صفحة 1 من 3 123 الأخيرةالأخيرة
النتائج 1 إلى 5 من 14

الموضوع: أنواع الشباب عند إشارت المرور

  1. #1
    ... V I P...


    تاريخ التسجيل
    Apr 2005
    الدولة
    :.ღ.ريحـاآنه♥مـدينـيه.ღ.:
    المشاركات
    2,568
    معدل تقييم المستوى
    3

    أنواع الشباب عند إشارت المرور

    [glow=#FF6699]مساء الخيرات اخواني واخواتي المزايين

    اليوم أعرفكم على أنواع الشباب لما يوقفون عند الإشارات

    النوع رقم 1

    متنح

    هذا النوع إذا وقف تلقاه يدخل جو ويقعد يتخيل ويناظر بالدركسون ويندمج

    حتى اذا فتحت الإشاره يبيله ساعه علشان يفك من التتنيحه ويمشي

    تكون الإشاره وقتها طفت فـ يضطر انه يدخل جو مره ثانيه

    النوع رقم 2

    وجه المرايا

    هذا طال عمركم إذا وقف مغير يناظر وجهه بالمرايا شوي ويدخل فيها يا أنه يمسح الغمص

    ولا أنه يعدل الشخصيه ولا يمشط شعره وغالبا يكون موجه المرايا على وجهه ومخلي القرعه

    ترعى

    النوع رقم 3

    حك الدماغ

    طبعاً هذا النوع هو الأكثر شيوعاً بين طبقات المجتمع بغض النظر عن كون الشخص

    راعي موتر مترف او موتر سكراب

    تلقاه مشير صبعه السبابه في خشمه وقاعد ينقب عن النفط وفعلا تكون

    هناك امجاد واكتشافات عظيمه ,,, واذا انتهت العمليه مسح صبعه بالكرسي وانطلق

    النوع رقم 4

    Look At he

    هذا نوع يموت ويشوف الناس تناظر فيه وعادة مايكون مرفع صوت المسجل على الآخر

    وفاتح النافذه عالخفيف حتى لو أنه مشغل المكيف وحتى لو الناس صيف أهم شي

    الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره

    بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك

    ويضرب لك إشارات يمين يسار

    النوع رقم 5

    هواة السوبربان

    هذا النوع أنا أقدرهم وانبسط عليهم بالحيل ,, تلقى راعي الـ جمس مركب عيال الحاره

    كلهم وشاحن الموتر وإذا وقفوا عند الإشاره يشتغلون لك يمين يسار رقص وتشوف السياره تروح

    يمين يسار كأن عليها هيدروليك ,,, تحياتي لكل من عنده جمس جميع المقاسات

    النوع رقم 6

    والله مخاوي

    هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال

    ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل

    فيه أحد ملاحظ أنه يكلم ولا لأ ؟

    النوع رقم 7

    داخل جو

    هذا أنا أتصنف منهم وهالنوع يجيك مقفل النوافذ ومشغل المكيف صيف وشتاء ومرفع صوت

    المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه

    مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل

    ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك

    النوع رقم 8

    والله أشرب دخان

    هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب

    سيجاره عند كل إشاره لين مايوصل إلى وجهته المرتقبه ---> عاد تكفى الوجهه رايح القهوه

    النوع رقم 9

    بلوتوث

    يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه

    بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق تمساح

    بس البثر بثر ياجماعه ماباليد حيله غير الدعوه بالشفاء ----> مياه الشفاء ولا الهدا ههههههههه

    النوع رقم 10

    بحث عن السحالي

    يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات

    بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي

    مكتوب عليه السياره للبيع ورقم الجوال وحظك نصيبك تدق ولا ماتدق

    مع أنه جالس يحتريها من الصبح

    النوع رقم 11

    لايمكن الإتصال به الآن

    هذا النوع للمتزوجين والمواعدين فقط

    تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام

    بس أحذركم لاتقعدون تطالعون فيه والله الي يحقد عليك ويحدك حدّه أليمه يصعدك الرصيف

    النوع رقم 12

    المطوع

    هذا النوع أنا صراحة أحترمه مع أن الكثير يعتبرون أنه مسخره أو أنه إرهابي

    هذا الله يسلمكم إذا شافك مطول عالمسجل ولا شي يضرب لك هرن ويسألك عن

    مسجد ولا جامع علشان تتعظ وتعتبر ومرات يحاول يعطيك أشرطه دينيه الله يجزاهم

    الف خير ويهدينا جميعاً

    النوع رقم 13

    ورع وصار رجل

    هذا الي توه متعلم يسوق وتلقاه مستلج بالإشاره مرات يدعس بنزين والقير فاضي

    ومرات يرقص السياره ومرات يتفنن في الرقص مع أنه بلحاله ,, نسأل الله العافيه


    منقول
    [/glow]

  2. #2
    ... V I P...


    تاريخ التسجيل
    Jan 2005
    الدولة
    السعوديه
    المشاركات
    2,063
    معدل تقييم المستوى
    3

    افتراضي

    هههههههههههههههههههههههههههههههههههههااااااااااااا اهاااااااااااااااي

    صاااادونا صاادونا لقطووووووووووو بسرعه يا تماسيح



    بحث عن السحالي

    يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات

    بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي

    مكتوب عليه السياره للبيع ورقم الجوال وحظك نصيبك تدق ولا ماتدق

    مع أنه جالس يحتريها من الصبح


    يعطيك العافيه وتسلمين موضووعك فعلا واقعي
    خلاص ما نقدر نخبي انكشفنا

  3. #3
    ... عضو مميز...


    تاريخ التسجيل
    Jan 2005
    المشاركات
    318
    معدل تقييم المستوى
    1

    افتراضي

    ههههههههههههههههه
    والله حاله هذولي التماااااااااااااسيح

  4. #4
    ... V I P...


    تاريخ التسجيل
    Apr 2005
    الدولة
    :.ღ.ريحـاآنه♥مـدينـيه.ღ.:
    المشاركات
    2,568
    معدل تقييم المستوى
    3

    افتراضي

    [glow1=#FFFFFF]تسلم مزاجي على المرور

    خلاص إنكشف المستور[/glow1]

  5. #5
    ... V I P...


    تاريخ التسجيل
    Apr 2005
    الدولة
    :.ღ.ريحـاآنه♥مـدينـيه.ღ.:
    المشاركات
    2,568
    معدل تقييم المستوى
    3

    افتراضي

    [glow=#FFFF33]ولسا الباقي أظلم

    تسلمي قلبي عيون على المشاركه[/glow]

صفحة 1 من 3 123 الأخيرةالأخيرة

المواضيع المتشابهه

  1. ღ oO .. أنواع التماسيح عند إشارة المرور .. Oo ღ
    بواسطة شيخة زماني في المنتدى الارشيف
    مشاركات: 1
    آخر مشاركة: 19-09-2007, 12:18 PM
  2. مشاركات: 7
    آخر مشاركة: 31-01-2006, 02:36 AM
  3. ღ oO .. أنواع التماسيح عند إشارة المرور .. Oo ღ
    بواسطة ولد الغربيه في المنتدى الارشيف
    مشاركات: 6
    آخر مشاركة: 17-11-2005, 05:33 AM
  4. أنواع الرجال عند إشارات المرور
    بواسطة عسووولة في المنتدى الارشيف
    مشاركات: 2
    آخر مشاركة: 28-06-2005, 07:28 AM
  5. أنواع البنات عند اشارت المرور
    بواسطة ولد المدينة في المنتدى الارشيف
    مشاركات: 13
    آخر مشاركة: 18-05-2005, 04:01 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52