صفحة 1 من 2 12 الأخيرةالأخيرة
النتائج 1 إلى 5 من 9

الموضوع: !سبائك الشاعر المبدع ...سعد الحريص ..!

  1. #1
    ... V I P...


    تاريخ التسجيل
    Jun 2006
    الدولة
    New York
    المشاركات
    9,464
    معدل تقييم المستوى
    10

    Rose !سبائك الشاعر المبدع ...سعد الحريص ..!

    من روائـــع الشاعر سعد الحريص التي اعجبتني وحبيت تستمتعون بقرائتها


    /
    \
    /
    \



    البارحه غنيت يـا حـادي العيـس//واليوم صمتك عن عيونـي حدانـي

    اليوم تلعب بي ريـاح الهواجيـس//ولادري عشانك ضيقتي أو عشاني

    ما بين لوعات الجفا والوساويـس//البرد ساكن فـارتعـاش المحانـي

    وانا حبيس الصمت سجن الاحاسيس// ضاق الزمان ولا وسعنـي مكانـي

    والنور طعمه في عيون المحابيـس// مـرٍ مثـل طعـم الكـلام بلسانـي

    متى بشعـري يزهـرنّ الكراريـس// ومتـى بقلبـي يمطـرن الأغانـي

    بيت الشعر ماهـو كـلام براطيـس// ليـت القصايـد بالدفاتـر مبـانـي

    والله ليفرق شعر من يرجي الكيـس// عن شعر من ينحت صخور المعاني

    ويبان فرقـي باختـلاف المقاييـس// حتى تحس بصدق وش كثر اعانـي

    والا الأماني راس مـال المفاليـس// عزي لمن كانـت جـداه الأمانـي


    /
    /
    /



    هذا الكلام جروح واوجاع واشواك// كنّي على طول السكوت مغصوبـي

    ازعلت ذولا..لجل يرضون ذولاك// لا مرضيٍ نفسي ولاهم رضوبـي

    تعبت اقلب فـي يدينـي هدايـاك// وتعبت اشاور توبتي فـي ذنوبـي

    لولا الزمن لولا الليالـي ولـولاك//ماصار طيبي دوب حبـك ودوبـي

    هب الهوى يمك وبانـت خفايـاك//ولاعاد لك قلـب يميـل للهبوبـي

    اول عيوبك في عيونـي مزايـاك//واليوم ميزاتـي بعينـك عيوبـي

    وكانك تشوح اليوم منـا ومنـاك//والله لا ارجع كل الانظار صوبـي

    وان قلت انا بنساك ياسرع مانساك//من قبل ينشف عطرك اللي بثوبي

    الشمس باكـر فيـك وإلا بليـاك// ماهيب لاموتي ولاهـي غروبـي

    وإذا انقطع درب يجيبني بذكـراك//كل الدروب اللي تـودي دروبـي


    /
    /
    /




    ضاقت الارض واشتد الزمان
    ................................راح وقت الهموم الشاعرية

    من فقدتك وانا ماني بأمـان
    ...............................والقصايد ماعادت منبريـة

    كنت اجيلك وكان الشعر كان
    .............................ورد روحي وقلبي مزهريـة

    اكثري حب واكثرك الحنـان
    ............................وش كثر كانت الدنيا طريـة

    من حنانك يضيق بنا المكان
    ..............................وين ما اروح القاك اكثريـة


    /
    /
    /



    مريت فينا ليلـة مالهـا وصـف
    .................................في وصفها ضاقت علـي العبـارة

    رحبه جميله ناعمه جوهـا تـرف
    .................................مثلك حبيبي واسعدتنـي الزيـاره

    فعيونك التحنان وفقلبـك العطـف
    .................................رغم السنين وفي سلامك حـراره

    نظرتك حب وبسمتك كلها لطـف
    ....................................يلوق لك ثوب البهـا والطهـاره

    من جرحك الأول إلى جرحك الألف
    .....................................قصيدتي بيـن الألـم والمـراره

    واللي كتب فرقاك ما جاز لي حرف
    ..............................عقبك ولا قلت افدحي يا خسـاره

    اقول في نفسي ورجلي على جرف
    .....................................إمـا عمـار القلـب والا دمـاره

    لا طاب لك جرح ولا منقطع نزف
    ...............................والوقت مر وحان رفـع الستـاره



    /
    /
    /





    غابت الشمس وإلا الحزن له مغربه//وين أبغرب وأنا حزني غروبه ثقيـل

    مجدبه ياجروحي والسمـاء معشبـه//ساكنه والهوى ميل جريـد النخيـل

    بـارده ياحروفـي والدفـاء موهبـه//بارده مثل برد الخـوف والمستحيـل

    صوتٍ أبعيد في قلبي ياليـت أقربـه//وبين قلبي ومابينـي طريـقٍ طويـل

    ليت حزني مثل حزن البشر وأكتبـه//وليت دمعي مثل دمع العيون ويسيـل

    أشهد أني ردي حـظ وردي تجربـه//وأشهد أني على بعض المشاعر بخيل

    أيه مذنب في هالدنيـا وهـي مذنبـه//من دفا حلمي الطيب لبـرد الرحيـل

    عذري اللـي متعبنّـي وأنـا متعبـه//مال قلبي على بعض الهقاوي دليـل

    كل طيرٍ له اللـي بالسمـاء يجذبـه//وكل غصنٍ تجوز له الهبايب يميـل

    صرت أقول الكلام المر وأستعذبـه//صرت أخاف الدفاء لوني وحيدٍ نحيل

    كم صبرت وليال الصبـر مستغربـه//لين قلة حلاة الصبر لو هـو جميـل

    الزمن صعب والنسيان يـا مصعبـه//والدفاتـر نشيّلهـا الهمـوم وتشيـل


    /
    /
    /



    يا حادي الركب لا تنطح هجير الشمـوس//و أحجب ظما البيد عن ماها و عن عيسها

    كل ٍ علـى قـد فهمـه و الليالـي دروس//و هل الحجـا تفهـم الدنيـا و تدريسهـا

    و الشجره اللي علت في جذعها نخر سوس//لو تصبر الريح عنها كـان مـا جيسهـا

    ابقطع الصمت في صوت ٍ كما حـد مـوس// و أقرع طبول الوفا و أضـرب مراويسهـا

    ما كانت الحرب إلا حرب روم و مجـوس// و إلا أرضهـا يعربيهـا فـي تضاريسهـا

    في قدومها تفتن الأنظـار مثـل العـروس// و عجوز شمطى إذا أقفت فـي هداريسهـا

    ليا قبست قل طالبهـا و طـاب الجلـوس// لـو قلـت يـا كثرهـم فينـا معاريسهـا

    ماهي بداحس و غبراهم و حرب البسوس// جحافـل الـروم تزمـي فـي كراديسهـا

    أقول وجه الزمـن باكـر علينـا عبـوس// والله يكـذب فـزع نفسـي و أحاسيسهـا


    /
    /
    /



    العذر مكتوب لاصـار الخطـاء مقـري//آسف على ضحكتي وآسف على احزاني

    خطـاي معـذور والا غلطتـي عـذري//و مرارة العذر في قلبـي وفـي لسانـي

    مدري وش اللي ذكرت وضاق به صدري//مدري وش اللـي نسيـت ولاتنسانـي

    لبست انا ثـوب لاطولـي ولا قصـري//ياطيبـه القلـب ويـن القلـب ودانـي

    سنتين من عمرها مرت ومـن عمـري//سنتيـن احـس الزمـن فيهـا تعدانـي

    سنتين مرت حياتـي مـن ورا ظهـري//والحب سجنـي ومسجونـي وسجانـي

    والشعر مطرود من قلبي ومـن فكـري//سنتين ماني ب انا مانـي باحـد ثانـي

    غنيت للنـاس والدنيـاء علـى خبـري//والشعر في دفتـري مغـرور وانسانـي

    غنيـت للحـب يـوم عيونهـا تغـري//يوم الوفـاء والكـلام الطيـب الحانـي

    غنيت للدمـع يـوم(ن) البكـى كبـري//واليوم انا اكبر من دموعـي وحرمانـي

    اليوم ماعاد يمدي اللـي جـرح يبـري//مليـت كثـرت خطاياهـم وغفـرانـي

    مليت انا الشعر مل الشعر مـن شعـري//مليت انا الحـب مـل الحـب وجدانـي

    و لو هي عليه عزيز النفس من صغري//ما شاور القلـب فـي كرهـي لعدوانـي

    ان رحت ياكثرهـم وان جيـت ياكثـري//ضاقت بي عيونهم لـو كنـت وحدانـي

    تعبت وازريـت مامليـت مـن صبـري//ليـت الـذي راح منـي كثـر ماجانـي

    احيان ودي اطيح مـن التعـب وازري// و تشيلنـي عزتـي وسلـوم جـدانـي


    /
    /
    /



    أنفض كلامك عن غباره
    ..............................صمتك فقلبك لـه رنيـن

    قلبك ماكـان إلا مغـاره
    ............................ترسم بها جـرحٍ حزيـن

    رسمٍ نقشته في حجـاره
    ...............................يشبـه رسـوم الأوليـن

    ياوجهٍ أخجل من وقـاره
    .......................... حلو النبا سمح الجبيـن

    ربح الزمن هذا خسـاره
    ...........................والخافيـه باكـر تبيـن

    طاحة فأمريكـا عمـاره
    ..........................هزت ديـار المسلميـن

    منها بدت حرب الحضاره
    .............................حـربٍ تـروع الآمنيـن

    ماتاسع الجـرح العبـاره
    ........................ويضيق فالصدر الآنيـن

    أصعب من الموت أنتظاره
    .......................والأصعب العيش المهين

  2. #2
    ... V I P...


    تاريخ التسجيل
    Jun 2006
    الدولة
    New York
    المشاركات
    9,464
    معدل تقييم المستوى
    10

    افتراضي



    /
    /
    /



    صحيح أحبك وأنـت والله تنحـب//لكن هذاك احرق فـؤادي وأذابـه

    وش غيّر الدنيا وهي جدّها لعـب//وبدّل بشمس الضحك ليل الكآبه ؟

    لا اقبل عليّ بضحكةٍ تسرق اللـب//فتحت له قلبـي وشرّعـت بابـه

    مشي السحابه لا تريّث ولا خـب//سبحان من خلّى النقيض يتشابـه

    لا والذي غيره حشا ما لنـا رب//كنها مشى والأرض تحته سحابـه

    لو ما تثنّى ما دريت الهوى هـب//تـرفٍ يميّلـه الغنـج والذرابـه

    تفاح فتنـه فـي محيّـاه وعنـب//أجوع له واضما ضماه وشرابـه

    لي عضّ عنّابه وجمر الغضى شبّ//في شفّته قلب البعيد اكتـوى بـه

    عين اشقرٍ ما طار صيده ولا طب//ضاقت عليه من الرعاب الرحابـه

    حرٍ يذبّ الصيد مـن مخلبـه ذب//في نظرته عز وجمـال ومهابـه

    إليا شلع كنّه حجر والسمـا جـب//يهوي بها كن الصعـود انجذابـه

    والليل كنّ الليل في شعـر يصـب//ّشلال من فوق المتـون انسكابـه

    والكلمه اللي بالهوى ما لها طـب//لا انت بسما حبه ولا فـي ترابـه


    /
    /
    /


    ما اقول انا غير لكنـي اقـول ان ذهبـت// يتذكر الحب في النسيان مـن غـاب لـه

    تفرق الغيم عن راسي وانا مـا شربـت// مابـل قلبـي بمـاه ولا ارتـوى وابلـه

    قد شدني لمع برقـه بالسمـا وانجذبـت// ظميان والروح مـن كثـر الظمـا ذابلـه

    ياحارس التيه انت بصفحتي وش كتبـت// اللي قضيت العمـر كلـه وانـا اعابلـه

    لو مايقولـون عليـت البكـا وانتحبـت// بس بيقولون مجنون .. الهـوى هابلـه

    البارحه كنت احس انـي كثيـر اقتربـت// واليـوم ابعـد وياخوفـي مـن القابلـه

    ابطلب العـذر سامحنـي حبيبـي تعبـت// واببتعد عنك لـو نفسـي مهـي قابلـه

    عاشرت انا الصدق في دربي واظني كذبت// مره .. وطـاح القمـر فالليلـه الحابلـه

    /
    /
    /



    اختر لنفسك .. انا اخترت الطريق الطويل//بعض الخيارات ماتتـرك لنـا الاختيـار

    اخترت احبك وشفتك قد مااقـدر جميـل//على حـدود النظـر والعجـز والاقتـدار

    كنت فعيوني على حد البهـا المستحيـل//فـعين بدر الدجى وفـعين شمس النهار

    استكثر الحب فـعيونك ولـو هـو قليـل//واستصغره في فؤادي لو جروحي كبـار

    انحت من الصمت كلماتي وروحي تسيـل//على الورق واشعل لك الدنيا حروف نار

    مااقول كان لعيوني عـن عيونـك بديـل//لكن مثلـي اذا ماحـب .. حـب بقـرار

    لو قلت للقلـب لاهـب الهـوا لا تميـل//ما مال يمك ولـو آخـر جـداه انكسـار

    اختر لنفسك انا اخترت الطريق الطويـل//بعض الخيارات ماتتـرك لنـا الاختيـار


    /
    /
    /

    بالله يـاراعـي المناقـيـد دعـنـي//مانيـب تاجـر والقصايـد بضاعـه

    حـرام اعـوَد واتبـع اللـي تبعنـي//وحرام اقول ازريت عقـب استطاعـه

    سكت لين اونسـت صمتـي وجعنـي//وجمال شعـري زاد صمتـي بشاعـه

    والشر سيف(ن) ماقطعته .. قطعنـي//والخير فـي قلبـي شعـور وقناعـه

    والطيـش يامـا للمكاسـب دفعـنـي//والصبر في بعض المواقـف دناعـه

    وان قلت .. انا باقول .. واقول واعني//بالقول طلت اللـي يعسـر الشجاعـه

    انـا نفعـت الشعـر لـو مانفعـنـي//ماخلف هذا الجـوع غيـر المجاعـه

    شعري شعـوري صانعـه ماصنعنـي//الشعر عنـدي روح قبـل الصناعـه

    عندي تساوى مدحهـم لـي ولعنـي//جمع(ن) عسى مايجتمع لـه جماعـه

    كان النسـب عـن الـردا مارفعنـي//ساويت في طيب النسـب والوضاعـه

    وان كان قلب اللـي احبـه وسعنـي//ماهمنـي ضيـق الزمـن واتساعـه


    /
    /
    /


    بعد عامين جيـت وصوتـك حطـام
    كنـك اللـي يذكـرنـي بـروحـي

    شدّ عنك البحر يـا شـط الأوهـام
    وألف ساحل يرحـب فـي نزوحـي

    إنكسر حلـم!! لكـن تجبـر أحـلام
    لا أنت موتي ولا أنت أقصى طموحي

    كنت للقلب.. صرت لحبـر الأقـلام
    صرت للناس, وأوراقي , وبوحـي

    سكـر الليـل كنـت وملـح الأيـام
    صرت حزني, وتنهيـدي, ونوحـي

    سافر الورد.. من صيف أول العـام
    مثل مـا سافـرت منـك جروحـي

    مـال صوتـي إذا راودنـي لجـام
    مـال هـذا الفضـا.. إلا جموحـي

    يا النـوارس وصوتـك ملـح وألام
    البحر راح عـن شاطيـه روحـي



    /
    /
    /

  3. #3
    ... V I P...


    تاريخ التسجيل
    Jun 2006
    الدولة
    New York
    المشاركات
    9,464
    معدل تقييم المستوى
    10

    Rose


    /
    /
    /



    حزين مثلي وأنا مثلك حزين وغريب
    لاياعسى شمس من مثلك ماهي غاربه

    الدرب واحد وأحس انك بعيد وقريـب
    بعيد قلبـك لـو الخطـوات متقاربـه

    ما قلت لي شي لكن كان صمتك رهيب
    وكان بعيونك كلام أقـراه وأحتاربـه

    لوقلت لي والله ليعثرردي النفس طيب
    تركت لك هاالجمل حبله على غاربـه

    ياذيـب يـا بـارز النابيـن ياذيـب
    الطير حول على صيدك وثـم طاربـه

    ماهوب ذنب الليالي والزمن ياعريـب
    هذا زمـان بـه المستعربـه عاربـه

    هذا زمان به الهقوات دايـم تخيـب
    وشلون لاصارت الهقوات متضاربـه

    من لانفعته وهو عندك كريم وحبيـب
    كرهك إذا دارت الدنيا ماهو ضاربـه

    شيقول مثلي ليا ضاق الكلام الرحيـب
    في لحيته لاسكت وإن قال في شاربـه



    /
    /
    /



    وينك نحل صوتي من الحزن والصمت
    يا ضحكـة الدنيـا وضحـك الليالـي

    باسمك بكى صوتي وباسمك تبسّمـت
    للي بقـى للحـب منـك وبقـى لـي

    شفني على كثر الجفـا مـا تعلّمـت
    لـو مـا ورا فرقـاك هـذا وصالـي

    شفني ذكرتك همت بك كثر ما همـت
    ما ضاق بك قلبـي ولا ضـاق بالـي

    عن كل عين ما لها دمعتـك صمـت
    يا عيد قلبـي حاجبـك هـو هلالـي

    انا حرمنـي منـك وقتـي وحرّمـت
    عقبك اعشق عيونهـن يـا حلالـي



    /
    /
    /



    على حد الكلام وممتلي صدري مطر وسيول=وقفت ولا معي غير الورق في صدقي وخوفي
    وقفت وقلت اقول ؟ وكل ما فيني صرخ بي قول=وانا وإن جيت اقول اللي ابقوله بحرث حتوفي
    ابكتب لي قصيدة لا ظلال ولا لها جرة ولا مدلول=واخاف من الكلام يخونني واخاف لو يوفي
    ابرسم في الرمال الناعمه خطوه بدون إرجول=تسولف للهبايب عن ذهاب العمر ونكوفي
    زماني يزرع في عيني دموع ولا جنى المحصول=أحسبنّي بكيته والحصى والرمل مذروفي
    ضميت ومد لي بعض السراب بكفه المشلول=ورويت من العطش وأثر الجفاف يبلل طروفي
    ندهني في عيوني من مهف الشمس صوت وزول=على حد النظر خيايلتهم لين انحنى شوفي
    وهبّت من شمال وقلت هذا بردها مرسول=وحطبت من الضلوع وقمت اشب النار لضيوفي
    هلا باللي لفاني من ورى دربي من المجهول=ابغنّي واطرد النسيان الأسود واضرب دفوفي
    في قلبي صمت ليل وخوف خطوة وارتعاش حجول=في قلبي ضحكها وأنفاسها ودموع معروفي
    في قلبي دبك خيل وهمهمة فرسانها وطبول=في قلبي برد ليلة وصفها ما يمدي وصوفي
    بدا (.....) على اطراف الليالي والحديث يطول=وهي في عمرها ليله قمرها يوجع حروفي
    هي من خوفها ذاب الكلام في ريقها المعسول=وانا اجمّع كلامي وارفع اللي طاح بكفوفي
    ومرّينا على البيت القديم وبابها مقفول=انا والليل وجروح السنين وطوّل وقوفي
    روت عيني من غيوم الظلام ونورها المقتول=وانا وإن قمت ابسند شمسها طاحت بها كتوفي
    رقيت اطول همومي لين شفته بالحشا مذلول=وابرقا لا دريت ان السما تتشوّق لنوفي
    وفي ارض المحال الممحله ما ينبت المعقول=وانا راعي مشاعر والهموم تنام في جوفي
    انا ما جيت ابعدل منعوج جيت اعوج المعدول=واشب النار بأطراف القصايد واشهر سيوفي
    الا يا جرح يا جرح القصيدة والظما مبلول=عجز فيك الكلام وكذبتي ما تستر حلوفي


    /
    /
    /






    جيت هارب تطاردني الهجوس
    وكـل شـيٍّ جميـل ٍ كبّنـي

    يا حبيبي وانا خوفي ضروس
    أطو رمشـك علـي وخبّنـي

    ريح عينك ملت عيني طعوس
    والبكا فـي حشـاك يصبّنـي

    كم تعذبت في فهـم النفـوس
    من كرهنـي يقـول يحبّنـي

    وكم حلمٍ تغربلـه الهجـوس
    وانت حلمٍ طفـى ثـم شبّنـي


    /
    /
    /




    يا حلو صوتك يجي دايم حزيـن وصـدوق
    يسكـن بـه البـرد ويبلـل ثيابـه بكـاك

    مليان بالود واحسـاس الحبيـب الشفـوق
    حنـون مـن أول عيونـك لآخـر مـداك

    مليت ظلما الفراق وكان صوتـك شـروق
    يا شين بعدك ويا كثر الجفـا فـي جفـاك

    بيني وبينك تعـب بينـي وبينـك فـروق
    دونك مشاويـري البيضـا وحزنـي وراك

    إن طوّلت في عيونـي ممحـلات البـروق
    والله لأضحك رضا لو ما اضحكت لي سماك

    ظماي يترك على صـدر الليالـي حـروق
    وإلا انت تظما ويا برد الظما فـي ظمـاك

    شحيح انا فيك لو جفت في دمـي عـروق
    اشح في ماك وزروعك واشـح بحصـاك

    اقول ابشرب وشحـي فيـك عيـا يـذوق
    مرارة النفس فينـي مـا غواهـا غـلاك

    هذا قصيدي بكف الريح مـا لـه حقـوق
    يا ما ويا ما اخذ منـي ويـا مـا عطـاك

    والله لو هو بكره النفـس لألحـق لحـوق
    لكنه أنهى حيـاة الحـزن حيـن ابتـداك


    /
    /
    /



    هذا طريقي واعرف انه طريقك وجيـت
    وانتي بعيدة وانا عـوّدت قبـل السـلام

    لو التعب في طريقك كثر ماني مشيـت
    ما رحت راجيك لو جيتك ومالـي مـرام

    لو ما دريتي انا يكفينـي انـي دريـت
    احيان ما يشعر القايـل بطعـم الكـلام

    لك مني انساك وانهيها وانا مـا بديـت
    ما احد يشيل بعيونه نـور يـم الظـلام

    كان الجفا جرح بيشيب الزمن ما شفيت
    ما طاب جرحي ولو مني يطيب الغـرام

    كان الجفا صح ما اخطيتي وانا ما خطيت
    ما هو بسلم العرب عيبه ولا هو حـرام

    كاني لقيت بعيون الليـل دمـع وبكيـت
    مصيري ألقى ورى حبك عيوني وانـام
    /
    /
    /



    حبيبي لا تعاتبني كفى ليـل الجـروح عتـاب
    كفاني منك دمعٍ لو بكيتـه طاحـت عيونـي

    أحبك صدق وإن كذّبتني يـا مكذبـي كـذّاب
    وألا يا ما اصدقه كذب ٍ حملته وأثقل متونـي

    حبيبي أنت عمري يا حبيبي والهوى غـلاب
    أنا هبّـت هبايـب لا وراي ولا بعـد دونـي

    حبيبي كانت الفرقا بحر قلت السنين أخشـاب
    تجوّدت بطرفها قلت أبنسى العقـل وجنونـي

    حبيبي كنت رجمٍ في حشاي وصرت لي مرقاب
    أغني بك حروفي وأنـت وحروفـي تغنّونـي

    حبيبي لو بكيته طاحت الدنيـا سمـا وتـراب
    حبيبي لو بكاني طاحت الدنيـا مـن عيونـي


    /
    /
    /






    اتمنــى انكم استمتعتم

    ومن لديه اضافه فلا يبخل عليـــنا

    دمتم بحفظ ربـــــي
    :25ar:

  4. #4
    ... V I P...


    تاريخ التسجيل
    May 2006
    المشاركات
    7,371
    معدل تقييم المستوى
    8

    افتراضي

    السلام عليكم ورحة الله وبركاتــه

    ورده الروح

    وضعتي امامنآ سلة فواكة تحمل انواع واطيب واجود الفواكه

    عباره عن قصايد جميله من شاعر اجمل وغنى عن التعريف


    صح لسآن شآعرهآ.. وتسلم يدين نآقلهآ

    لا هنــت ولا خــلا ولا عـــدم

  5. #5
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    افتراضي

    نقل مميز..

    مجموعهـ من اروع القصائد..

    سلمتي لهذالبوح

    وتسلم اناملك

    وصح السان الشااعر

    تحيتي

    صمت الودااع

صفحة 1 من 2 12 الأخيرةالأخيرة

المواضيع المتشابهه

  1. تعلّم تمشي فوق الجرحَ .. =(
    بواسطة вéит чǿủŝīf في المنتدى الارشيف
    مشاركات: 11
    آخر مشاركة: 06-05-2010, 08:35 PM
  2. اروع قصائد سعد الحريص هنا
    بواسطة اعفيني في المنتدى قصائد وخواطر
    مشاركات: 6
    آخر مشاركة: 29-04-2008, 12:31 AM
  3. !!رميت الورد !! لسعد الحريص
    بواسطة !..أنفاس الفجر..~ في المنتدى قصائد وخواطر
    مشاركات: 8
    آخر مشاركة: 22-05-2007, 11:09 PM
  4. الجريش .... على اصووووله لايفوووتكم
    بواسطة وهج الحياة في المنتدى عالم حواء
    مشاركات: 3
    آخر مشاركة: 02-07-2006, 08:46 PM
  5. بعض اشعار الشاعر المبدع ((حامد زيد))
    بواسطة رودي في المنتدى قصائد وخواطر
    مشاركات: 5
    آخر مشاركة: 29-06-2005, 08:44 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52