صفحة 1 من 3 123 الأخيرةالأخيرة
النتائج 1 إلى 5 من 14

الموضوع: قصيدة لجميع قبائل المملكة

  1. #1
    ... عضو نشيط ...


    تاريخ التسجيل
    Oct 2004
    المشاركات
    63
    معدل تقييم المستوى
    1

    افتراضي قصيدة لجميع قبائل المملكة

    السلالالالالالالالالالالالالالام عليكم ورحمة الله ...
    هذي قصيدة قريتها وعجبتني تشمل جميع قبائل المملكه بس ماادري مين كاتبها عشان اكتب اسمه :rolleyes:
    ان شاء الله تعجبكم :
    الله ياخالق اراضين وابحار **** الواحد المعبود رازق عبيده

    الخالق الغفار علام الاسرار **** وفرق شعوب الارض في كل يده

    وابدي واسولف من عذيبات الاشعار **** ابيات شعر والمعاني وكيده

    اشري وابيع واعرف كيف بختار **** واختار من جزل البيوت الفريده

    وذ كرتراث وعز وامجاد وافخار **** قبائل تومن بدين وعقيده

    وصلت حضارتنا على سطح الاقمار **** ابنا الجزير والجزيره مجيده

    في ظل حكام لهم فعل واشوار **** ال السعود اللي تفك الضهيده

    نسل الزعيم الحاكم العادل البار **** مجدد امجاد الجزيره بجيده

    حتى اصبحت حره وحنا له انصار **** في ظل اخو نوره هنوف سعيده

    وصارت لابو تركي بطوله وتذكار **** والفخر والامجاد تبقى شهيده

    وخلف لنا املوك لهم فعل واخبار **** الشعب واحد والقياده رشيده

    والامن بانينه على ساس وجدار **** وقرو على العابث عقوبه شديده

    وحنا حماة الدار من كل غدار **** وما همنا بطشه وخبثه وكيده

    قبائل مالحقناهم اوعار **** وعشنا بهذي الدار عيشه رغيده

    والحمد لله نحمده سر واجهار **** شعب تكاتف من سنين مديده

    ودون الوطن جيش على كل معبار **** لارفرف البيرق ونادى عقيده

    بشرق البلاد وغربها دوم حضار **** وارض الشمال اللي نفوده مديده

    وارض الجنوب اللي تخيضر بالاشجار **** جزيرة فيها القبايل عديده

    ارض بها قحطان وافين الاشبار **** وياعز منهم بالشدايد بسيده

    واذكر عتيبه يوم للطيب مغوار **** لا ثارت الهيجا وقرب ضديده

    وشمر هل الطولات والجود مقدار **** اهل الكرم واهل الفعول الحميده

    وقوم اعنزه مروين الاخصام الامرار **** اولاد وايل من عصور عهيده

    ومطير قوم تكرم الضيف لا زرار **** وياويل خصم في حراهم وعيده

    واذكر قبيلة حرب يانعم الاخيار **** وتاريخهم يحكي سطور مجيده

    وسبيع نعم القوم ووجيه الاسفار **** زبن الدخيل ليا زبن من طريده

    واذكر قبيلة يام والطيب يندار **** اهل العلوم الوافيه والرشيده

    ثم الدواسر تجعل الخصم منهار **** عيال زايد عز منهم سنيده

    ثم السهول اللي لها الطيب مدرار **** وعن منهج العادات ماهي محيده

    ثم اذكر العجمان حماية الجار **** والمرجله والجاه فيهم عتيده

    واذكر بني مره طويلين الاعمار **** ما ينقد المري ولا له نقيده

    ثم الهواجر لابة تقدح النار **** اهل الركاب اللي خطاها بعيده

    واذكر بني خالد قبيلة وامار **** قوم لهم في المجد قول ورصيده

    وبني تميم اللي لها الطيب مصدار **** بني تميم وكل فعل تجيده

    ثم الزعوب اللي بها الخصم يحتار **** شجعان ماترضى سوا ماتريده

    العازمي وافي وفي الطيب بيطار **** روحه على كل المصاعب صميده

    ثم الظفيري في المصاعيب جبار **** والطيب والامداح باصله وطيده

    ثم اذكر الاشراف بجلال واكبار **** اهل الحجاز اللي تفك الزهيده

    ثم الهذيلي له مواقف ومندار **** راعي الفخر راعي العلوم السديده

    ثم البقوم اللي لهم جيش وامهار **** ريف الضيوف ليا لفاهم وليده

    واذكر ثقيف اللي لهم مجد وآثار **** ومهما حسبنا من كلام نعيده

    وبلحارث اهل العز بشهود واقرار **** ا لحارثي ياطيب فعله وجيده

    والمالكي معروف لا صار ما صار **** في موقف اهل الطيب يبذل جهيده

    واثني تحياتي عدد وبل الامطار **** على سليم وكل خصم تكيده

    واذكر جهينه هل مواقيف وادوار **** تلقى الجهيني راسم الطيب بيده

    واذكر بلي والمجدله فعل واظهار **** وتاريخهم يحكي فعول فريده

    وبني عطيه في المواجيب حضار **** قوم بوقت الجد قوم عنيده

    ثم الحويطي والكرامه له اشعار **** ثم الشراري له فعول مفيده

    ثم الرشيدي في الصعيبات صبار **** على علوم الطيب فعله يزيده

    وباقي جنوب الدار والقاف مادار **** باقي على قلبي كلام واشيده

    زهران نعم القوم في وقت الاضرار **** والخصم عينه من لقاها سهيده

    والغامدي معروف له عزم واصرار **** راعي المراجل والعلوم المفيده

    وشمران قوم والجمايل لها اطوار **** وبلقرن سم للقلوب النكيده

    والاكلبي والمحلفي مابعد بار **** والحارثي طيبه وفعله يشيده

    وبني شهر وبني عمر سيف بتار **** قوم على الاخصام نار وقيده

    والاسمري والاحمري صيتهم سار **** بين القبايل والمواقف شهيده

    واذكر عسير الهول ذربين الاذكار **** وابها احتموها فالسنين الشديده

    وادهم والصيعر على حد الاقطار **** يحمون حد الدار من اللي يريده

    وامشي مع الساحل مع جمله افكار **** رسمتها والطير زان اتغريده

    وانزل على جيزان تاريخ واديار **** ورجال فيفا والقبايل عديده

    وارجوا العذر واهل المواجيب عذار **** الي نسيته مانذكر في القصيده

    الواهبي عدد ابيوته بالادوار **** من شاعر ماشل قلبه حقيده

    شهران ربعي هم هل المدح والكار **** واهل الكند واهل السيوف الجديده

    يوم البلد مايامن الزند لاثار **** زيزومنا ابن مشيط نعم الوليده

    فالجهل شجعان وفي السلم تجار **** من بطن بيشه للتهم لارفيده

    حبيت ابين موقفي بين شعار **** وارجوا سموحتكم على ذا النشيده

    ماحب انافق واتعنصر تعنصار **** ولا ني باطيع اهل العقول البليده

    ما كل من طب البحر قيل بحار **** وما كل من شل الفشق جاب صيده

    فالشعر بستان به ورد وازهار **** واللي تعداها بيوته فقيده

    واقولها في الشعر تكرار وامرار **** ضرف بلا عنوان يلغى بريده

    وبعض السوالف له مواقف ومحضار**** وشعر بلا معنى لزوم نبيده

    وصلوا على المرسول شفاع الابرار**** محمد الهادي وقدوة عبيده


    منقوووووووووله
    تحياتي لكم : ندوووووو

  2. #2
    ... V I P...


    تاريخ التسجيل
    Oct 2004
    المشاركات
    4,795
    معدل تقييم المستوى
    5

    افتراضي nadeah

    الله عليك اختيار ونقل ... اعجز عن الشكر.. تسلم ويعطيك العافيه


    قصيده من شاعر متمكن ....




    شهران ربعي هم هل المدح والكار **** واهل الكند واهل السيوف الجديده



    احد ابيات القصيده ..... تبين ان الشاعر شهراني.... ونعم به .. وبقبيلته ... ويستاهل...




    اخوك الوعـــــــــــــد

  3. #3
    كبار الشخصيآت


    تاريخ التسجيل
    Oct 2004
    الدولة
    &%] [ باريس نجد ] [%&
    المشاركات
    18,792
    معدل تقييم المستوى
    19

    افتراضي

    يسلموووو خيتووو على النقل قصيده رائعه ... وصح لسانه ....

  4. #4
    ... عضو نشيط ...


    تاريخ التسجيل
    Oct 2004
    المشاركات
    63
    معدل تقييم المستوى
    1

    افتراضي

    ياااااهلا والله بك اخ الوعد وانا مشاركاتي ولا شئ بدون ردك مشكور ويعطيك العافيه
    وايضا اخوي سعودي مشكووووووووووووور وماتقصر والله يعافيك

    كلكم مشكورين :)











    وبني شهر وبني عمر سيف بتار **** قوم على الاخصام نار وقيده




    تحياتي للجميع: ندوو

  5. #5
    ...المعــــــــززين...


    تاريخ التسجيل
    Oct 2004
    الدولة
    ツ】جـزرالبـندقيه【ツ
    المشاركات
    2,724
    معدل تقييم المستوى
    3

    افتراضي

    تسلمين اختي على القصيده الرائعه وصح لسانك ولسان الشاااااااااااااعر

    والله يعطيكي العااااااااااااافيه

صفحة 1 من 3 123 الأخيرةالأخيرة

المواضيع المتشابهه

  1. شيوخ قبائل عنزه
    بواسطة احســأس في المنتدى الارشيف
    مشاركات: 6
    آخر مشاركة: 20-08-2007, 08:30 PM
  2. من أكثر قبائل عتيبه عدد .!.
    بواسطة الــفــارس في المنتدى الارشيف
    مشاركات: 20
    آخر مشاركة: 22-10-2006, 09:58 AM
  3. مدح قبائل قحطان
    بواسطة عـــاااشـــق الغـــرااام في المنتدى الارشيف
    مشاركات: 1
    آخر مشاركة: 01-07-2006, 07:39 PM
  4. نداء عاجل لجميع شعراء المنتدى... أريد التقييم...هذه أول قصيدة لي...
    بواسطة ذكريآت الأمس في المنتدى قصائد وخواطر
    مشاركات: 15
    آخر مشاركة: 09-03-2006, 03:20 AM
  5. قصيدة لجميع القبائل ................................
    بواسطة ريان الشمري في المنتدى قصائد وخواطر
    مشاركات: 21
    آخر مشاركة: 31-12-2005, 01:25 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52