صفحة 14 من 19 الأولىالأولى ... 41213141516 ... الأخيرةالأخيرة
النتائج 66 إلى 70 من 91

الموضوع: ×× أملي في الحياة ×× (( قصة سعودية))

  1. #66
    ... عضو ذهبي ...


    تاريخ التسجيل
    May 2006
    الدولة
    عالمـــــ الخاص ــــــــي ..... غرفتي
    المشاركات
    825
    معدل تقييم المستوى
    1

    افتراضي

    من عنوني ياغالية

    واسفة على تاخري بس كانت فيني انفلونزا وماقدرت ادخل نت

  2. #67
    ... عضو ذهبي ...


    تاريخ التسجيل
    May 2006
    الدولة
    عالمـــــ الخاص ــــــــي ..... غرفتي
    المشاركات
    825
    معدل تقييم المستوى
    1

    افتراضي

    [align=center]الجزء الثاني و العشرون:
    €€ماقبل الأخير€€


    هادي:بعطيش خبر بمليون ريال بس أنا ماأبغى مليون أبغى بوسه.
    شيماء:حمستني قول.
    هادي بفرح:جواد صحـــــــــــــــــى.
    شيماء صرخت من الفرحه:أمـــــــاه
    هادي:هااااي وين رايحه لحظه تعالي.
    شيماء من فرحتها كانت بتترك السماعه اتروح اتقول لأمها:باروح أقول لأمي.
    هادي:هههههه الحين بيجي ابوش ياخذكم أجهزوا.
    شيماء تتكلم بسرعه:انزين باروح أقول لأمي يلا باي.
    هادي:ههههههه باي.
    راحت لأمها........
    شيماء:أمــاه جواد جواد صحى.
    أم جواد أول شي ماصدقت ظلت فتره ليما استوعبت و امتلت عيونها بدموع الفرح:كللللووووويش أفضل الصلاة و السلام عليك ياحبيب الله محمد كللللووووويش الحمدلله أحمدك يارب الهم صلي على محمد و ال محمد.
    دانه سمعت صوتها على طول راحت لهم اتشوف ويش صاير.
    دانه فرحانه لفرح أمها مستغربه:ويش صاير؟؟
    أم جواد:جواد.
    دانه فهمت على طول:لولولولولولويش.
    شيماء:الحين بيجي ابوي ياخذنا.
    دانه راحت غرفتها بسرعه:ياي باشوف جوادوه قاعد .. راحت غرفتها تجهز.
    شيماء نفس الشي راحت غرفتها.
    أم جواد صلت قرت قرأن.
    بعد نص ساعه جى لهم ابو جواد .. راحوا معاه المستشفى كلهم فرحانين ينتظروا اللحظه الي يشوفوا فيها جواد.
    ــــــــــــــــــــــــــــــــــــــــ
    مل من مكتبه و من كثر تفكيره في حوراء بعده خايف عليها لأن جوالها مقفل.
    أخر شي قرر أنه يروح لقيس يسأله عنها.
    رائد:السلام عليكم.
    قيس:وعليكم السلام.
    رائد قعد على الكرسي الي قدام قيس:خلصت شغلي.
    قيس منشغل بالأوراق الي عنده:وأنا ويش أسوي لك؟؟
    رائد:سولف معاي.
    قيس:ولله أنك فاضي.
    رائد:هيه فاضي و أبغاك اتكلم حوراء ويش سالفتها ليش قافله جوالها.
    قيس:اففف منك ماتشوفني مشغول.
    رائد:ياخي أبغى أطمن عليها.
    قيس:هذوه تلفون أتصل انت اطمن.
    رائد:مامنك فايده .. أتصل على البيت بس ماحد رد عليه فتصل مره ثانيه و محد رد عليه.
    رائد:محد ايرد.
    قيس:لا أكيد أمي قاعده .. رد اتصل.
    رائد:نفس الشي ماحد ايرد.
    قيس أخذ جواله أتصل على جوال أمه......
    قيس:الوو أماه وينش ليش ماتردوا على البيت؟؟ .. ويـــش .. هالغبيه كيف ماأنتبهت .. يعني ماشمته .. اي زكام اي بطيخ .. خلاص الحين جاي في اي مستشفى انتوا؟؟ .. انزين مع السلامه.
    رائد:طمني من في المستشفى؟؟
    قيس:يعني من حوروه.
    رائد خاف عليها:ويش فيها؟؟
    قيس:تعال معاي و أقولك في السياره.
    راحوا مع بعض......
    ــــــــــــــــــــــــــــــــــــــــ
    وصلوا المستشفى وكل وحده تسابق الثانيه...
    أبو جواد:هايه لحظه وين رايحين غيروا غرفته؟؟
    أم جواد:يوووه ليش ماقلت من أول.
    أبو جواد:انتوا أسرع مني مامداني أقولكم.
    شيماء:وين غرفته بسرعه أبغى أشوفه؟؟
    أبوجواد:أمشوا وراي.
    دانه:أبوي أنت بطيئ قول كم رقم غرفته وأحنا انروح.
    أبو جواد:هههههههههه.
    وصلوا عند غرفته دخلوا..
    على طول هادي راح لهم..
    هادي بحركه بصبعه:اششش نام لاتزعجوه.
    دانه بصوت عالي أشوي:نعم نعم وشو اينام ماكفاه نوم شهرين و نص.
    شيماء:يعني مايدري أن أحنا بنجي له.
    أم جواد:ماعليك منهم أهم شي لما قعد أكل شي؟؟ قال شي؟؟ ويش حاله؟؟ ويش قالوا عنه الدكاتره؟؟ ويش
    جواد:ههههههه كل هالأسئله بيجاوب عليها هادي ما
    ماكمل جملته الا ثلاثهم نطوا عليه.
    جواد:اي اي اي لحظه لحظه أيدي.
    أبو جواد:اشوي اشوي عليه لا تنسوا ايده.
    أم جواد اتصيح من فرحتها:حمدلله على سلامتك ياولدي ولله البيت من دونك مو حليو.
    شيماء دمعت عيونها:أشتقنا لك مالت عليك و أنت قاعد أتقول أيدي.
    دانه حالها من حال أمها و شيماء:هيه جوادوه ولله أشتقنا لك.
    جواد:هههههه ياحظي ثلاث مره وحده.
    الكل:هههههههههههههه.
    هادي:طيب أنا أستأذن.
    جواد:وين وين رايح؟؟
    هادي:لا برجع بعدين .. بخليهم على راحتهم << كان يقصد دانه.
    هادي:اوكيه أشوفكم على خير.
    الكل:مع السلامه .. طلع
    دانه على طول فسخت عباتها:صحيح ويش حال ارجولك؟؟
    جواد:ماأدري قالو لي ماأمشي عليها واجد عشان العمليه.
    أم جواد:شهرين و نص ماحركتها مفروض تشفى.
    جواد:بـــــــل غيبوبتي شهرين و نص .. راح علي المسلسل.
    دانه شيماء:ههههههههههه.
    أم جواد:بدل هالخرابيط الي اتقولها قوم صلي.
    جواد:صليت .. أصلآ أنا صحيت من الفجر بس أتصلوا لهادي لأنه أول رقم عندهم و هادي ماخبركم الا لما شبع مني.
    أم جواد:محد يشبع منك الله ايخليك لي ويش تبغى اطبخ لك اليوم أدري أكلهم مو حلو.
    دانه:أقول شكلش نسيتي أن عندش بنات ثنتين الله ايخلينا .. طالعت شيماء.
    شيماء:خلاص أني بسوي حادث عشان اتدلليني جذي.
    أم جواد:ويه اسم لله عليش.
    جواد:انطموا ثنتينكم أنا البكر و ولدها الوحيد أكيد بدللني.
    دانه:مالت عليك.
    جواد:ايقول هادي خلصتوا ادموعكم كلها علي.
    شيماء:ولله ادموعي غاليه مفروض تفرح لو اطيح دمعه وحده عليك.
    جواد:ماتقدري ماتصيحي علي.
    دانه:ولله شايف عمرك.
    جواد:مريض و من حقي.
    أم جواد:ماتحس بألم في راسك مكان العمليه؟؟
    جواد اتحسس الشاش الي في راسه:ماأدري أحس بألم بس أقاومه.
    أم جواد:اذا تعبان ارتاح.
    جواد:مو تعبان.
    شيماء:جواد اذا تعبان
    جواد قاطعها:قلت لكم مو تعبان .. بس عطشان.
    شيماء جابت له ماي.
    شرب الماي الا بدخلة ابو جواد.....
    أبو جواد:يلا مابتروحوا؟؟
    جواد:ليش مامداكم.
    أبو جواد:أنت تعبان و لازم ترتاح.
    جواد:بمل بروحي.
    شيماء:بجي لك مع هادي العصر.
    دانه:وأني؟؟
    شيماء بشكل مزاح:هادي مابياخذ راحته اذا جيتي معنا.
    دانه:حلفــــــي.
    شيماء:ههههه أمزح.
    أم جواد:لا دانه أنتي تعالي معاي بعدين لما أجيب له الغذى .. لبست عباتها راحت لجواد باسته .. أعتني بنفسك.
    جواد:انشالله.
    دانه راحت باسته:أشوفك بعدين.
    جواد ابتسم.
    جت له شيماء وقبل ماأتقول أي شي ساسرها.
    جواد بصوت واطي:لا اتقولي لساره أني صحيت.
    شيماء بستغراب:ليش؟!
    جواد:بعدين أقولش .. قولي لدانه مااتقول لها.
    شيماء:انزين .. باسته .. باي .. راحوا.
    انسدح على السرير وهو حاسس بألم في راسه بس الألم الي كان أقوى هو ألمه على ساره .. هادي قاله عن موت أهلها يعني أم ساره ووليد لأنه ماكان يدري عن موتهم بس درى عن أبو وليد بس هادي ماقاله بالتفصيلات يعني وش صار لساره و هلأشياء من جذي يبغى الوقت يمشي بسرعه عشان اتجي شيماء و يسألها.
    ــــــــــــــــــــــــــــــــــــــــ
    أتصل لساره عشان يسألها عن الغذى بس ماردت فتصل على البيت و ماردت .. خاف عليها راح البيت على طول........
    سلمان:سااره ســــــاااره ســــــــــااااره.
    ماسمع رد فركب فوق .. لقى باب غرفتها مفتوح.
    سلمان:ساره ساره أنتي أهني.
    ساره طلعت من الحمام و هي اتنشف فمها بالفوطه وكان باين على شكلها تعبانه.
    سلمان:ساره فيش شي؟؟
    ساره مرتبكه:هاه لا مافي شي بس كنت كنت أرجع << تتقيئ.
    سلمان:و الحين ويش اتحسي؟؟
    ساره:لا أحسن بس برتاح و
    قاطعها:خلاص ارتاحي و أنا بنظف الحمام.
    ساره:لا لا لا مايحتاج اتنظفه نظفته من اشوي .. اممم صحيح ليش جاي؟؟
    سلمان:أتصلت لش عشان أسألش عن الغذى مارديتي خفت عليش جيت .. أنتي ارتاحي الحين بس ويش تبغى الغذى؟؟
    ساره:عادي الي يصير.
    سلمان:اوكيه ارتاحي .. باي .. راح.
    ساره انبطحت على السرير ترتاح.
    ــــــــــــــــــــــــــــــــــــــــ
    قيس و رائد وصلوا المستشفى........
    راحوا لغرفتها شافوا الشرطه طالعين من الغرفه و معاهم ابو قيس.
    قيس:ويش حالها و ليش الشرطه؟؟
    أبوقيس:ايقولوا يمكن كانت تبغى تنتحر من جذي حققوا معها.
    رائد:المهم هي كيفها الحين؟؟
    أبوقيس:سوو لها غسيل معده حطوا لها مغذي.
    رائد:عادي ادخل؟؟
    ابوقيس:مافي أحد غير أم قيس .. ادخل.
    رائد دخل و قيس دخل وراه....
    قيس:سلامات ماتشوفي شر.
    حوراء من غير ماتطالع رائد:الله ايسلمك الشر مايجيك.
    رائد بنظرات أسف:حمدلله على السلامه.
    حوراء من دون ماتطالعه:الله ايسلمك.
    قيس:كيف حالش الحين؟؟
    حوراء:زينه.
    أم قيس:قالوا بيرقدوها.
    رائد وجه سؤاله لحوراء:ليش؟؟
    حوراء من دون ماتطالعه:عن لايصيري لي مضاعفات.
    قيس:كيف شربتيه؟؟ معقوله ماانتبهتي أنه كلوركس.
    حوراء:ماانتبهت لأني كنت نعسانه توني قاعده من النوم و غير جذي متزكمه.
    قيس:أهاا.
    رائد أنتبه أن حوراء من أول ماجى وهي ماطالعته ابد .. افف بعدها زعلانه .. كيف بقدر أقولها أني كنت أمزح .. مستحيل أقول قدام الجماعه .. خلاص باجي لها بعدين بتفاهم معاها.
    رائد:ليش جوالش مقفل؟؟
    حوراء لأول مره اليوم طالعته بس بنظره مو عدله:انكسر وأني أكلمك أمس طاح من عندي وانكسر.
    رائد فهم قصدها لأن مابينكسر الجوال بمجرد أنه طاح طيحه عاديه.
    قيس:ماقلتيلي.
    حوراء:مامداني .. تعال اذا رحت البيت جيب جوالي القديم و شريحتي حطيتها على التسريحه.
    قيس:انزين.
    ــــــــــــــــــــــــــــــــــــــــ
    #في المستشفى في غرفة جواد#
    شيماء و هادي توهم واصلين.......
    شيماء:هااااااااي.
    جواد:هلا.
    هادي:ها ويش اتحس الحين؟؟
    جواد:ماأدري .. زين.
    شيماء قعدت بالكرسي الي جنبه:أكيد أشتقت لي.
    هادي:لا أشتاق لي أنا.
    جواد:لا تتشابقوا مااشتقت لكم اشتقت لناس ثانين.
    شيماء وقفت منقهره:مالت عليك .. هادي خلنا انروح مايستاهل الواحد يضيع وقته معاه.
    هادي:ايه حبيبتي قومي خلنا لا انضيع وقتنا عليه.
    جواد:ههههه شفيكم أنا قلت جذي عشان لا تتشابقوا.
    شيماء:لا ولله كان يمديك اتقول أشتقت لكم اثنينكم.
    جواد:أمزح .. تعالي قعدي.
    شيماء قعدت.
    جواد:قوليلي ويش صار و بالتفصيل.
    شيماء قالت له كل شي صار....
    جواد:الحقيره كيف قالت لها جذي؟؟
    شيماء:استغلت ضعف ساره و حالتها و ألفت قصه أشبه بالحقيقه وساره صدقتها.
    جواد سكت اشوي كلام شيماء ألمه لأن هذي الحقيقه:وساره ويش صار لها؟؟
    شيماء:جاها انهيار عصبي.
    جواد اتفاجئ.
    شيماء:اترقدت في المستشفى ثلاث أيام .. وأني عرفت أن تينوه هي الي أخذت الصوره بعدين خافت و رجعتها.
    جواد:وساره ويش صار لها؟؟
    شيماء:ماادري بس ضعفت واجد و اتغيرت و من بعد ذاك اليوم ماشفتها تزورك.
    جواد:كلميها الحين و حطيه اسبيكر.
    شيماء طالعته.
    جواد:اممم هادي
    هادي ابتسم:بطلع بس برجع بسرعه.
    جواد ابتسم له .. طلع هادي.
    شيماء اتصلت لساره رن رنه رنتين ثلاث....
    ساره:الووه.
    حس بشي يتحرك بداخله عود عليه الم راسه.
    شيماء حست له بهمس:جواد فيك شي؟؟
    جواد:لا لا كلميها.
    ساره:الووو شيماء.
    شيماء:هلا.
    ساره:أهلين.
    شيماء:ويش حالش؟؟
    ساره:زينه الحمدلله.
    شيماء:ساره بقولش شي.
    ساره:قولي.
    شيماء طالعت جواد وبنبره فرحانه:جواد صحى من غيبوبة اليوم وهو بخير.
    ساره متفاجئه: ساكته
    جواد و شيماء ينتظروا ردها.
    ساره ببرود:حمدلله على سلامته.
    اثنينهم انصعقوا من ردة فعلها و برودها.
    ساره:شيماء أخليش سلمان يناديني.
    شيماء بعدها متفاجئه:اوكيه باي.
    ساره:باي.
    جواد انسدح على السرير:ليش؟؟!
    شيماء:جواد ساره هلأيام متغيره ماادري ويش فيها.
    جواد اتنهد:اتصلي لهادي.
    ـــــــــــــــــــــــــــــــــــــــ
    [/align]

  3. #68
    ... عضو ذهبي ...


    تاريخ التسجيل
    May 2006
    الدولة
    عالمـــــ الخاص ــــــــي ..... غرفتي
    المشاركات
    825
    معدل تقييم المستوى
    1

    افتراضي

    سدت الخط من شيماء و على طول صاحت من فرحتها و من شي ثاني .. كانت متعمده تخفي فرحها عن شيماء لسبب ماتبغى أحد يعرفه.
    مسحت ادموعها راحت اتصلي صلاة شكر قرت قرأن حست براحه .. فكرت تتصل لحوراء تسأل عنها بعد الي صار لها أمس......
    ساره ببتسامه:الووه.
    حوراء:هلا .. ساروه الحقي على صديقتش علي .. اتخيلي من غبائي الفايح شربت كلوركس بدل الماي.
    ساره:حلفي و أنتي وين الحين؟؟
    حوراء:في المستشفى سوو لي غسيل معده و ماادري ويش.
    ساره:ويش حالش الحين؟؟
    حوراء:ماادري عادي بس أحس بدوار.
    ساره:في اي مستشفى انتي؟؟
    حوراء:مستشفى ال**** .. قولي لأملوه مامداني أقولها.
    ساره:اوكيه باي.
    حوراء:باي.
    أتصلت لأمل قالت لها .. اتفقوا انهم يروحوا مع بعض.
    راحت لسلمان و ابتسامتها اتشق الحلق:عمي بطلع.
    سلمان استغرب ابتسامتها لأنها كانت تعبانه و لأنه طول الفتره الي راحت ماشافها تبتسم جذي:وين؟؟!
    ساره:صديقتي في المستشفى باروح لها.
    سلمان:في المستشفى و انتي فرحانه!!!
    ساره:لا هي بخير الحين .. المهم باروح لها زين.
    سلمان:تعالي من بيوديش؟؟
    ساره:أمل بتمر علي.
    سلمان كان بيتكلم بس سكت.
    ساره:ويش كنت بتقول؟؟
    سلمان:ولا شي .. راح غرفته.
    كان بيقول لها أنا بوصلكم بس غير رايه.
    ــــــــــــــــــــــــــــــــــــــــ
    بعد الغذى راح غرفته نام ساعه و ربع صحى ارتاح له اشوي .. راح لكمبيوتره فتح ايميله مالقى دانه طفاه .. فتح مجره أخذ جواله الثاني لقى 4 مكالمات و رساله.
    فتح المكالمات و كانوا من عند دانه .. فتح الرساله.
    "هلا دلعوه باركي لي أخوي صحى من غيبوبته وهو بخير.
    دلعوه ليش كل مأتصل ماتردي فيش شي؟؟"
    قيس: معقول جواد صحى!!!
    على طول اتصل لها بس قبل ماترد انتبه أنه مو حاط الي يغير الصوت .. اوووه كنت باروح فيها.
    دانه:هلا .. مالت عليش يالسخيفه اتصلت لش ليش ماتردي؟؟
    قيس ويلي وحشني هالصوت.
    دانه:الوووو
    قيس<<دلع:هلا معاش معاش حمدلله على سلامة أخوش متى صحى؟؟
    دانه:الله يسلمش اليوم الصبح.
    قيس<<دلع:أهااا.
    ــــــــــــــــــــــــــــــــــــــــ
    وصلت فاطمه المستشفى قبل أمل ساره.......
    أول مادخلت فاطمه على طول راحت لحوراء و راشد سلم عليها راح....
    فاطمه:حمدلله على السلامه ولله خفت عليش .. ويش حالش الحين؟؟
    حوراء:الله ايسلمش .. عاد مو لهدرجه مو كلوركس هو مصختوها.
    فاطمه:جزاة الخير خايفين عليش.
    حوراء:أكيد بتخافوا علي ماعندكم الا حوحو وحده.
    فاطمه:لا حلفي .. المهم وين أحط الباقه؟؟
    حوراء أشرت:هناك.
    راحت فاطمه حطت الباقه:وين أمي؟؟
    حوراء:في الحمام(أكرمكم الله(
    الا تطلع ام قيس:يووء فاطمه جيتي.
    فاطمه راحت لها باستها:ويش حالش اماه؟؟
    ام قيس:زينه الحمدلله .. تعالي راشد راح؟؟ ابغاه ايوديني البيت.
    فاطمه:لحظه باشوفه .. اتصلت له.....
    راشد:هلا حبيبتي.
    فاطمه مبتسمه:أهلين .. تعال وين أنت؟؟
    راشد:عند باب المستشفى ليش؟؟
    فاطمه:أذا ماعليك أمر وصل أمي البيت.
    راشد:افاا عليش الحين جاي.
    فاطمه ابتسمت:تسلم .. مع السلامه.
    راشد:الله ايسلمش.
    فاطمه:الحين بيجي .. تعالي كيف شربتيه معقوله ماشميتي ريحته؟؟!
    حوراء بحركه سريعه:اصص
    أم قيس:ايه بعد تعرفي بنات هلأيام ابد ماعندهم دبره اتوصل و تشرب ابد ماتفكر تغسله أول.
    حوراء:افف أماه كنت نعسانه ماانتبهت ..كل منش احين بتلعي علي كفايه من شوي لعت علي.
    فاطمه:وأني وش دخلني؟؟
    حوراء:انتي الي فتحتي الموضوع.
    اندق الباب الا هو راشد و راحت معاه أم قيس.
    بعد ربع ساعه وصلوا أمل ساره......
    أمل ساره:حمدلله على السلامه.
    حوراء:الله ايسلمكم.
    راحوا سلموا عليها و على فاطمه قعدوا...
    أمل:ويش حالش فاطمه؟؟
    فاطمه:بخير الحمدلله.
    ساره:حوراء أنتي بخير الحين؟؟
    حوراء:بل طالعه غريبه حوراء حوروه أحسن.
    الكل:هههههههههههه.
    حوراء:هيه بخير و بكره بيطلعوني مايحتاج اقعد في المستشفى.
    الا يرن جوال حوراء......
    حوراء طالعت الشاشه:اففففففففففف.
    فاطمه:من المتصل؟؟
    حوراء:رائد.
    ساره:بعدش زعلانه!؟
    فاطمه:ليش ويش صاير؟؟
    حوراء:بعدين أقولش .. ردت على رائد....
    حوراء:الوو.
    رائد:هلا.
    حوراء بطريقه مو عدله:أهلين.
    رائد:معاش أحد؟؟
    حوراء:هيه صديقاتي و أختي.
    رائد:أهاا و متى بيطلعوا؟؟
    حوراء شبه معصبه لأنها متوتره:لاولله تبغاني أقولهم يروحوا عشان حظرتك .. دزتها أمل و فاطمه لأنهم الأقرب لها.
    رائد: سكت.
    رائد:لما يطلعوا رني علي .. باي .. سد الخط بسرعه.
    حوراء:هالغبي مايفهم ماأبغى أشوفه.
    ساره:انزين يمكن يبغى يتفاهم معاش.
    أمل:أتركي له فرصه.
    فاطمه:أني مو فاهمه شي.
    حوراء:أسمعي..............................
    لما طلعوا فكرت بالكلام الي قالوه لها .. من جذي رنت عليه.
    بعد نص ساعه جى لها و بأيده كيس و الأيد الثانيه باقة ورد.......
    رائد:السلام عليكم.
    حوراء بهدوء:وعليكم السلام.
    عطاها الباقه.
    حوراء:تسلم.
    رائد قعد على السرير مسك ايدها:أحبش.
    حوراء:واضح.
    رائد:ممكن اتكلم معاش بوضوح؟؟
    حوراء:اتفضل.
    رائد:الا قلته لش كله خراط أصلآ أنا ماشفت جنان و لا عمري بفكر فيها و أنا قلت لش الي قلته لأني انقهرت انش مارحتي معاي و لأني كنت أبغى أشوف ردة فعلش
    حوراء بمسخره:احلف.
    رائد بجديه:حوراء ممكن تتركي مسخرتش مو هذا وقتها زين مني جاي اعتذر لش بعد الي قلتيه لي أمس و من اشوي.
    حوراء:انزين احين أنت ويش تبغى؟؟
    رائد:أبغاش تسامحيني.
    حوراء:يعني تعترف أنك غلطان.
    رائد:غلطان بس مو غلطان.
    حوراء ابتسمت:كيف!؟
    رائد:أنا كنت أمزح و مو غلط الواحد يمزح بس الغلط الشخص الي مزحت معاه.
    حوراء:هذا تسميه مزح؟؟
    رائد:أسميه حب ولله أحبش.
    حوراء ابتسمت.
    رائد:ماقلتيلي شصار في الجوال؟؟
    حوراء:ضربته بالجدار.
    رائد:بل شذنبه؟؟ .. أشوه ما كنت قدامش.
    حوراء:ههههههه حطيت حرتي فيه.
    رائد:مابتشتري لش غيره.
    حوراء:مايحتاج عندي جوالي.
    رائد عطاها الكيس:الا يحتاج.
    فتحته لقت فيه جوال n80 الجديد.
    حوراء:مره حليو بس ليش كلفت على نفسك مايحتاج عندي جوالي.
    رائد بنظرات حلوه:مافي كلافه على زوجتي.
    حوراء ابتسمت:شكرآ.
    ــــــــــــــــــــــــــــــــــــــــ
    #في غرفة جواد #اليوم التالي.
    طبعآ زاروه الأهل بس مو كلهم و الحين معاه قيس و بيجي له لؤي و هادي.
    جواد:قيس
    قيس:نعم.
    جواد:أنت كنت بتقول لي شي قبل يوم الحادث بس مامداك .. تقدر تقوله الحين.
    قيس:بل بل بعدك تذكر أنا قلت أكيد نسيت.
    جواد:أنت قلت موضوك يخصك و يخص طرف ثاني و أنا أقدر أساعدك فأكيد بذكره.
    قيس:ماأدري ماأحس هذا وقته.
    جواد:عادي قول ماورانا شي.
    قيس:أقول بس ماتقاطعني و تنتظرني لين أخلص.
    جواد:اوكي.
    قيس:أنا أبغى أتقدم لأختك أنا شفتها بالغلط و عجبتني و قلت لأبوي أني أبغى أخطبها بس أجلنا الموضوع عشان عرس أختي و أنت عارف ويش صار بعدين .. وأبغى أعرف رايك أول.
    جواد:بس هي بعدها تدرس.
    قيس:أنا عرفت من أختي أن باقي لها سنه و اتخلص و اذا هي تبغى اتكمل دراستها عادي نخطب و بعدين نتزوج.
    جواد:ماادري بشاور الأهل.
    فترة صمت قطعها صوت دق الباب..
    جواد:اتفضل.
    دخل هادي سلم على قيس و جواد..
    جواد:تعال وين لؤي مو قلت بيجي معاك.
    هادي أشر على الباب.
    جواد و قيس طالعوا الباب لقوا لؤي امدخل راسه ويضحك.
    جواد:اوب اوب لؤلؤه حلق شعره.
    لؤي:لؤلؤه في عينك ،. راح له حضنه بقوه و طول في الحضنه.
    لؤي:وحشتني يامعفن.
    جواد:أنا امعفن توني متسبح.
    لؤي سلم على قيس:ويش حالك قيس؟؟
    قيس:الحمدلله بخير.
    لؤي:اخ جوادوه لو شفتني كيف اصيح عليك كان ماعرفتني ولله اتفشلت قدام خلق الله كني بنيه.
    جواد:ماحد قالك صيح.
    لؤي:هذا جزاي اني أحبك.
    رن جوال قيس.
    قيس:أنا استئذن الحين بروح.
    جواد:وين مامداك ابو الشباب.
    قيس:الأهل يبغوني .. يلا مع السلامه.
    الكل:الله يسلمك.
    جواد:لؤي أعترف من حبيت و متى؟؟
    لؤي:مالت عليك كشفتني.
    هادي:كيف عرفت؟؟
    جواد:بسيطه هو كان متحديني أنه مابيحب و أنا قلت له أنه بيحب فتحديته اذا حب يحلق شعره و حلقه الأخ.
    هادي:هههههههههه خوش تحدي.
    لؤي:أسمع أنا مو حبيت حبيت بس شكلي.
    جواد:اي منووو؟؟
    لؤي:وحده بنت أمها و ابوها.
    جواد:أكيد بنت أمها و ابوها عجل بنت من؟؟ انزين وين شفتها؟؟ وويش صار؟؟ هي اتحبك؟؟
    لؤي:أحلف اتحبني هي زين تذكرني.
    جواد:اففففف جاوب على أسئلتي.
    لؤي:شفتها في المحل كم مره بس كنت عادي يعني ماكنت أحس بشي بس لما جيت لك شفتها و أول مره بحياتي أحس بفشله لأنها شافتني أصيح عليك
    جواد:هههههههههه ويلي موقف محرج هههههه.
    لؤي:مالت عليك ماتصلح الواحد يقولك شي.
    هادي:ماعليك منه هذا دايم يتمسخر.
    لؤي:اي ولله صدقت خلاص مابقوله شي.
    جواد:هااايه أنت ماعليك من هاديوه كمل بعدين ويش صار؟؟
    هادي:الحين هاديوه و من قبل حبيبك و مادري شوو.
    جواد:اففف خلنا نسمع ويش صار.
    لؤي:المهم أنا قمت أفكر في فشيلتي خاصه أن صاحبتها كانت معاها و شافتني و غير جذي مروا علي ثلاث بنات سوني مهزله الله يلعنهم .. انا نسيت السالفه و البنت بس قبل كم يوم شفتها في المحل و الظاهر أن أحمدوه الخايس كان ايغازلها لأنها كانت اتصرخ عليه .. أنا سألتها ويش تبغى بس هي ردت علي بصوت حتى القريب منها مايسمعه .. لا أرادي ضحكت عليها عاد هي اتفشلت مسكينه و طلعت من المحل بسرعه.
    جواد:وبعدين؟؟
    لؤي:خلاص.
    جواد:أحلف يعني ماتعرف عنها شي؟؟
    لؤي:الا هي ساكنه في البيت الي جنب المحل و أنا عرفت عنها كل شي تقريبآ.
    هادي:الله على العاشق.
    ــــــــــــــــــــــــــــــــــــــــ

  4. #69
    ... عضو ذهبي ...


    تاريخ التسجيل
    May 2006
    الدولة
    عالمـــــ الخاص ــــــــي ..... غرفتي
    المشاركات
    825
    معدل تقييم المستوى
    1

    افتراضي

    #بيت ابو قيس#
    البنات كانوا جاين لحوراء يتحمدوا لها بالسلامه.......
    حوراء:صحيح حمدلله على سلامة جواد.
    دانه و شيماء:الله يسلمش
    أمل فاطمه:حمدلله على سلامته.
    دانه و شيماء:الله يسلمكم.
    اتوجة نظرات حوراء لساره:ساره ويش فيش؟؟
    ساره:هاه مافي شي عادي.
    حوراء:امفهيه و طاير عقلش.
    ساره مرتبكه:لا مو طاير عقلي.
    حوراء(اوكى بعدين أشوف ويش سالفتش(
    مر الوقت بسرعه و البنات طلعوا بس بعد ماقرروا انهم يزوروا فاطمه في بيتها و يشاهدوا شريط العرس لأن مامداهم يروحوا لها من قبل.
    بعد ساعه من طلوع البنات جت عقيله و قعدت مع حوراء.
    ــــــــــــــــــــــــــــــــــــــــ
    #بيت سلمان#
    بعد ماخلص غذاه راح يتسبح بعدين لبس ثيابه و اتجهز راح المطبخ لساره الي كانت تغسل الصحون.
    سلمان:أنا طالع تبغي شي؟؟
    ساره:وين؟؟
    سلمان شدد نظراته عليها:باروح ازور جواد في المستشفى.
    ساره اتغيرت ملامحها لفت للصحون:انزين لا تتأخر.
    سلمان:ماتلاحظي أنش غريبه؟؟
    ساره اتحاول تظبط نفسها:كيف غريبه؟؟
    سلمان لفها له باس جبهتها:لا اتخلي اي شي يأثر فيش .. بحاول ماأتأخر .. تركها راح.
    ساره(ياربي ويش اسوي؟؟؟؟؟؟(
    بدت ادموعها تطيح وهي اتغسل الصحون كانت ادموعها حاره رغم سكوتها.
    لما خلصت راحت غرفتها و كالعاده مسكت دبدوبها صاحت....
    بعد ربع ساعه رن تلفون الي في غرفتها .. مسحت ادموعها ردت.
    ساره:الووه.
    حوراء:هلا.
    ساره:اهلين.
    حوراء:ويش حالش؟؟
    ساره:زينه.
    حوراء:شوفي أني و أملوه بنجي لش الحين.
    ساره:حياكم في أي وقت.
    حوراء:انزين روحي اجهزي.
    ساره:أوكى.
    حوراء:باي.
    ساره:باي.
    راحت اتشوف المكان و اترتبه بعدين اتسبحت و جهزت....
    بعد ساعه جوا لها.......
    حوراء:ساره بندخل في الموضوع على طول.
    ساره:اتفضلوا.
    أمل:ساره ويش فيش؟؟
    حوراء:عمري ماشفتش جذي ذبلانه مره و كل ساهيه و ماتتكلمي واجد غير مو ساره الي نعرفها.
    أمل:أني اتوقعت اذا اتعافى جواد بترجعي مثل ماكنتي بس اشوف أنش صرتي أعظم من قبل.
    ساره:خلاص برجع مثل قبل.
    حوراء:لا ولله سكتينا بكلمتين .. قولي ويش الي امخليش جذي؟؟ شوفي شكلش كيف صار.
    ساره دارت وجهها لجه ثانيه:مافي شي.
    حوراء:ساره مو معقول مافيش شي.
    ساره صرخت:مافي شي مافي شي تركوني بحالي .. صاحت.
    حوراء كانت الأقرب لها فحضنتها:ساره خلاص اذا هالشي يضايقش خلاص مانبغى نعرف شي.
    أمل:ولله لأن أحنا خايفين عليش نبغى نعرف ويش فيش.
    ساره: اتصيح ماجاوبت عليهم.
    حوراء:خلاص ساره تكفي لا تصيحي ولله ادموعش غاليه علينا.
    ساره بدموعها:تكفوا لا تفتحوا معاي هالموضوع.
    أمل:خلاص مابنفتحه بس انتي لا تصيحي.
    حوراء:ساره خلاص.
    ساره:كح كــح .. وقفت.
    أمل:ويش فيش؟؟ وين رايحه؟؟
    ساره:هاه مافي شي .. بغسل وجهي .. راحت.
    بعد ربع ساعه...
    أمل:حوروه سارو اتأخرت واجد ماصارت غسال وجه.
    حوراء:اي ولله مصختها.
    أمل:اتخيلي صار لها شي.
    حوراء:لا تفاولي عليها.
    أمل:ناديها.
    حوراء:حلفي مثلآ سلمان أهني فشله.
    أمل:أيه خلاص لا تناديها.
    حوراء:ههههههههه.
    أمل:لا صحيح ساروه اتأخرت.
    حوراء:ياربي وين راحت؟؟ .. لبست عباتها.
    أمل:وين رايحه؟؟
    حوراء:باروح أشوفها.
    الا بدخلة ساره.........
    أمل:وين كنتي؟؟ خوفتينا.
    حوراء:ماصارت غسال وجه.
    ساره:هههه كنت أسوي عصير .. حوروه ليش لا بسه عباتش؟؟
    حوراء:ههههه كنت بروح لش.
    ساره:أهااا.
    أمل:صحيح الساعه كم بتروحي لفاطمه بكره؟؟
    ساره:ماأدري سبع ثمان في هالوقت.
    قعدوا يسولفوا .. رن جوال ساره راحت بعيد...
    ساره:هلا.
    سلمان:أهلين .. تعالي معاش أحد؟؟
    ساره:أيه.
    سلمان:خلاص باي.
    ساره:باي..
    رجعت لهم .. شافتهم لبسوا عبيهم...
    ساره:وين رايحين؟؟
    حوراء:خلاص بنروح.
    ساره:ليش؟؟
    أمل:ورانا أشغال.
    ساره:أشغال؟!
    أمل:ههههه حسينوه أخوي مريض و أمي بتطلع.
    ساره:أهااا.
    سلموا عليها طلعوا .. بس ماانتبهوا على سلمان الي كان قاعد في الحديقه و كان فرحان لأنه شاف أمل من زمان ماشافها.
    دخل البيت راح الصاله قعد على الكنبه.....
    جت ساره:اوه أنت أهني؟؟
    سلمان:توني جاي.
    ساره:أهااا.
    سلمان:مابتسأليني عن حال أحد؟؟
    ساره: ساكته
    سلمان: على كيفش .. راح.
    ساره(اف لو فيك خير كان تقولي قبل ماأسألك)
    ــــــــــــــــــــــــــــــــــــــــ
    #بيت أبو جواد#
    *غرفة شيماء*
    دانه:افف مي حاله هذي.
    شيماء:صدقتي كل مانروح له اتحسيه يبغى يسألنا.
    دانه:و المصيبه هي حتى ماسألتنا عن حاله .. ويلي على أخوي العاشق الولهان.
    شيماء:لا صحيح ويش فيها ساره مو معقول بعد الي سوته عشان جواد حتى ما سألت عنه.
    دانه:تتوقعي عشان الصوره.
    شيماء:مستحيل أتكون سخيفه لحدها تدري أن جواد يحبها كفايه أنه ضحى بحايته عشانها حتى لو بتزعل ما توصل لدرجة أنها ماتسأل معقوله مايجيها فضول تعرف حاله معقوله مااشتاقت له .. شكلي بسألها ليش؟؟
    دانه:حلفي!! ويش بتقولي؟؟ (ولله ساره ماسألتي عن أخوي ليش؟؟(>> بطريقه تضحك.
    شيماء:مو هذا قصدي بعدين أني و ساره عادي .. يعني بسألها مو عشان أنه أخوي عشان أني أبغى أعرف ويش فيها؟؟
    دانه:كيفش نعرف نتصرف مع جواد نظراته كلها تسأل عنها.
    شيماء:ماادري .. خلاص بسألها بكره في بيت فاطمه اذا مدانا.
    دانه:مااتوقع يمديي كلميها بالتلفون.
    شيماء:ماأبغى جذي مابشوف ردة فعلها.
    دانه:ماأتوقع اتقول لش.
    شيماء:مالت عليش.
    دانه:أغصان الجنه انشاءالله .. طلعت من الغرفه.
    ــــــــــــــــــــــــــــــــــــــــ
    #بيت راشد#
    أجتمعوا البنات كلهم........
    شيماء:أبغى أشوف البوم الصور.
    فاطمه:لحظه باروح أجيبه.
    حوراء:جيبي كاس فيه ثلج معاش.
    فاطمه:حلفي فاضيه لش روحي جيبي لنفسش البيت بيتش.
    حوراء:اففف اعتبريني ضيفه.
    فاطمه راحت اتجيب البوم صور العرس .. حوراء راحت تاخذ كاس و اتحط فيه ثلج.
    دانه:افففففف.
    شيماء أمل:ويش فيش؟؟
    دانه:ضايق خلقي ماباقي شي عن المدرسه.
    أمل:اففف لا اتلوعي جبدي بروحي خايفه في الجامعه ماأعرف أحد.
    شيماء:وحدكم لا بروحكم خلصت أجازتكم.
    دانه أمل:افففففففففف.
    جت حوراء........
    حوراء:ويش فيكم؟؟
    شيماء:خلصت اجازتهم.
    حوراء:ايه صحيح بتبدى الدوامات .. أشوه الحمدلله افتكيت من الدراسه.
    أمل:ساره ويش فيش ساكته؟؟
    شيماء:بل أني نسيت أنها قاعده معانا.
    ساره:عادي أسمعكم.
    جت فاطمه.........
    فاطمه:منهي تبغى تشوفه أول؟؟
    شيماء:أني طبعآ لأن أني الا قلت لش .. أخذت الألبوم.
    دانه صارت جنب شيماء من اليسار و أمل من اليمين يعني شيماء وسطهم يطالعوا الصور.
    فاطمه:ساره مابتشوفيه؟؟
    ساره:بنتظرهم يخلصوا منه.
    فاطمه:أهااا.
    حوراء قعدت جنب ساره:أحم على شو اتفقنا أمس؟؟
    ساره ابتسمت:بصير طبيعيه خلاص.
    حوراء:ايه زين.
    ساره:فاطمه نبغى انشاهد شريط العرس.
    فاطمه:الحين بحطه بس انتظر يخلصوا من الصور.
    شيماء:فطيموه هذي الصوره مره احليوه.
    فاطمه راحت لها:باشوف اي هي؟؟
    شيماء:هذي.
    فاطمه:لأن هالحركه أني طلبتها.
    شيماء حطت الصوره الي بعدها و كانت لفاطمه مع قيس....
    دانه(افف أبغى أشوفه بروحي جذي ماأشوف عدل .. ويلي عليه يهبل):خلاص بشوفه اذا خلصتوا ماأشوف شي جذي.
    شيماء:بكيفش.
    لما خلصوا أخذت الألبوم ساره بعدين دانه.
    فاطمه حطت شريط العرس......
    حوراء:ساروه ساروه شوفي الحين بتطلع لش لقطه اتفجرت من الضحك لما شفتها.
    ساره:ماتستحي و اتقولي بعد.
    حوراء:يووء عشان تبري ذمتي.
    طلعت اللقطه و الكل ضحك حتى ساره.
    [ساره كانت ترقص بس الصندل الي لابسته عورها ففسختها و رقصت و المضحك في الي صار أن الصندل شبك في الذيل حق ثوب ساره من دون ماتنتبه و طول ماكانت ترقص ماانتبهت له]
    ــــــــــــــــــــــــــــــــــــــــ

  5. #70
    ... عضو مـاسي ...


    تاريخ التسجيل
    Feb 2006
    المشاركات
    1,608
    معدل تقييم المستوى
    2

    افتراضي

    سلاااااااامتج

    ماعليج امر ابي بعد جزء :$

صفحة 14 من 19 الأولىالأولى ... 41213141516 ... الأخيرةالأخيرة

المواضيع المتشابهه

  1. هل تظنون إن الحجاب خاص للمرأه فقط..أدخل وشاهد صور الحجاب
    بواسطة بنت الشريف في المنتدى الارشيف
    مشاركات: 12
    آخر مشاركة: 09-02-2008, 09:15 AM
  2. مشاركات: 2
    آخر مشاركة: 06-04-2007, 03:08 PM
  3. مشاركات: 9
    آخر مشاركة: 12-12-2006, 01:25 AM
  4. سعودية تتعرض للضرب لرفضها خلع الحجاب
    بواسطة الطيار في المنتدى قصائد وخواطر
    مشاركات: 3
    آخر مشاركة: 16-05-2006, 03:15 PM
  5. عجوز سعودية تفارق الحياة بعد استلامها جائزة "حفظ القرآن"
    بواسطة اميرة العناد في المنتدى الارشيف
    مشاركات: 10
    آخر مشاركة: 19-12-2005, 11:12 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52