صفحة 1 من 3 123 الأخيرةالأخيرة
النتائج 1 إلى 5 من 13

الموضوع: قصيدة تحمل الحزن بكل حرف <<<<<< والله روعه ماراح تخسرون ادخلوا

  1. #1
    ... V I P...


    تاريخ التسجيل
    Jan 2005
    الدولة
    بلاوطــــن
    المشاركات
    6,157
    معدل تقييم المستوى
    7

    افتراضي قصيدة تحمل الحزن بكل حرف <<<<<< والله روعه ماراح تخسرون ادخلوا

    قصيدة قرأتها وتأثرت بها .. قلت لِما لا انقل مشاعر ذاك الشاعر الرائع لكم


    قصيدة تحمل الحزن بكل حرف , تصور العجز في تعابيرها
    تسطر الوطنية في نهايتها .. أبدع في كلماتها
    الشاعر الكبير , ( محمد عويضه) وللعلم .. فالشاعر ... مــعاق

    و إليكم هالقصيدة

    ........

    الطفوله ..
    أحلى مافي هالحياه
    مرحله من غير هم
    كنـّا دايم نبتسم
    كنـّا حتى لو بكينا ... وجارت الدنيا علينا
    بعد لحظـات وثواني ...
    بسمه فينا ترتســم
    كنـّا نركض خلف كوره ... لا لا أنا ماكنت معهم؟
    وحدي بس بعيد عنهم ... كنت أضحك من ضحكهم ...
    جالس لحالي أهذري... جالس أحسب كم( كوبري )...
    صلـّحه( أحمد ) في ( ماجد ) ؟؟
    والله واجد!!
    وقبل ما يحل الظلام ...
    للبيوت نروح نجري ... لا لا أنا ماكنت معهم !
    أمشي وحدي بعيد عنهم ... أمشي وأعدد أثرهم!
    وهم عني يبعدون ...
    يبعدون ... يبعدون ...
    إلا( ماجد )!
    كان مثلي حيل ضايق ...
    بس حزنـي كــان حارق
    كان يسألني ببراءه : ...
    ليش تعرج ؟ ... قلت مادري ! - باستياء -
    ليش تبكي ؟ قلت مابكي - بكبرياء -
    ضاق مني ...
    ثم سألني في غباء ...
    قال ( وثرايك تـثــابق )؟
    وراح عنــّــي ... !!

    كنت أسأل دوم نفسي ...
    ليش ما أركض معاهم ؟؟
    ليش دوم أمشي وراهم ؟؟
    وش بلاي ؟؟ أو وش بلاهم ؟؟
    ليه أنا غير الأنام ؟؟
    زاحمتني الأسئله...
    كل شيٍ أجهله ؟
    وإن تعبت من الإجـــابه...
    أحظن الحيـــره وأنام .

    مرّت سنين وكبرت ...
    صار همّي اليوم أكبر
    حتى دمعي صار أكثر
    للأسف توي قدرت ...
    أفهم إني شخص ( عاجز )!
    يعني بيني وبينكم
    مليون حاجـــز !!!
    صدقوني ذي حقيقه ...
    لا طلعت السوق ... كل مامشي دقيقه
    القى كل شوي أبله !
    يمشي ويناظر صديقه ...
    ويغمز له
    يقول : ناظر...!
    وش يناظر ؟؟
    وتتفجّــر في خفوقي
    ألف ضيقه
    ووحده في وسط الزحام ...
    طالعتني باهتمام ...
    بنت في عمر الزهور ... أي رشاقه ... وأي أناقه ...
    وأي عطـــور !!
    قلت في نفسي ياهووووه
    هي تناظرني بغرام ؟ أو هي نظره والسلام ؟
    بس أكيد إنها تعرفني ... شايفتني ؟
    شايفتني في جريده ؟
    واعجبتها لي قصيده ؟
    إيييييه أنا توي افتكرت ...
    لي قصيده ...
    كنت ناشر معها صوره
    بس صوره ... ياسلااااا م
    وفاجأتني ...
    لمـّا صارت لي قريبه ... كانت تـتمـتم بطيبه
    ( يكسر الخاطــر حـــرااااام ) !!!!!
    وتركت دمعه غريبه ...
    وضاعت بوسط الزحــام
    دمعه كانت تحكي وضعي ... زلزلتني
    ارتطم قلبي بضلعي ... دمرتني
    صدقوني ...
    أصعب اللحظــات وأقسى
    لاغدا الرجـّــــال يكسر ... خاطر انثى
    كيف ينسى ؟؟؟
    جاوبوني !

    وزاد همّــي ...
    يوم فكــّـرت بوظيفه ... ثم زواج
    أي وظيفه ... وأي زواج ؟؟
    اللــي مثـلي ...
    مهما طالب ... لويلف ولو يدور
    زين لو حطـــّــوه كــاتب
    لا ... وعلى بنــد الأجـــــــور ...
    ماهو رسمي !!!
    صدقوني لو تدرّج ... وصار راتبه يتصاعد
    وابتــدا وضعه يزين
    ما أظنه بيتزوّج ... إلا من بعد التقاعد
    من سنه الى سنتين !
    وفي النهــايه ...
    يابلــدنا... مهما كانت تسميتـنا
    عاجزين ... معوّقين
    لك عهدنا... وذا قسمنا:
    أقسم بالله العظيم ... منزل الذكر الحكيم
    أن أصونــك يابلادي ... من شرور العابثين
    من مطامع كل حاسد ... من نوايا كل فاســد
    وإني لك حصنٍ حصين
    إنتي ناديني وشوفي ... لا نويتي بالجهــاد
    والله أقهر لك ظروفي ... دامك إنتي لي بــــلاد
    وباسم كل العاجزين ...
    دام فينا أصبع يطول الزنـــاد
    لا يهمــّـك يابلادي ...
    وازهليهــــــــا



    تك تك+حبة توت

  2. #2
    ... V I P...


    تاريخ التسجيل
    May 2005
    الدولة
    ღ K s a ღ
    المشاركات
    4,416
    معدل تقييم المستوى
    5

    افتراضي

    يعطيك العافيه أخ ..][تك تك ][ .. وتسلم يمينك يالغلا ..


    ومشكور على النقل..

  3. #3
    ... عضو مميز...


    تاريخ التسجيل
    May 2005
    الدولة
    بحر الشوووووق
    المشاركات
    252
    معدل تقييم المستوى
    1

    افتراضي

    مره ثانيه اشكرك الشكر قليل في حقك ما اقدر اقول الآ




    [align=center]انت رائع[/align]

  4. #4
    ... V I P...


    تاريخ التسجيل
    Jan 2005
    الدولة
    بلاوطــــن
    المشاركات
    6,157
    معدل تقييم المستوى
    7

    افتراضي

    مشكووورين على المرور


    وانشاء الله اعجبتكم الخاطرة


    وانشاء الله حازت على ارضائكم



    تك تك+حبة توت

  5. #5
    ... عضو نشيط ...


    تاريخ التسجيل
    Mar 2005
    المشاركات
    35
    معدل تقييم المستوى
    0

    افتراضي

    بجد مؤثرة

    وبين كل كلمة وكلمة لابد وتزخر فيها العبره

    تسلم على هالنقل اخوي تك تك

    وصح لسان الشاعر اللي قالها

    والله يهون عليه دنيته وهذا هو عظيم بشعره

    ماكان عجزه الا ولد منه شاعر يوصلني الاحساس

    وعسى ان ربي يشفيه ،،،

    وبالاول والاخير تسلم على هالنقل اخوي تك تك ،،

    مع خالص التقدير والاحترام والاعجاب بكل ماتنثره الايادي ،،

    وحــيــــــــــــــ المشاعر ـــــــــــــدة

صفحة 1 من 3 123 الأخيرةالأخيرة

المواضيع المتشابهه

  1. ادخل والله ماراح تندمــــــــــ ^^
    بواسطة زيااد في المنتدى سيارات
    مشاركات: 4
    آخر مشاركة: 01-05-2010, 12:10 AM
  2. مش حتندم لمى حتدخل <<< والله صدز .. ماراح تندم لو تخش
    بواسطة د.كيف في المنتدى الارشيف
    مشاركات: 14
    آخر مشاركة: 23-02-2007, 03:42 AM
  3. باقة بيجامات روووووعه ادخلوا ماراح تنــدمـــو ؟؟؟؟؟
    بواسطة فــتــى الـــزيـــن في المنتدى عالم حواء
    مشاركات: 21
    آخر مشاركة: 03-06-2006, 10:53 AM
  4. مسجات ولا أروع من جد روعه ماراح يندم اللي يدخل
    بواسطة احساس الورد في المنتدى الارشيف
    مشاركات: 10
    آخر مشاركة: 14-02-2006, 12:12 AM
  5. مشاركات: 5
    آخر مشاركة: 20-01-2006, 04:50 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52