صفحة 1 من 2 12 الأخيرةالأخيرة
النتائج 1 إلى 5 من 7

الموضوع: مـــرئــيــاتــــ ....ي

  1. #1
    ... عضو مـاسي ...


    تاريخ التسجيل
    Jul 2005
    المشاركات
    1,474
    معدل تقييم المستوى
    2

    افتراضي مـــرئــيــاتــــ ....ي

    [align=center]تحيه طيبه للجميع
    "
    "
    "
    وبعد
    ،،
    ،،
    ،،
    ،،
    ،،

    لامقدمات ولا تمهيد

    ::
    ::
    ::

    قصيده مضمونها يقدّمها

    "
    "
    "
    اليكم[/align]



    [poem=font="Simplified Arabic,5,darkred,bold,normal" bkcolor="transparent" bkimage="" border="outset,8,darkblue" type=2 line=0 align=center use=ex num="0,black"]
    ماحلا نسيم العصير بــ / قاع ممطوره = في واديٍ من حقوق الوسم متملّي
    يستانس الخافق اللّي مظلمٍ نوره = شوف الحلال متربّع فيه ويفلّي
    وانا على بالي الافكار موتوره = ومن طاري الفكر لاهجرست ماملّي
    والراس مايقعده ياكود قرقوره = ياصاحبي ماسمعت بخط ( مدّ اللَّيْ )
    الباعشن يقعد ( النافوخ ) ويقوره = الين فكر المزاج يصير فلّلًّي
    من هو يقدّر ظروف الرجل وشعوره = لو حالة الوضع ماتسمح لــ / متسلّي
    ولو الدبل يحتشي بــ / ثريّ والفوره = مايخسر اللّي يعرف الدرب ويدلّي
    ( يابووليد ) إش سبب تزايد البوره = بين العرب كان في ترحالٍ وحِلِّي
    وين آمر بخير ؟ وين النّاهي بــ / شوره = ياعنك ماكلّ عقده جالها حَلِّي
    معوّر الناس ماهي لعبة الكوره = ويشوتها كلّ " فاسد " " وغد " " منحلّي "
    يوم الدشوش اعتلت في كلّ معموره = وتبث حقد السموم وتنفث الغِلِّي
    اليا ارتفع سعر دولاره طلع يوره = والينّ ماحسّب لــ / مليون عصملّي
    هذاك يعرض برامج ترسل خطوره = ولاّ من أفلام تغلي ماك وتزِلِّي
    وهذيك أغاني العري بالعين منظوره = ( والشات ) شغّال " ياقلبي " " ويادلّي "
    ومسلسلاتٍ تعيب / وبنتٍ أمّوره = ويطوش راسي لاقيل ( الحاج متولّي )
    ياغافلٍ صحصح / الاوضاع مخطوره = لايوم تصحى على بلواك تشتلّي
    مالوم من يجهل المدخال / وظهوره = برّق في علمي / وناقشني يامال اللّي
    وافتح كتاب القواعد وانبش سطوره = مابين حرفٍ صحيح / وحرف معتلّي
    واخذ في بحر المعارف والزمن دوره = يوم المعلّم يجيب الدرس بالملّي
    واضرب مثل والسؤال بداخل الصوره = وشلون حرف الجزم لاسبّق يعلِّي
    من قال خلّ الطوابق دوم مستوره = اقول ياشين مهنة " خفّة الظلِّي "
    معلول الاخلاق مدري وين دكتوره = نكويه / ولاّ نحلّه لين يحتَلِّي
    باقي التفاصيل في طيّات منشوره = الفاهم اللّي ينزّ الحرف يفطنلّي
    البارحه كنت احسب الوقت وعصوره = وش مامضى ؟ وش مضى ؟ واللّي بعد واللّي
    راع الحليّل يدوّر ماوجد موره = ولايارد الماء ولو حلاله يغَلِّي
    وديار مخضوضره وديار مدهوره = والغيمه اللّي تزمّ شوّي وتهلِّي
    وعيون تبكي فرح وعيون مقهوره = ياللّي تعرف المغازي لاتحلّلّي
    اقبلت مولود وتودّع في شرشوره = من ماذُكِرْ مَهْد عُمْر انسانٍ مولّي
    واللّي يشيل الكتاب ولاقرا سوره = مثل الذي يسمع الآذان مايصلِّي
    ياناس ياللّي على السيّات مطيوره = خافوا من الله مادام الموت ماطلِّي
    ناسٍ تسولف / وتُكْتَبْ فيه فاتوره = غيبه / نميمه / وبهتانٍ ..... وكمّلِّي
    وناسٍ معَ بعضها ترقص ومزيوره = من مُنْطَلَقْ بند ( اطبّلّك .. وطبلِّي )
    وناسٍ تسلّي سوالفها / وماجوره = حديث / قرآن / سيرة خير .. وتسلِّي
    يالله دخيلك من الشيطان وشروره = واعوذ بالله من الشيطان لاحلِّي[/poem]

    [align=center]وسلامتكم[/align]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    ونـاسٍ تسلّـي سوالفـهـا / ومـاجـوره
    حديث / قرآن / سيـرة خيـر .. وتسلِّـي

    يالله دخيلـك مـن الشيطـان وشــروره
    واعـوذ بالله مــن الشيـطـان لاحـلِّـي



    خاتمة -- بأيقاع فريد-- هي مجمل وخلاصة المفيد--


    فيصل المهلكي-- نوابغ الحرف تترجم مشاعرك0


    شاعر يتبصر في واقع الحال فيجسد رسالته



    الشعريه بعبق رائع ولفتات بها المواعظ الجمه-


    صح الله لسانك--- ولك أجر كل كلمه بعون الله---



    الحوراء بنت نجد

  3. #3
    ][ ..شــاعــر مـمـيـز.. ][


    تاريخ التسجيل
    Feb 2007
    المشاركات
    165
    معدل تقييم المستوى
    1

    افتراضي

    ياغافـلٍ صحصـح / الاوضـاع مخطـوره
    . .. . .. . لايـوم تصحـى علـى بـلـواك تشتـلّـي
    مالـوم مـن يجهـل المدخـال / وظهـوره
    . .. . .. . برّق في علمـي / وناقشنـي يامـال اللّـي

    .
    .

    يالله دخيلـك مـن الشيطـان وشــروره
    . .. . .. . واعـوذ بالله مــن الشيـطـان لاحـلِّـي

    .
    .


    الشاعر فيصل بن عسكر

    واقع مؤلمـ .. ابدعت في تصويره

    لديك اسلوب رائع في توظيف المفرده في مكانها المناسب

    و ترجمه أكثر روعه للفكره

    لله درك .. أمتعت و ابدعت

    صح بوحك و اطال الله في عمرك

    تحيتي لك و دمت بكل خير

  4. #4
    Banned
    تاريخ التسجيل
    Mar 2005
    الدولة
    حدوٍد قلبـه ..}
    المشاركات
    9,492
    معدل تقييم المستوى
    0

    افتراضي

    ::.*+* ..:

    ,

    ,
    صـح لســـااان ولاهنـت

    قصيـده وافيـه يالوأفـي

    نتتظر جديـدكـ

    تقـديـري

    ,

    ,
    ::.*+* ..:

  5. #5
    ][.. شــاعــر ممــيز.. ][
    تاريخ التسجيل
    Jun 2006
    الدولة
    الشرقيــ...ـــــه
    المشاركات
    4,278
    معدل تقييم المستوى
    5

    افتراضي

    هـذاك يعـرض برامـج ترسـل خطـوره
    ولاّ مـن أفـلام تغـلـي مــاك وتـزِلِّـي
    وهذيك أغانـي العـري بالعيـن منظـوره
    ( والشات ) شغّـال " ياقلبـي " " ويادلّـي "



    صحيت كلك يالمهلكي وابــداعك ليس له حــدود كأنك تغرف من بحر

    لله درك يافيصل

    قصيده قمه في الروعه واسلوب صعب تصفه الأحرف كأن الابداع هو
    من يبحث عنك لذلك نجده يقترن بك دائما ...

    خاتمه

    واللّـي يشيـل الكتـاب ولاقـرا ســوره
    مثـل الــذي يسـمـع الآذان مايصـلِّـي


    سجلني من معجبينك يالمهلكي وهذا البيت اكبر دليل على ابداعك..

    تحيــــــــاتي
    القنيــص

صفحة 1 من 2 12 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52