النتائج 1 إلى 4 من 4

الموضوع: (( حامد زيد )) قصيدة الام

  1. #1
    ... عضو ذهبي ...


    تاريخ التسجيل
    Aug 2005
    المشاركات
    625
    معدل تقييم المستوى
    1

    افتراضي (( حامد زيد )) قصيدة الام

    قصيدتـي زاد بعيونـي جمالـهـا
    واخذت أنقـي بالمعانـي جزالهـا

    واكتب معانيها من الشوق والغـلا
    لأمي وأنا اصغر شاعر ٍمن عيالهـا


    كتبتها في غربتـي يـوم رحلتـي
    لمـا طرالـي بالسفـر ماطرالهـا

    امي وانا بوصف لهـا زود حبهـا
    وان ماحكيت لها قصيـدي حكالهـا

    امي لها بالقلب والجـوف منزلـه
    مكانـة ماكـل محـبـوب نالـهـا

    اقرب من ظلالي وانا وسط غربتي
    وانا تراي اقرب لها مـن ظلالهـا

    ماشافت اعيوني من الناس غيرهـا
    ولا خلـق رب الخلايـق مثالـهـا

    اغلا بشر في جملة النـاس كلهـم
    واكرم من ايدين المزون وهمالهـا

    اتبع رضاها ورتجـي زود قربهـا
    واللي طلبته من حياتـي وصالهـا

    الصدق مرساها والاشواق بحرهـا
    والعطف واحساس الغلا راس مالها

    اهيم فيهـا وابتسـم يـوم قلبهـا
    يسأل وانا قلبي يجـاوب سؤالهـا

    وان اطلبتني شـي فزيـت مندفـع
    اموت أنا واحمـل تعبهـا بدالهـا

    واصبر على الدنيا والاحزان والتعب
    واحمل على متني فطاحـل جبالهـا

    واسهر اعذب راحة القلب بالشقـا
    واعيش اعاني بس يرتـاح بالهـا

    تربية ابوي اللي على الطيب بذكرة
    اللـي وهبنـي الحيـاه ومجالهـا

    نور لي ادروبي وانا طفل مبتـدي
    حتى تركني واحـد مـن رجالهـا

    الوالدين اولـى بالاحسـان لجلهـم
    وأولى بتكريـم النفـوس وعدلهـا

    اقولهـا وانـا علـى الله متـكـل
    والله عليـم بقدرتـي واحتمالـهـا

    ياكلمة اغلـى مـن النـاس كلهـم
    ياشمـس بقلبـي بعيـد زوالـهـا

    يافرحة تملي لـي الكـون باكملـه
    ياشجـرة تكبـر ويكبـر ظلالهـا

    تضحك لي الدنيا ليا شفـت زولهـا
    مثل السمـا تزهـا بطلـة هلالهـا

    والبعد عنها ياهل العـرف ماقـدره
    لاشـك نـاري زايـدة بشتعالهـا

    ماعيش ببلاد ولاهيـب بأرضاهـا
    ولابي عيوني كـان ماهـي قبالهـا

    أرض ٍ تدوس امي بالاقدام رملهـا
    اموت فيها واندفـن فـي رمالهـا



    منقـــــــــــــــــــــول اخوكم/ terminator1

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي


    terminator1

    نقل رائع--- وقصيدة لشاعر له مكانته الرفيعه


    لدى محبيه ومتابعي نبض قوافيه-------


    اشكرك لرقي حضورك--



    الحوراء بنت نجد

  3. #3
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    terminator1

    إنتقـاء رااائـع

    ومعـاني راااقـيه

    لشاعر مبـدع له آسلوبه الممـيز

    مشكور على هذا العطـاء الرااائـع

    دمـتـ ودااام عطـاءك

    تحيتي لك

  4. #4
    ||.. مُـهَـاجِـرَة ..||


    تاريخ التسجيل
    Dec 2005
    الدولة
    حيث أكون
    المشاركات
    10,464
    معدل تقييم المستوى
    11

    افتراضي

    صح لسان شاعرها وسلم احساس ناقلها

    إنتقاء مذهل وقصيدة رائعة

    لشاعر ابهر الساحة بشموخ قصائدة

    فكل الشكر لذائقتك الراقية

    دمت بكل الخير

    دمع الزهر .

المواضيع المتشابهه

  1. من روائع حامد زيد .. قصيدة : التمثــــــــــــال ...
    بواسطة مناير الشـووق في المنتدى قصائد وخواطر
    مشاركات: 2
    آخر مشاركة: 24-11-2009, 02:54 AM
  2. --}{ قصيدة عادل امام / لشاعر عبد الله العتيبي }{--
    بواسطة وضح النقى في المنتدى الارشيف
    مشاركات: 3
    آخر مشاركة: 27-01-2008, 03:14 AM
  3. قصيدة للشاعر المبدع حامد زيد ..
    بواسطة انشودة المطر في المنتدى قصائد وخواطر
    مشاركات: 15
    آخر مشاركة: 01-04-2007, 03:45 AM
  4. مشاركات: 9
    آخر مشاركة: 06-04-2006, 03:59 AM
  5. قصيدة للشاعرالرائع/حامد زيد
    بواسطة احساس قلب في المنتدى قصائد وخواطر
    مشاركات: 7
    آخر مشاركة: 23-09-2005, 03:04 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52