صفحة 1 من 3 123 الأخيرةالأخيرة
النتائج 1 إلى 5 من 13

الموضوع: ∫∫قصــيده سبـــــع ســـاعات ۝∫∫

  1. #1
    يـٍـًـاَعـُـسِـ‘ـىًٍ حًـٍبـ(نٍ)ذٍبٍحًـنٍـيً للًفٍـنٌـىًٍ


    تاريخ التسجيل
    Dec 2006
    الدولة
    يكفيني هواهــ نجد ـــــا
    المشاركات
    1,326
    معدل تقييم المستوى
    2

    Rose ∫∫قصــيده سبـــــع ســـاعات ۝∫∫


    السلام عليكم



    هذي قصيده

    منقوله للشاعر/جابر هايف العتيبي

    اتمنى تعجبكم

    اخليكم مع القصيده

    ,,,,,,,,,,,,,,,,,,,

    سبع ساعات اسولف واتكلم واستخف دمي
    وهي تسمعني وتضحك ومبسوطه على الأخر

    ::

    سبع ساعات اعلمها عن احزاني وعن همي
    واسولف عن حكايا الطفل كان وصار هالشاعر

    ::


    سبع ساعات تتساقط حروف الصدق من فمّي
    على صحرا مسامعها سحاب العشق متناثر

    ::

    سبع ساعات وتحلف لي براس العشق وتسمي
    تقول انت الوحيد اللي ملكني حبك الساحر

    ::

    سبع ساعات ونادتني بأسمه ما هو بأسمي
    تناديني فهد واسمي انا ياللاسف جابر

    ::

    تشنج كل شيٍ كان حولي ومسمعي يدمي
    ركز خنجر فهد في مسمعي من صوتها الخادر

    ::

    تخدّر فكري وجسمي وذاب بداخلي عظمي
    وصرت اسمع صدى صوتٍ يردد غلطة الشاطر

    ::

    يردد غلطة الشاطر بعشرة واقعي وحلمي
    وترددها زوايا غرفتي والواقع الغادر

    ::

    كثير اصوات شقت جلدي اللي يحتضن عظمي
    وصراخ الباب والدولاب والشباك والساتر

    ::

    وونات القلم والدفتر اللي يلتفت يمي
    وخايف وش ابي اكتب بوسطه من هنا لـ باكر

    ::

    وكانت ساكته وصوت النفس من خشمها و خشمي
    ربع ساعه وبحة صوت قالت: خير وش صاير

    ::

    وطرا في بالي عبدالله وخالد واحمد ونشمي
    ولآخرهم فهد تسعه وانا مدموغه العاشر

    ::

    وقلت ابداً مغير الخير ولكن امسحي رقمي
    اكيد انه فهد جالس سبع ساعات وهو ناطر

    ::


    وقالت لي: رجاءً او اقولك.. طير ياعمي
    مسوي حضرتك في هالزمان العاشق الطاهر

    ::

    وقالت لي: اقول! وقلت: انا بقول وذا علمي
    عجب هالناس وش هالناس تخطي وبالخطى تكابر

    ::

    انا يابنت بنثر لك حياتي واجمعي لمّي
    بعضه بنثره في مسمعك هالحين ومن خاطر

    ::

    ترا عمري انا تسعه وعشرين وكذا رسمي
    ولكن عشت ايامي دبلها مقبل وعابر

    ::

    اصيل وكل اصيلٍ مايبي مدحي ولا ذمي
    وسبع انعام في هالناس اخص الحامد الشاكر

    ::

    انا من نجد وربعي هم (عتيبه)وخالي الدحمي
    و(برقا) لحمي ودمي وانا من (روق )ومع ناصر

    ::

    انا جابر ولد هايف وسلم الطيب هو سلمي

    ابو الي مربيني على الجزلات واتفاخر

    ::

    انا راعي مجاهيمٍ يشع بفخذها وسمي
    وراعي خيل وراعي بير وبيتٍ مبغضه كافر

    ::

    على الرمضى ابت رجلي بأرضٍ عاشقه ضمي
    وشمسٍ تشرق وتوقف على راسي وانا صابر

    ::

    عرق وجهي يصب وامسحه بشماغي وكمي
    وألد عيوني عن ناسٍ سرقني يمها الناظر

    ::

    وانا شاعر ولو اكتب عجز كل فكر في نظمي
    ولاني بالغرور احكي ولكن واثق وقادر

    ::

    وانا رجال هاوي للقمم ويقودني عزمي
    وابي ارقى على راس الجبل وانتي مع الحادر

    ::

    عرفتي ليه انا طاهر؟ لانك همي وغمي
    ولان الدنيا في عيني جبل نرقاه ونغامر

    ::

    يابنت الناس شفتي كيف بليّا سلاح مانرمي
    ولانوقف بوجه البندق المليان ونخاطر

    ::

    خلقنا الله بشر بعقول وذا واقع وذا وهمي
    وكلٍ يتبع مراده وفينا رابح وخاسر

    ::

    وقالت لي فمان الله شعلت النار في جسمي
    فمان الله يالطاهر ومثلك قله ونادر

    ::

    ورحت آخذ كتاب الله واحلف بالكتاب:" امي
    لو ان اسمي فهد بالله ماكان احلى من جابر..!!؟




    <<<<<< تحياتهـ








    [[ لعيونها بس لعيونها]]

  2. #2
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    افتراضي

    خلقـنا الله بشر بعقول وذا واقع وذا وهمي
    .............. ـــــــ وكل ٍ يتبع مراده وفينا رابح وخـاسر


    [glow=#000066]لعـيونها[/glow]
    لـ عـذوبة الكلمـات .. و صدق المعـاني
    جمـاااال .. و سحـر
    قصيده قرأتها .. آكثر من مـره
    في كل مره كـاااان لها شكل مختلف
    صح .. قلبك و نقلك
    لـهذه الرااائـعه
    إنتقـااااء ممـيز من .. متمـيز

    تحيتي لك

  3. #3
    يـٍـًـاَعـُـسِـ‘ـىًٍ حًـٍبـ(نٍ)ذٍبٍحًـنٍـيً للًفٍـنٌـىًٍ


    تاريخ التسجيل
    Dec 2006
    الدولة
    يكفيني هواهــ نجد ـــــا
    المشاركات
    1,326
    معدل تقييم المستوى
    2

    افتراضي

    بنت ابـــــــــــــوهــــــــــــــا





    سعيد بتواجدكـ في متصفحي ومشـــــــاركت قلمكـ


    يعطيكـ الفـ عافيه على المـــــــــرور يالغلا




    <<<<<<<تحياتهـ







    [[ لعيونها بس لعيونها]]

  4. #4
    ... V I P...


    تاريخ التسجيل
    Apr 2005
    المشاركات
    7,813
    معدل تقييم المستوى
    8

    افتراضي

    وانا رجال هاوي للقمم ويقودني عزمي
    وابي ارقى على راس الجبل وانتي مع الحادر

    .....................

    الله الله عليك اخوي لعيونها

    قصيده في قمة الروعه

    والاروع اهو الي نقلها

    ولاهنت وصح لسانك ولسان من قالها

    وتقبل مروري وتحياتي

  5. #5
    ... V I P...


    تاريخ التسجيل
    Aug 2006
    الدولة
    ـ / الـــريـــاض / ـ
    المشاركات
    5,082
    معدل تقييم المستوى
    6

    افتراضي

    سبع ساعات وتحلف لي براس العشق وتسمي
    تقول انت الوحيد اللي ملكني حبك الساحر

    ::

    (( عز الله ماصدقة ))


    مشكوووره يالغالي على القصيده الرائعه

    ولاهنت على النقل الموفق

    تحيتي

صفحة 1 من 3 123 الأخيرةالأخيرة

المواضيع المتشابهه

  1. مشاركات: 18
    آخر مشاركة: 15-06-2010, 04:06 AM
  2. ∫∫براااااااااااااءة اطفاااال∫∫ 
    بواسطة كنكورد القصيم في المنتدى الارشيف
    مشاركات: 17
    آخر مشاركة: 23-03-2008, 08:59 AM
  3. مشاركات: 19
    آخر مشاركة: 10-05-2007, 05:28 AM
  4. ∫∫∫∫₪ اٍنســآنيــ مـآبنســـآكـ ₪∫∫∫∫₪
    بواسطة ورد و بآرود في المنتدى قصائد وخواطر
    مشاركات: 41
    آخر مشاركة: 05-05-2007, 04:08 PM
  5. {{ قمـه الـعــذ11ب ان تعــشق من ليـــس لكـ}}
    بواسطة لعيونــها بـس لعيونــها في المنتدى قصائد وخواطر
    مشاركات: 8
    آخر مشاركة: 10-02-2007, 04:30 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52