النتائج 1 إلى 5 من 5

الموضوع: تكفى ترى تكفى تهز الرياجيل

  1. #1
    ... عضو نشيط ...


    تاريخ التسجيل
    Jan 2007
    المشاركات
    44
    معدل تقييم المستوى
    0

    افتراضي تكفى ترى تكفى تهز الرياجيل

    تكفى ترى تكفى تهز الرياجيل لشاعر/المبدع محمد الحيمي


    تكفى ترى تكفا تهـز الرجاجيـل ... لو ما ظروف الوقت ما قلت تكفـا

    هذي طبوعي كل ما عسعس الليل ... أصلّـح الدلـة وأجـر اللحونـي

    بريـةٍ موزونـة البـنّ والهيـل ... والماء بوزن وحيّ هاك الوزونـي

    منهـا تكيّفنـي ثلاثـة فناجـيـل ... وأرتاح ويطير السهر من عيونـي

    وأراجع الذكرى وأجـرّ المواويـل ... والذكريـات بكـلّ شكـلٍ ولونـي

    البعض منها يشرح الصدر بالحيل ... والبعض لا والله يجـدد طعونـي

    وأرجع وأفكّر في الليال المقابيـل ... لعل وقتـي مـا يخيّـب ظنونـي

    وأدخل على الله من حياة الغرابيل ... حيث إن همّي ما تشيلـه متونـي

    كنّك مفصّل فوقي الهـمّ تفصيـل ... لين إلتبسني مثل لبـس الجنونـي

    حالي كما حال القلوب المشاغيـل ... اللي من أطرف شـيء يتأثّرونـي

    لو يشتكون الغبن والجور والميـل ... للغيظ وسط صدورهـم يكتمونـي

    فكّرت الا الموضوع يحتاج تحليـل ... وفنّ الدراسة واحدٍ مـن فنونـي

    عرفت وش عكّر مزاج المشاكيـل ... يوم إنهم مـن وقتهـم يشتكونـي

    أول سبب: نقالـة القـال والقيـل ... الطغمة اللـي جعلهـم يذهبونـي

    قلوبهـم بالحقـد سـودٍ مغاليـل ... ومن طبعهم بالمشكلـة يفرحونـي

    وثاني سبب: ناسٍ على مثل ما قيل ... لا يقطعـون الشّـر ولا ينفعونـي

    والله ما يرفع ضغطك إلا المهابيـل ... العالم اللي في النحـر ينشبونـي

    وثالث سبب: ناسٍ سوات المخاييل ... على سلوم الطّيب ما يحرصونـي

    خلّو سلوم أجدادهم رغو مع سيـل ... وفي عالم التقليد جـو يركضونـي

    طشّوا عمايمهم ولبسـوا بناطيـل ... والموس فال أشنابهـم والدقونـي

    وأرقابهم ما سلمت من السلاسيـل ... تطبّعـوا بطبـوع هيـم البطونـي

    في ذمتي ماعـاد باقـي رياجيـل ... إلا القليـل وجعلهـم يثبتـونـي

    صفّة بعد صفّة وجيلٍ بعـد جيـل ... كلٍ من اللي قبله أنقص وأدونـي

    هذي هي الأسباب من دون تفصيل ... شرحت روس أقلام بس أعذروني

    واللي يبي تفصيل بالحيل بالحيـل ... يقـدر يكلمنـي علـى تيلفونـي


    اتمنى انها اعجبتكم

  2. #2
    ][ ..شــاعــروإعلامي.. ][
    تاريخ التسجيل
    Dec 2006
    الدولة
    في صدر كل طيب
    المشاركات
    3,085
    معدل تقييم المستوى
    4

    افتراضي

    صح الله السانك ونقلك أبيات لها معنى وتحمل الكثير في مفرداتها



    الطرح مكرر ولانمانع من وجوده

  3. #3
    ... عضو جديد ...


    تاريخ التسجيل
    Apr 2007
    المشاركات
    16
    معدل تقييم المستوى
    0

    افتراضي

    صح لسانك أخوي

    و مشكور على القصيده

  4. #4
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    [poem= font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    صفّة بعد صفّة وجيلٍ بعـد جيـل = كلٍ من اللي قبله أنقص وأدونـي[/poem]
    روح نجـد

    إنتقـاااء .. وااارفـ
    يتمـيّز .. بالصدق و الوضوح .. في المعنى
    كل الشكر
    لـ إبداااعك .. و حضورك الراااقـي

    تحيتي

  5. #5
    قوس بلا قزح


    تاريخ التسجيل
    Feb 2007
    الدولة
    في فنجانك انتظر رشفتك
    المشاركات
    534
    معدل تقييم المستوى
    1

    افتراضي

    أولاً اخي العزيز البيت الاول دخيل على القصيدة والدليل القافية ....


    اما القصيدة الصحيحة ......فهي







    اما لطمنا العيل والا الطم العيـل
    مادام شب النار منـدوب الاطفـا
    من ذاق حر القايله يعشق الليـل
    ومن شب ضوه ليلة البرد يدفـا
    امسيت في جيلٍ ولاهوب ذالجيل
    واصبحت والا ديرتي شبه منفـا
    واللي حما بيته بطيـرن ابابيـل
    ماجيت ادور كل من صـد وقفـا
    ولاجيت ابشحذ يانما دلّه وهيـل
    جيتك وجرح الظلم غاديه يشفـا
    جيتك بكلمه كنها صعقـة الويـل
    ان قلت تكفـا لاتهـاون بتكفـا
    تكفا تراها كلمـةٍ تقطـم الحيـل
    لابالله الا تنسف الحيـل نسفـا
    تكفا ترا تكفا لها هـدرة السيـل
    في صدر حرٍ ينتف الطيب نتفـا
    تكفا ترا تكفا لها تسّـرج الخيـل
    ان كان لك في مجمع الخيل عسفا
    تكفا تراني من قـرومٍ مشاكيـل
    حماية الساقـه بسيـفٍ وشلفـا
    تكفا وتكفـا ماتسـاق لمهابيـل
    تكفا تخلّي القـرم لاشٍ وهطفـا
    تكفا ترى تكفا تهـزّ الرجاجيـل
    لولا صروف الوقت ماقلت تكفـا

المواضيع المتشابهه

  1. وعد الهوى تكفى وانا اخوك تكفى ..!!
    بواسطة مرسال الغرام في المنتدى الارشيف
    مشاركات: 5
    آخر مشاركة: 06-11-2007, 07:05 PM
  2. ...... انا ... هنا ... كما .. كنت .... ][ تكفي جروحي ][ ..
    بواسطة تكفي جروحي في المنتدى الارشيف
    مشاركات: 12
    آخر مشاركة: 17-07-2006, 12:10 PM
  3. تكفى
    بواسطة الأمـــاكن في المنتدى الارشيف
    مشاركات: 2
    آخر مشاركة: 29-04-2006, 09:48 AM
  4. (((((تكفى يا اا موت زرني ))))))
    بواسطة عاشقه فراشي هم ولحافي غم في المنتدى قصائد وخواطر
    مشاركات: 9
    آخر مشاركة: 04-07-2005, 05:12 AM
  5. تكفي جروحي..
    بواسطة عذاب الـ ع ـين في المنتدى الارشيف
    مشاركات: 8
    آخر مشاركة: 18-06-2005, 02:43 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52