صفحة 1 من 3 123 الأخيرةالأخيرة
النتائج 1 إلى 5 من 15

الموضوع: بعض البشــر ( جديد الوقت )

  1. #1
    أطخم


    تاريخ التسجيل
    Dec 2005
    المشاركات
    1,979
    معدل تقييم المستوى
    2

    افتراضي بعض البشــر ( جديد الوقت )

    [align=center]
    بسم الله

    .
    .

    أحمل ورقة .. و لا وطن .. ولا نوته موسيقيّه .. ولا خضره .. ولا نما .. ولا ماء ..

    فقط إلتحام .. وجليد .. ونار .. !

    هناك ..

    .
    .

    حيث ..

    ( البر , الضلع , المطر , أصحابي , الليل , النار , الدلال , أنا , التريك , السياره

    العشاء , الضحك , السوالف , البرد , التراب , الشعر ) ..

    تسلقت الجبال .. ورأيت مدينتي ..

    تلك ..

    المدينة صامته , الليل سربال , الطرق هامده , ولا أحد في الكون سوانا !

    كنت افكر ( أنا أفكر إذاً أنا موجود ) ..

    تسائلت نفسي وشرايك بالبشر يا الوقت ؟

    فـلاحت في الأفق قصيده ..

    محاولةً مني لـ نيل رضاكم وذائقتكم ,,


    .
    .

    [poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ابـدا بذكـر الله وهـو خيـر مـبـداه=خالق جميـع النـاس وعالـم مصيـره
    وبنـات فـكـري بالمعـانـي منـقـاه=وبنـات فكـري بالجـزالـه جـديـره
    وفي خافقي بحـرن غرفنـا مـن ادنـاه=بحـرن تجـاذب بالمعانـي العـزيـره
    وابدعـت لـي ابيـات ونقحـة معنـاه=لوصـف الرجـال الهينـه والعسـيـره
    بعض البشر ماهي علـى العـز هقـواه=نظـرة حولـه معـمـي الله بصـيـره
    وبعـض البشـر تلمـح بقلّـة محيـاه=اعلـوم تفـرح خاطـرك والسـريـره
    وبعـض البشـر ودك تسوقـه لمثـواه=مامـن مـسـد الله يغـربـل مـريـره
    وبعض البشر مجلـس ومدهـال تلقـاه=عامـرٍ محـلـه بالوجـيـه السفـيـره
    وبعض البشر ماوجب الضيف لـو جـاه=وربطـات مالـه محكـم ادبـال سيـره
    وبعض البشر من صيته النـاس تنصـاه=ضيف يتغدى والعشـاء لضيـف غيـره
    وبعض البشر ان حـل ذكـره وطريـاه=مكـروه وكنـه نافخـن لنـار كـيـره
    وبعض البشر سعد الخوي ان صاح ينخاه=فزعـه وسيفـة حرمـه عـن جفيـره
    وبعـض البشـر كمـا الـذر ممـشـاه=والمصلحـه هـي الحـلا لـه بسيـره
    وبعض البشر جمّـه ولا تاصـل اقصـاه=ويمنـاه جمّـه يسقـي الـكـل بـيـره
    وبعض البشر يتبع هوا النفس وارضـاه=ونفسـه ورا اللـذات ساقـت حمـيـره
    وبعض البشر قلّه عـن الطيـب ينهـاه=وعـن مدتـه خـلا يدينـه .. قصيـره
    وبعض البشر نفسه فقيـره ولا اغنـاه=ونفسـه بفقـره زايـده بـزود خيـره
    وبعض البشر مضرب مثل فـي حميـاه=راعـي حميّـا وفزعـتـه للعشـيـره
    وبعـض البشـر رجولـته فـي مسمـاه=وليت الله حطـه بنـت وسمـاه منيـره
    وبعض البشر حظه كبيـرن ولـه جـاه=وعنـد المواقـف والمصايـب خبيـره
    وبعـض البشـر حظـه تعـلاّ وعـلاااه=وان عودة له ( ميييييت ) والله ضميـره
    وبعـض البشـر ودك يعجـل بفـرقـاه=وفي خوتـه تمسـي الروابـع كسيـره
    وبعض البشر من هرجـة الجـرح داواه=ثاقـب نظـر ماخـاب مـن يستشيـره
    وبعض البشر في شوفته اتقـول عـزااه=كنك تشـوف الـداب وتوحـي صفيـره
    وبعض البشر قلبه عن الحسـد صفـاه=فيـه الصـفـاوه والنـقـاوه وفـيـره
    وبعض البشر عقرب ثـرا فـي نوايـاه=وعلـى شبيـه اشكالـه يحـوم طيـره
    وبعـض البشـر العلـم جـابـه ووداه=وعلمـن درابـه وصلـه كـل ديــره
    وبعض البشر رجله عن العيـب عـداه=ونفسـه عـن اللـذات رابـط خفيـره
    وبعض البشر يا صبرها القاع صبـرااه=مـن زود كبـره ناسيـن مـن كبيـره
    وبعض البشر قاطع قطـع عـود ربـاه=وعليـه لا بـد الـرحـى مستـديـره
    وهـذا قليـل اللـي اخترتـه وذكرنـاه=والنـاس واجـد والطبـايـع كثـيـره
    لو قلت ما قلت فـالبشـر مـا حصينـاه=واللي خلق هالكـون محصـي البريـره
    وصلوا علـى مرسـول دينـن تبعنـاه=نبينـا المرسـول بـارض الجـزيـره
    ويالله ترزقـنـا شفاعـتـه وارضــاه=ويشفـع لنـا بحسابنـا عـن سعيـره [/poem]


    إحترام أنيق ,,
    [/align]

  2. #2
    كبآر الشخصيات


    تاريخ التسجيل
    Oct 2004
    الدولة
    آعيش فوق الأرض و تحت السما
    المشاركات
    3,271
    معدل تقييم المستوى
    4

    Rose

    [align=center]

    وهذا قليل اللـي اخترتـه وذكرنـاه
    والنـاس واجـد والطبايـع كثـيـره


    انشششششهد يالوووقت

    الله الله

    صح الله لسانك ،، و علاآآ شانك اخوووي الوقت

    قصيده راآئعه في وصف حال بعض البشر

    لاهنت يالغالي

    تقبل تحيتي

    دمت على العـز ،،،


    [/align]

  3. #3
    أطخم


    تاريخ التسجيل
    Dec 2005
    المشاركات
    1,979
    معدل تقييم المستوى
    2

    افتراضي

    [align=right]
    بسم الله

    أختي الغاليه .. شانيل أو بالاحرى إمرأة العطر والبرفان ,,

    قصيدتي تمايل غنجاً ,, ولأول مرةٍ أشاهدها ,, تتمايل ,, ربما سكره !!
    أسمع وأعيّ أن العين هي من تتكحل بالقرأة ,,
    لــكن هنا ,, قصيدتي تكحلت بكِ ,, وأرتدت حضوركِ قلاده ,,

    حضوركِ الأول شرف في شرف ,,
    هنا لم تصبح معجزات الدنيا ثلاثه بعد ظهوركِ ,,

    صح الله قلبك ,,

    جزتوني ؟!
    بدي المليوووووووووون :)

    إحترام أنيق ,,
    [/align]

  4. #4
    ... عضو مـاسي ...


    تاريخ التسجيل
    Nov 2006
    المشاركات
    1,190
    معدل تقييم المستوى
    2

    افتراضي



    ابداااااااااااااااع ولا اروووووع

    خيوووووو يعطيك العافيه


    ولا هنت اتمنى لك التوفيق

    ودمت لمن تحـــــــــب

    تقبل تحياااتي

  5. #5
    ... عضو ذهبي ...


    تاريخ التسجيل
    Aug 2006
    المشاركات
    650
    معدل تقييم المستوى
    1

    افتراضي

    وبعـض البشـر ودك يعجـل بفرقـاه
    وفي خوتـه تمسـي الروابـع كسيـره
    وبعض البشر من هرجـة الجـرح داواه
    ثاقب نظـر ماخـاب مـن يستشيـره

    صــــــــح لسانك أخوي الوقت ولاهنت

    كلماتي عاجزه عن التعبير أمام هذه الرائعــــــــه

    قصيده روعـــــــــه ...

    تقبل مني أصدق التحايا وأطيبها//أختك أصايل نجد

صفحة 1 من 3 123 الأخيرةالأخيرة

المواضيع المتشابهه

  1. توك عرف الوقت >>>>> جديد
    بواسطة ĤĘŅĐ في المنتدى الارشيف
    مشاركات: 7
    آخر مشاركة: 16-11-2007, 12:09 AM
  2. OoO أنــواع مـن البشــر OoO
    بواسطة كــلي مشــاعر في المنتدى الارشيف
    مشاركات: 16
    آخر مشاركة: 01-04-2006, 11:53 AM
  3. جديد حبر وورقـ ...( انتهى الوقت ) ...!!
    بواسطة سـاهـر اللـيـل في المنتدى الارشيف
    مشاركات: 10
    آخر مشاركة: 08-03-2006, 04:55 PM
  4. مشاركات: 21
    آخر مشاركة: 25-05-2005, 11:49 AM
  5. مشاركات: 12
    آخر مشاركة: 11-03-2005, 08:06 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52