النتائج 1 إلى 3 من 3

الموضوع: قصة استاذ الخيانة

  1. #1
    ... عضو مـاسي ...


    تاريخ التسجيل
    Jan 2006
    الدولة
    ΒαҺя!ŋĭα
    المشاركات
    1,360
    معدل تقييم المستوى
    2

    افتراضي قصة استاذ الخيانة

    مساء الخير

    ابي منكم تشجيع عشان احط لكم القصة لانها روووعة ولا بعد كويتية:confused:

    يلا وين تشجيعكم

  2. #2
    ... عضو نشيط ...


    تاريخ التسجيل
    Aug 2006
    الدولة
    سنتياجو برنابيو
    المشاركات
    122
    معدل تقييم المستوى
    1

    افتراضي

    ههههههه الله يرجك وين القصه طيب ..!!!

    مفروض تحطين جزء منها .. بعدين تكملين إذا لقيتي تشجيع .!!

    لكن من أولها ولا شي ماتجي هههه ...!!

    يلا هذاني بشجعك ..!!

    يلا حطي الجزء الثاني مدري الأول من القصه المثيره

    \\

    //


    يعطيك العافيه على القصه الرائعه مقدما


    دمتـ بود

    كررس

  3. #3
    ... عضو مـاسي ...


    تاريخ التسجيل
    Jan 2006
    الدولة
    ΒαҺя!ŋĭα
    المشاركات
    1,360
    معدل تقييم المستوى
    2

    افتراضي

    من أروع القصص فـــي المجتمع الكويتي
    قصة
    أستاذ الخيانة


    * قصــــــــــــة : عبدالله محمد النـــــــــــاصر
    * المكـــــــان : دولـــــة الكــــــــــويــــــــــت
    * الزمــــــــان : ســــــــــــــنــــــــــــــــة 2000
    * الشخصيات : مشاري ، أحمد، روان ، رتاج







    مشاري شاب عمره 22 موظف في احد الشركات


    يحب شي اسمه مظاهر وطلعات ودوانيات وبنات ... يوم من الايام


    قال حق رفيجه أحمد الليلة الساعة 9 بنطلع ستار بكس نشرب قهوة انا معاك


    لان اليوم جمعة والناس كلهم طالعين


    أحمد قاله اوكي صار


    ..........


    مشاري وأحمد راحوا ستار بكس اقعدوا عالطاولة يشربون قهوة وطايحيله سوالف


    وحش باللي رايح واللي راد


    ..........


    روان ورتاج بنتين شحلاتهم يعرفون بعض من ايام الطفولة


    وروان الحين ثاني سنة لها في كلية الاداب


    ورتاج معاها بنفس الكلية ثاني سنة بعد


    قرروا انهم يروحون ستار بكس


    ولما ادخلوا ستار بكس اقعدوا عالطاوله وقاعدين يسولفون


    مشاري من اول ماشافهم داخلين ستار بكس لما اقعدوا واهوا متنح على روان


    أحمد لاحظ على مشاري انه سرحان قاله شفيك ؟


    مشاري قال ها شنو شتقول ؟



    أحمد قاله شفيك شفيك متنح ؟




    مشاري قال شوف هالبنت اللي قاعده هناك شوف شحلاتها


    أحمد قال اوكي البنت شحلاتها الله يخليها حق اهلها


    انت شكو فيها ؟


    مشاري قال شنو شكو فيها ؟


    انا ابيها ابيها شوف شوف شحلاتها تعور القلب



    أحمد قال تبيها وتعور القلب ؟





    شي غريب العاده انت تتعرف على بنت وتذلها ذل


    لكن هذي شكلك ذبت ذبت فيها



    مشاري قال تبي الصراحة إي والله أحس إنس منجذب لها وايد





    أحمد قاله دام عاجبتك ومنجذب لها على قولتك


    يالله روح كلمها وقولها عن مشاعرك يا بو المشاعر



    مشاري قال هذي مبين عليها غير عن البنات





    وخوفي لو رحت اكلمها تحقرني


    فلازم افكر بطريقة ثانية


    أحمد قال لا تفكر ولا شي اشرب قهوتك وخلنا نمشي


    مشاري قال لالا ما امشي واخليها انا لازم اعرف بيتهم


    أحمد قاله من صجك انت ؟


    شتبي ببيتهم ؟



    مشاري قاله بعدين تعرف






    رتاج قاعده تسولف مع روان ولاحظت ان مشاري متنح بروان ويخزها خز




    فقالت حق روان شوفي الصبي اللي قاعد بالطاوله اللي هناك طايحله خز فيج


    روان قالت ادري ملاحظته بس مالنا شغل فيه


    رتاج قالت مالت عليج شوفي شحلاته


    روان قالتلها قومي خلينا نطلع احسن


    رتاج وروان اطلعوا من ستار بكس واركبوا السيارة


    مشاري قال حق أحمد يالله قوم قوم خلنا نلحقهم


    واركبوا السيارة وقاعدين يلحقونهم بس من غير لا تحس روان ولا رتاج


    بالطريج رتاج قالت حق روان بذمتج شرايج بالولد اللي يخزج ؟



    روان قالت مممممم حلو وايد





    رتاج قالت دامه حلو وايد ليش ما ابتسمتيله ؟


    روان قالت لالا ماحب هالسوالف


    رتاج قالتلها واللي يرحم والديج سوقي بس سوقي


    روان اضحكت وقالتها خلاص ولا يهمج المره اليايه اي واحد يخزني على طول ابتسملها



    رتاج قالتلها تطنزين مع الويه





    روان اضحكت وقالت يا حلوج يا رتوووجه يا أحلى رفيجة بهالدنيا




    طبعا مشاري وأحمد بالسيارة منهمكين بالمراقبة






    روان وصلت رتاج وبعدين راحت بيتهم




    مشاري قال حق أحمد شوف شوف هذا بيتها صدناه


    أحمد قاله الحين انت عرفت بيتها شبتسوي الحين تراك دوختني


    مشاري قاله بكتبلها بورقة وبحطها عند باب سيارتها عشان محد يلاحظ


    أحمد قاله من صجك انت ؟


    مشاري قال اي من صجي ماكو الا هالطريقه واللي يصير يصير


    أحمد قاله اوكي شنو بتكتب ؟


    مشاري قال بكتبلها جم كلمة وبحط ايميلي عشان تتقبلني اكثر


    لان في بعض البنات يستحون من التلفون


    فالايميل كبداية اضمن



    أحمد قاله اي خوش فكره





    مشاري خذاله ورقة وكتب فيها (( السلام عليكم ... شلونج يا احلى بنوتة شفتها بحياتي


    بصراحة آنا معجب فيج وايد وايد وايد فوق ما تتصورين


    وحبيت اكون معاج علاقة ان شاء الله تتسم بالحلال


    وصدقيني نيتي صافية وشريفة


    ولو ما ابيج وشاريج جان ما شفتيني مراقبج وكاتبلج هالرسالة


    واتمنى تفهميني وما تتجاهليني


    وادري ان ودج تعرفين منو انا ؟


    انا اللي بستار بكس اللي قاعد بالطاوله اللي جدامكم


    اللي لابس تيشيرت اسود الي قاعد يخزج طول الوقت


    اتمنا عرفتيني وهذا ايميلي <_____> واتمنا تضيفيني عشان اقولج مشاعري تجاهج


    وسامحيني على جرإتي


    (( اسمي مشاري


    وبعدين نزل من السيارة وراح لزق الورقة على باب سيارتها


    وركب سيارته ووصل أحمد ورد بيتهم


    اذا لقيييت تشجيع بنزل الجزء الثاني

المواضيع المتشابهه

  1. لو كنت استاذ من بتطرد من الاعضاء من حصتك ؟؟
    بواسطة معاكس 2009 في المنتدى الارشيف
    مشاركات: 516
    آخر مشاركة: 09-09-2006, 11:56 PM
  2. لو كنت استاذ من بتطرد من الاعضاء من حصتك ؟
    بواسطة funny girl في المنتدى الارشيف
    مشاركات: 17
    آخر مشاركة: 29-08-2006, 11:21 PM
  3. استاذ قدم استقالته << مسكين ..
    بواسطة شويه هباله في المنتدى الارشيف
    مشاركات: 3
    آخر مشاركة: 19-07-2006, 03:32 AM
  4. لو كنت استاذ من بتطرد من الاعضاء من حصتك ؟؟
    بواسطة العـــريقه في المنتدى الارشيف
    مشاركات: 20
    آخر مشاركة: 12-06-2006, 10:44 PM
  5. استاذ الخيانه ( ضروري الدخول )
    بواسطة اميرة العناد في المنتدى الارشيف
    مشاركات: 16
    آخر مشاركة: 22-03-2006, 02:57 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52