صفحة 1 من 2 12 الأخيرةالأخيرة
النتائج 1 إلى 5 من 10

الموضوع: اربع قصائد للشاعر فهد المساعد

  1. #1
    || . حلاتك حلم ,, ما تنفع حقيقه . ||


    تاريخ التسجيل
    May 2006
    المشاركات
    5,179
    معدل تقييم المستوى
    6

    Rose اربع قصائد للشاعر فهد المساعد

    السلام عليكم

    انا اليوم جايبه لكم احلى اربع قصائد للشاعر المبدع فهد المساعد
    ــــــــــــــــــــــــــــــــــــــــــــــــــ ـــــــــــــــــــــــــــــــ


    الاولى

    لا تسافر
    قلبي له اليوم ثالث يوم يوجعني
    وعيني لها ثالث يوم تجمع طيوفك
    والبال كله على دربك يوزعني
    ولساني ما كنه خلق الا لحروفك
    ولا النوم نافع ولا التفكير نافعني
    انام واصحى على الباقي من وصوفك
    بالله قلي شعوري هذا وش يعني ؟
    طمني الله يطمن همك وخوفك
    بيني وبينك ترى اللي صدق ضيعني
    ان انت في اخر لقا شارح لي ظروفك
    مدري وش اقول لكن تدري اسمعني
    خابرك وافي وابيك تتم معروفك
    ان كنت ناوي تسافر لا تودعني
    بس انتبه لا تسافر قبل لا اشوفك

    ــــــــــــــــــــــــــــــــــــــــــــــــــ ـــــــــــــــــ
    الثانيه
    سكة الذكرى الحزينه
    سكه الذكرى الحزينه :
    مرني طيفك صاحبي ما ادري عدوي
    جايب صوتك ..وصوتك سكة الذكرى الحزينه
    قال:انا جوي تكدر قلت:ما هو كثر جوي
    قال:فرقانا غبينه قلت :واكثر من غبينه
    قال: انا بموت من غيبتك قل لي وش اسوي؟
    قلت: انا ابغى الموت في غيبتك قل لي بس وينه؟
    قبل ترحل كنت اقول:يسرح ايام ويضوي
    مثل ما عودتني اليا اشتقت له جابه حنينه
    بس هالمره ثمان شهور وضلوعي تدوي
    كل يوم اشتاق لك يلعن ابو الشوق وسنينه
    كل ما عشمت قلبي ..قال يا ضلوعي تقوي
    ورحت انا وياه نرقب رجعة اللي فاقدينه
    نوب اقول :اليا رجع بكون في قمة هدؤي
    ونوب اقول: الا بزعل واتلى ما بيني وبينه
    كل يوم اجلس على جال البحر واقول توي
    لا سألني :ما فقدت الحلم في لمسه يدينه
    ما دريت ان البحر قال لامواجه تروي
    وما دريت ان الغرق هو حجه غياب السفينه
    ما دريت او ما بغيت ادري ولا وش اسوي
    لو رجعت وشفت طيفك في الممرات الحزينه
    وين ابنسى وانت طيفك صاحبي ما ادري عدوي
    ما رضى يترك لغيرك شبر واحد في المدينه
    ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
    الثالثه
    مرثيته في ابوه
    يبه وانا بعد اثنعش عـام حسيـت
    اني قـدرت اقـول شـيٍ كتمتـه

    ابطى قصيدي ماانكتب فيك وابطيت
    اجر صوتي وارجع اجر صمتـه

    ماودي اكتب بيت واندم على بيـت
    ماهوب شعر الشعر كاني زهمتـه

    الشعر كانه ماانحنى ليّ ماجيـت
    ان ماعـزم مرثيتـك ماعزمـتـه

    ان ماكتبته باازرق الدمع وابكيـت
    كل الجـروح المبطيـه مارحمتـه

    يبه وانا من بعدك ابـو التناهيـت
    مامـر طعـمٍ للحـزن مانهمـتـه

    يبه ( يبه ) كلمه وانا كل مااوحيت
    كلمة ( يبه ) صديت والوقت لمته

    يبه ( يبه ) كلمه وانا كـم تمنيـت
    اهدم بها وابني بها اللـي هدمتـه

    يبه وانا لاضقت رحت وتهجيـت
    ركون بيـتٍ ضـم حلـمٍ حلمتـه

    يومك تعلمنـي الامـن تحاكيـت
    درس الحياه اللي كبرت وفهمتـه

    هنـاك كانـت دلتـك لاتقهويـت
    وهناك كان يساق طيـبٍ حشمتـه

    وهناك ايه اذكرني هنـاك خليـت
    طفلٍ مـلا بالدمـع دربٍ رسمتـه

    هناك جاني علمـك انـك توفيـت
    وهناك خاويت الشقـا واحتزمتـه

    واليوم قلت اليوم يومـي ومديـت
    كف القصيد وطاح شعر ونظمتـه

    لكن بعد صمت اثنعش عام حسيت
    اني عجزت اقـول شـيٍ كتمتـه
    ــــــــــــــــــــــــــــــــــــــــــــــــــ ــــــــــــــــ
    الرابعه والاخيره
    ياصغير السن

    ياصغّير السن قدرك طاحت أبراجه..
    الجرح خلّى الصخر ينطق ونطّقني..
    خلاص ماعاد تعني لي ولاحاجه..
    رح جعل ربي يوفقك ويوفقني..
    من بعدماكنت نور العمر وسراجه..
    اليوم صرت الظلام اللي يطوّقني..
    عطيتك اكثر من اللي كنت تحتاجه..
    أسرفت في الحب لين الحب وهّقني..
    خلاص مالي ومال الحب وازعاجه..
    مالي ومال الدروب اللي تضايقني..
    تعبت اضم البحر واهدّي أمواجه..
    تعبت أجامل واشوف الوقت يسرقني..
    شكواي للي عليه الضيق وافراجه..
    للي اذا شآء يرحمني ويرزقني..
    أما انت يابو جبين عقّد احجاجه..
    لاعاد تسأل علامك ماانت طايقني..
    الناس كلن على دربه ومنهاجه..
    وانا على الناس مابه شي يفرقني..
    الا اني دايم أحب الصدق واواجه..
    مخلوق والله على هالوضع خالقني..
    حتى رفيقي ضماد القلب وعلاجه..
    على كثر ماتمسّكت فيه صدّقني..
    لو ادري انه مرافقني على حاجه..
    لأمسّكه حاجته واقول فارقني..
    ــــــــــــــــــــــــــــــــــــــــــــــــــ ــــ
    اتمنى انها نالت اعجابكم
    اشواريا

  2. #2
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    افتراضي

    ياصغّير السن قدرك طاحت أبراجه..
    الجرح خلّى الصخر ينطق ونطّقني..
    خلاص ماعاد تعني لي ولاحاجه..
    رح جعل ربي يوفقك ويوفقني..


    سلمتي لهذاالنقل

    وصح السان الشااعر

    دام نبضك

    تحيتي

    صمت الودااع

  3. #3
    ... عضو مميز...


    تاريخ التسجيل
    Nov 2006
    المشاركات
    340
    معدل تقييم المستوى
    1

    افتراضي

    تسلمين بجد كنت انتظر قصايد له
    مشكوره قلبي

  4. #4
    || . حلاتك حلم ,, ما تنفع حقيقه . ||


    تاريخ التسجيل
    May 2006
    المشاركات
    5,179
    معدل تقييم المستوى
    6

    افتراضي

    صمت الوداااع
    مشكوره على المرور

    رومنسيا
    مشكوره على المرور

  5. #5
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    [poem= font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    ماودي اكتب بيت واندم على بيـت=ماهوب شعر الشعر كاني زهمتـه[/poem]
    * * * * *
    [poem= font="Simplified Arabic,4,black,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    خلاص مالي ومال الحب وازعاجه=مالي ومال الدروب اللي تضايقني
    تعبت اضم البحر واهدّي أمواجه..=تعبت أجامل واشوف الوقت يسرقني[/poem]

    اشواريـا

    الله عليك

    وعلى هالإختـــيارات الآكثر من راااااائـعه

    آبـدعتي وآمتعـتي

    وهذه الورود التي يفوح شـذاها عطراً وجـمالاً

    تسلمين يالغـاليه

    آبيـات راااقيه برقي فكرك وذااائـقتك

    ننتظر المزيد من إبداااعـك


    تحيتي لك

صفحة 1 من 2 12 الأخيرةالأخيرة

المواضيع المتشابهه

  1. ][ دموع الحلوهـ ريماس دموعها اربع اربع ][
    بواسطة كاتـم الآهــات في المنتدى الارشيف
    مشاركات: 19
    آخر مشاركة: 10-06-2009, 05:09 AM
  2. توبيكات للشاعر فهد المساعد
    بواسطة ابعـاد الجفـا في المنتدى الارشيف
    مشاركات: 2
    آخر مشاركة: 28-09-2008, 10:05 PM
  3. مشاركات: 3
    آخر مشاركة: 25-07-2008, 01:34 AM
  4. مشاركات: 5
    آخر مشاركة: 31-07-2006, 05:24 PM
  5. ثلاث قصائد للشاعر (ياسر التويجري)
    بواسطة صافي المَشْرَبْ في المنتدى قصائد وخواطر
    مشاركات: 4
    آخر مشاركة: 22-05-2006, 04:41 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52