مزووووح






    خخخخخخخخخخخخخخخخخخخخخ


    مشكور اخوي سعود على هالصرااااحة

  5. #5

    ][ عــضـو التمـيـز ][


    تاريخ التسجيل
    Mar 2005
    الدولة
    In my motherland
    المشاركات
    4,362
    معدل تقييم المستوى
    5

    افتراضي

    عبد الله اي كل هذا وماافكر بصوت عالي خخخخخ:04:


    لو فكرت ياطويل العمر امممممم خلها بوقتها :7ya:

    مشكور اخوي ابو عاابد ولا هنت على المرور وحيااك

    سعـ وايلي ـوي

صفحة 1 من 3 123 الأخيرةالأخيرة

المواضيع المتشابهه

  1. بنت روق واحلى الفيه
    بواسطة هدوء البحر في المنتدى الارشيف
    مشاركات: 26
    آخر مشاركة: 16-05-2010, 03:57 PM
  2. مشاركات: 22
    آخر مشاركة: 23-04-2008, 07:03 PM
  3. سعـودي وايلي
    بواسطة شــانيـــل في المنتدى الارشيف
    مشاركات: 15
    آخر مشاركة: 22-10-2005, 01:20 PM
  4. سعودي وايلي شكرا على الهديه
    بواسطة al-shmaly في المنتدى الارشيف
    مشاركات: 3
    آخر مشاركة: 22-09-2005, 12:03 PM
  5. مشاركات: 17
    آخر مشاركة: 31-07-2005, 05:34 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52