صفحة 1 من 3 123 الأخيرةالأخيرة
النتائج 1 إلى 5 من 14

الموضوع: هذا واحد يقص قصته يوم راح يخطب عجيبه مرررره

  1. #1
    ][..فــراشـه الـزيـن.. ][


    تاريخ التسجيل
    Oct 2004
    الدولة
    ؟؟؟؟
    المشاركات
    4,397
    معدل تقييم المستوى
    5

    افتراضي هذا واحد يقص قصته يوم راح يخطب عجيبه مرررره

    هذا واحد يقص قصته يوم راح يخطب :



    في يوم من الايام رحت انا وأبوي نبي نخطب بنت ، أمي حاطتن عينها عليها وحاجزتها لي ، .. وطول الطريق كان ابوي يعلمني المراجل في مجالس الرجال وكيف أحتسي ( احكي ) وكيف أرد ... ويقولي : وأنا ابوك كل ماقالك شي ابوها رد عليه وقل : ماعليك زود ياعمي !! وخلك ذرب بالكلام ولا تجلس تنخبق وتخنبق واجد تراي عارفك تفشل اذا فكيتا كشرك وجلستا تسولف سواليفن مالها سنع !! قلت أزهل هالامور يبه ولدك رجال من ظهر رجال !!!

    وصلنا لبيت الخطيبة واستقبلنا ابوهم وجلسنا في مجلس الرجال ومن دخلنا وابوها يهلي ويرحب يقول : ياهلا والله .. يامرحبا .. حيالله من جانا .. وانا كل ماقال شي قلت له : ماعليك زود ياعمي ..

    هو يقول : ياهلا والله ومرحبا .. وانا : ماعليك زود ياعمي ، وابوي جالس ينغزني بمرافقه ويقول ورى ماتنطم وتسكت !! هالحتسي وأنا أبوك ماينقال اذا جلس المضيف يرحب فيك .. قل وانا أبوك المهلي مايولي !! واذا قال ياهلا ومرحبا .. قله : الله يسلمك ياعمي !! قلت : تم ...!!
    دخل ابوها مرتن ثانية ومعه القهوة وقال ياهلا والله ومرحبا .. قلت : المهلي يولي ياعمي <----- خبصت الدعوة وتداخلت الحروف !! وابوي جلس يتنحنح ويكح يبي يرقع قال : الا والله الجو هاليومين زاين وبارد ماشاء الله .. الخ <----- يعني قاموا يسولفون وانا جالس أناظر في الستارة وادور شقوق في الباب أحسب ان البنت بتطل علي تناظرني كل ماشفت شق جلست أتبسم وابوها يناظرني ومستغرب وطايرتن بوهته ولسان حاله يقول ( لسان حاله يصير ولد عمن لخشم حاله ههه ) : وش هالي ربي بلانا به !! والله ياشكله سبهة ومخروش ..
    وبدأ عمي يسألني عن دراستي وعن أموري الشخصية <----- ( اول ماسمعت كلمة (( الامور الشخصية )) من ابوي احسب اني لازم اعلم ابو البنت بكل اموري وانا الي اهل السبحه)) ) !! قلت والله ياعمي : انا من عرفت روحي ، وانا درست من اولى ابتدائي لين سادسة ونجحت ثم درست اولى متوسط وثاني وثالث متوسط ونجحت ثم اولى ثانوي وثاني ثانوي ونجحت لثالث ثانوي فصل جيم وقلت لهم حطوني في فصل طاء وعيا المدير يقول انتم مشاغبين وكسلانين وفصل طاء هادين ومؤدبين (( وأبوي وده يعجني ويقول في نفسه ياحلالات من يدفه في خلاطة سميت تبرم جبهته 180 درجة لين يعقل ..هالاثول )) والحمدلله نجحت من ثالثة ثانوي جيم وابشرك ياعمي انا منيب من الشباب اللي يدوجون في كل صيفية لأني والحمد لله قبل راسب ولا أنجح الا في الدور الثاني وتضيع علي الصيفية ، والا والله الود ودي أني أشوف الدنيا واسافر مع دحيم الاقرع وعزيز الاصلع ، ودخلت الجامعة وتخرجت منها بعد ثمان سنين قالوا لي رح وهذي شهادك بس فكنا حاجز كرسي جامعي ولا عندك نية تزحزح !! ههههه قال ابوها : يعني تخرجت والا فصلوك ؟ : قلت والله ما أدري بس هالحين انا اشتغل بالشهادة في سوق الخضرة ألف بها حزم الكراث والجرجير ههههه .. قال أبوي : يقصد انه تخرج بس ولدي يحب المزح الماصل .. وانا أبوك لايكثر حتسيك وتجلس تنخبق ترا الرجال مهوب معطيك بنته !! قلت : هين يبه بدري عليه يلقى أزين مني ههع ..
    رد ابوها بزعل وقال : ياوليدي ترا الرجال مواقف .. قلت مواقف الفيصلية والا المملكة هههااي .. قال : لاتقاطعني وانا عمك .. الرجال مواقف شرواكم .. قال أبوي : شرواك الطيب .. قلت : شرواك الطيب والا الكلونيا هههااي .. الطيب والا العود هههههااي .. العود والا الطبلة ههههاااي ... الطبلة والا الاذن الوسطى ههههههاااي ... الوسطى والا الشرقية ههههااي ..
    انفعل ابوي مع هالهبال وجلس يغني أغنية محمد عبده : ياهووووه يالساحل الشرقي تريرم تيريرم وجلس يطبل على الطاولة ... وبعدها أنفعل أبو البنت وجلس يناظرني ويهوش ويقول : أنت ماتستحي ؟ قلت : ماعليك زود ياعمي <----- ابوي اللي يقول كل ماقالك شي قل ماعليك زود !!
    ابوها : والله ياوليدي ماعندك ماعند جدتي من علوم الرجال .. قلت : ماعليك زود ياعمي !!
    أبوها : والله أنك أثول ولا تعرف حتى تحتسي .. قلت : ومن قال <----- على بالي أمدحه !!
    ابوها : مدري والله وش لاقيتن بنتي فيك يالماصل .. قلت : اغطس راسي في كيس ملح واطلع مملوح هههههااي !!

    المهم ... البنت موافقة علي وقبل لانخطب رسمي كانت موافقة وقايلتن لأبوها أنها تبيني .. ولا قدر يردني ولسان حاله يقول ((أنا ربي بلاني فيك بلوى .. عشقتك والعشق أكبر مصيبة .. (( ورقبته )) اللي هي رقبة حالة جالستن تدق رقبة هههه !! والحمد لله جتني الموافقة وحددنا يوم الملكة وتملكت عليها .. وبعد ماأنتهى المملك وصارت البنت حليلتن لي على سنة الله ورسوله قلت لأبوها : والله ياعمي ذكرتني بالجامعة هم عطوني الشهادة غصب وانت عطيتني بنتك غصب ههههاااي !!! والله ياعمي مدري وش بلاك معصب طالع وجهك كنه عصر الجمعة ههههه !!

    ومن حسن حظي أني عارف أيميل البنية وصلني من مصادري الخاصة و عارف أنها تعرف عني كل شي ايميلي الخاص ، والمنتدى وكنت انتظرها تضيفني على المسنجر (( عادة بناتنا الشفاحة ههه )) متوقع هالشي بتشوف وش انا من رجال على بالها تختبرني هههههه !!
    أول يوم في الملكة دخلت المسنجر في الليل وحصلت اضافة جديدة ولقيت الايميل هو ايميل البنية على بالها بتعرفني على حقيقتي خخخخ وجلست اتكلم معها على انها وحدة غريبة .. ودار بيني وبينها هالحوار :

    هي : هلا ابو سليمان <----- على بالها فري
    انا : هلا بك من معي لو تكرمتي <----- على بالي ثقل
    هي : أبد وحدة معجبة بكتاباتك وودي اكون علاقة واتعرف عليك
    انا : شكرا لتس بس أنا بصراحة ما اكون علاقات مع بنات <----- هين يالنصااااب
    هي : وش دعوا ابو سلومى بتردني يعني
    انا : مهوب القصد بس انا انسان تملكت على انسانة جدا رائعة وحنونة وأحبها مووت (( اتخيل خشتها بعد هالكلمة كنها كبوت فورد هههه )) ولا أقدر أتعرف على أي بنت من وراها لأنها روحي وحياتي وحتى عيوني <----- جاني احساس ان البنت طاحت من الكرسي هههه
    هي : ghhhnjbvh <----- هذي الحروف أثر الطيحة من الكرسي هههه ..
    هي : أسفة طبع انجليزي بدون قصد !! ياسلام يابو سليمان .. وهل زوجتك عاد تستاهل هالحب كله ؟
    انا : اوووووووه .. وأكثر بعد تستاهل حب وفصفص ومكسرات بعد هههه .. هي بالنسبة لي كل شي بحياتي ، هالحين .. خلاص يابنت الحلال ماودي أطول معك احس بتأنيب الضمير <----- ياثقل ياشيخ !!! يتغلى وعارف انها بتقول اصبر هههههه
    هي : صراحة أنت انسان نبيل
    انا : لو أني نبيل كان والله ماطلعت بطاقة أحوال حتى أغير هالاسم ههههههه
    هي : لا أقصد يعني نبيل بمشاعرك وأنت انسان شريف
    انا : شريف ؟؟ وش تقصدين نور الشريف والا محمود ياسين هههه خلاص يابنت الحلال أبسكر المسنجر واحذفك لأن ضميري يأنبني تجاه من أحب !! هي حبيبتي وبتكون ام عيالي
    هي : اهااااا وش بعد بتكون لك <----- خارت البنية
    انا : أبد بتكون لحاف لي وبكون فروة لها .. لالا حراااام ، كذا أحس أني ما استاهلها وانتي معي في الماسنجر ، راسي بدأ يوجعني من تأنيب الضمير أأأي ياراسي خلاص أطلعي <----- حاط رجل على رجل وحاط الكي بورد فوق مركى ويقشم فصفص وينصب على هالضعيفة
    هي : طيب ليه ماتتصل عليها هالحين يمكن تنتظرك وأكيد انها تنتظرك وأكيد أنها تحبك <----- تبيني أكلمها وانا مزلب ماباركت لها في الملكة
    انا : لا ما أقدر أكلم أكيد أنها تعبانة والا نايمة
    هي : لالالا أبد أنا أعرف البنات تلقاها تنتظرك وأكيد أكيد ماسكة جوالها بيدها تنتظر اتصالك <----- أثرها تنتظر على أحر من جمر
    انا : لا بعدين بكلمها بكرة والا بعدة انا أستحي .. أبنتظر منها رسالة جوال اول
    هي : لا وش تستحي منه أنت قل الووو بس وهي تبدأ تخرط وتسولف هذا طبع البنات التاليات !! بس يالله عجل كلمها مسيكينه
    انا : طيب خلاص تراي أبحذفك من المسنجر ولا أقدر أضيف أي بنت الا زوجتي وبس وبروح هالحين اتصل عليها أبارك لها بالملكة لأني مشتاااق لسماع صوتها <----- ابووك يالنصب
    هي : اوكيه اكيد هي بتكون بانتظارك يالله باااي <----- طمرت البنية لجوالها تنتظر ههههه

    وانا بصراحة ماكلمت وزلبت وطنشت ... أبيها تجلس تحقرص وتنتظر وتنتظر لييييييييين تزهق ( يقولون ان راسها وجعها وجاها مر من كثر ما أنتظرت ههههه ) علشان تعرف أن الامور ماتجي بالتجسس ولا هوب زين الوحدة تجلس تختبر زوجها لا بالانترنت ولا بالجوال !!

    النهاية :
    المقصد من هالموضوع هو أهمية مخالطة الرجال والجلوس والحديث معهم وتدريب النفس على الكلام الذرب واللباقة وتعلم أدب الحديث ولا يجي هالشي الا بالاختلاط بالمشايخ والمثقفين والرجال النشامى شرواكم <----- يعرف يحتسي !! وتعليم الابناء على المراجل وعلى الاصول ...
    وكذلك بالنسبة للبنات والزوجات عدم التحرش بازواجهم والا اخوانهم سواء بمسنجر والا تلفون جوال وهو مايدري حتى نتجنب عواقب الامور !!


    ملتوووووووووووووووووووووووووش



    دلوعة الشرقية

  2. #2
    ... عضو ذهبي ...


    تاريخ التسجيل
    Feb 2005
    الدولة
    الشرقيه-المملكه العربيه السعوديه
    المشاركات
    358
    معدل تقييم المستوى
    1

    افتراضي

    اختي دلوعه اشكرك على هذي القصه الطريفه


    الخالدي

  3. #3
    ][..فــراشـه الـزيـن.. ][


    تاريخ التسجيل
    Oct 2004
    الدولة
    ؟؟؟؟
    المشاركات
    4,397
    معدل تقييم المستوى
    5

    افتراضي

    دووووووووووووووووم الضحكه


    تسلم خيوو جهيران على الرد الرائع

    وعلى تنويرك لمتصفحي

    ماننحرم منك

  4. #4
    ][..فــراشـه الـزيـن.. ][


    تاريخ التسجيل
    Oct 2004
    الدولة
    ؟؟؟؟
    المشاركات
    4,397
    معدل تقييم المستوى
    5

    افتراضي

    تسلم اخوي الخالدي على ردك

    وعلى مرورك الرائع لمتصفحي

  5. #5
    ... عضو نشيط ...


    تاريخ التسجيل
    Mar 2005
    المشاركات
    157
    معدل تقييم المستوى
    1

    افتراضي

    هههههههههههههههههههههههههههههههههههههههههه رهيب

    يعطيك العافيه على الموضوع خيتو

صفحة 1 من 3 123 الأخيرةالأخيرة

المواضيع المتشابهه

  1. لايفوتكم واحد راح يخطب..........
    بواسطة غـزالـة نـجـد في المنتدى الارشيف
    مشاركات: 2
    آخر مشاركة: 11-05-2007, 10:34 PM
  2. واحد راح يخطب فضح نفسه؟؟؟
    بواسطة اشواااك ناعمة في المنتدى الارشيف
    مشاركات: 6
    آخر مشاركة: 23-02-2007, 01:47 AM
  3. واحد راح يخطب
    بواسطة أحاسيس خالد ؟ في المنتدى الارشيف
    مشاركات: 8
    آخر مشاركة: 09-06-2006, 03:57 AM
  4. واحد راح يخطب
    بواسطة الرحـــ2006ــال في المنتدى الارشيف
    مشاركات: 3
    آخر مشاركة: 03-05-2006, 01:34 AM
  5. قصة واحد ساير يخطب
    بواسطة N00F في المنتدى الارشيف
    مشاركات: 7
    آخر مشاركة: 22-10-2005, 01:12 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52