النتائج 1 إلى 5 من 5

الموضوع: دموع الشوق يا عمري ... مدري كيف اداريها !!!

  1. #1
    ... عضو مـاسي ...


    تاريخ التسجيل
    Nov 2005
    الدولة
    أعشق البحــــر
    المشاركات
    1,593
    معدل تقييم المستوى
    2

    Cry دموع الشوق يا عمري ... مدري كيف اداريها !!!

    بسم الله الرحمن الرحيم




    الخاطره باختصار تتكلم عن بنت و ولد خالها ..كانوا مخطوبين لبعض ..وكل ماتلكم حد يبيها قالوا انها لفلان .. وعاشت البنت على حلم اللقاء بينها وبينه .. ولكن قرر القدر ان يفرق بينهما .. بين قلبين احبا بعضهما بكل صدق .. فرق بين (محمد و نوره) .. مابي اطول عليكم ..





    كِـذا تنساني يا محمّـد ؟
    كِـذا تهـجرني يا محمّـد ؟
    مضت شهرين يا محمّـد و انا اعاني
    و انا استـنّى
    و انا أبغى تجي لحظه و تذكرني
    أو اطري لك


    تذكر عرسك محمّـد ؟
    تذكر يوم انا أوقف في آخر صف بالزفـّه ؟
    تذكر يوم انا أنظر يمّـك و ارتجي لفـته ؟؟
    تذكر حرقة دموع ٍ
    كانت في وسط عيني ؟
    تذكر وقتها شموع ٍ
    وينها بس و انا ويني ؟


    كان الجو به ضحكه
    به فرحه لكل الناس
    كان الجو به طير ٍ
    " طاير "
    منتشي
    حَـسّـاس

    ما صَـدّق طـفـّوا النور
    و جا لحظه على كتفي
    يغـنّي لي
    يونّـسني
    يذكّـرني عنا الماضي
    شقا الحاضر
    و كل ما فات

    يذكّـرني دفا وعودك
    "
    بيت ممتلي أولاد
    نربّيهم على الطاعه
    على القـوّه
    على الأمجـاد
    و معهم بنت أمّـوره
    سألتك : وش نسمّيها ؟
    قلت لي : نوره يا "نوره" !
    و أكبرهم ترى فيصل
    أحبك والله يا "ام فيصل" !
    "

    تذكر يوم توعدني
    نروح بشهرنا أبها ؟
    و تحلف لي
    تعشّـيني
    بمطعم في وسط أبها ؟

    و اقول لك : لا أنا فديتك أبي ديره بلا " شمغان " !
    بها ثلج و بها مرج و بها موضه و بها ألوان

    تذكر كنت اغني لك:
    ( عسانا ما نتفارق يوم )
    و أترجّـاك :
    " غـنّي لي .. بس اليوم
    بس اليوم "
    !!


    آآهـ يا ويلي يا محمّـد...

    بعيني دمعه مخنوقه تبي تطلع
    و قلبي كاتم العبره يخاف الناس تتطلّع
    و طيرك مل من حزني
    يبي يقلع .. يبي يقلع
    بياخذ أقنعة فرحي معه و يرفرف موَدّع

    آهـ يا ويلي يا محمّـد
    ...

    هذا الطير و منّي طار
    تارك لي معي ريشه
    بها عطر و بها أشعار

    بها أشعار زفـّتكم
    و بيت وسط هـ الزفـّه يتغـنّى ببدايتكم
    يقول : المعرس اللي صار
    فارس في نظر نوره
    نزفـّه الليله يم نوره
    .....

    يَـم نوره ؟!
    يَـم نوره ؟؟!

    أنا نوره !

    أنا نوره .. و من هـذي ؟؟

    - هذي نوره يا " نوره "
    عريسك قال : ابي نوره
    و أمّـه طارت لنوره .. و جابتـها !!

    عريسك قال : ابي نوره
    بنت العمّـه يا يمّـه ..
    و أمّـه قالت " الحـرمه .. ذي مانيب ادانيها "
    و أخطب بنتـها للزين ؟
    .. بعيده عن أمانيها

    تبي نوره ؟
    بأخطب لك .. أحسن منّـها نوره
    تبي نوره ؟
    بأخطب لك .. أسنع منّـها نوره

    و لا تجادل بكلماتي
    رضا الله من رضا أمّـك
    تبي تلحقك لعناتي ؟؟


    أيا محمّـد
    و ما عَـلّـمتني بالقادم الآتي
    كِـذا تتركني أتحسّـر
    و اعاني حيل و احاتي ؟

    أيا محمّـد .. دفا حبّـك
    ينضح بين كلماتي
    أيا محمّـد .. أبي قربك
    و ذا واقع معاناتي

    أيا محمّـد
    وراهم راحوا من حولي ؟!
    أيا محمّـد
    تعبت و زادت حمولي
    أيا محمّـد
    أمّـك حيـــل مسروره !
    أيا محمّـد
    عروسك ماهي بالصوره

    أيا محمّـد .. و لا اوصّيك
    راعيها
    أيا محمّـد .. و لا اوصّيك
    دلّـعها و مشّـيها

    أيا محمّـد
    ترى "نوره" عَـروسك ماهي بالصوره
    أيا محمّـد
    ترى أمّـك حيل بحزني مسروره

    أيا محمّـد .. طلبتك بس
    أمانه تمسك يديها
    كِـذا خايف على احساسي أشوفك و انت مغليها ؟!!


    أيا محمّـد
    أنا انادي .. و كلماتي بليّـا صوت
    تصرخ في وسط صدري
    تناجي حزني المكبوت

    أخاف أضيّـع سرورك بأحزاني
    أيا محمّـد
    تدري وش اللي عَـزّاني ؟؟

    نظراتك قبل ما تروح كانت تذرف الدمعه
    مدري دمعة الفرقا ..
    أو دمعه لسبب ثاني



    !؟!



    أيا محمّـد .. و لو جاني
    واحد اسمه محمّـد
    بـ أحمد ربّي أعطاني بدال محمّـد " محمّـد "

    تدري ليه أتمنّاه
    يجيني و اسمه محمّـد ؟
    أخاف انساه
    و أنطق ليلة بـاسمك
    /
    و يسمعني !
    و لا أقوى أخبّـيها

    دموع الشوق يا عمري
    مدري كيف اداريها

    أيا محمّـد .. و لا تغـرّك
    ضحكاتي ما بين النّـاس
    ترى داخل وسط صدري
    قلبٍ صادقٍ حسّـاس
    يدعي لك بكل اخلاص

    ربّي إحفظ محمّـد
    ربّي وفـّق محمّـد
    ربّي متـّعه بنوره
    ربّي و ارزقه بنت(ن)
    حلوه حيل و أمّـوره

    و ساعدني أنا أنسى
    أنا متأكده بـ انسى
    و لو ما هو عقب باكر

    يمكن لو عقب شهرين
    أو حـتّى سنه و سنتين

    " أبَـ رفع أشرعة حزني
    و ألقى لقاربي مرسى "
    im6




    منقـوـوـوـوـوـولـ

    كتبتـ بواسطة م ـثل القـــ م ــر

  2. #2
    ... V I P...


    تاريخ التسجيل
    Oct 2006
    المشاركات
    3,527
    معدل تقييم المستوى
    4

    افتراضي

    ربما لقراءة السطورر .. تجعل لنا حمل الهموم الثقيلة

    ولا نعلم حينها أن كان سالكين الطريق لأبهاج هذه الوجوه ما تبقى لهم من الزمن

    لا أعلم .. كان من الجميل قراءتها .. أم من سوء حظنا فهم ما يجول بملامحها

    صدى الامال
    سلمتــ ا لناء اناملك

    ودمـــتــ بخير

  3. #3
    ... (VIP) ...


    تاريخ التسجيل
    Dec 2005
    الدولة
    البحرين
    المشاركات
    6,629
    معدل تقييم المستوى
    7

    افتراضي


    صدى الامال


    يا نبضي المشتعل
    في طرقات التمني
    الفاه يزمجر حزنا في بعدك
    و يتغنى شوقا بقربك
    :
    :

    صدى لاامال يا ذات القلم الماسي
    أغمرينا فكلنا نهوى الألماس
    الذي يشدوا بين أسطرك



    تحياتي

  4. #4
    ... عضو مـاسي ...


    تاريخ التسجيل
    Nov 2005
    الدولة
    أعشق البحــــر
    المشاركات
    1,593
    معدل تقييم المستوى
    2

    افتراضي

    عاشق البيداء


    مشكور على مرورك

  5. #5
    ... عضو مـاسي ...


    تاريخ التسجيل
    Nov 2005
    الدولة
    أعشق البحــــر
    المشاركات
    1,593
    معدل تقييم المستوى
    2

    افتراضي

    أميرة العناد

    حياك اختي الغاليه

    وقد تغنت صفحتي بشدوو أحرفك بها ..

المواضيع المتشابهه

  1. الحبيب اللي على بالي طرا ×× لو طلب عمري على عمري يمون..
    بواسطة غلا الزين في المنتدى الارشيف
    مشاركات: 36
    آخر مشاركة: 19-02-2008, 05:01 AM
  2. مشاركات: 9
    آخر مشاركة: 28-09-2007, 07:24 AM
  3. دموع الشوق يا عمري ... مدري كيف اداريها
    بواسطة صدى الامال في المنتدى الارشيف
    مشاركات: 1
    آخر مشاركة: 12-01-2007, 10:44 AM
  4. اصعب دموع دموع الفـــراق
    بواسطة jلــjالــ الــgلــه f في المنتدى قصائد وخواطر
    مشاركات: 5
    آخر مشاركة: 27-10-2006, 07:58 AM
  5. إليها عمري 00 كلّ عمري
    بواسطة الهيثم الحجازي في المنتدى الارشيف
    مشاركات: 1
    آخر مشاركة: 26-03-2006, 10:03 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52